الحل للعايز يتجوز او العاوزة تتجوز

[goold]

انا هنا بالخليج من 23 سنه وقد لاحظت انتشار شئ استغربت منه ولكن بالتفكير فيه وجدته حل للشباب وتسهيل لجوازهم والحد من الفتنه والجواز العرفى وارهاق الشباب فى موضوع الجواز والشقة والعفش وكل عاداتنا الصعبه ايه هو بقه -

لقيت ان الشباب هنا معظمهم بيتجوزوا فى غرفه مع العائلة او دور فى بيت العائله وذلك على ما يجهزوا بيتهم او يأتى دورهم فى بيوت الحكومه التى توزعها عليهم بترتيب التسجيل والزواج الفرق بقه انهم هنا العائلات فى الكويت اغنى من مصر لكن وجدنا انهم اصبحوا يفكروا بواقعية- ولقد تخرج ابن اختى من كليه الظباط وقد وجدنا واحده بتزورنا وبتقول مبروك ده بقه عريس بنتى ومش هنكلفكم حاجة وفعلا تم الزواج والبنت موجودة فى سويد خاص فى بيت العائلة واسعد اثنين

[MuslimaEgyptian]

بس مش ده واقع فعلا بيحصل فى مصر يا أخ جوولد؟

وخاصا مع العائلات المحدوده الدخل اللى الإبن فيها مش بيقدر يجيب شقه؟

[goold]

بس مش ده واقع فعلا بيحصل فى مصر يا أخ جوولد؟

نعم يحدث فى الوسط المتوسط غير القادر وهنا الكلام او الفرق فهنا البنت الكويتية الغنية والتى تعيش فى فلل ومنعمة اصبحت توافق الحياه مع اسرة الزوج مكتفيه بغرفه على ما يأتى دورهم فى الحصول على بيت او احيانا تاجير شقه بسيطة .. الكلام بقه ممكن تتنازل فتاتنا المصرية او اسرتها وتسمح للبنت بالزواج بهذا الوضع السهل الذى يعالج قصر اليد وصعوبه الزواج وموضوع العنوسه والزواج العرفى الجديد عندنا بمصر الان

[farasha79]

ده طبعا هيفتح باب المشاكل

لو سويد لازم يكون منفصل خالص .. بس غرفه دي صعبه شويه لان البنت عاوزه تاخد حريتها بالاضافه احنا لسه خارجين من بيتنا ( بيت العايله ) نروح لبيت عيله تانيه ؟؟

عاوزين هدوء شويه يا جولد :sigh: