النساء: هل يخرجن أم يقرن فى بيوتهن ؟

[~Heba~]

الست ما طلبتش و لا بالعمل و لا بالحرية اللي طالبوا بالكلام ده و لاد الحلال اللي عملوا نفسهم مدافعين عن المرأة مش عارفة مين اللي وكلهم اللي هما يدافعوا او يتكلموا

ده كلامك يا جويرية

ايش عرفك بقى انها مطلبتش!!!!!!!!!!!

انا مش بتخانق و لا حاجة بس انتى عايزانا نرجع للزمن القديم و اهو اخونا سهران جابلك امثلة من الزمن القديم الجميل و انا كمان حجيبلك مثال على ان المرأة كانت تعمل من ايام عهد الرسول عليه الصلاة و السلام

هند بنت عتبه لما طلقها ابو سفيان و كان ذلك وقت خلافة سيدنا عمر بن الخطاب عملت فى التجارة على ما اتذكر لتنفق على نفسها و لم ينكر عليها احد

انت لم تأتى بأمثلة تؤكد ان المرأة زمان مكنتش بتشتغل جبتى بس امثلة عن تفوق العرب المسلمين فى سالف العصر و الاوان و الايام بيداولها ربنا بين الناس و مش بتدوم لاحد و تخلف العرب و المسلمين الان ليس سببه المراة انما مجموعه اسباب مترابطة و كله فى الاخر بامر من الله

قبل ثورة 19 كنا برضو متخلفين و كانت المراة لا تعمل و لا تتعلم

الان انت عايزة المرأة تتعلم فقط امور الخياطة و الطبيخ لانه فى نظرك ده بس اللى هينفعها و ينفع المجتمع و تناسيتى شى اسمه الفروق الفردية و هى لا تتوقف على النوع لكنها بتكون هبه من الله تعالى مثلا امراة احبت العلم طلبته و انتهى بها الحال كعالمه او مخترعه زى مارى كورى كده نيجى احنا نقولها لا انتى امرأة و اخرك الطبيخ

افهمى يا جويرية انه المرأة اذا تلقت العلم لا يغير ذلك كونها امراة واذا كان فى قدراتها ما يؤهلها لافاده المجتمع فلا يجب ان تتأخر عن ذلك ولا يحق لاحد انه يحرم المجتمع من علمها بحجة انها امرأة

و احب اضرب لك مثال بنفسى

انا حاصلة على بكالريوس هندسة و احب البرمجة و ناوية امتهنها لكنى مازلت امراة تحب شغل البيت و الوقفةفى المطبخ و التفنن فى عمل الاكلات و بحب كمان الاشغال اليدوية و الخياطة و بعممل شغل فى وقت فراغى كهواية حتى انى عملت حاجات لابن اخى و لابنة اخى التانى و كله عمايل ايديا و حياة عنيا و ان شاء الله ييجى اليوم اللى اعمل فيه لاطفالى يعنى سلوبيت كده على لكلوك على طاقية و كوفيه

بس فى نفس الوقت لن لن اتنازل قيد انملة عن حبى للعمل كمبرمجة و اسأل الله فى هذا اليوم المبارك انه يوفقنى

[MZohairy]

الله يرحم الاستاذ فريد الأطرش حينما قال :

انا كنت فاكرك ملاك.... أتاري حبك هلاك

وادلع يارشيدي على وش الميه

تحياتي

[~Heba~]

الله يرحم الاستاذ فريد الأطرش حينما قال :

انا كنت فاكرك ملاك.... أتاري حبك هلاك

وادلع يارشيدي على وش الميه

تحياتي

:lol: :lol: :lol:

و معناته ايه الكلام ده يعنى

مين اللى مين و بقى هلاك

[جويرية]

أتفضلي يا هبة أدي اللي احنا بنشوفه

الله يرحم الاستاذ فريد الأطرش حينما قال :

انا كنت فاكرك ملاك.... أتاري حبك هلاك

وادلع يارشيدي على وش الميه

تحياتي

تقدري تقوليللي معناها اي الأغاني دي ؟؟ غير التريقة و الأستخفاف

تم تعديل 28 مارس 2008 بواسطة جويرية

[vipwithyou]

يا جماعة محدش بيتريق ولا حاجة

عايزينكوا تلخصوا اللى عندكوا احسن من الخلافات على كل كلمه

كل واحد يقول رأيه بصراحة وبس

شكرا

[جويرية]

يعني مثلا مفروض الست متخرجش من البيت ألا للضرورة

و أخوها يقضيلها كل طلباتها

اسمحولي اتطفل بالسؤال معلش

ليه متخرجش الست من البيت الا للضروره؟

و أي ست؟

الطبيبه ولا المدرسه ولا استاذة الجامعه ولا المهندسه ولا كابتن الطيران ولا ...........

ده حتى الست الجاهله اللي مبتشتغلش و ملهاش عمل في حياتها غير قضاء مستلزمات البيت و احتياجات زوجها و أولادها.... ايضا من حقها كإنسانه انها تخرج من البيت بدون ضروره!

