موسوعة النكت

[ELSHAMY]

واحد بيطلع فى الروح ومراته قاعدة جنبه

قال لها: تعرفى يا عيشة افتكرت حاجات غريبة

عيشة: خير يا فوزى

فوزى: طول عمرك جنبى و ما تخلتيش عنى...فاكرة لما ما كنتش لاقى شغل...كنتى جنبى....ولما كنت مديون لشوشتى...كنتى جنبى...ولما اترفدت من الشغل...برضه كنتى جنبى...وانا دلوقت بأموت و انتى لسه جنبى....

انتى باين عليكى ولية نحس

[ELSHAMY]

و ده موقف حصل بجد و الله:

كانت بنتى ندى لسه صغيرة وبنعلمها ازاى تروح الحمام لوحدها توظئة للاستغناء عن البامبرز..... وكانت الجملة الخالدة لما نشوفها ناوية.....(روحى اعملى بيبييييييي فى الحمام).... وفى يوم من الأيام كنا واقفين نصلى جماعة أنا والاولاد وأمهم....وكانت ندى بتحوم حوالينا وتكرر اى حاجة انا باقولها فاذا قلت (الحمد لله رب العامين) تقول هى بكلمات غير مفهومة (حمد لله نانيييييين)....(الرحمن الرحيم).... تقول(حما حييييييم).....ولما قلت (مالك يوم الدين)....والظاهر كانت صعبة عليها فكان ان فكرت قليلا وقالت (روحى اعملى بيبيييييي)......

وطبعا خرجنا كلنا من الصلاة

[ELSHAMY]

عندك كمان يا سيدى ابن أختى كان عمره 3 سنين وراح يصلى الجمعة مع أبوه..... ولما الأمام بدأ الخطبة الولد قام واخنرق الصفوف...وكان الجامع كبير.... وكل عيون المصلين عليه...لحد ما وصل الى المنبر وطلع السلم عند الخطيب و مد ايده وأخد كباية الميه اللى جنبه وشربها ورجع تانى....

أعتقد برضه ان الصلاة باظت.

[ELSHAMY]

عندى اليوم ذكرى طبية حصلت اثناء عملى فى قسم الأشعة منذ سنوات.... أكيد حضراتكم أو بعضكم يعرف فحص الرنين المغناطيسى للأشعة وفيه يدخل المريض الى أنبوب طويل محاط بمغناطيس قوى جدا...ولذلك يجب ان يترك كل المتعلقات المعدنية بالخارج قبل دخوله غرفة الأشعة..... ومع التعليمات الواضحة...سواء بالكلام ...أو بالرسوم التوضيحية المعلقة فى كل مكان....الا ان بعض المرضى ساعات ينسوا ويدخل بموبايل أو كارت ائتمان ...واذا حصل فقل عليهم السلام...وانا شخصيا مرة نسيت محفظتى و اتمسحت كل كروت الأئتمان بتاعتى.... ولذلك عملنا ورقة فيها شوية اسئلة عن اى شىء معدنى داخل جسم المريض...مثلا رايش فى عينه...كسر قديم متثبت بمسمار معدنى....مثلا اذا كان تعرض فى يوم ما لطلق نارى لاحتمال وجود بقايا رصاصة فى جسمه....

معلش دى مقدمة عشان تعرفوا ليه انا كنت حاموت على روحى من الضحك من الموقف اللى حصل....

فى يوم وانا جالس فى مكتبى سمعت صوت جلبة شديدة بالخارج... كان واحد من المراجعين بيزعق ...فادخلته مكتبى علشان يهدأ ودار الحوار الأتى:

أنا : خير يا عمى مالك ؟

الراجل: هادول الفليبينيين ما يتكلمون عربى وانا ما أدرى ايش فى هذه الورجة (الورقة)... وكيف أوجع (أوقع) وانا مانى فاهم

أنا: يا عمى هذه الورقة لحمايتك عشان ما يكون فيه اى شىء معدنى فى جسمك لأنه ممنوع

الراجل: كيف يعنى معدنى ؟

أنا: مثلا مسمار...طلق نارى...كده يعنى.

الراجل : بس مو أنا اللى حاسوى الفحص.

أنا : أمال مين ؟

الراجل : الحرمة (مراته)

أنا : طيب أسالها و ووقع الورقة

الراجل: انا متأكد ان مافيها شىء....

وذهب الرجل من أمامى ثم عاد بعد دقائق وقال: بس يا دكتور انت تعرف ما فى حرج فى العلم.... وانا ما بغيت أخبى عليك.... ما أدرى هى تجول (تقول)...انها تعرضت اثناء الولادة الأخيرة لطلق صناعى,,,,, هذا فيه مشكلة ؟

وأغمى على من الضحك.

