يوم 6 ابريل

[osaimi]

لأ والغريب إن كل واحد من المنافقين يطلع يتكلم عن الحكومة ويعد يمجد ويعظم فى الرئيس وكأن الحكومة دى بتتصرف من دماغها . هو فى الحقيقية الحكومة فعلا بيديرها دلوقتى ناس معندهاش أي فكرة عن السياسة ولا عندها أي وطنية ولا يهمهم مصلحة مصر أو الشعب وباعوا البلد بتراب الفلوس لكن إيه السبب فى كده ؟؟ ماهو لو كان فيه رئيس يشكمهم ماكانوش عملوا كده ولا زلت أردد أنه إذا فسدت الرأس فسد الجسد

والناس اللي عمالين يقولوا يجب أن نغير من أنفسنا عشان وعشان ،، ولا فيه حاجه هتتغير حتي لو عملتوا ايه ، الناس فى مصر خلاص اتعودوا علي الهمجية وعدم النظام وعدم الإخلاص فى العمل والواسطة والوصولية والنفاق ومفيش حاجه هتعدل الوضع المزفت ده إلا حكومة محترمة تطبق القانون علي الكبير قبل الصغير (( زي حكومة محمد علي باشا - أزهى العصور الإقتصادية فى مصر)) وماتنسوش تجربة أحمد رشدى كمان فى التاريخ الحديث الوزير المحترم اللي اتفق عليه الخونه

ماهو لازم يكون هناك حل من الأرض أو من السماء عشان خاطر بلدنا وأولادنا

[se_ Elsyed]

والناس اللي عمالين يقولوا يجب أن نغير من أنفسنا عشان وعشان ،، ولا فيه حاجه هتتغير حتي لو عملتوا ايه ، الناس فى مصر خلاص اتعودوا علي الهمجية وعدم النظام وعدم الإخلاص فى العمل والواسطة والوصولية والنفاق

أنا ضد هذا تماماً

يا أخ عُصيمي

هل مازلت تعد نفسك من ضمن المصريين ؟

إذا كانت الإجابة بنعم ... يبقى ما يصحش تتكلم كده لإنك هاتبقى جزء من الكلام ده

الناس فى مصر خلاص اتعودوا علي الهمجية وعدم النظام وعدم الإخلاص فى العمل والواسطة والوصولية والنفاق

وفعلاً إن الله لا يُغير ما بقوم حتى يُغيروا ما بأنفسهم .

وإذا كانت الإجابة بـ " لا " يعني بمجرد ما تركت البلد تبرأت من جنسيتك ... يبقى سيبنا يا عم نحلم بالتغيير وما تسدش أبواب الرحمة في وجوهنا .. وإنت ربنا يسهل لك بالجنسية الجديدة .

----------

أكبر خطأ عندما ينظر الإنسان لنفسه في المرايه .. فيظن أنه هو الوحيد اللي صح وكل الناس خطأ .. أو إنه ليس جزءاً من المجتمع ...

ونصيحة لكل من يريد أن يتكلم عن الإصلاح أن ينظر لنفسه الأول ... فإذا رأيت نفسك تماما التمام وأمين ومنظم .. يبقى المجتمع كله كذلك ... والعكس صحيح .

فما المجتمع إلا عبارة عن قطع او مكعبات مترصوصة جنب بعضها .. وهذه المكعبات هي أنا وإنت وهذا وذاك ...