ده نموذج من الآراء الإسلاميه اللي بيخلي الآخرين يتصوروا صورة المرأه المسلمه كمجرد وعاء ينتظر الرجل لدى عودته للمنزل لقضاء احتياجاته البشريه ....فقط

تحياتي

[color="#8B0000"]مش فاهم ..... و هو الكلام ده لسة بينقال لغاية النهاردة؟؟؟ و هي الست لو ضعيفة النفس قليلة الحياء قاعدتها في البيت هاتمنع قلة حياها ؟؟؟ في عهد الرسول صلى الله عليه و سلم كانت بعض النساء تخرج حتى في الغزوات و يعملوا حتى في علاج الجرحى .... سيدنا موسى ذهب بنفسه و سأل الأختين ما خطبكما ؟؟؟ و ردوا عليه ... السيدة خديجة رضي الله عنها كانت تعمل بالتجارة .... الملكة بلقيس كانت تحكم قومها برجاحة عقل و حكمة و النص القرآني موجود و تناقش مجلس الحكم و تتخذ قرارات أكثر حكمة من قراراتهم ( أن الملوك أذا دخلوا قرية أفسدوها و جعلوا أعزة أهلها أذلة و كذلك يفعلون .. صدق الله العظيم ) .. العفة محلها النفوس الذكية و التقوى محلها القلب و النفس و القلب معنا لو تعارفنا مع الناس أو لو كنا بين أربعة جدران .

الستات اللي طلعوا في الغزوة دول حوالي عشرين ست و عدد الجيش متهيألي عشرين ألف و لا 18 مش متاكدة

و بعدين دول بيداوا الجرحي في جيش يعني اكيد ستات كبار في السن و عواجيز عندهم خبرة في الموضوع ده

مش حيبقوا شابات يعني يسيبوا اطفالهم و بيوتهم و يطلعوا مع الجيش

و بعدين ده مش في كل الغزوات بيحصل الكلام ده و بعدين اكيد معاهم محارمهم

بنات سيدنا يعقوب قالوا لسيدنا موسي ( و أبونا شيخ كبير ) يعني هما معذورين في خروجهم و كمان واحدة فيهم قالت لأبوها ( يا ابت أستأجره ) يعني ما صدقت لقيت حد يشيل عنهم الحمل ده و عايزة حد يشتغل مكانهم

السيدة خديجة كانت صاحبة مال ماكنتش تاجرة الرسول صلي الله عليه وسلم هو اللي كان بيسافر بالتجارة

بلقيس دي كانت كافرة و متهيألي و الله اعلم اتجوزت سيدنا سليمان و سابت الملك

يقول الرسول صلي الله عليه و سلم ( لن يفلح قوم ولوا أمرهم امرأة )

و بعدين لو الصحابة أستشهدوا بموضوع خروج المراة ده لمداواة الجرحي كانوا خرجوا نساؤهم يشتغلوا معاهم

[MZohairy]

اخت جويريه

تأكدي انني لا اسخر منك اطلاقا

و اقسم بالله العظيم انني لا اسخر منك

لكنني اسخر في حقيقة الأمر من أي آراء تدعوا المرأه للبقاء في المنزل في هذا الزمن

بحسها كده دعوه للرجعيه و الإنغلاق و العوده الى العصر الجاهلي

و قلت قبل كده مرارا ان دي حريه شخصيه

فالسيده التي لا ترى نفسها انها لا تصلح إلا للطبيخ و الغسيل و الكنس و المسح و رعاية شئون المنزل فهذا حقها و على راسنا من فوق

واللي شايفه نفسها تصلح للعمل الميداني و التفاعل مع المجتمع فهذا حقها ايضا

أما ان تكون هناك دعوه لبقاء كل السيدات في المنازل فهذا شيئ غير قابل للنقاش حاليا في هذا العصر

تحياتي

[~Heba~]

اخت جويريه

تأكدي انني لا اسخر منك اطلاقا

و اقسم بالله العظيم انني لا اسخر منك

لكنني اسخر في حقيقة الأمر من أي آراء تدعوا المرأه للبقاء في المنزل في هذا الزمن

بحسها كده دعوه للرجعيه و الإنغلاق و العوده الى العصر الجاهلي

و قلت قبل كده مرارا ان دي حريه شخصيه

فالسيده التي لا ترى نفسها انها لا تصلح إلا للطبيخ و الغسيل و الكنس و المسح و رعاية شئون المنزل فهذا حقها و على راسنا من فوق

واللي شايفه نفسها تصلح للعمل الميداني و التفاعل مع المجتمع فهذا حقها ايضا

أما ان تكون هناك دعوه لبقاء كل السيدات في المنازل فهذا شيئ غير قابل للنقاش حاليا في هذا العصر

تحياتي

ماشى يا استاذ زوهيرى احنا حنسامحك بس عشان خاطر البيبى الامور ده اللى فى الصورة الرمزية بتاعتك

و على فكرة كنت خلاص حتفق مع جويرية عليك كويس انك لحقت نفسك لانه انت عارف بيحصل ايه لما اتنين ستات يتفقوا مع بعض على راجل :lol:

[جويرية]

يا جماعة محدش بيتريق ولا حاجة

عايزينكوا تلخصوا اللى عندكوا احسن من الخلافات على كل كلمه

كل واحد يقول رأيه بصراحة وبس

شكرا

شكرا يا اخ 'vipwithyou'

فعلا فكرة أني ادور علي اراء العلماء في الموضوع ده و انقلها بدل الكلام الكتير ده

[جويرية]

ما حكم الإسلام في عمل المرأة وخروجها بزيها الذي نراه في الشارع والمدرسة والبيت هكذا . وعمل المرأة الريفية مع زوجها في الحقل ؟

ا لجواب :

لا ريب أن الإسلام جاء بإكرام المرأة والحفاظ عليها وصيانتها عن ذئاب بني الإنسان ، وحفظ حقوقها ورفع شأنها ، فجعلها شريكة الذكر في الميراث وحرم وأدها وأوجب استئذانها في النكاح وجعل لها مطلق التصرف في مالها إذا كانت رشيدة وأوجب لها على زوجها حقوقا كثيرة وأوجب على أبيها وقراباتها الإنفاق عليها عند حاجتها وأوجب عليها الحجاب عن نظر الأجانب إليها لئلا تكون سلعة رخيصة يتمتع بها كل أحد ، قال تعالى في سورة الأحزاب : وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِنْ وَرَاءِ حِجَابٍ ذَلِكُمْ أَطْهَرُ لِقُلُوبِكُمْ وَقُلُوبِهِنَّ الآية ، وقال سبحانه في السورة المذكورة : يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ وَكَانَ اللَّهُ غَفُورًا رَحِيمًا وقال تعالى في سورة النور : قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ * وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ الآية . . فقوله سبحانه إِلَّا مَا ظَهَرَ مِنْهَا فسرة الصحابي الجليل عبد الله بن مسعود رضي الله عنه بأن المراد بذلك الملابس الظاهرة . لأن ذلك لا يمكن ستره إلا بحرج كبير ، وفسره ابن عباس رضي الله عنهما في المشهور عنه بالوجه والكفين ، والأرجح في ذلك قول ابن مسعود لأن آية الحجاب المتقدمة تدل على وجوب سترهما ولكونهما من أعظم الزينة فسترهما مهم جدا ، وقال شيخ الإسلام ابن تيمية رحمه الله : كان كشفهما في أول الإسلام ثم نزلت آية الحجاب بوجوب سترهما ، ولأن كشفهما لدى غير المحارم من أعظم أسباب الفتنة ومن أعظم الأسباب لكشف غيرهما ، وإذا كان الوجه والكفان مزينين بالكحل والأصباغ ونحو ذلك من أنواع التجميل كان كشفهما محرما بالإجماع ، والغالب على النساء اليوم تحسينهما وتجميلهما ، فتحريم كشفهما متعين على القولين جميعا ، وأما ما يفعله النساء اليوم من كشف الرأس والعنق والصدر والذراعين والساقين وبعض الفخذين فهذا منكر بإجماع المسلمين لا يرتاب فيه من له أدنى بصيرة والفتنة في ذلك عظيمة والفساد المترتب عليه كبير جدا .

فنسأل الله أن يوفق قادة المسلمين لمنع ذلك والقضاء عليه والرجوع بالمرأة إلى ما أوجب الله عليها من الحجاب والبعد عن أسباب الفتنة .

ومما ورد في هذا الباب قوله سبحانه : وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَى وقوله سبحانه : وَالْقَوَاعِدُ مِنَ النِّسَاءِ اللَّاتِي لَا يَرْجُونَ نِكَاحًا فَلَيْسَ عَلَيْهِنَّ جُنَاحٌ أَنْ يَضَعْنَ ثِيَابَهُنَّ غَيْرَ مُتَبَرِّجَاتٍ بِزِينَةٍ وَأَنْ يَسْتَعْفِفْنَ خَيْرٌ لَهُنَّ وَاللَّهُ سَمِيعٌ عَلِيمٌ فأمر الله سبحانه النساء في الآية الأولى بلزوم البيوت . لأن خروجهن غالبا من أسباب الفتنة ، وقد دلت الأدلة الشرعية على جواز الخروج للحاجة مع الحجاب والبعد عن أسباب الريبة ، ولكن لزومهن للبيوت هو الأصل وهو خير لهن وأصلح وأبعد عن الفتنة ، ثم نهاهن عن تبرج الجاهلية وذلك بإظهار المحاسن والمفاتن وأباح في الآية الثانية للقواعد وهن العجائز اللاتي لا يرجون نكاحا وضع الثياب بمعنى عدم الحجاب بشرط عدم تبرجهن بزينة ، وإذا كان العجائز يلزمن بالحجاب عند وجود الزينة ولا يسمح لهن بتركه إلا عند عدمها وهن لا يفتن ولا مطمع فيهن فكيف بالشابات الفاتنات ، ثم أخبر سبحانه أن استعفاف القواعد بالحجاب خير لهن ولو لم يتبرجن بالزينة وهذا كله واضح في حث النساء على الحجاب والبعد عن السفور وأسباب الفتنة والله المستعان .