[مصري جدا]

طب خدوا الموقف ده

مريض لقوه مغمي عليه في الطريق وجابوه المستشفي طبعا دخل علي العنايه المركزه ...وطبعا فيها تم وضع أنبوبه معده عن طريق الأنف وقسطره بوليه وأسلاك رسم القلب علي الصدر .....المهم بعد كام يوم لما المريض فاق وبقي كويس وأثناء المرور

حمدلله عالسلامه ياحاج ..بكرة أن شاء الله تقدر تروح

طبعا الراجل قعد يدعي للأطباء والتمريض وبعدين نادي طبيب صغير وقاله كلام في ودنه

كان بيسأله ...بالله عليك تقول لي أزاي دخلتوا الأنبوبه من هنا ...وطلعتوها من هنا :closedeyes: .....{.يقصد أنبوبة المعده والقسطره}

[badroora]

احب ارحب ب سوميه ودكتور الشامي ودكتور مصري جدا

المواقف بتاعتك بجد موتتنى من الضحك لانى بقابل زى كدا كتير

بخصوص جهاز الرنين المغناطيسي

مرة مريض كان تعبان جدا وعلى جهاز تنفس صناعى فاضطرنا نروح به قسم الاشعة لعمل مرنين

طبعا فية جهاز تنفس صناعى بورتابول وكنت انا مع الدكتور وعامل وباقي استاف الاشعة

انا طبعا كنت تقريبا قريبة جدا من الجهاز وكل فى فى شعري توكة معدن وطبعا تحت الحجاب محدش اخد باله وانا نسيت وبعدين لاقيت راسي لزقت فى الجهاز فكرت حد شدنى من شعري كنت لسه هازعق وبعدين لاقيت الكل ضحك وقالى الجهاز ندانى :closedeyes:

ومرة تانية بردوا دكتور كان فى جيبة مفاتيح ولزق فى الجهاز بردوا

فكنا ننبهة بعض خالى بالك من السحابة ولا الدوامة

تم تعديل 14 أبريل 2008 بواسطة Badria Mekkawy

[النجم الثاقب]

واحد راح لدكتور عيون علشان يعمله عملية .بعد ما فكله الرباط قال للدكتور مش شايف يا دكتور,الدكتورقاله دول كام قله مش شايف,قله طب دول كام قله مش شايف مش شايف, راح الدكتور مسك ودنة و قله طب دى أية قله دي ودنى الدكتور قله يااخى خضيتنى عليك

[النجم الثاقب]

مسطول راح المحكمه القاضى بيسأله انت متجوز مين؟قاله متجوز واحده ست *

القاضى:انت بتهرج هو فى حد بيتجوز واحد راجل

المسطول:اه اختى

[ابو جيداء]

واحد ابنة تاة مش لاقية

جاب عربية ومكرفون ومشى ينادى عيل تاية لابس تيشرت احمر وبنطلون كحلى ومعاة 100 جنية من يجدة

يتكرم بتسليم المبلغ لأقرب قسم شرطة wst::

[ابو جيداء]

واحدة راحت لأمها زعلانة قوى قالتلها مالك ياهدى ؟

قالت جوزى ياماما كل ما اعمل اكل يرمية للكلب !!

قالتلها لا حرام علية واية ذنب الكلب wst::

[حسام يوسف]

السلام عليكم

الله ينور يا أبو جيداء

ايوة كدة يا راجل

[~Heba~]

يا سلام على نكت الدكاترة

دى مش نكت دى مواقف حقيقية بس ظريفة فعلا

المهندسين معندهمش حاجة wst:: ؟؟؟؟؟؟؟؟؟؟

و انت يا ابو جيداء ايه النكت دى انت عايز تبقى سندويتش و الا ايه؟؟؟؟عايز تحول المعركة لهنا

[ابو جيداء]

يا سلام على نكت الدكاترة

دى مش نكت دى مواقف حقيقية بس ظريفة فعلا

المهندسين معندهمش حاجة wst:: ؟؟؟؟؟؟؟؟؟؟

و انت يا ابو جيداء ايه النكت دى انت عايز تبقى سندويتش و الا ايه؟؟؟؟عايز تحول المعركة لهنا

هو الواحد ممكن يتوقف قد اية wst::

[ابو جيداء]

واحد بيغنى صوتة وحش قوى بعد ماغنى بيقول لصديقة صوتى هوة الثروة الوحيدة اللى ادهالى ربنا .. قالة والله انا شايف ان الفقر مش عيب wst::

[ELSHAMY]

حد يلحقنا يا جدعان...فيه ماسورة نكت اسمها أبو جيداء انفجرت فى المنتدى....و حتغرقنا

كمل يا ريس ...الله ينور

[ابو جيداء]

حد يلحقنا يا جدعان...فيه ماسورة نكت اسمها أبو جيداء انفجرت فى المنتدى....و حتغرقنا

كمل يا ريس ...الله ينور

مساء الفل ياباشا

هوة الواحد هنا بيتوقف بعد كام نكتة wst::

[ابو جيداء]

اثنين مساطيل الاول بيقول لصديقة انا بردان من المكيف رد الثاني قالة انا فيصل من اسكندرية wst::

[ابو جيداء]

اثنين صعايدة دخلوا كلية الطب واحد أتخرج محاسب والثاني مهندس wst::

[ابو جيداء]

واحد غبى سألوه القمر اهم ولا الشمس قالهم طبعا القمر لان القمر بينور لنا باليل اما الشمس بتطلع فى النهار والدنيا منوره اصلا wst:: wst::

[ابو جيداء]

مدرس بيكرة نفسة بيحط أمتحان آخر السنة للطلبة ومش عاوز حد ينجح فقال س.. قطار يسير بسرعة90 كم الساعه ويتوقف فى 8 محطات وسرعة الرياح 164 متر فى الثانيه ماهو اسم سائق هذا القطار؟ :D :D