رموش الست

[مصطفى عبد الوهاب]

السلام عليكم و رحمة الله و بركاته

رموش الست

المكونات

نصف كيس بيكنج بودر

ورقة فانليا

125 جرام زبدة

عدد 2 بيضه حجم متوسط (من 50 الى 55 جرام )

25 جرام جوز هند ناعم

25 جرام سميد بسبوسة

40 جرام سكر بودرة

250 جرام دقيق ضعيف الجلوتين

الخطوات

1- يمزج الزبد مع البيكنج بودر مع الفانليا مع جوز الهند و السكر البودرة جيدا ثم يخلط معهم الدقيق و يعجن حتى تمام تجانس العجينة

2- يضاف البيض للخليط السابق و يخلط الجميع حتى تتجانس العجينة

3- يتم تشكيل قطع رموش الست و ذلك بتكويرها بين راحتي اليد ثم يتم عمل استطالة لها للحصول على قطعة مسلوبة الطرفين

4- يتم تلميع وحه القطع بالبيض المخفوق ثم يتم عمل شق خفيف ببشرة القطعة دون التعمق فيه (شق سطحي)

5- يتم تسويتها في فرن درجة حرارتة 220 درجة مئويه لمدة 20 دقيقة أو حتى تمتم الخبز

6- بعد تمام النضج تسقى الرموش بالعسل المخفف البارد (مثل المستخدم في عمل البسبوسة)

[عواطف]

• • •

• السلام عليكم ورحمة الله وبركاته •

• • •

مشكور ياشف ..

هل هي نفسها عيون المها .. (عيون الست) ..؟

• • •

• مع التحية •

• • •

تم تعديل 8 أبريل 2008 بواسطة عواطف

[مصطفى عبد الوهاب]

أيوه يا أفندم بالظبط الله ينور عليكي

[فتافيت]

ول مرة اسمع عنها ها اجربها

[مصطفى عبد الوهاب]

ول مرة اسمع عنها ها اجربها

يارب تعجبك و تقول لنا رأيك

[nash]

أخي الكريم مصطفي....

أنا عملت رموش الست حالا..وطبعا فارق الخبرة والتجربه زيرو...بس أهي محاوله..لكن بصراحها طعمها كان أكثر من رائع

...لي ملاحظات ارجوا ان تصححها لي...

أولا لازم القطع تكون بعيده عن بعضها عند وضعها في الصينيه

ثانيا..تكون القطع سميكه نوعا ما لإنها تفرد بعد ذلك كالكوكيز بالضبط..

الصورة بعد محاوله تحسين المظهر العام...طبعا عملت القطع كبيرة الحجم لإني زهقت الحقيقه :angry: ty:)

[مصطفى عبد الوهاب]

بالهنا و الشفا يا فندم

بالنسبة للملاحظة الأولى فهي تمام أما الملاحظة الثانية فهي مش مظبوطة لأن المفروض أن القطع بتكون صغيرة و رفيعة يعني تشبه الأصابع مع اختلاف انها تكون كبيرة عريضة من المنتصف و رفيعة من الأطراف

و في انتظار المرة القادمة و الخبرة تأتي من تكرار الأخطاء

[badroora]

انا كنت مفكرة رموش الست دي ماركة ماسكرة للرموش بصراحة دخلت اتصدمت انها نوع من الحلويات ........تسلم ايديكم

انما ايه يا ناش اللى انتى عملاه دي دي رموش دى دانتى عميتى الست نفسها باليخنى اللى عملاه دا ........

دي رموش يا ناش مش طعمية روحى يا شيخ :angry:

[nash]

انما ايه يا ناش اللى انتى عملاه دي دي رموش دى دانتى عميتى الست نفسها باليخنى اللى عملاه دا ........

دي رموش الست والله ty:)

تصدقي انا كمان أستغربت زيك كده....بس مضطرة اعترف بكذا حاجه....

السكر البودرة ماكانش عندي...فحطيت سكر سنترفيش...

جوز الهند مالقيتش عند البقال النوع الناعم ...حطيت الخشن...

ماكانش عندي عيار للجرام...فاستعملت عيار السوائل...

أيه تاني مصايب......ياربيييييي...

بس كفايه كده...فكتر خيري يعني أني طلعت حاجه clp:: .....بس والله العظيم طلعت روعه بجد بجد...

تاخدي طعميايه؟؟ :angry:

[ليالي الغربة]

شكلها طيبة جدا بصراحة شكرا جزيلا .