أما عمل المرأة مع زوجها في الحقل والمصنع والبيت فلا حرج في ذلك وهكذا مع محارمها إذا لم يكن معهم أجنبي منها ، وهكذا مع النساء ، وإنما المحرم عملها مع الرجال غير محارمها .

لأن ذلك يفضي إلى فساد كبير وفتنة عظيمة كما أنه يفضي إلى الخلوة بها وإلى رؤية بعض محاسنها ، والشريعة الإسلامية الكاملة جاءت بتحصيل المصالح وتكميلها ودرء المفاسد وتقليلها وسد الذرائع الموصلة إلى ما حرم الله في مواضع كثيرة ، ولا سبيل إلى السعادة والعزة والكراهة والنجاة في الدنيا والآخرة إلا بالتمسك بالشريعة والتقيد بأحكامها والحذر مما خالفهما والدعوة إلى ذلك والصبر عليه . وفقنا الله وإياكم وسائر إخواننا إلى ما فيه رضاه ، وأعاذنا جميعا من مضلات الفتن إنه جواد كريم

[جويرية]

بأس من عمل المرأة وفق الضوابط الشرعية

صالح بن فوزان الفوزان

عضو هيئة كبار العلماء .. بالسعودية .

الحمد لله وبعد :

فقد كثر الضجيج حول عمل المرأة حتى وصل ذلك إلى أن ادعى بعضهم أن المرأة معطلة في مجتمعنا وهي نصف المجتمع دون أن يبين ما حقيقة عمل المرأة التي يريدها اللهم إلا إن كان يريد العمل الذي تقوم به المرأة في غير المجتمع المسلم فذاك في الواقع ليس هو عملا للمرأة ، وإنما هو عمل كلفت به وهو لا يليق بها وخارج عن طاقتها ، أو هو عمل يتنافى مع حشمتها وأنوثتها .

فالمرأة منذ خلقها الله وهي تعمل العمل اللائق بها مما لا يقوم غيرها مقامها فيه .

وأول أعمالها القيام بحقوق زوجها الذي هو جنتها أو نارها كما في الحديث . ولذلك لا تخرج من بيته إلا بإذنه ولا تصوم نافلة وزوجها حاضر إلا بإذنه ولا تحضن ولدها من غيره إلا بإذنه.

وثانيها حق ولدها من حين تحمله في بطنها إلى أن يبلغ سن التمييز عاقلا ويتمثل ذلك في الحمل والرضاعة والحضانة.

ثالثا: عمل بيتها كما جاء في الحديث: "والمرأة راعية في بيت زوجها ومسؤولة عن رعيتها" فمن يا ترى يقوم بهذه الأعمال إذا تخلت عنها؟. إنها أعمال لا يقوم بها الفئام من الناس ولن يؤدوها على الوجه الذي تؤديه المرأة التي هي مطلوبة به بالذات لا يقوم غيرها مقامها فيه.

قال الشاعر :

في دورهن شؤونهن كثيرة * * * كشؤون رب البيت والمزراق

فدعوا النساء لأعمالهن الجبلية اللائقة بهن يا دعاة تحرير المرأة كما تزعمون . فقد دعا بدعوتكم أناس قبلكم فخاب ظنهم وفشل مسعاهم لأنهم يريدون أن يعاكسوا الفطرة التي فطر الله الناس عليها "لا تبديل لخلق الله" وأنتم بدأتم من حيث انتهوا ولكم فيهم عبرة "وخيركم من وعظ بغيره" والفطرة والشرع يقضيان بتفرغ المرأة لعملها اللائق بها والرجل ينفق عليها " الرجال قوامون على النساء " .

نعم إذا احتاجت المرأة إلى العمل اللائق بها خارج بيتها فلا بأس بذلك وفق ضوابط شرعية من التزامها بالحجاب وعدم مخالطتها للرجال وعدم الخلوة مع الرجل الذي ليس محرما لها وعدم سفرها بدون محرم .

فقد كانت نساء المسلمين يعملن خارج البيوت بهذه الضوابط الشرعية - أما ما يقال إن المجتمع بحاجة إلى عمل المرأة . فهو قول عليه ملاحظات . لأن العاطلين عن العمل من الرجال كثيرون وتلك مشكلة يعاني منها المسؤولون ونقرأ ونسمع من أخبارها الشيء الكثير . فإذا ما انتهت بطالة الرجال فحينئذ ينظر في تشغيل النساء فيما يليق بهن.

وبالله التوفيق .

