موسوعة النكت

[ابو جيداء]

طيار معاه مجموعة مجانين رايح يوديهم يتعالجو فى الخارج لقاهم عاملين دوشه فقال للمساعد بتاعه روح سكتهم بعد شويه مسمعلهمش صوت فقال للمساعد عملت فيهم ايه قاله فتحتلهم الباب قلتلهم العبوا بره :)

[ELSHAMY]

واحد غلس اتحكم عليه بالاعدام هو و صاحبه....عشماوى بيسال صاحبه : نفسك فى ايه قبل ما تموت..قال: نفسى أشوف أمى....وبعدين سأل الغلس: و انت نفسك فى ايه ؟ قال له: نفسى الواد ده ما يشوفش أمه

[النجم الثاقب]

النجم الثاقب نشاطة قل

انا هنا اهه بس كان عندى نقص فى النكت و كنت بتعالج :sad:

واحد اشترى بي إم دبليو بمواصفات خاصة، فيها الكمبيوتر يصلح كل شيء من غير ما يروح التوكيل! حب يجربها فكسر الباب اللي عاليمين، فرد الكمبيوتر: يا أيها الباب ارجع كما كنت، فرجع الباب ، و كسر الباب اللي عاليسار فرد الكمبيوتر يا أيها الباب ارجع كما كنت!

عجبته الحكاية قام جربها وطار من فوق الجسر!! فرد الكمبيوتر: يا أيتها النفس المطمئنة ارجعي إلى ربك راضية مرضية!

[mamdowh]

واحده متجوزه حديثا وجوزها وهو نازال الصبح قالها انا عايز أرجع البيت يكون فى رومانسية فى البيت , جوزها نزل من البيت من هنا وراحت متصلة بأمها الحقيني يا ماما جوزي عايز رومانسيه لما يرجع وانا مش عارفه أعمل إيه قالت لها والله يابنتى وانا كمان مش عارفه عموما مبدئيا انقعى الرز

[النجم الثاقب]

بيان هااااااااام لاعضاء موسوعة النكت ..

والاعضاء حسب عدد المشاركات الاكبر

والان بعد ان اصبحنا نمتلك اكبر موسوعة نكت فى العالم المحاوراتى والمتتديات المجاورة اود ان انبهكم بان المسئولية

اصبحت صعبة ولازم نشد حيلنا شوية عشان نحصد ما بدرناه .

اخوانى يسعدنى اليوم ان القي عليكم بيان بتوزيع المهام بين الاعضاء حتى تكون الموسوعة منظمة وتدار على اسس علمية

صحيحة وكل منا يعرف مسئوليته نحو الموسوعه .

اليكم الهيكل التنظيمى للموسوعة

النجم الثاقف ....... مسئول حفظ حقوق النكت

يعنى أعمل ايه :sad: .... انا مبحبش النكت المحفوظه عشان المواد اللى بتضاف عليها wst::

[badroora]

الاخ ممدوج اهلا بك فى الموسوعة عضو جديد :sad:

حلوة النكتة يسلموا wst::

فى انتظار باقي مشاركاتك

ابو جيداء منور وحلوة اوى طلبية النهاردة

دكتور شامي شد حيلك نكته واحدة لا تكفي wst::

النجم الثاقب

ابعتلى تقرير بحالة النقص اللى عندك عشان نحولك كوميسون طبي bv:-

[ELSHAMY]

واحد بيوصل خطيبته لبيت اهلها

المهم اول ما وصلو راح عمك ده راكن على الحيطة ادام باب العمارة وقالها:

- عايز بوسة كبييييييييييييييرة وانا امشى..

البنت قالتله: لا عيب بابا يزعل.

خطيبها قالها: ليه هو ابوكى شايفنا دلوقتى ؟

قالتله بدلع: لا .. بس فى جيران ممكن يشوفونا ويقولو لبابا.

قالها: منا مش ماشى الا لما اخد البوسة بتاعتى.

