ماهي دخيله نفسك

[galaxy]

ما هو احساسك اذا غدر بك شخص ما؟ خدعك ....خانك...بالتأكيد هو احساس اكثر من مجرد سيئ...بل هو اسوأ احساس علي الاطلاق.هل حدث ان شعرت من قبل بسكين مغروز في ظهرك...واسف لهذا التعبير المؤلم و لكن هو بالفعل الاحساس كما يجب ان يكون..

هتحاول تاخد حقك؟تنتقم؟ ولا هتقول يا بخت من قدر وعفي .....والعفو عند المقدرة.

طب هو انت اساسا قدرت عشان تعفو.......!

طب هتقول يا بخت من بات مظلوم ولا باتش ظالم؟

(المؤمن القوي خيرواحب عندالله من المؤمن الضعيف)

طيب ما هو احساسك اذا سنحت لك الفرصه لاخد حقك؟؟؟؟؟؟؟؟طب اذا سنحت هذه الفرصه لاخد الحق بعد فتره؟هل من الممكن ان تكون سامحت؟و اذا كنت بالفعل سامحت .و جاتلك الفرصه؟ماذا تفعل؟

ايه هي دخيلة نفسك في هذا الامر........وتجاربك الشخصيه........عن النفس البشريه اتحدث.

[nash]

صديقه ...أعتبرتها مثل امي....رغم أن الفارق ليس كبير بيننا في العمر ولكن هكذا كنت أشعر بها...

أدخلتها بيتي واكرمتها.....

قامت بالتوقيع بيني وبين صديقتي الانتيم وانا كنت اثق بهذه السيده ثقه عمياء....صدقتها وقاطعت صديقتي الاخري....

ثم تدور الأيام..وياتي إلي بيتي شريط كاسيت...أة وربي...واسمع فيه بأذني كل ماكانت تقوله علي هذه الصديقه التي أعتبرتها كأمي...

الجميل سمعت الشريط يوم وقفه عرفات ..وكانت الأخت واقفه في نفس الوقت علي جبل عرفات تؤدي مناسك الحج...

رغم معارضه ابو ياسر لإني اسمع الشريط علي اساس أن هذا مستوي لا يليق بنا ...إلا إنني صممت وأعتبرت ان هذا حقي...

طبعا أصبت بحاله ذهول ...وكل مافعلته أنني صليت ركعتين لله ...وقلت ياربي سآخذ حقي منها يوم المشهد العظيم ولن اسامحها ابدا...

وهذا حالي مع كل من يغدر بي....مع القدرة الكامله علي رد الغدر..لكنه بيكون طريق ليس لي ..لا أحب هذه الطريقه...

أفضل أن يقتص لي الرحمن ..فإقتصاصه أسرع واشد قسوة...إن شاء الله

[Mithras]

هذه الأبيات نطق بها (كليب )

شقيق الزير سالم (ابو ليلى المهلهل)

بعد ان طعنه ابن عمه جساس غدرآ

هديت لك هديه يامهلهل ****عشر أبيات تفهمها الذكاه

أول بيت أقوله أستغفرالله**** إله العرش لايعبد سواه

وثاني بيت أقول الملك لله**** بسط الآرض ورفع السماء

وثالث بيت وصي باليتامى**** واحفظ العهد ولاتنسى سواه

ورابع بيت أقول الله اكبر**** على الغدار لاتنسى أذاه

وخامس بيت جساس غدرني**** شوف الجرح يعطيك النباه

وسادس بيت قلت الزير أخي ****شديد البأس قهار العداه

وسابع بيت سالم كون رجال**** لآخذ الثار لاتعطي وناه

وثامن بيت سالم لاتخلي**** لاشيخ كبير ولافتاه

وتاسع بيت سالم لاتصالح**** وأن صالحت شكوت للاله

وعاشربيت أن خالفت قولي**** فأنا وياك الى قاضي القضاه

وصيه كليب للزير سالم

[galaxy]

عزيزتي نيشو والاستاذmithers...................................

شرفتوني والله ......بجد شرفتوا الموضوع..........

بس ايه.......محدش اتعرض لمواقف غدر خالص.................محدش حابب يقول دخيله نفسه..............

طب........ماشي ....... هتكلم شويه عن نفسي

مواقف الغدر قبل كدا حصلت معايا اكتر من مرة............بس للاسف ساعات الموضوع بيكون محبوك اوي بطريقه مش بتديني فرصه اخد حقي ........و بالتالي مش بعفو ...عشان مقدرتش.........