صالح بن فوزان الفوزان

عضو هيئة كبار العلماء

[جويرية]

حكم الاختلاط بين النساء والرجال في المصانع والمكاتب

س _ ما حكم معاملة النساء كالرجال في المصانع أو في المكاتب غير الإسلامية ؟ وما حكم النفس فيها التي تعرضت بالهلاك لمرض خطير يؤدي علاجه إلى تجريد المسلمة في هذه المذكورة ولو في دول إسلامية حيث الأطباء فيها كلهم رجال ؟

جـ _ أما في حكم اختلاط النساء بالرجال في المصانع والمكاتب وهم كفار في بلاد كافرة فهو غير جائز ، ولكن عندهم ما هو أبلغ منه وهو الكفر بالله ، جل وعلا _ فلا يستغرب أن يقع بينهم مثل هذا المنكر ، وأما اختلاط النساء بالرجال في البلاد الإسلامية وهم مسلمون فحرام وواجب على مسئولي الجهة التي يوجد فيها هذا الاختلاط أن يعملوا على فصل النساء على حدة والرجال على حدة ، لما في الاختلاط من المفاسد الأخلاقية التي لا تخفى على من له أدنى بصيرة . وأما تجريد الرجل للمرأة المسلمة من أجل علاجها فإذا دعت الضرورة إلى العلاج ولم يوجد من يعالجها سوى رجل فيجوز ذلك ولكن يكون بحضرة زوجها إن أمكن ، وإلا فيوجد نساء من محارمها ولا يجرد منها إلا ما تدعو الضرورة لكشفه من جسمها ، والأصل في جواز ذلك أدلة يسر الشريعة ورفع الحرج عن الأمة عند الضرورة كقوله تعالى : ( ما يريد الله ليجعل عليكم من حرج ) وقوله تعالى ( وما جعل عليكم في الدين من حرج ) .

اللجنة الدائمة

--------------------------------------------------------------------------------

حكم عمل المرأة في مكان مختلط

س _ هل يجوز العمل للفتاة في مكان مختلط مع الرجال علماً بأنه يوجد غيرها من الفتيات في نفس المكان ؟

جـ _ الذي أراه أنه لا يجوز الاختلاط بين الرجال والنساء بعمل حكومي أو بعمل في قطاع خاص أو في مدارس حكومية أو أهلية . فإن الاختلاط يحصل فيه مفاسد كثيرة ، ولو لم يكن فيه إلا زوال الحياء للمرأة وزوال الهيبة للرجال ، لأنه إذا اختلط الرجال والنساء أصبح لا هيبة عند الرجل من النساء ، ولا حياء عند النساء من الرجال ، وهذا ( أعني الاختلاط بين الرجال والنساء ) خلاف ما تقضية الشريعة الإسلامية ، وخلاف ماكان عليه السلف الصالح ، ألم تعلم أن النبي صلى الله عليه وسلم جعل للنساء مكاناً خاصاً إذا خرجن إلى مصلى العيد ، لا يختلطن بالرجال ، كما في الحديث الصحيح أن النبي صلى الله عليه وسلم حين خطب في الرجال نزل وذهب للنساء فوعظهن وذكرهن وهذا يدل على أنهن لا يسمعن خطبة النبي صلى الله عليه وسلم أو إن سمعن لم يستوعبن ما سمعنه من رسول الله صلى الله عليه وسلم ثم ألم تعلم أن النبي صلى الله عليه وسلم قال : ( خير صفوف النساء آخرها وشرها أولها وخير صفوف الرجال أولها وشرها آخرها ) . وما ذاك إلا لقرب أول صفوف النساء من الرجال فكان شر الصفوف ، ولبعد آخر صفوف النساء من الرجال فكان خير الصفوف ، وإذا كان هذا في العبادة المشتركة فما بالك بغير العبادة ، ومعلوم أن الإنسان في حال العبادة أبعد ما يكون عما يتعلق بالغريزة الجنسية ، فكيف إذا كان الاختلاط بغير عبادة، فالشيطان يجري من ابن آدم مجرى الدم ، فلا يبعد أن تحصل فتنة وشر كبير في هذا الاختلاط ، والذي أدعو إليه إخواننا أن يبتعدوا عن الاختلاط وأن يعلموا أنه من أضر ما يكون على الرجال كما قال الرسول عليه الصلاة والسلام : ( ما تركت بعدي فتنة أضر على الرجال من النساء ) . فنحن والحمد لله _ نحن المسلمين _ لنا ميزة خاصة يجب أن نتميز بها عن غيرنا ويجب أن نحمد الله _ سبحانه وتعالى _ أن من علينا بها ويجب أن نعلم أننا متبعون لشرع الله الحكيم الذي يعلم ما يصلح العباد والبلاد ويجب أن نعلم أن من نفروا عن صراط الله _ عز وجل _ وعن شريعة الله فإنهم على ضلال ، وأمرهم صائر إلى الفساد ولهذا نسمع أن الأمم التي يختلط نساؤها برجالها أنهم الآن يحاولون بقدر الإمكان أن يتخلصوا من هذا ولكن أنى لهم التناوش من مكان بعيد ، نسأل الله تعالى أن يحمي بلادنا وبلاد المسلمين من كل سوء وشر وفتنة .

