موسوعة النكت

[ابو جيداء]

مذيعة قابلت واحد صعيدى . قالت لة احنا برنامج المسابقة الكبرى ممكن تشترك معانا ؟ قالها ممكن .. قالت لة اسمك أية ؟؟ فكر شوية وقالها مافيش أختيارات :) :lol:

[ابو جيداء]

أربع صعايده لعبوا استغماية من 5 سنين أمس لقوا واحد منهم :)

[ابو جيداء]

صاحب مزرعة فراخ محمل السيارة فراخ و رايح السوق . وقفته لجنة تفتيش

وسألوة "محمل إيه؟" قال لهم فراخ، قالوله "بتأكلها إيه؟" قال لهم "بأكلها قمح" قالوله غرامة 100 جنيه "بتأكل الفرخ قمح والبلد فى ازمة الخبز ؟؟ ".دفع الغرامة ومشى

قابلتة لجنة أخرى سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها زبالة" قالوله غرامة 100 جنيه "بتأكل الفراخ زبالة عشان تسمم الناس؟". دفع الغرامة ومشى

قابلتة لجنة ثالثة الظابط سأله "محمل إيه؟" قال له فراخ، قال له "بتأكلها إيه؟" قال له "و الله يا باشا، أنا بادي لكل فرخة مصروف وهي تجيب الأكل اللي هي عايزاه :)

[ابو جيداء]

واحدة بتنادي من بلكونة بيتها على جارتها :

الحقيني يا ام فتحي بعت جوزي يجيب ملوخيه فخبطته عربيه مات ..

قالت لها جارتها :

وحتعملي إيــــه ؟

قلت لها :

حعمل باميه وأمري للــه :)

[galaxy]

واحد مسطول بيقول لصاحبه.........دوله اوربيه لو حطيتلها نقطه تبقي اسم عالم ذرة؟

صاحبه قاله ..غلب حماري........

رد المسطول الاول .........الدوله هي قطر.............تحطلها نقطه تبقي قطز

رد المسطول التاني....وهو قطز عالم ذرة ؟

المسطول الاول.............يعني هي قطر اللي دوله اوربيه

[galaxy]

كان في سرير المرض حين اوصي كبير وزراءه............البلد امانه في ايدك من بعدي ....رد عليه في رقبتي يا ريس وكله تمام.......... والسلطه هيمسكها جمال....راح بعدها في غيبوبه وفاق بعد شويه وقال.........اهم حاجه عندي الشعب..............رد رئيس وزراءه ........حاضر يا ريس........ الشعب في عنيا ان شاء الله ياكل الزلط...............قاله اه بس ما تنساش.........توكيل الزلط لعلاء.

[zizetta]

النكتة المرة دي مسموعة .. هي مش نكتة أوي لكن دعابة .. هي مش دعابة أوي .. لكن أنا شخصيا ًوقعت من الضحك علي الكلام اللي سمعته .. ياللا نسمع ...

حالة حب

تحياتي

زيزيتا

[shawshank]

النكتة المرة دي مسموعة .. هي مش نكتة أوي لكن دعابة .. هي مش دعابة أوي .. لكن أنا شخصيا ًوقعت من الضحك علي الكلام اللي سمعته .. ياللا نسمع ...

حالة حب

رهيبة وجميلة جدًا wst::

بس take care دي عادي هنا وبتتقال ذي : "مع السلامة" كده .

فيه كمان : "على رنات بقى ... ها"

[مصري جدا]

استيقظت الزوجة أثناء الليل ولم تجد زوجها بجانبها في الفراش

نزلت إلى الدور الأسفل ووجدت زوجها يجلس في المطبخ واضعاً كوباً من القهوة أمامه مستغرقاً في تفكير عميق

لاحظت الزوجة نزول بعض الدموع من عين الزوج

سألته الزوجة: إيه الموضوع؟ قاعد لوحدك ليه فى نص الليل؟

رد الزوج: فاكرة لما إتواعدنا من 20 سنة؟

أجابت: أيوه فاكرة.! ء

قال: فاكرة لما شافنا والدك و إ حنا في ا لعربية؟

أجابت: أيوه فاكرة. .! ! ء

قال: فاكرة لما وجه لىّ والدك مسدسه وقا للى تتجوز ها ولا أسجنك 20 سنة؟

أجابت: أيوه فاكرة. ..!!!