بس بلجأ لربنا و بدعي كتير اوي ............اصل مش بحب شعور (صعبت عليا نفسي)ولا بحب الكلمه دي ولا بحب احسها.............

و الله ربنا ما بيخيب رجائي........زي ما قولتي يا نيشو بالظبط.......و تلف الايام و الاقي نفسي قدام اخبار اللي اسا ءوا ليا...................و يكون الجزاء من جنس العمل .......لاني بدعي ان ربنا يديهم علي قد نيتهم و يعملهم اللي بيتمنوه ليا.....و احتسب حقي عند ربنا...............

ساعات حتي لو جاتلي الفرصه اخد حقي.........بصراحه بخاف اظلم و بكتفي باللي ربنا بيعملوا .........

بس من فترة و امام الله وحده ...سامحت كل انسانه او انسان غلط فيا من قدامي او من ورايا بقصد او بدون.............

عشان خفت اكون ظلمت او اذيت من غير ما اخد بالي و انا فاهمه اني صح............بصراحه مش هستحمل اقف قدام حد يوم المشهد العظيم يقتص مني...............من ساعتها مفيش حاجه اتعملت فيا بفتكرها الا و بكون من جوايا هاديه عشان بجد سامحت و ساعتها بطمن عشان لو كان مسامحتي مش علي حق كنت هفضل شايله اوي............................. :blush2: ;)

[Mithras]

الأخت جلاكسى،

أنا و الحمد لله لسه متغدرش بيا من شخص أمنت له، يمكن لأنى ظهرى دايما للحيط بدهوش لحد و بأمنش للناس بسهوله. أنا أنسان شكاك جدا.

أنا معرفش اذا كنت هسامح زى الى عملتيه مع إلى غدر بيكى، و لكن انتى عملتى الشى الى يطمنك و يريح بالك و الأنسب ليكى، و ده أهم شى.

تحياتى

تم تعديل 28 مارس 2008 بواسطة Mithras

[nash]

جلاكسي الحلوة

عمرك شفتي كريم يغدر؟؟ دائما الغدر يكون من اللئيم...هذه طبيعه بشريه لا يمكن تغييرها...

وبالتالي امامك حل من اثنين..إما رد الغدر بغدر اكبر منه ..وإما الصبر وانتي كارهه وإحتساب اجرك علي الله..

وطبعا ليس من شيم الكرام ولا اخلاقهم القيام بهذا الفعل الدنيء....

الله ربنا ما بيخيب رجائي........زي ما قولتي يا نيشو بالظبط.......و تلف الايام و الاقي نفسي قدام اخبار اللي اسا ءوا ليا...................و يكون الجزاء من جنس العمل .......لاني بدعي ان ربنا يديهم علي قد نيتهم و يعملهم اللي بيتمنوه ليا.....و احتسب حقي عند ربنا...............

والله العظيم وانا زيك...ويارب افضل كده علي طول

بس من فترة و امام الله وحده ...سامحت كل انسانه او انسان غلط فيا من قدامي او من ورايا بقصد او بدون.............

عشان خفت اكون ظلمت او اذيت من غير ما اخد بالي و انا فاهمه اني صح............بصراحه مش هستحمل اقف قدام حد يوم المشهد العظيم يقتص مني

لااااااا أنا حتي الان ليست لدي القدرة..........في الغدر؟؟....لا سماح بالمرة ...لإنه فعل حقير...وبما انني واثقه إنني لم اغدر بأحد ..ولله الحمد ...فهنا أترك الأمر لله هو من يقتص لي....في الدنيا قبل الأخرة ..وكما قلت لك اصلي ركعتين لله واحتسب الجزاء عنده..

حبيبتي.............لا سماح في الغدر ...نهاااااااائي....

..............................................................

أنا و الحمد لله لسه متغدرش بيا من شخص أمنت له، يمكن لأنى ظهرى دايما للحيط بدهوش لحد و بأمنش للناس بسهوله

هذا هو التصرف السليم من الاول....بس مين يفهم؟؟

[galaxy]

شكرا يا جماعه اوي علي النصايح بس و الله الامر ما يخلاش من صديقه تحبيها اوي زي اختك و ترتبطي بيها و ..............