الشيخ ابن عثيمين

[Alshiekh]

بنات سيدنا يعقوب قالوا لسيدنا موسي ( و أبونا شيخ كبير ) يعني هما معذورين في خروجهم و كمان واحدة فيهم قالت لأبوها ( يا ابت أستأجره ) يعني ما صدقت لقيت حد يشيل عنهم الحمل ده و عايزة حد يشتغل مكانهم

للتوضيح ، البنتان كانتا ابنتا سيدنا شعيب وليس سيدنا يعقوب.

وبعدين با أخت جوبرية النساء طول عمرهم قبل المدارس وقبل التعليم والكليات ، كانوا ولايزالوا يعملن فى كل المجالات ، فزوجة الفلاح بتسرح للغيط ، وتساعد زوجها فى كل اعماله الخفيفة والشاقة ، وزوجة راعى الغنم ترعى الغنم بالتبادل معه او يرعون الغنم معا ، وزوجة البواب كانت تعمل معه فى حراسة العمارة ، وزوجة الملك كانت تساعده فى ادارة شئون المملكة ، وزوجة الصياد كانت تساعده فى اصلاع وصناعة وغزل شباك الصيد. وحقيقى انا مش فاهم ايه حكاية الاختلاط اللى ماسكينها دى؟ يعنى انتى لما كنتى فى الكلية كانوا عاملين مدرجات للبنات ومدرجات للبنين؟ وبوفيه للبنات وبوفيه للبنين؟ وباب للبنات وباب للبنين؟

تقومى تيجى انتى وتجيبى لنا فتاوى بن عثيمين وين فوزان وبن مش عارف مين وعايزة تفرضى اراؤهم علينا ؟ انتوا ليه بتمسحوا عقولكوا؟ واضح من كلامك انك جامعية ، لو عايزة تقعدى فى البيت ، دى حرية شخصية ، فى ناس بتحب الراحة وتعطيل المخ ، لكن تفتكرى ربنا خلق المرأة علشان ماتخرجش من بيتها الا على القبر زى بعضهم مابيقول؟

لا طبعا ..... ربنا طبعا خلق المرأة مخلوق كامل يستطيع ان يقوم بكل الاعمال خفيفها وشاقها ، بدءا من اشغال الابرة ، الى العمل فى الفاعل ( أعمال البناء ) ومن تنظيف المنزل وغسيل الحلل ، الى ابحاث الكيمياء والفضاء والخلايا الجزعية ، فياريت تسيبى قراءة الكتب الصفراء القديمة وتلفى على الانترنت وتشوفى النساء فى العالم بتعمل ايه. لان حقيقى انتى صعبانة على لانك بتحاربى لوحدك فى جبهة كلها ناس فاهمين الدنيا عكسك تماما.

[MZohairy]

يا أخت جويريه

ليست كل الفتاوى السعوديه يمكن تطبيقها على باقي البلاد

معاكي انها ممكن تطبيقها على المجتمع السعودي لظروف خاصه

و لكنها لا يمكن تطبيقها على كل المسلمين في كل البلاد

بدليل ان قيادة المرأه للسياره ممنوعه دينيا فقط في السعوديه و لكنها أمر طبيعي ان تقود الطائره في بلاد أخرى

ارجوكي

لا تأخذي آراء مكان معين و تعتقدي انها صالحه لكل مكان وان هذا هو الاسلام

شكرا

[nash]

هناك فرق بين الإختلاط والخلوة....كل مانتناقش مع نوعيه معينه من البشر ..نلاقي اللخبطه...

المفروض نعمل شوارع خاصه بالنساء وأخري بالرجال....وياريت نجمع النساء كلها في جزيرة واحده ونرميهم في عرض المحيط علشان مايختلطوش بحد....

تقومى تيجى انتى وتجيبى لنا فتاوى بن عثيمين وين فوزان وبن مش عارف مين وعايزة تفرضى اراؤهم علينا ؟

الغريب أنهم يعيبون علي أصحاب العقائد المختلفه عنا تقديسهم لشيوخهم ولا يعيبون علي أنفسهم ..وإذا ناقشتهم ..قالوا نحن نحترمهم ونجلهم ولا نقدسهم...علي اساس أن لا عقول لنا ولا نقرأ ونفهم...

بدليل ان قيادة المرأه للسياره ممنوعه دينيا فقط في السعوديه و لكنها أمر طبيعي ان تقود الطائره في بلاد أخرى

لا يازوهيري...الدنيا أتغيرت خالص الأن.....لما وجد أصحاب هذه الفتوي الدينيه أنهم أصبحوا مثار للسخريه من الجميع ومن علماء الدين الأفاضل الذين يخالفونهم..عادوا عن زج الدين في هذا الأمر..وقالوا عاداتنا وتقاليدنا هي التي لا تسمح..وأخذوا بقاعده سد الذرائع...والجميل أنهم وافقوا بل واباح بعضهم الخلوة بالسائق..علي اساس أن السيارة تسير في شارع مزدحم والسيارات الأخري تملأ المكان...ونسوا الشوارع المظلمه والحلات الطارئه في منتصف الليالي..والتي تضطر فيها السيده للخروج مع السائق....هنا بأة مش حرام؟؟

أكرة ماعلي ان أجد من يلوي أعناق النصوص الدينيه لينتصر لنفسه...

