مفاجأة : السفينة الأمريكية مدنية وليست حربية

[الحازم حسن]

بمراجعة أخبار الحادث المؤسف الذي وقع أمس بالقرب من غاطس ميناء السويس والتي أطلقت فيه سفينة أمريكية "جلوبال باتريوت" النار على أحد قوارب الصيد بحجة عدم التزامه بتدابير أمن وسلامة السفن الحربية وتسبب بمقتل صياد مصؤي وجرح اثنين.

تبين أن السفينة مدنية وليست حربية وهذه صورة السفينة جلوبال باتريوت

واضح من الصورة أنها سفينة مدنية تستخدم لأغراض النقل والشحن فكيف وصف الحادث بأنه إطلاق نار من سفينة حربية أمريكية وكيف بالأساس صعدت أسلحة على متن سفينة مدنية مثل الموجودة في الصورة

كان الامر به كثير من الشك منذ البداية لأن صيادين قناة السويس ليسوا بهذه الدرجة من البلاهة وعلى خبرة كافية بالتعامل مع كافة السفن ومن السهولة بالنسبة لهم تمييز السفن الحربية أمريكة كانت أو غيرها

برر الأمريكان قتل الصيادين الغلابة بانهم اقتربوا من سفينة حربية واتهموهم بأنهم خالفوا تعليمان امن السفينة الآن هم متهمون بمخالفة تعليمات امن هيئة قناة السويس وذلك بوضع أسلحة على متن سفينة تجارية مدنية

الغريب أكثر أن كل وكالات الأنباء والمواقع الإخبارية التي غطت الخبر لم تنشر صورة السفينة المذكورة أبداً واكتفت بصور أرشيفية

والأغرب ان البنتاجون والخارجية الامريكية والسفارة الامركية بالقاهرة قاموا بالتعليق على الحادث بينما لم يصدر أي تعليق من أي جهة رسمية مصرية

الصورة نقلاً من مدونة وائل عباس

[مصطفى عبد الوهاب]

بمراجعة أخبار الحادث المؤسف الذي وقع أمس بالقرب من غاطس ميناء السويس والتي أطلقت فيه سفينة أمريكية "جلوبال باتريوت" النار على أحد قوارب الصيد بحجة عدم التزامه بتدابير أمن وسلامة السفن الحربية وتسبب بمقتل صياد مصؤي وجرح اثنين.

تبين أن السفينة مدنية وليست حربية وهذه صورة السفينة جلوبال باتريوت

واضح من الصورة أنها سفينة مدنية تستخدم لأغراض النقل والشحن فكيف وصف الحادث بأنه إطلاق نار من سفينة حربية أمريكية وكيف بالأساس صعدت أسلحة على متن سفينة مدنية مثل الموجودة في الصورة

كان الامر به كثير من الشك منذ البداية لأن صيادين قناة السويس ليسوا بهذه الدرجة من البلاهة وعلى خبرة كافية بالتعامل مع كافة السفن ومن السهولة بالنسبة لهم تمييز السفن الحربية أمريكة كانت أو غيرها

برر الأمريكان قتل الصيادين الغلابة بانهم اقتربوا من سفينة حربية واتهموهم بأنهم خالفوا تعليمان امن السفينة الآن هم متهمون بمخالفة تعليمات امن هيئة قناة السويس وذلك بوضع أسلحة على متن سفينة تجارية مدنية

الغريب أكثر أن كل وكالات الأنباء والمواقع الإخبارية التي غطت الخبر لم تنشر صورة السفينة المذكورة أبداً واكتفت بصور أرشيفية

والأغرب ان البنتاجون والخارجية الامريكية والسفارة الامركية بالقاهرة قاموا بالتعليق على الحادث بينما لم يصدر أي تعليق من أي جهة رسمية مصرية

الصورة نقلاً من مدونة وائل عباس

البحريه الأمريكية قامت بتوقيع عقد قصير الأجل مع سفينة الشحن جلوبل باتريوت للقيام بنقل مخلفاتها و هي مدنيه و لا تحمل أي علامات عسكرية منشور في الأهرام عدد اليوم الخميس 27 مارس 2008 الصفحة الأولى

[se_ Elsyed]

الخارجية الامريكية اعتذرت

والخارجية المصرية قبلت الاعتذار النهاردة

وفتحي سرور رفض تكوين لجنة تقصي حقائق امس

وبشبوش كلم مبارك واعتذر له وبالتأكيد قال له : يا سلام !!!! وهي جت عليه انا ؟ طب مانت بتموت في اللي جابوهم كل يوم ... وبالجملة كمان .... وان كنت نسيت اللي جرا .. هات ملفات العبارة السلام تنقرا ... وبعدين يا عم حُسني في مثل مصري بيقول " من لم يمت بالسيف .. مات في طوابير العيش " واقعد بالعافية

[Scorpion]

هو ايه اللي اعتذرت و هو قبل الأعتذار ...

و البني آدم اللي مات ده ...

دمه يتوزع علي القبائل و الا ايه ....