زيك تمام يا نيشو................كان ليه صديقه ايام ثانوي زمايل desk واحد و كانت حبيبتي اوي و مستغناش عنها...........و لما كانت تحتاجلي عمري ما اتأخر عنها...................................و كنت اجي علي نفسي جدا .........لما حصلت لها مشكله كنت بسيب امتحاناتي في عزها عشان بس اكون جمبهاواخليها تخرج من حالتها واروحلها و اخرجها.................كانت خارجه من تجربه خطوبه غير سعيده..........حاولت كتير اساعدها و سبت حالي و امتحاناتي عشا خاطرها ...و مواقف تانيه كتير.......و بعد عشرة اكتر من عشر سنين.......بناكل و بنشرب وبنخرج مع بعض....................اكتشفت انها ومن اول صداقتنا كانت كل حاجه تعملها و تقول جلاكسي و اني لها صداقه مصلحه بس .................لو مالقتش حد يسمعها او احتاجت حد معاها بس...............فضلت علي صديقه تانيه وقعدت تحكي اني انا المستفيده من صداقتنا .....وفي كل مكان تقول ان انا السبب في خلافنا عشان كذاوكذاوكيت وكيت................................ وكل ما تقابل حد و يسألها عن اخباري تتطوع باني بعد عشرة سنين خاصمتها و اسأت اليها.......................و لفت الايام و اول من استغني عنها اللي فضلتها عليا.........حتي انا لما اختلفنا........فضلت اسكت و احتسبي و دعيت ان ربنا يقدرني و ما اشيلش منها.عشان العشره بس.لكن صحبتها التانيه...............ما سابتش حد الي لما قالتلوا علي خلافهم ..........حتي انا كنت مسافرة بعتتلي (الصديقه التانيه)تشهدني علي خلافتهم و بعتت الرساله دي لناس كتير................فضحتها باختصار ........بصراحه صعبت علياو دعيت لها يقويها علي اللي هيا فيه................بس كان خلاص كل رصيدها عندي خلص و ميزانها تقل قوي.

[امانى]

الاخت العزيزة جلاكسى

اصعب حاجة على النفس انك تحسى بالغدر والخيانه من اى انسان خصوصا لو كنت اعطيتى كل ثقتك لهذا الانسان

انا تعرضت للموقف ده مرتين اول مرة وانا فى بداية حياتى ايام الخطوبة وكنت صغيرة وكان لى صديقة من ايام الدراسة

كنت اعتبرها اختى وكنت اقول لها كل اخبارى واسرارى الى ان جاء يوم واكتشفت انها تحاول ان تخلق مشاكل بينى

وبين خطيبى الى ان كشفها هو بالفعل امامى بانها تحاول بكل طريقة ان ترتبط به هى على حساب صداقتنا

الموقف التانى بعد زواجنا وفى اول حياتنا وكان منزلى بعيد عن اهلى ومعارفى واذا بجيرانى يلتفون حولى ومنهم جاراتان

الاولى احتضنتنى وبقت تسال عنى باستمرار وخايفة عليا والاخرى كذلك ولكن الاولى كانت تلاحقنى اول باول الى ان

امنت لها وكنت استشيرها كأم فى كل حاجة الى ان حانت لحظة عرفتنى فيها الجارة التانية ان الجارة اللى وثقت فيها

وكنت ااتمنها على اسرارى تحكى كل ما يدور بيننا وعليه شوية من عندها لكل الجيران

فى الحالتيت لم افعل شيئا تجاههم بل احتسبت عند الله وفضلت البعاد فقط عنهم لكن الله يمهل ولا يهمل صديقة عمرى

الاولى تزوجت وطلقت والى الان تحاول ان تعيد علاقتنا ولكن زوجى يرفض ذلك اللهم لا شماته حالها بقى لايسر ابدا

الثانية الان معزولة بين جيرانها لا يحبها احد ولا يحاول حد معرفتها وانكشفت اكتر من مرة بالوشاية والنميمة

لو لفت الايام يا جلاكسى وكانت امامى فرصة للانتقام صدقينى مش هقدر ارد الاساءة بالاساءة يكفى اننى قلت حسبى

الله و نعم الوكيل وتركت امرى لله وكما قلت دعوة المظلوم مستجابة ولفت الايام ورايت بعينى انتقام الله ولكنى لم اشمت

موضوعك جميل اثار مشكلة شائكة وهى الثقة فى من لا يستحق

اسفة للاطالة ودمتى لنا

امانى

تم تعديل 28 مارس 2008 بواسطة امانى

[galaxy]

اطاله ايه بس يا اماني............والله انا بستفيد جدا و بحب اسمع تجارب من حولي عشان افهم و اعرف...........تقدري تعتبريني من الناس اللي خبرتهم قليله..........عارفه لما الاهل يخافوا اوي علي اولادهم........وبالتالي تجاربهم تبقي قليله..........و دا بيخليهم ملقف...........