بفكر أوافق علي العرض اللي جالي...

[جويرية]

اخت جويريه

تأكدي انني لا اسخر منك اطلاقا

و اقسم بالله العظيم انني لا اسخر منك

لكنني اسخر في حقيقة الأمر من أي آراء تدعوا المرأه للبقاء في المنزل في هذا الزمن

بحسها كده دعوه للرجعيه و الإنغلاق و العوده الى العصر الجاهلي

و قلت قبل كده مرارا ان دي حريه شخصيه

فالسيده التي لا ترى نفسها انها لا تصلح إلا للطبيخ و الغسيل و الكنس و المسح و رعاية شئون المنزل فهذا حقها و على راسنا من فوق

واللي شايفه نفسها تصلح للعمل الميداني و التفاعل مع المجتمع فهذا حقها ايضا

أما ان تكون هناك دعوه لبقاء كل السيدات في المنازل فهذا شيئ غير قابل للنقاش حاليا في هذا العصر

تحياتي

شكرا لتوضيحك

مش دعوة للرجعية و لا حاجة

هيا فعلا ظروف العصر ده بتفرض علي الست الشغل خاصة اللي مش متجوزة او اللي معهاش اطفال

و كمان برده عشان الشغل مصدر للدخل اللي حتعيش منه

[جويرية]

للتوضيح ، البنتان كانتا ابنتا سيدنا شعيب وليس سيدنا يعقوب.

شكرا لتصحيح هذا السهو

وبعدين با أخت جوبرية النساء طول عمرهم قبل المدارس وقبل التعليم والكليات ، كانوا ولايزالوا يعملن فى كل المجالات ، فزوجة الفلاح بتسرح للغيط ، وتساعد زوجها فى كل اعماله الخفيفة والشاقة ، وزوجة راعى الغنم ترعى الغنم بالتبادل معه او يرعون الغنم معا ، وزوجة البواب كانت تعمل معه فى حراسة العمارة ، وزوجة الملك كانت تساعده فى ادارة شئون المملكة ، وزوجة الصياد كانت تساعده فى اصلاع وصناعة وغزل شباك الصيد.

مش حرام ان الواحدة تشتغل مع محارمها يعني مع جوزها او اخوها

وحقيقى انا مش فاهم ايه حكاية الاختلاط اللى ماسكينها دى؟ يعنى انتى لما كنتى فى الكلية كانوا عاملين مدرجات للبنات ومدرجات للبنين؟ وبوفيه للبنات وبوفيه للبنين؟ وباب للبنات وباب للبنين؟

تقومى تيجى انتى وتجيبى لنا فتاوى بن عثيمين وين فوزان وبن مش عارف مين وعايزة تفرضى اراؤهم علينا ؟ انتوا ليه بتمسحوا عقولكوا؟ واضح من كلامك انك جامعية ، لو عايزة تقعدى فى البيت ، دى حرية شخصية ، فى ناس بتحب الراحة وتعطيل المخ ،

طيب و ايه في الكلية صح عشان نقيس عليه حاجات متأخرة ضيعنا عمرنا في دراستها

مين قال اني عايزة افرض رأيي هيا مجرد مناقشة و كل واحد حر في رأيه

بن عثيمين و بن فوزان من اكبر علماء المسلمين

زي ما احنا كدة بنروح لأكبر دكتور و يدينا علاج منعرفش ايه تركيبته و بناخده و احنا مغمضين عينينا عشان و اثقين فيه المفروض برده مع كلام علماء بالقدر ده نقول أمين

لكن تفتكرى ربنا خلق المرأة علشان ماتخرجش من بيتها الا على القبر زى بعضهم مابيقول؟

ايوة سمعت ان الست ليه خروجتين خروجة لبيت جوزها و خروجة للقبر :)

لا طبعا ..... ربنا طبعا خلق المرأة مخلوق كامل يستطيع ان يقوم بكل الاعمال خفيفها وشاقها ، بدءا من اشغال الابرة ، الى العمل فى الفاعل ( أعمال البناء ) ومن تنظيف المنزل وغسيل الحلل ، الى ابحاث الكيمياء والفضاء والخلايا الجزعية ،

مش عارفة موضوع اعمال البناء ده ايه

عموما المضطر يركب الصعب لو مفيش حد يصرف عليها لازم حتشتغل اي حاجة

فياريت تسيبى قراءة الكتب الصفراء القديمة وتلفى على الانترنت وتشوفى النساء فى العالم بتعمل ايه. لان حقيقى انتى صعبانة على لانك بتحاربى لوحدك فى جبهة كلها ناس فاهمين الدنيا عكسك تماما.