نزلت دمعه من عين الزوج وقال: لو كنت دخلت السجن كنت خر جت النهارده !!!! ء

[shawshank]

اندلعت النار في بيت مواطن .

فهرب بسرعة.. وشاهد الناس قد التموا ، ثم تذكر أن عائلته في الداخل، فدخل مغامراً بنفسه وخرج حاملا ابنه.

ثم دخل ثانية وخرج حاملا ابنته .

ثم دخل ثالثة وخرج حاملا زوجته وسط تصفيق الواقفين .

ثم دخل رابعة وخرج وليس معه شيئ .

وتنفس الصعداء وعاد خامسة وخرج من النار وليس معه شيئ ..

وهكذا دواليك.

فسأله الناس وقد شكوا انه اصيب بنوع من الجنون: انت ايه حكايتك يا راجل انت ، داخل طالع وممعاكشي حاجة ؟

أجابهم وهو يلهث: حماتي جو ا.. وعمّال بقلبها ..!

تم تعديل 25 أبريل 2008 بواسطة shawshank

[~Heba~]

اندلعت النار في بيت مواطن .

فهرب بسرعة.. وشاهد الناس قد التموا ، ثم تذكر أن عائلته في الداخل، فدخل مغامراً بنفسه وخرج حاملا ابنه.

ثم دخل ثانية وخرج حاملا ابنته .

ثم دخل ثالثة وخرج حاملا زوجته وسط تصفيق الواقفين .

ثم دخل رابعة وخرج وليس معه شيئ .

وتنفس الصعداء وعاد خامسة وخرج من النار وليس معه شيئ ..

وهكذا دواليك.

فسأله الناس وقد شكوا انه اصيب بنوع من الجنون: انت ايه حكايتك يا راجل انت ، داخل طالع وممعاكشي حاجة ؟

أجابهم وهو يلهث: حماتي جو ا.. وعمّال بقلبها ..!

:closedeyes: :closedeyes: :blink: :) clp::

جامدة و الله يا شاوشانك

قال حماتى و بقلبها قال..........

الحموات الفــاتنــــــــــــات :lol:

[النجم الثاقب]

واحد بخيل عنده اربع حيطان دهن واحده منهم باللون الاصفر والباقى كتب عليهم نفس اللون

[ابو جيداء]

واحد قاعد مع خطيبتة على البحر وساكت .. خطيبتة قالتلة انت لية مبتقوليش كلام حب ؟ قالها ازاى بقى شايفة القمر ؟ قالت شايفاة ياحبيبى . قالها ريحة باطك واصلة لهناك ياحياتى :unsure:

[النجم الثاقب]

مره واحد ماكنش لاقى نكته يكتبها قعد يضحك على نفسه

[badroora]

مره واحد ماكنش لاقى نكته يكتبها قعد يضحك على نفسه

حلوة .........

والله احنا كتير كدا نقعد نتريق على بعض ونختلق مواقف ونضحك على نفسنا

[النجم الثاقب]

واحد غبي عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمسميه... أخونا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...كبس عليه النوم … قـام جري غـسـل وشه ورجــع للـسـريـر يـكـمـل الـعـد

[النجم الثاقب]

بعد أن أصبح الرئيس الأمريكي بوش نجماً في مجال مكافحة الإرهاب طلب أن يُصمم له طابع بريدي يحمل صورته . . لتسجيل إنتصاراته أثناء فترة ولايته ..!

أكد على مستشاريه ضرورة أن يواكب الطابع البريدي المواصفات العالمية في الجودة .

تم تصميم وطباعة الطابع وتوزيعه على مكاتب الخدمات البريدية في الولايات المتحدة . . فعادت الأخبار بعد أيام أن الطابع لا يلتصق ..!!!

أتصل بوش بمستشاريه وطلب منهم التحقيق في الأمر . . بعد إنزعاج الكثيرين من عدم إلتصاق الطابع .