ربنا يمهل ولا يهمل................وكله سلف ودين فعلا مهما طال الزمن...........

مره في الكليه واحده كانت دائمه الانتقاد للكل و خصوصا البنات و ممكن يوصل الامر للقذف ............بمنتهي السذاجه كشفتها لصديقاتي مع انهم كانوا عارفيين بس بيتقوا شرها و بيريحوا دماغهم.............حطتني في دماغها و وصلت لي كلام صعب اوي ....قبل الsheetat بكام يوم.......خلتني الف حوالين نفسي من القلق.و دا اثر علي مذاكرتي و دخلت الامتحانات مش عارفه بكتب ايه.............................و تلف الايام و مش بعيده و الله و انجح و الحمد لله بتقدير........و زمايلي كلهم يقطعوها بعد ما يدوها درس ............................و هي ..........سقطت للمرة التانيه ع التوالي..........ولقيت الكل بيهنني .........بس و الله مش كنت فرحانه بس من جوايا حسيت ان ربنا معايا لاني دعيت ربنا يديها اللي بتتمناه ليا........وطبعا لما ضايقتني ايام الامتحانات ماكنش اقصدها تزود تركيزي...................ربنا يسامح الجميع

[nash]

عارفه يا جلاكس :lol: ....يمكن الموضوع ده شاددني جدا لإن موضوع الغدر شيء مرعب....ويمكن دي اخر مداخله لي في هذا الموضوع ..لإترك لغيري يضيف شيء جديد....

ياترى بقى الواحد حايفضل خايف من الناس كلها علشان ما يقعش فى مطب زى ده ؟ عموما نحمد الله كثيرا اننا لانغضبه فى شئ وبالتالى محدش يقدر يدور بسيرتنا فى ( الكفور والنجوع ) .

الشئ اللى الواحد بيستغرب له ان الانسان المؤذى ( ودايما حاطط وجه الملاك ) بيفتكر ان عين الله تغفل وتنام وبيفتكر ان مفيش عدالة فى السما لكن الانسان المؤمن بيضع كل حمولته على الله سبحانه وتعالى وبيصلى وعارف ان ربنا مش حايسيب حقه ولا حايضيعه .

يعنى مثلا فيه برضه واحدة ( كنت فاكراها صديقتى ) وااتمنتها على بعض الاسرار ( الساذجة ) يعنى لاتضر ولا تنفع وكلها حقائق عن مشاكل الدنيا والولاد وكدة يعنى .

مكنتش اعرف ان فيه نفوس مريضة كدة وناس بتلبس الف قناع كل يوم وناس ياعينى محرومة من الحنان والاهتمام فى بيتهم يقوم يدوروا عليه عند ناس تانية ويبداءوا يقطعوا فى الناس الكويسة يمكن ده يرضى نزعتهم للاذى وحبهم للسيطرة وعقد النقص اللى ملهاش حل .وجت البنى آدم دى وراحت تذيع ولا اجدع مذيع اخبار عبيطة وكذب عنى وكان نفسها تخرب بيتى وبقت تتكلم فى التليفون مرة هى ومرة اختها ومرة بنت اختها ومرة بنتها ويقولوا كلام كلام ابسط حاجة تتقال عنهم انهم معمولين من عجينة الشياطين لكن ؟؟

ربنا هو وحده الاعلم وربنا عارف انى سكت ومرديتش عليهم مش علشان انا ضعيفة لأ لكن علشان انا بحترم نفسى وبخاف من ربنا وعارفة ان الغيبة والنميمة قائلها فى نار جهنم وبس بقول حسبى الله ونعم الوكيل وصدق اللى قال احترس من عدوك مرة ومن صديقك الف مرة .

اقصد اقول اللى فاكرينهم اصدقاء وهم الد الاعداء بس ناس ربنا خلقها زى الوباء ينتشر ويأذى بس ومفروض حرقهم علشان ترتاح منهم البشرية كلها

ربنا يكفينا شرهم

دمتي في رعايه الله وحفظه...وربي يبعد عنك كل الشر والاشرار ويهدي بالك..ويسعد قلبك.....آآآمين

[Folana]

السلام عليكم ورحمة الله...