المفاجأة في الموضوع اني موظفة و بشتغل من اول يوم ظهرت فيه نتيجة الكلية :)

شكرا لكم

[جويرية]

يا أخت جويريه

ليست كل الفتاوى السعوديه يمكن تطبيقها على باقي البلاد

معاكي انها ممكن تطبيقها على المجتمع السعودي لظروف خاصه

و لكنها لا يمكن تطبيقها على كل المسلمين في كل البلاد

بدليل ان قيادة المرأه للسياره ممنوعه دينيا فقط في السعوديه و لكنها أمر طبيعي ان تقود الطائره في بلاد أخرى

ارجوكي

لا تأخذي آراء مكان معين و تعتقدي انها صالحه لكل مكان وان هذا هو الاسلام

شكرا

من سنين كدة قبل الأستعمار ماكنش فيه حدود و جواز سفر كان كلها بلاد عربية مسلمة و ماكنش فيه موضوع مصري و سعودي

و بعدين انا بطمئن لفتاوي علماء السعودية اكتر

و بعدين نعمل مقارنة بسيطة كدة بين الجرائم و المشاكل الأجتماعية بين السعودية و مصر حنلاقي ايه ؟

هما مجتمع اكتر التزاما و فتاوي علماؤهم أصح

[جويرية]

هناك فرق بين الإختلاط والخلوة....كل مانتناقش مع نوعيه معينه من البشر ..نلاقي اللخبطه...

المفروض نعمل شوارع خاصه بالنساء وأخري بالرجال....وياريت نجمع النساء كلها في جزيرة واحده ونرميهم في عرض المحيط علشان مايختلطوش بحد....

تقومى تيجى انتى وتجيبى لنا فتاوى بن عثيمين وين فوزان وبن مش عارف مين وعايزة تفرضى اراؤهم علينا ؟

الغريب أنهم يعيبون علي أصحاب العقائد المختلفه عنا تقديسهم لشيوخهم ولا يعيبون علي أنفسهم ..وإذا ناقشتهم ..قالوا نحن نحترمهم ونجلهم ولا نقدسهم...علي اساس أن لا عقول لنا ولا نقرأ ونفهم...

بدليل ان قيادة المرأه للسياره ممنوعه دينيا فقط في السعوديه و لكنها أمر طبيعي ان تقود الطائره في بلاد أخرى

لا يازوهيري...الدنيا أتغيرت خالص الأن.....لما وجد أصحاب هذه الفتوي الدينيه أنهم أصبحوا مثار للسخريه من الجميع ومن علماء الدين الأفاضل الذين يخالفونهم..عادوا عن زج الدين في هذا الأمر..وقالوا عاداتنا وتقاليدنا هي التي لا تسمح..وأخذوا بقاعده سد الذرائع...والجميل أنهم وافقوا بل واباح بعضهم الخلوة بالسائق..علي اساس أن السيارة تسير في شارع مزدحم والسيارات الأخري تملأ المكان...ونسوا الشوارع المظلمه والحلات الطارئه في منتصف الليالي..والتي تضطر فيها السيده للخروج مع السائق....هنا بأة مش حرام؟؟

أكرة ماعلي ان أجد من يلوي أعناق النصوص الدينيه لينتصر لنفسه...

بفكر أوافق علي العرض اللي جالي...

علي مين يا أختى ناش نوعية من البشر عليا أنا :)

مين بس اللي قال بلوي عنق الأيات و مين قال عايزة انتصر لنفسي

هيا مش حرب يا أختي ناش

انا بقول رأيي و يسعدني برده انه اعرف رأيك و مش لازم نتفق ممكن نختلف و مش حيبقي في اي مشكلة

مش شايفة بالأحصائيات كدة بالأرقام ودي اكبر دليل نسبة الجواز العرفي اللي زاد في الجامعات يعني لو جامعة مش مختلطة اكيد مش حيبقي فيها المشاكل دي

السيدة فاطمة بنت رسول الله صلي الله عليه و سلم قالت " خير للنساء ألا يروا الرجال وألا يراهن الرجال "

بصي الأسلام مش بيستني لغاية ما المصيبة تقع و بعدين نحلها لكن المبدأ هو ( الوقاية خير من العلاج )

يعني مش البنت تقعد جنب الولد في الجامعة و يستلف منها الكشكول و هيا تكتبلله المحاضرات و بعد كدة يلاقوا لسة وراهم 10 سنين لغاية ما يعرفوا يتجوزوا قوم ايه الحل نتجوز عرفي

لأ الأسلام بيمنع الكلام ده من الأصل و المبدأ مفيش اختلاط غير للضرورة

[nash]

علي مين يا أختى ناش نوعية من البشر عليا أنا

لا يا أختي جويريه مش عليكي انتي...المحاورات مش المنتدي الوحيد اللي مشتركه فيه....

مش شايفة بالأحصائيات كدة بالأرقام ودي اكبر دليل نسبة الجواز العرفي اللي زاد في الجامعات يعني لو جامعة مش مختلطة اكيد مش حيبقي فيها المشاكل دي

هو الموضوع هنا كان عن أيه؟؟ :)

تصدقوا نسيت :)