توقعاتكم لنتيجة ماتش اليوم

[الحازم حسن]

بكل المقاييس الأرجنيتين أقوى وأعلى وأرفع

والنتيجة عادلة جداً سواء من حيث الاداء أو من حيث التاريخ والفارق النوعي بين المنتخبين.

سيطرة شبه تامة لهم في كل ركن في الملعب تنفيذ الضغط على الخصم من التلت الهجومي الاستلام والتسليم بمنتهى الدقة ناهيك عن المهارات الرائعة والراقية جداً

أذكر من حوالي سنة في نهائي كوبا أمريكا لاعبي البرازيل كانت ركبهم بتخبط في بعض من المنتخب ده لكن صمود منتخب مصر امام الأرجنتين شوط ونصف بالتمام والكمال أعتبره انجاز رائع

الحكم الجزائري كان متحيز جداً لمصر وأحمد فتحي كان يستحق بطاقة حمراء لاعتداء واضح جداً بدون كرة على لاعب الأرجنتين لكن الحكم كان كريم معانا قوي وشيء غريب ان يحكم اللقاء حكم عربي رغم ان المباراة معتمدة في الفيفا كمباراة رسمية ؟!!!

زيدان وأبوتريكة ضيعوا فرصتين للتهديف ولا أسهل ولا أبسط وكانت النتيجة صفر صفر وقتها

المباراة أوضحت ان اللاعب المصري لسه قدامه كتير وان كان اكتسب الخبرة الكافية للمباريات الافريقية لكن امامه مشوار طويل للعالمية

عارفين من المسئول الأول والاخير عن الهزيمة

الجماهير .. أيوه الجماهير اللي سابت الماتش وفضلت تشتم في الحضري وتصفر كل ما يمسك الكورة وبعد شوية ظهر حزب آخر في المدرجات بيهتف للحضري وبيشجعه الكل خرج عن تركيزه ونسينا إننا بنلاعب أفضل منتخب في العالم والأول في تصنيف الفيفا الشهري لمدة عام كامل وأكتر وكأن المباراة كانت ما بين غزل المحلة وأسمنت السويس

في رأيي الحضري غير مسئول تماماً عن أي هدف الهدف الاول خطأ واضح جداً وقاتل من هاني سعيد والتاني انضرب فيه خط الدفاع بالكامل

عماد متعب أثبت بما لا يدع مجال للشك بانه عبء على أي فريق بيلعب له

أجمل ما في المباراة هو ارتداء الحضري لشارة الكابتن بعد خروج أحمد حسن

جيمي كان منور المقصورة هوه وحرمه

الحازم حسن

من استاد القاهرة الدولي

مدينة نصر

تم تعديل 27 مارس 2008 بواسطة الحازم حسن

[الحازم حسن]

الهدف الأول

الهدف الثاني

[vipwithyou]

سبحان الله الأخ سكوربيون دا فنان فعلا

كل توقعاته مظبوطة

بس بتعرف الحاجات دى منين

طيب ما قلتش رأيك الجونين هيكونوا غلطة مين يا ريس

[Scorpion]

شوف يا أستاذ vipwithyou

الجون الأول غلطة دفاعية بكل المقاييس و لا يسأل عليه الحضري اتلاقآ موتلاكان ..

الجون التاني ما شوفتوش كويس .. لأن ولاد الحلال هنا علي آخر ربع ساعة من الماتش طاروا علي ماتش البرازيل و السويد .. و كل شوية في ركن صغير كانوا بيكملوا ماتش مصر .. اللي بالنسبة ليا بقي كأنه متذاع عالراديو ...

ملحوظة جانبية .. كل التعليقات هنا كانت إعجاب بلعب الفريق المصري لكل الشوط الأول و بداية الشوط التاني .. لحد هزة الجون الأول و أتقلب الحال ...

و تيت تيت .. ترسانة

بس ما سمعتش حد بيلوم ابو تريكة عالجون اللي ضاع منه .. و الا الحضري بس هو ابن البطة السودا و أي غلطة حتي للتانيين هو المسئول عنها ... سؤال كده هف علي دماغي ...

[se_ Elsyed]

بس ما سمعتش حد بيلوم ابو تريكة عالجون اللي ضاع منه .. و الا الحضري بس هو ابن البطة السودا و أي غلطة حتي للتانيين هو المسئول عنها ... سؤال كده هف علي دماغي ...

ده عرف ديك

قصدي عرف في الكورة

المهاجم ممكن يضيع 100 فرصة في المباراة لكنها لا تعتبر اخطاء

لكن المدافع او حارس المرمى بتبقى غلطته غلطة الشاطر ام الف ... تخيل حارس مرمى يبقى عامل ماتش هايل وييجي في الدقيقة 90 ويهيس ويروح داخل في مرماه جون استروبيا زي عبمنصف

طبعاً هاياخد على قفاه للصبح ؟

او مدافع رجله مخرومه زي السميطة ... زي بشير والكوارث اللي بيعملها ؟

انا عارف ان سكوب لا له في الكوره ولا البطيخ .. وكبيرة قوي بيشجع الايس هوكي .... شكله كده بيزود مداخلات وخلاص ... عامة اهو نعلمه يمكن نكسب فيه ثواب ... ولو ان التعليم في الكبر زي العزق في الحجر .. وده بلغ مرحلة الطاولة المحبوسة او نمشيها 31 عالمشاريب

[Scorpion]

لأ و أنت الصادق يا ابو السيد .... دي كانت مجرد جرجرة رجل لواحد صاحبي .. و وحياة كل اللي بحبهم كنت عارف مقدمآ هو حيقول ايه ...

منور يا باشا ... :lol:

و اسمحلي أهديك الأغنية دي

و تيت تيت إسكو :blink:

[حسام يوسف]

السلام عليكم

يا عم سكوربيون انت عارف س س

ده ناقص يقول ان الحضرى هو السبب ان

طويل العمر يطول عمرة ينصرة على مين يعادية

هاى هى

أبو طبيخة

الشهير بأبو تريكة

يضيع كرة ماتضيعشى من (حد)

ده حتى لو (حد) كان بيلعب كان حطها

وازاى يا عم حازم تقول ان عماد متعب عالة؟

انت عايز س س يهدر دمنا ولا ايه؟

[الحازم حسن]

وازاى يا عم حازم تقول ان عماد متعب عالة؟

انت عايز س س يهدر دمنا ولا ايه؟

هيه دي الحقيقة ولا إيه

الواد ده بقاله ييجي 15 سنة مجبش جول

أنا لا أخشى في الحق لومة لائم

[حسام يوسف]

يا عم حازم

انا اسف

انا مقتنع ان متعب موهوب

لكنه بقالة فترة بعيد عن الفورمة

حتى من قبل غانا

لكنه ماجابش أجوان من 15 سنة دى انا اسف

جاب

مع سيادة الكونستابل بشير التابعى