فعلا يا ناش انت كنت حكيتى لى الموضوع ده...بس اللى كنتى بتتكلمى عنها ولادها اطفال...معقولة فيه طفلة تعرف تعمل كده؟..اعوذ بالله...

على العموم يابنتى ارمى حمولك وهمومك على الله هو قادر على كل شىء..يمهل ولا يهمل وهو العالم بخبايا الصدور ....ربنا يحفظك

"ويمكرون ويمكر الله والله خير الماكرين"

[نوناهو]

اسوأ احساس فى الدنيا هو الغدر والخيانة الم ما بعده الم............

بطبيعة الحال ان الانسان وقتها بيكون غى اسوأحالاته ويرغب فى الانتقام لكن بعد شوية تهدأ ثورته وتذهب رغبته فى الانتقام ورد الموقف ويبقى الاحساس بالجرح وهو لا يذهب حتى بمرووووووور الزمن .

فقد مريت بتجربة الغدر اكثر من مرة وكفانى حسبى الله ونعم الوكيل فهو خير وكيل .

بالتجربة اتعلمت كتييييير

اول حاجة ان الانسان اللئيم اذا اكرمته تمرد وانه اول ما يعض هى اليد التى امتدت له بالخير.

كما انه كلما صفت نفسك لانسان ووثقت به فهو اول الخائنين .

ان معظم الناس فى هذا الزمن بوشين .

اخيرا انك قد تساعد الكثير من الناس بلا حساب وبلا تفكير وتتمنى لهم كل خير وعندما تحتاج انت للمساعدة فلا تجد امامك احد منهم فالأفضل انك تعطى بلا انتظار للمقابل الا من الله وحده والا تحتاج الا لله وحده اما الانسان فلم يعد فيه خير .

والله ياجماعة هذه ليست نظرة تشائمية ابدا انهامن تجارب الحياة التى هى افضل مدرسة :)

تم تعديل 29 مارس 2008 بواسطة نوناهو

[nash]

وعليكم السلام ورحمه الله وبركاته...

يمكن أختلط عليكي الامر...معنديش صاحبات عندهم اطفال..

اما الصديقة اللى عندها اطفال صغيرين ......دى كانت صديقة عرفتها فترة قليلة ولم تؤذينى فى اى شئ ...ربنا يحميها

حضرتك اكيد مش واخدة بالك دول صبايا وفى الجامعة كمان ويظهر ان والدتهم اللى انا انخدعت فيها مربياهم على طبعها ماهو بعيد عنك الطبع يغلب على التطبع والله انا حزينة على البنات دول يكونوا في السن الجميل ده وكل الحقد والغل اللى بيسرى جواها أتنقلهم وعلى فكرة ياسيدتى الفاضلة راجعى كلامى تانى وافتكرى انى بقول دايما العاصم هو الله وهو جل جلاله اللى يعلم صدق كلامى

لوحضرتك فاكرة انى اقصد حد من هنا يبقى ده غلط واحنا بنتكلم كلام دنيا .. ومنتهى الظلم استنتاج اى شئ خطأ (( ربنا يحفظنا واياكم...من سوء الظن))

[Folana]

وعليكم السلام ورحمه الله وبركاته...

يمكن أختلط عليكي الامر...معنديش صاحبات عندهم اطفال..

اما الصديقة اللى عندها اطفال صغيرين ......دى كانت صديقة عرفتها فترة قليلة ولم تؤذينى فى اى شئ ...ربنا يحميها

حضرتك اكيد مش واخدة بالك دول صبايا وفى الجامعة كمان ويظهر ان والدتهم اللى انا انخدعت فيها مربياهم على طبعها ماهو بعيد عنك الطبع يغلب على التطبع والله انا حزينة على البنات دول يكونوا في السن الجميل ده وكل الحقد والغل اللى بيسرى جواها أتنقلهم وعلى فكرة ياسيدتى الفاضلة راجعى كلامى تانى وافتكرى انى بقول دايما العاصم هو الله وهو جل جلاله اللى يعلم صدق كلامى

لوحضرتك فاكرة انى اقصد حد من هنا يبقى ده غلط واحنا بنتكلم كلام دنيا .. ومنتهى الظلم استنتاج اى شئ خطأ (( ربنا يحفظنا واياكم...من سوء الظن))

شكرا على التوضيح...ان بعض الظن اثم فعلا...

وقانا الله واياك شر النفوس الخبيثة ودمتى دائما بنقاءك وطهرك النفسى ...ودمتى لنا اختا رائعة كما عاهدناك...