وعادت التقارير من مكاتب البريد كالتالي " الطابع يحمل أعلى جودة ممكنة في الإلتصاق . . ولكن الناس تبصق على الجهة الخطأ " :closedeyes:

[النيل حبيبي]

بلدياتتنا ركب الطياره اول مره

المضيفه بتسئلوا عاوز غدا كامل

قالها معقوله هو كامل مش حيتغدى ولا ايه

هاهاهاها

زميلنا دكتور عربيته عطلت

ركب ابنه ليموزين عشان المدرسه

ووصي السواق بيتكلمش معاه

بعد خمس دقائق السواق زهق

قال له ياحبيبي عاوز تطلع ايه

رد الولد مش ابويا دكتور وامى دكتوره حطلع دكتور

ولو كانوا محامين كنت حطلع محامي

السواق قل له طب لو بابا طبال وماما رقاصه

بسرعه قال له حطلع سواق تاكسي

[النجم الثاقب]

شوية نكت كده خدتهم شروه على بعضهم ... بس بدون زعل :sad:

واحد زملكاوى طلع له عفريت فى الفانوس السحرى وقال له شبيك لبيك عبدك بين ايديك قال انا عايز اشوف المرحوم ابويا ...العفريت قاله ده طلب صعب جدا اطلب حاجه تانيه قال له عايزين نفوز على الاهلى..... العفريت قاله انت ابوك مات سنة كام ؟؟؟

واحد زملكاوى ليلة زفافه فى غرفة النوم

العروسة للعريس : قبل ماتلمسنى انت مش الراجل الاول فى حياتى

العريس الزملكاوى رفع ايديه للسما وقال

هو يارب المركز التانى ده ورايا ورايا

مره واحد زملكاوى راح إشترى بطيخه .. فطلعت حمرا.. راح مرجعها

مره واحد زملكاوى بيوقف تاكسى بيقوله 6 اكتوبر فقاله لا ستة واحد

مره واحد زملكاوى اشترى ساعه كل ماتيجى الساعه 6 تقول له بيبو بيبو بيبو

مره واحد زملكاوى حب يتجوز واحده اهلاويه جابوا المأذون من ايطاليا

واحد زملكاوى متعصب خطب واحدة بيسالها عن عيد ميلادها قالت له 6\1 فسخ الخطوبة

اهلاوى اتجوز زملكاوية ستتها ............ ..

مره واحد زملكاوي شاور لتاكسي قاله رايح ابوالعلا السائق قاله لا : رايح ابو تريكه

واحد زملكاوى بيوقف تاكسى فسواق التاكسى بيقوله رايح فين

قالو الزملكاوى ابو العلا سواق التاكسى قاله لا ابوتريكة...

مرة واحد اهلاوى....وواحد زملكاوى...كانوا الاتنين جيران ...سكنين فى بيت واحد....

الاهلاوى ساكن فى الدور الارضى....والزملكاوى فى الدور التانى............

فكل اما الزملكاوى ييجى طالع...الاهلاوى يقول مين اللى طالع......

الزملكاوى يقول انا الزملكاوى......يقوله الاهلاوى غلبناكم ستة واحد 6/1

الزملكاوى ييجى نازل.......يقول الاهلاوى مين اللى نازل......

الزملكاوى يقول انا الزملكاوى.....يقوله الاهلاوى غلبناكم ستة واحد6/1

مرة فى مرة فى مرة زهق الزملكاوى و قال كده مش هينفع لازم اشوف حل.........

راح لاتحاد الكورة............ .وحكلهم على الموضوع...المهم عملوا اجتماع.....

واتفقوا .....ان الزملكاوى يسكن ارضى...والاهلاوى يسكن دور تانى.....فأتفقوا ووافقوا.....

وفى يوم الاهلاوى طالع.........قال الزملكاوى مين اللى طالع...

رد الاهلاوىوقال مين اللى بيتكلم........قاله انا الزملكاوى......

قالهه برده غلبناكم ستة واحد............ ......... ..