المهم فضلو على كده كتير .. هو ساند على الحيطة مش عايز يعديها .. وهى تقلانة عليه مش عايزة تديله البوسة

شوية كده وبنت صغيرة نزلت من العمارة .. طلعت الأخت الصغيرة لخطيبة الواد

فتحت باب العمارة وقالت للولد:

- ازيك يا عمو ... بابا بيسلم عليك وبيقولك لو هى مش راضية تبوسك انا ابوسك

لو مش عاجبك انا ممكن اختى التانية تبوسك

لو مش عاجبك اختى التانية ممكن ماما تبوسك

ولو مش عجباك ماما ممكن بابا نفسه يبوسك

بس علشان خاطرى اوعى كتفك من على جهاز الانتركم علشان العمارة كلها سمعتك

[النجم الثاقب]

واحد مسطول بيسأل مراته هو لما بنفتح باب الحمام النور بينور قالت له لا قالها يبقى أنا عملتها فى الثلاجة

التقرير بيقول انى عندى انسداد فى القناه النكتيه و تضخم فى الغده النكديه والتهاب فى الاحبال التهريجيه :sad:

شفيلى حل الله يكرمك يا اخت بدريه

[مهيب]

وجون وجون وجون .. تحية يا شامى .. يخرب بيت شيطانك .

[badroora]

وجون وجون وجون .. تحية يا شامى .. يخرب بيت شيطانك .

انا شوفت اسم مهيب دخلت جرى قولت غير اللهم ماجعلة خير

لاقيت نكتة الشامي قولت استر يا اللى بتستر

شوفت عليق مهيب قولت اهو دا الكلام ......

النجم الثاقب انت متحول كمسيون دورك فى الطابور بعد 3 سنين الساعة 2 الظهر الدور الاول مستشفي ام المصريين :sad:

[~Heba~]

انا بقدم استقالتى من الموسوعة مينفعش كده بوسات ايه و كلام ايه يا استاذ شامى

ده تحريض على الفسق :sad:

[badroora]

انا بقدم استقالتى من الموسوعة مينفعش كده بوسات ايه و كلام ايه يا استاذ شامى

ده تحريض على الفسق wst::

استقالة مرفوضة يا انسة :sad:

الشرط الجزائي بيقول ممنوع الاستقالة .

[mamdowh]

واحد مسطول بيبص فى المراية شاف حسنه فوق عينه , اتخض وقال يا ترى دي عين والا غين

[~Heba~]

نجفة و تاريخها الأسود

wst:: :lol: :blink:

:lol:

متضربيش..الأبيض الأبيض

[badroora]

والله يا هبة انتى فظيعة :lol:

بعتلك رسالة ع الخاص شكلها موصلتش وانا عماله اقول هبة حلقتلى

[النجم الثاقب]

النجم الثاقب انت متحول كمسيون دورك فى الطابور بعد 3 سنين الساعة 2 الظهر الدور الاول مستشفي ام المصريين

:lol: :lol: wst::

[النجم الثاقب]

واحد بلدياتنا في جيبه نص جنيه..

قال:

قدامي حل من اتنين يا أشرب بيه عصير قصب

يا إما أركب بيه الأوتوبيس

لو شربت عصير قصب مفيش مشكلة لكن لو ركبت الأوتوبيس في حاجة من اتنين

يا أقعد يا أقف

لو وقفت مفيش مشكلة لكن لو قعدت حاجة من الاتنين:

يا أقعد جنب راجل يا أقعد جنب ست

لو قعدت جنب راجل مفيش مشكلة لكن لو قعدت جنب ست يبقى حاجة من الاتنين:

يا هنعجب ببعض يا مش هنعجب ببعض

لو ما عجبناش ببعض مفيش مشكلة لكن لو أعجبنا ببعض يبقى حل من انتين:

يا نتجوز يا منتجوزش

لو ما اتجوزناش مفيش مشكلة، لكن لو اتجوزنا يبقى حاجة من الاتنين:

يا نخلف يا منخلفش

لو مخلفناش مفيش مشكلة لكن لو خلفنا يبقى حاجة من الاتنين:

يا ولد يا بنت

لو بنت يبقى مفيش مشكلة لكن لو ولد يبقى حاجة من الاتنين:

يا ينحرف يا ماينحرفش

لو ما نحرفش مفيش مشكلة لكن لو انحرف يبقى حاجة من الاتنين:

يا هيدمن يا ما ميدمنش

لو ما أدمنش يبقى مفيش مشكلة لكن لو أدمن يبقى حاجة من الاتنين:

يا هيكون معاه فلوس أو يكون معهوش

لو معاه يبقى مفيش مشكلة لكن لو معهوش يبقى حاجة من الاتنين:

يا هيسرقني يا هيقتلني

لو سرقني يبقا مفيش مشكلة لكن لو قتلني يبقى

.

.

.

.

.

.

.

.

.

.

.

يقتلني؟!!!!!!!!

لا يا عم أنا هشرب عصير قصب أحسن

[galaxy]

صاحب محل بلاي استيشن مات ..كتبوا علي قبره...جيم اوفر.

[~Heba~]

واحد بلدياتنا في جيبه نص جنيه..

قال:

قدامي حل من اتنين يا أشرب بيه عصير قصب

يا إما أركب بيه الأوتوبيس

لو شربت عصير قصب مفيش مشكلة لكن لو ركبت الأوتوبيس في حاجة من اتنين

يا أقعد يا أقف

لو وقفت مفيش مشكلة لكن لو قعدت حاجة من الاتنين:

يا أقعد جنب راجل يا أقعد جنب ست

لو قعدت جنب راجل مفيش مشكلة لكن لو قعدت جنب ست يبقى حاجة من الاتنين:

يا هنعجب ببعض يا مش هنعجب ببعض

لو ما عجبناش ببعض مفيش مشكلة لكن لو أعجبنا ببعض يبقى حل من انتين:

يا نتجوز يا منتجوزش

لو ما اتجوزناش مفيش مشكلة، لكن لو اتجوزنا يبقى حاجة من الاتنين:

يا نخلف يا منخلفش

لو مخلفناش مفيش مشكلة لكن لو خلفنا يبقى حاجة من الاتنين:

يا ولد يا بنت

لو بنت يبقى مفيش مشكلة لكن لو ولد يبقى حاجة من الاتنين:

يا ينحرف يا ماينحرفش

لو ما نحرفش مفيش مشكلة لكن لو انحرف يبقى حاجة من الاتنين:

يا هيدمن يا ما ميدمنش

لو ما أدمنش يبقى مفيش مشكلة لكن لو أدمن يبقى حاجة من الاتنين:

يا هيكون معاه فلوس أو يكون معهوش

لو معاه يبقى مفيش مشكلة لكن لو معهوش يبقى حاجة من الاتنين:

يا هيسرقني يا هيقتلني

لو سرقني يبقا مفيش مشكلة لكن لو قتلني يبقى

.

.

.

.

.

.

.

.

.

.

.

يقتلني؟!!!!!!!!

لا يا عم أنا هشرب عصير قصب أحسن

:lol: :lol:

والله انت حاجة من اتنين

يا اما انت مشكلة...يا اما انت مشكلة

[galaxy]

ولد صغير بيكلم واحد...قاله عمو عمو ..ممكن تشيلني ارن الجرس ..........الرجل شاله و والولد رن الجرس.......قاله ...عموعمو ممكن نجري بقي قبل ما يفتحوا.

واحد راح للدكتور قاله يا دكتور انا كل يوم اشوف ماتشات بين كتاكيت...........الدكتور قاله ابدأ الدوا دا النهارده ومش هتشوف اي حاجه من دي تاني .....رد المريض وقال .....طب ممكن ابدا من بكرة عشان النهارده ماتش النهائي؟