موسوعة النكت

[ابو جيداء]

طفل صغير خبط على جارته وقال لها:طنط ممكن تورينى لسانك قالت: ليه قال لها أصل ماما بتقول إن لسانك زى العقربة flrt:

[ابو جيداء]

واحد صعيدى إتعين مدير لدرا أيتام. أول حاجة عملها إجتماع مجلس أباء flrt: i*:

[ابو جيداء]

واحد صعيدى بيقول لصاحبة: من يوم ما أبوك مات محدش شافه خير في حاجه flrt: i*:

[ابو جيداء]

واحد بيقول لأبنه نابليون وهو فى عمرك كان أشطر واحد في الفصل .. رد الواد على والده وقالة نابليون وهو فى عمرك يا بابا كان إمبراطورمش شحات flrt:

[badroora]

والله ميه ميه وخطك جميل اوى واسلوبك روعة ........شكلك كدا يا كاتب يا ناقد يا شاعر يا صحفي صح ؟؟؟؟؟؟ flrt:

[ابو جيداء]

والله ميه ميه وخطك جميل اوى واسلوبك روعة ........شكلك كدا يا كاتب يا ناقد يا شاعر يا صحفي صح ؟؟؟؟؟؟ flrt:

انتى مين بالظبط i*:

تلاقيكى من الضرايب

تم تعديل 18 أبريل 2008 بواسطة ابو جيداء

[ابو جيداء]

صعيدى بلدياتى أخذ شهادة دكتوراه فقال لمراتة والله ماعرف ليه الناس بيقولوا نكت على الصعايدة أدينى جبت الدكتوراه. مع مرتبة الشرف .

فقالت له دق على الخشب ميحسدش المال الا اصحابة . فدق على الخشب. فمراتة قالت مين على الباب؟ قالها خليكي انتى انا بشوف مين flrt: i*:

[ابو جيداء]

واحد امريكى قاعد مع واحد صعيدي . الأمريكى بيتكلم عن تقدم بلدة فقال أحنا اول ناس طلعنا القمر فالصعيدي سألة ولقيتة اية هناك؟ قالة رمل و زلط وحجارة . فرد الصعيدى قالة احنا اللى مطلعينهم flrt:

[ابو جيداء]

واحد متخانق مع مراته كتب لها ورقة بالليل وهي نايمة قال لها صحيني الساعة السادسة صباحا

• لما قام من النوم لقى الساعة بقت عشرة الصبح.. ولقى في ايده ورقة مكتوب عليها اصحى الساعة بقت ستة flrt:

[ابو جيداء]

مذيع تليفزيوني عمل برنامج مسابقات و استضاف 3 صعايدة فسأل الاول .. مين اللى انتصر فى الحرب العالمية التانية الحلفاء ولا المانيا النازية؟

فأجاب الحلفاء طبعا ..

فسأل التاني مين اللي كسب فى اخر ماتش الاهلي ولا الزمالك؟

فقالة الاهلي طبعا ..

فسأل التالت فهمت اية من اجابة السؤالين اللي فاتو ؟

قالة فهمت ان المانيا حتلاعب الزمالك على التالت والرابع :D

[ابو جيداء]

واحد يهودى ابنة مات . فراح للجريدة يعمل نعى . فقال للموظف عاوز اكتب كوهين ينعى ولدة .

فقال لة الموظف السطر 5 كلمات بخمسين جنية..

فقالة خلاص اكتب كوهين ينعى ولدة ويصلح ساعات :D :D

[ابو جيداء]

أتنين صعايدة واحد منهم معاة كيس فقال للتانى لو قلت الكيس دة فية أية حديلك منه تفاحتين ..

قالة يبقى فية جوافة :D

[ابو جيداء]

واحد بخيل اتجوز.... راح يقضى شهر العسل بدون مراتة :D

[Folana]

السلام عليكم ورحمة الله....

الاخ ابو جيداء...