[Scorpion]

لا يكونش البنبوطي اللي اتقتل ده قريب للبطوطي و حيطلعوه هو راخر انتحر

و بكره ننسي

[galaxy]

لا و الله ..........بقي طلعت مش حربيه..........طب خلاص........... بقي اصلي كنت فاكراها حربيه

ان بعض الظن اثم.............صحيح لما نكون بنلعب ف بتاع تمنمائه شهيد..........غير المفقود(العباره)يبقي ايه يعني واحد عشان الدنيا تخف............(مبررات واهيه .لو حربيه تعدي ....عشان كده بثبتونا بالكلمه دي(حربيه) و نظام ارهاب و كده) بس عند مسئولينا الكرام مش فارقه

الله يجازي الي خلا البني أدم رخيص في بلده

[Muhammad Zidan]

لا يكونش البنبوطي اللي اتقتل ده قريب للبطوطي و حيطلعوه هو راخر انتحر

و بكره ننسي

ممكن بس الكلام ده بعد ما يطلعوا الصندوق الأسود بتاع الطيارة ... قصدي بتاع مركب الصيد :blink: :lol:

Muhammad Zidan

[الحازم حسن]

فتحي رفض تكوين لجنة تقصي حقائق ؟!!!!

لا حول ولا قوة إلا بالله كان المفروض انه يطالب بلجنة لتقصي الحقائق

لكن مش مشكلة مواطن يموت ولا يغور في ستين داهية زيح من على قلبك

ماذا تتوقعون من فتحي شرور غير كلمة موافقة

[se_ Elsyed]

نسيت اقول كمان ان عدد من اعضاء مجلس الشعب تقدموا بطلب الي فتحي سرور لاصدار امر بتوقيف السفينة لكنه رفض

الاغرب واللي مش لاقي له مبرر الى الان .. ازاي ادارة القناة تسمح للسفينة انها تمشي بالسهولة دي ؟

دي لا مؤخذه لو كانت خبطت سمكة كانت الدنيا قامت

اومال فالحين بس يوقفوا سفن من اللي بتخبط في الشُعب المرجانية

الا اذا

الا اذا كانت ميسد كول جت من فوق ... فنفذوا غصبٍ عن اللي جابوهم

اما تساؤل بعض الاخوة عن مصير البمبوطي القتيل ... فهو نفس مصير قتلى عصر مبارك .... يعني اقلب وهات اللي بعده

[ابتسامة رضا]

السلام علينا وعلي عباد الله الصالحين

الحكومة بتاعتنا ساكتة من الخضة

مكنتش متوقعة انها تاخد علي قفاها من أصدقائها

بس لما تفوق من الخضة احتمال تتجرأ وتقول لهم

متعملوش كدة تاني

وان عملتوا كدة مرة تانية

خلصوا علي الكل

[se_ Elsyed]

هي دي القرارات الرجولية البطولية اللي بترجع لنا كرامتنا

عاش الرئيس محمد حسني مبارك قائد الكرامة والراجل صاحب الكرامات

جريدة المساء النهاردة

كاميرات تليفزيونية لمراقبة المجري الملاحي لقناة السويس

منع مرور اليخوت واللنشات ليلاً.. وأثناء عبور القطع الحربية

الإسماعيلية مجدي الجندي:

بدأت هيئة قناة السويس في اتخاذ إجراءات جديدة تستهدف زيادة معدلات الأمان أثناء مرور السفن.. جاء ذلك عقب حادث إطلاق النار من سفينة أمريكية علي قارب مصري مما أسفر عن مقتل بمبوطي وجرح آخرين.

قال مصدر مسئول بهيئة قناة السويس إنه تم البدء الفعلي في تركيب كاميرات تليفزيونية داخل المجري الملاحي مزودة بشاشات عرض كبيرة لضمان رؤية أوضح.

علي جانب آخر قررت هيئة قناة السويس عدم السماح بمرور اليخوت والوحدات البحرية الصغيرة واللنشات داخل المجري الملاحي للقناة خلال الفترة المسائية وأثناء مرور السفن الحربية.

أنا فرحان قوي قوي من القرار ده وكنت مستنيه فعلاً ...

أنا متخيل منظر بوش ومعه لفيف من الإدارة الأمريكية وهما ميتين وعاملين بيبي على نفسهم من الرعب دلوقت نتيجة هذا القرار الهلامي ....

أهو بالصلاتو عالنبي ... قرار مية ميه من غير لا قمة عربية ولا قمة إستثنائية .... في 2008 إنضربنا لكن كنا رجالة .. وأخدنا قرارت رجالة ..

مش أنت السفن الحربية وغير الحربية بتاعتك يا بوش بتضرب نار علينا ؟

طب وحياة أمك اللي هي خالتي أم بوش ما هانخلي ولا مركب ولا صرصار حتى يعدي من القناة بتاعتنا طول ما السفن بتاعتك بتلعب في قناة فالوب بتاعتنا .. وإبقى ورينا هاتضرب نار وتتعلم النشان على مين يا وغد .... وغد يعني باسترد بالإنجليزي ؟ ..

بيقولك واحد إسمه توتو نواعم .. عرف إن مراته بتخونه ... فراح إستنى لما الزبون طلع شقته وهو مش موجود ولما أخد واجبه وجاي نازل عالسلم أستخبى له تحت بير السلم وهو نازل بقى طلع له من الضلمة وقاله : بخخخخ .. التاني وكرد فعل طبيعي قال : يا ماما .. فتوتو قاله : إن ما وريتك ؟... كل يوم من ده .

مع الإعتذار لتوتو .

[deemuck]

النكتة في اثارة الموضوع في البداية. انهم قتلوا بسبب الطلاقات النارية الانذارية. طب مركب الصيادين صغيرة وعلى الاد. تضرب انت رصاص من سفينة كبيرة في الهوا ويلف فالهوا ويقتل الصيادين.

وبعدين رجعوا وقالوا كان فيه تحذير ثم ضرب.