مره بيسألو سوق التاكسى ايه الفرق بين التاكسى والزمالك قال السواق التاكسى غلبان بيشل 4ركاب اما الزمالك بيشيل 6

إية الفرق بين برت بلس والزمالك؟؟؟؟؟؟

برت بلس 3*1 لكن الزمالك 3 في عبدالواحد

اهلاوى دخل على زمالكاوى المستشفى لقى انه تعبان خالص قاله معلش ياصحبى سته وتزول

مرة واحد قابل واحد قالة كام بيروح فين .... قالة 6 بيروح ميت عقبة

مرة واحد زملكاوى سمع النكت اللى فوق جاتله ستة(سكته)قلبية

:rolleyes: :blush2:

[مصطفى عبد الوهاب]

عملوا مسابقة للي يطلع أغبى من الصعايدة

ناس بنوا كوبري في الصحراء تاني يوم لقوا اتنين صعايده بيصطادوا من فوقيه

________________________

عملوا مسابقة بين الأمريكاني و الانجليزي و الصعيدي للي يقعد أطول مدة في حجرة مغلقة من غير أكل و جابوا لكل واحد تليفون علشان لما يجوع يتصل بيهم يقول لهم أنه عاوز يأكل

أول يوم اتصل الأمريكاني

ثاني يوم اتصل الانجليزي

و قعدوا حوالي شهر مستنيين يسمعوا حاجة عن الصعيدي و لا حس و لا خبر و لما قلقوا عليه نزلوا يشوفوه

لاقوه قالع "البلغة" وقاعد يضرب في التليفون و يقوله "جولهم أني عاوز أكل " " جولهم أني عاوز أكل"

_________________________

فكهاني و نجار ساكنين قصاد بعض الفكهاني كل يوم يدلع مراته و يقول لها يا موزة يا تفاحة و النجار مش معبر مراته

مرات النجار قعدت تزن على جوزها في يوم لازم تدلعني زي الفكهاني ما بيدلع مراته قال لها لما أرجع من الشغل

أول ما رجع من الشغل قالت له يلا دلعني قام قايل لها

يا مسمار قلبي

يا شكوش حياتي

يا بنت سنيه القرعة

_________________________

واحد صيني وقع اتكسر

__________________________

واحد سوداني وقع اتقشر

____________________________

عملوا مسابقة بين الأمريكاني و الانجليزي و الصعيدي للي يطلع 1000 درجة سلم من غير ما يقف

الأمريكاني طلع 200 و تعب

الانجليزي طلع 300 و تعب

الصعيدي وصل للدرجة 999 و وقف

لما نزل بيسألوه انت رجعت ليه ؟

قال لهم البلغة وقعت رجعت أجيبها

_____________________________

جماعة صعايدة راكبين طيارة

طلبت معاهم يشربوا معسل

قالوا ننزل واحد يشتري معسل

فواحد فتح الباب ونزل قامت الجلابية اتنفخت و قعد يتطوح في الهوا يمين و شمال

قام واحد تاني من اللي في الطيارة لامم الباقي و قالهم شوفوا ابن الكلب نازل بيترجض ازاي

________________________________

اتنين صعايدة بيلعبوا بس بالفأس

__________________________________

اتنين صعايدة بيلعبوا ملك و لا كتابة بغطى البلاعة

____________________________________

واحد صعيدي أول مرة ينزل مصر

داخل حمام عمومي شاف مساحة قال "يابوي دي كلها ماكتة حلاجة"

___________________________________

واحد صعيدي أول مرة يشوف الأهرامات قال "يابوي دي كلها حتت جبنة نستون"

_____________________________________

واحد صعيدي اتهموه بالذكاء طلع براءة

______________________________________

عملوا مسابقة بين الأمريكاني و الانجليزي و الصعيدي إنهم يعدوا البحر ويطلعوا الجبل و يقتلوا الغوريلا و يتجوزوا الأميرة

الأمريكاني غرق فى البحر

الانجليزي عدا البحر لكن وقع من فوق الجبل

أما الصعيدي عدا البحر وطلع الجبل وقتل الأميرة و أتجوز الغوريلا

و كفايه كده و ربنا يستر و ماحدش يزعل