تم حذف النكات الغير لائقة التى اوردتها فى الموضوع...رجاءا ..فضلا لا أمرا..أن تراعى حرمة الغير وان تراعى تواجدك فى صالون ثقافى يضم اخوة واخوات أفاضل

شكرا لتفهمك

[badroora]

مرة واحد صعيدى راح محل عصير وقاله ممكن عصير برتقال لو سمحت ....قالة بشاليموه قالوا لاااااااا بتعملى صداع

مرة واحد صعيدي كان ماشي فى شارع من نصه فكل خطوة يلاقي 20 جنية كل خطوة عشرين جنية

قام راح سايبهم وقال اجيب الشارع من اوله احسن بايخة

4 صعادية اخوات اشتركوا وجابو تاكسي وكلهم ركبوا التاكسي وماشين بيلفوا فى وسط البلد و مافيش حد شاور للتاكسي

قام راح سالوا خالهم قالوا تصور يا خال ساعتين نلف ومافيش حد شاور للتاكسي

قالوااااااا اهاااااااااااااااااا يبقي لازم تغيروا السواق . :cry:

ابو جيداء الماسورة نشفت ولا ايه

وفين انتشنتين مقصر بقالوه كام يوم

النجم الثاقب نشاطة قل

والحازم حسن

وهبة طنشت

وسهران

يا جماعة دى رسالة بنقضيها

رسم البسمة على شفاه الاخرين

لا تتخلوا عن رسالتكم

خالونى اموت وانا مطمئنه انكم

هتكملوا المسيرة من بعدي

بدرية :cry:

تم تعديل 18 أبريل 2008 بواسطة Badria Mekkawy

[Scorpion]

عزيزتي بدرية ....

اللي انا فهمته من الموضوع ده ان كل عضو ليه الحق انه يذكر نكتة واحدة بس او موقف مرح واحد بس و خلاص .. و يسيب المكان للي بعده .... حتي أول سطر خالص مالص بالص كان :

دى لعبة جديدة كل عضو يدخل يقول نكتة جديدة او موقف ظريف حصلة نكتة واحدة بس او موقف ظريف بس ماشي

فعندك مانع اننا نغير عنوان الموضوع ل "نكات الأعضاء" مثلآ أو اي إسم تاني يعجبك ... و تحذفي قواعد اللعبة الأصلية اللي ما بقاش ليها فعلآ اي معني.

[badroora]

عزيزتي بدرية ....

اللي انا فهمته من الموضوع ده ان كل عضو ليه الحق انه يذكر نكتة واحدة بس او موقف مرح واحد بس و خلاص .. و يسيب المكان للي بعده .... حتي أول سطر خالص مالص بالص كان :

دى لعبة جديدة كل عضو يدخل يقول نكتة جديدة او موقف ظريف حصلة نكتة واحدة بس او موقف ظريف بس ماشي

فعندك مانع اننا نغير عنوان الموضوع ل "نكات الأعضاء" مثلآ أو اي إسم تاني يعجبك ... و تحذفي قواعد اللعبة الأصلية اللي ما بقاش ليها فعلآ اي معني.

والله بيعجبني فيك استاذ اسكوب مثاليتك وانك فعلا انسان محترم . هو احنا بنتبع قواعد المحاورات لما هنلتزم بقواعد لعبتيى .

غير زي مانت عاوز انا باديلك كل الصلاحيات تغير اللى انت تحبه

بس نكات الاعضاء مافيهاش موسقي وصعبة النطق

ممكن مثلا

مخزن النكت

او النكته الذكية للبسمة العفاوية :cry:

اضحك كرر اوعى تفكر

مخزن نكت الاعضاء

بصراحة كلهم مش فيهم موسيقي

انت اختار وانا واثقة فى اختيارك

بس بلاش نكات اصل بتوع اللغة العربية يهجموا علينا

نكت جمع نكته

مع خالص مودتى

المخلصة

بدرية

تم تعديل 18 أبريل 2008 بواسطة Badria Mekkawy

[ابو جيداء]

تم حذف المداخلة لمخالفتها القواعد رقم 16 و 18 من قواعد الكتابة في محاورات المصريين ...

تم تعديل 18 أبريل 2008 بواسطة Scorpion

[Scorpion]

الفاضل أبو جيداء ...

سؤال بره الموضوع (بعد إذن الفاضلة بدرية صاحبته) ...

حضرتك بتفضل لون القمر الأبيض .... و لا لون الليل الأسود ....

[ابو جيداء]

الفاضل أبو جيداء ...

سؤال بره الموضوع (بعد إذن الفاضلة بدرية صاحبته) ...

حضرتك بتفضل لون القمر الأبيض .... و لا لون الليل الأسود ....

استاذى الفاضل Scorpion

اعتقد ان الأجابة لا يختلف عليها اى عاقل

طبعا كلنا بنحب القمر

انما لية السؤآل ؟؟