[processor]

احنا منتظرين بكرة ان شاء الله بفارغ الصبر

وإن شاء الله ربنا هينصرنا ويهد الظالمين المتحكمين في أرزاق الشعب

عشان بعدها ان شاء الله نقول كفاية غربة ونرجع مصر مرتاحين واللي عايز يعمل مشروع براحته واللي عايز يشتغل في شركة يشتغل وهو مرتاح البال

منصورين ان شاء الله

تم تعديل 5 أبريل 2008 بواسطة processor

[محمد عبدالعزيز]

يا جماعة إذا حدث تخريب أو تدمير ده مش حيكون من الشعب, إنما بلطجية مأجورين من قبل الأمن والحكومة هما اللى ممكن يعملوا حاجة زى دى, والدليل اللى حصل فى انتخابات مجلس الشعب الاخيرة, وأنا نفسى شفت بعينى أمام لجنة مدرسة طاهر بك فى الورديان فى اسكندرية, وكنت موجود هناك من الساعة 10 صباحاً لحد 7 مساءً ومنع الأمن الناس تدخل اللجنة, والناس فضلت واقفة تحتج أمام اللجنة باحترام, لم يكن هناك إلا هتافات احتجاج ورفع لافتات فقط لاغير, واللى يعرف موقع المدرسة دى يعرف إنها على شارع رئيسى هو شارع المكس, ورغم تجمع أكثر من ألفين شخص أمام المدرسة, إلا إنه لم يكن هناك مشاكل فى المرور طوال هذه الفترة.

المهم بعد انتهاء موعد التصويت ومغادرة المشرفين على اللجان, تفرغ الأمن لمطاردة المحتجين فى الشوارع بالعربات المصفحة, ولما كانت الناس تدخل شوارع ضيقة لا تكفى العربيات يقوم الأمن بدفع بلطجية ماسكين أسلحة بيضاء يطاردوا الناس ويسبوهم ويهينوهم.

ولقد شاركت أيضاً مرتين فى مظاهرات لحركة كفاية فى الإسكندرية ولم يحدث أى تجاوزات أو تخريب أوتدمير, بالعكس كان المشرفين والمنظمين للمظاهرة يحرصون على التنبيه على المشاركين لعدم حدوث اى تجاوز والحرص على الظهور بمظهر حضارى ومنظم.

بصراحة اللى خايف من استغلال الحكومة للموقف بمد قانون الطوارئ, واللى بيقول إن ممكن يحصل تخريب وتدمير أعتقد إنه بيتكلم عن شعب تانى وعن حكومة تانية, وبيردد نفس كلام الحكومة, وزيه بالظبط زى اللى بيقول إن العمليات الاستشهادية هى السبب فى إعتداءات إسرائيل على الفلسطينين ويتناسى إن سبب القيام بالعمليات دى هو الاحتلال.

تم تعديل 5 أبريل 2008 بواسطة محمد عبدالعزيز

[se_ Elsyed]

يا محمد باشا .. دي مش مظاهرة ولكنها إحتجاج وإضراب وبالتالي لا فيه تخريب ولا دياوله بإذن الله .. زي الإحتجاج اللي كان في تركيا من كام سنة على ضرب العراق من أراضيهم وإتفقوا كلهم إنهم يطفوا النور بالليل في وقت واحد لحد تركيا ما كانت تسبح في ظلام دامس ..

لكن برضوا العراق إنضربت ..

كل ما أرجوه أن تكون هذه إنطلاقة وأستفاقه لنا ونتعلم نبقى إيجابيين لإن بالمنظر ده . الأيام اللي جايه هاتبقى سودا سواد منيل بستين نيله ... والراجل لما يفلسع ويمسك من بعده العيال الهليبة .. مش هانلاقي التراب عشان ناكله ..

وخليها تنطلق من المم زي بعضه .. أهو بكره نكبر ونعدي مرحلة البطن إلى مرحلة العقل وندور على حقوقنا السياسية المسلوبة منذ قيام ثورة الكاكي اللي حولتنا لا مؤخذه إلى فراخ .. وياريتنا حتى بنعرف نكاكي ..

[النجم الثاقب]

كنت اتمنى أكون موجود فى مصر للمشاركه فى الإضراب . ربنا يوفق كل اللى هيشاركوا و ييسرلهم الامور

[osaimi]

يا أخ عُصيمي

هل مازلت تعد نفسك من ضمن المصريين ؟

إذا كانت الإجابة بنعم ... يبقى ما يصحش تتكلم كده لإنك هاتبقى جزء من الكلام ده

يا أخ سي السيد أخوك مصري للنخاع ويحب بلده وليس لدي الرغبة فى الحصول علي أية جنسية ثانية مع أنه لدي الفرصة

ولكن هل تعتقد أن المجتمع الموجود حاليا فى مصر ممكن يتغير لوحده بدون أي قياده أو توجيه ؟؟ أنا معاك طبعا أن المجتمع بيتكون مني ومنك ومن كل الناس ، لكن فى النهاية فيه شيء لازم يحرك هذا النظام ، للأسف فيه ناس كثييير فى مصر غير متعلمين (أميين وغير أميين) ولا يفرقوا بين الحق والباطل ومعظم اللي ما سافرش بره مصر ، مش حاسس بالبلاوى اللي فيها لأنه أتعود أو جتته نحست بالبلدي ، يا أخي العزيز مصر فى تدني مستمر فى جميع المجالات وده فى الوقت اللي فيه بلاد تانية كنا سابقينها بكتييير بقت احسن مننا !!

المصريين من أحسن وأطيب الناس اللي موجودين فى الدنيا لكنهم زي الدهب اللي تراكم عليه التراب ، محتاج حد ينضفه ويلمعه عشان يستعيد بريقه ، والحد ده هو فئة المتعلمين والمثقفين وأئمة المساجد والناس الصالحة فى البلد .. يعني لازم من محرك

الشيء الجيد فى مصر الآن هو حالة الحراك السياسى الموجود حاليا والذي هو بداية ليست بالسيئة لمجتمع حر يؤمن بالديمقراطية ويحاول تطبيقها وبرغم ضعف الأحزاب الموجودة حاليا فى مصر إلا انه لازال هناك بريق أمل فى إنبعاث فجر جديد وده اللي عاوزين نستغله ونشجع أية مبادرة محترمة تهدف إلي تغيير الوضع القائم ، وتحياتي

تم تعديل 5 أبريل 2008 بواسطة osaimi

[محمد عبدالعزيز]

يسلم فمك يا س س, هو ده الكلام المظبوط, لازم نشجع الناس مش نثبط الهمم, طول عمرنا عمالين نشتكى إن الناس سلبية مش بتتحرك, مش معقول لما تيجى الناس تتحرك فى الاتجاه الصحيح نرجع نقول لأ كده كخ.

واللى عاوز أقوله كمان إن الإضراب مش إجبارى على حد, اللى حيشارك فيه هما المقتنعين بيه, وأعتقد إن الإطباء والشرطة وغيرهم ممن يصعب مشاركتهم فى الإضراب واعيين بالدرجة الكافية, ولنا فى إضراب أساتذة الجامعة الأخير عبرة, حيث تم استثناء أساتذة الجامعات الذين يعملون فى المستشفيات.

وعاوز أقول كمان زى مافى دعوة لمشاركة الأطباء فى الإضراب فى كمان دعاوى تانية بتستثنى الأطباء , يبقى مفيش داعى إننا نركز على النقطة دى ونعملها حكاية وناخدها ذريعة لتثبيط الهمم.

يا جماعة, أنا أنصح كل من له القدرة على المشاركة أن يشارك, لأنه بإذن الله لما يتحقق المراد والحال يتصلح, كل اللى شارك سيفتخر بأنه عمل حاجة لبلده ولأولاده ولنفسه كمان, واللى مش حيشارك أعتقد ساعتها حيندم إن الفرصة فاتته, وساعتها يقول ياريتنى كنت معاهم.

[se_ Elsyed]

نقطة هامة عايز أتكلم فيها قبل ساعة الصفر وهي

إن طموح الإنسان او الأُمم بشكل عام عندما يصطدم بالإمكانات المحدودة .. بيؤدي إلى إحباط كبير لو مافيش إستعداد لتقبل النتائج مهما كانت .

كلام ملعبك مش كده ؟

عايز أقول إننا لا يجب أن نتوقع أن يكون إضراب الغد هو العصا السحرية التي ستجعل نظام مبارك الديكتاتوري يعود إلى صوابه ويفتكر إن الله حق .. وإن يوم 7 إبريل هانصبح نلاقي المواصلات رايقة والعيش كبير والشقق مرطرطه لإن النظام خاف وكش

بالعكس ده ممن الامور تسوء اكثر وأكثر من مبدء العند

وبالتالي .. لابد أن نضع هذا اليوم في حجمه الطبيعي .. وكما قلت من قبل .. إن لازم يوم 6 إبريل نعتبره بداية الخبط والرزع على دماغ النظام

ومستحيل بل من رابع المستحيلات نظام عسكري ديكتاتوري يحكم البلد من 60 عام .. مستحيل يتغير بين يوم وليلة ...

ومستحيل نومنا كأهل الكهف طوال هذه الفترة .. نعوضه بإستفاقه لمدة يوم واحد ..

اخشى ما أخشاه أن تتكون هناك رشوة شعبية ونشد اللحاف تاني ... كما قلت ايضاً .. لما نلاقي العيش بقى ابيض وبسمسم ... نقوم ننسى الكبائر التي أرتكبها النظام ضدنا ..

أو يرمي لنا مبارك 15 % علاوة عبارة عن 20 جنيه زيادة في المرتب فنقوم نسقف وننسى إن البلد على شفا حفرة من نار بعد موت مبارك وأمامنا مستقبل أسود إذا لم نتحرك من الان ...

يا جماعة ده حتى اعتى الحوكمات الفاشيستية الديكتاتورية لم تفعل بشعوبها هكذا

تخيلوا إن فيدل كاسترو بيحكم كوبا من سنة 59 .. يا نهار مش فايت ... وأذاق شعبه الذل .. ومع ذلك لم يفعل ما فعله مبارك من بيع بلده ومرمطة كرامتنا قدام اللي يسوى واللي ما يسواش .. على الأقل وصل ببلده إلى مستوى رعايه طبية تكاد تقترب من الموجود ةفي الدول الغربية .. ونجح في أن يصل بنسبة التعليم إلى 98 % ... ويوجد بكوبا حالياً نظام تعليمي على أعلى مستوى ..

أما نحن ... فحالة الفقر في هذا العهد الأسود .. طحنت عظام الناس ..

وحالة الغنى لبعض الفئات .. فاق جميع التوقعات ..

أقسم بالله أنا أتصور أن أي حاكم هايأتي بعد مبارك لن يكون أسوء منه ...

ولو بإيدي كنت رشحت نجيب ساويرس ريساً لهذا البلد اللي مليان خير ..

قد يعتقد البعض إن ما فيش حد غير مبارك وعياله يقدر يحكم

وهو إعتقاد زرعوه فينا عن طريق وسائل إعلامهم الفاسدة

ولكن ليعلم المصريون بإن أصغر طفل في مصر لديه شرف ونزاهة يستطيع أن يحكم هذا البلد

واظن إن من عاصروا فترة حكم عبد الناصر لم يتخيلوا أن هناك من يستطيع أن يحكم البلد بعد موته .. بل ان الكثيرين رفعوه إلى درجة الألهة التي لا تموت لما يملكه من كاريزما وحضور عالي جداً ..

ولكن مع ذلك صارت الامور بشكل طبيعي بل أن السادات قد مسح العار الذي سببه لنا هذا الديكتاتور عبد الناصر ...

وأخيراً لا املك إلا ان أدعو بالتوفيق لكل من يريد لاخير لهذا البلد

وأدعوا بالخزي والعر والخزلان لكل من أراد بنا سوءاً ..

وادعوا بدعاء اعتقد بإنه للإمام علي كرم الله وجهه " اللهم اكفني شر أصدقائي .. أما أعدائي فأنا كفيل بهم "

واعدل عليه شيء بسيط وأقول " اللهم اكفنا شر حكامنا .... اما اعدائنا فنحن كفلاء بهم "

[Diab]

بكرة النكد بكرة

[Folana]

السلام عليكم ورحمة الله...

أنا عايزة أقول حاجة أهم :sad:

صدر فى اهرام اليوم تهديد أو تصريح بأن كل من يمتنع عن اداء عمله فى هذا اليوم سيقع تحت طائلة المادة 124 من قانون العقوبات والتى تنص على معاقبة كل من امتنع عمدا عن تأدية واجب من واجبات وظيفته بالحبس مدة لا تقل عن 3 أشهر ولا تجاوز عام..كما ينص القانون على عقاب كل من اشترك بطريق التحريض على الاضراب بضعف العقوبة السابقة.

ويضيف المسئول الامنى انه بالرغم من اعلان هذه القوى تنظيم الاضراب الا انهم فى جميع الاحوال سيكون عددهم قليلا لان (العقلاء) فى هذا الوطن لا ينضمون الى مثل هذه الاقليات

وان هؤلاء الاشخاص يستغلون الاحوال الاقتصادية فى القيام بمثل هذه الاضرابا مستغلين بعض( ضعاف النفوس) فى الوقوف معهم...

ماتقرأوا الجرنال احسن بدل ما انقل.....

راجعوا انفسكم بقى.ياعقلاء

..........................

ضغط نفسى ده خلوا بالكم.. :wub:

[se_ Elsyed]

صدر فى اهرام اليوم تهديد أو تصريح بأن كل من يمتنع عن اداء عمله فى هذا اليوم سيقع تحت طائلة المادة 124 من قانون العقوبات والتى تنص على معاقبة كل من امتنع عمدا عن تأدية واجب من واجبات وظيفته بالحبس مدة لا تقل عن 3 أشهر ولا تجاوز عام..كما ينص القانون على عقاب كل من اشترك بطريق التحريض على الاضراب بضعف العقوبة السابقة.

مادة 124 ؟!!!!

ومافيش مادة 125 بتتكلم عن احوال الناس اللي مش لاقيه اللضا

وبعدين المادة دي لا مؤخذه تنطبق على اللي شارك في إضراب علني عيني عينك .. يعني مثلاً راح الشركة وحبس نفسه في الحمام وقال مش شغال أو خرج بره باب الشركة وزمايلة شايلينه على أكتافهم وهتف وقال يسقط الإستقلال .. تعيش مدرسة عاشور . ..

إنما الواحد ممكن يومها يقعد في البيت وينفض السجاجيد مع المدام ... يبقى كده إضراب ؟

وبعدين هايسجنوا مين ولا مين ؟

الحكومة العبيطة دي ما أتفرجتش على فيلم سبارتا كوز ولا إيه ؟ .. لما جم اليابانيين وعايزين يقبضوا عليه عشان ينفخوه وما كانوش عارفينه أساساً .. فسألول الأسرى مين فيكو سبارتكوز ؟ ... فكلهم قاموا وقالوا أنا سبارتكوز .. انا سبارتكوز وكده ...

عيال رجالة وعشان كده اليابان سادت العالم كله ومغرقانا فيديوهات واجهزة بلاي ستيشن ..

ما هي دي بقى ميزة التحرك الشعبي المتكتل يا أخت فلانه ...

فكلنا لازم نبقى سبارتكوز يوم 6 إبريل .... والله العظيم أنا لو موجود هناك كانت تبقى على رقبتي وحتى لو الجماعة غلط وماكنتش موافق على الإضراب كنت أضربت ... فالموت مع الجماعة عزوه ... ومش هابقى أنا الندل الوحيد فيهم ... والمفروض الجماعة بتوع الأضراب يقفوا بخرزانات في الشوارع وأي واحد رايح شغله او مدرسته يلبوه ويقولوا له : إرجع يالا بلاش كلام فارغ ...

[nash]

اسمك مكتوب يا سي السيد ..أنتبه...والمنتدي ملغم..والجماعه حاطين عينهم علي كل واحد بيكتب ويقول ...ربنا يسهل لعباده

[ابو جيداء]

السيناريو المتوقع غدا الأحد للأحتجاج السلمى ..

الأمن المركزى وقوات مكافحة الشغب على مستوى الجمهورية سيتواجدوا بكثافة أمام الجامعات وفى الميادين الهامة .. وذلك من منتصف ليلة السبت .. يبدأ توافد اعداد غير قليلة من حركة كفاية وكافة الجبهات المعارضة . الى ميدان لتحرير وميدان العباسية صباح الأحد .. وبالطبع سيرتدى افراد من قوات الشرطة الزى المدنى ويندسوا بينهم حاملين لافتات وشعارات ضد الحكومة وسيقومو بالهتاف ضد النظام وتوريث الحكم والأعتراض على غلاء الأسعار .. وأيضاً سيكون هناك استعانة بالبلطجية للتواجد داخل تجمعات المعارضة . ثم يندفع البعض منهم فى سيناريو معد مسبقاً للأعتداء على قوات الأمن . وهذة ستكون الشرارة المتفق عليها لبدأ التعامل مع المحتجين والقبض على اكبر عدد منهم . وبالطبع ستعقد جلسات المحاكمة الفورية وتطبيق قانون الأشتباة الجديد على الشرفاء وستوجة اليهم تهم محاولة زعزعة النظام ( حلوة زعزعة دى :sad: ) وكمان تعريض أمن البلاد للخطر . ومحاولة قلب نظام الحكم - اللى مالوش لازمة اصلاً - وطبعا حايجيبوا شوية قنابل لزوم التصوير وتلفيق التهم وحيقولوا انها كانت بحوزتهم ومصنعة تحت السلم فى احد المناطق العشوائية لأستخدامها فى احداث الحرائق والأعتداء على الممتلكات العامة والخاصة وهى تشبة التى استخدمت فى حادث التفجير بميدان عبد المنعم رياض . وبكدة يكونو عرفوا مين اللى كان وراء حادث ميدان عبد المنعم رياض والأعتداء على اوتوبيسات السياحة . ومش بعيدة يكونوا هما قلالات الأدب اللى بيصطنعوا ازمة رغيف الخبز وانخفاض مستوى مياة النيل لتدمير الزراعة واكيد التحقيقات حتبين انهم المعارضة قلالات الأدب :wub: السبب فى أنهيار التعليم فى البلاد . وكمان هما السبب فى سوء وتدنى العلاج بالمستشفيات الحكومية بتاعة الغلابة .. واكيد سيتم ضبط مخازن بها الآف الأطنان من السكر والدقيق وبراميل الزيت تخص حركة كفاية لأفتعال أزمة غذائية مما يستوجب محاكمتهم أمام محاكم أمن الدولة العالية والواطية . والمحاكم العسكرية وأى محاكم تانية وسيطالب بعض الشرفاء ومنظمات حقوقية مصرية بإرسال هؤلاء إلى جوانتاناموا وهناك كل واحد من المعارضة والأخوان حيتعلم الأدب . .. وحيعرف ان عهد مبارك من أفضل العهود التى مرت بها مصر . وكفاية كدة عشان انا زعلان قوى من المعارضة ..

عاش الرئيس حسنى مبارك

عاش الرئيس حسنى مبارك

عاش الأخ كمال الشاذلى . لا دا مشى خلاص . :wub:

عاش الدكتور اللى مبيتغيرش فتحى موافقة . قصدى فتحى بية سرور wst::

عاش احمد نظيف اطول رئيس وزارة فى مصر اللى فى عهدة جيوبنا بقت نظيفة wst::

عاش حبيب العادلى الذى يقف بشدة ضد انتهاكات اعراض الرجال فى اقسام الشرطة

وذلك بمنع دخول اى عصى مستديرة مع اى ظابط لوضعها فى ؟؟؟ دى عاوزة حبر سرى wst::

عاش المطرب الكبير شعبان عبد الرحيم فكلامة بصراحة افضل الف مرة من التقارير الوزارية اللى مالهاش لازمة !!

والى لقاء قادم من خلف اسوار السجن :cry:

تم تعديل 5 أبريل 2008 بواسطة ابو جيداء

[Nina Hussien]

السلام عليكم ورحمة الله...

أنا عايزة أقول حاجة أهم :wub:

صدر فى اهرام اليوم تهديد أو تصريح بأن كل من يمتنع عن اداء عمله فى هذا اليوم سيقع تحت طائلة المادة 124 من قانون العقوبات والتى تنص على معاقبة كل من امتنع عمدا عن تأدية واجب من واجبات وظيفته بالحبس مدة لا تقل عن 3 أشهر ولا تجاوز عام..كما ينص القانون على عقاب كل من اشترك بطريق التحريض على الاضراب بضعف العقوبة السابقة.

ويضيف المسئول الامنى انه بالرغم من اعلان هذه القوى تنظيم الاضراب الا انهم فى جميع الاحوال سيكون عددهم قليلا لان (العقلاء) فى هذا الوطن لا ينضمون الى مثل هذه الاقليات

وان هؤلاء الاشخاص يستغلون الاحوال الاقتصادية فى القيام بمثل هذه الاضرابا مستغلين بعض( ضعاف النفوس) فى الوقوف معهم...

ماتقرأوا الجرنال احسن بدل ما انقل.....

راجعوا انفسكم بقى.ياعقلاء

..........................

ضغط نفسى ده خلوا بالكم.. :wub:

طيب حيث انني ممن حرضوا على العملة السودة دي سواء هنا او في المدونة او بالحديث مع كل من اعرفهم ...

يبقى اشوفكم على خير كلكم في ابو زعبل ان شاء الله

و اهي تبقة اجازة 6 اشهر مع اللمة الحلوة دي :sad:

[Muhammad Zidan]

السيناريو المتوقع غدا الأحد للأحتجاج السلمى ..

الأمن المركزى وقوات مكافحة الشغب على مستوى الجمهورية سيتواجدوا بكثافة أمام الجامعات وفى الميادين الهامة .. وذلك من منتصف ليلة السبت .. يبدأ توافد اعداد غير قليلة من حركة كفاية وكافة الجبهات المعارضة . الى ميدان لتحرير وميدان العباسية صباح الأحد .. وبالطبع سيرتدى افراد من قوات الشرطة الزى المدنى ويندسوا بينهم حاملين لافتات وشعارات ضد الحكومة وسيقومو بالهتاف ضد النظام وتوريث الحكم والأعتراض على غلاء الأسعار .. وأيضاً سيكون هناك استعانة بالبلطجية للتواجد داخل تجمعات المعارضة . ثم يندفع البعض منهم فى سيناريو معد مسبقاً للأعتداء على قوات الأمن . وهذة ستكون الشرارة المتفق عليها لبدأ التعامل مع المحتجين والقبض على اكبر عدد منهم . وبالطبع ستعقد جلسات المحاكمة الفورية وتطبيق قانون الأشتباة الجديد على الشرفاء وستوجة اليهم تهم محاولة زعزعة النظام ( حلوة زعزعة دى :sad: ) وكمان تعريض أمن البلاد للخطر . ومحاولة قلب نظام الحكم - اللى مالوش لازمة اصلاً - وطبعا حايجيبوا شوية قنابل لزوم التصوير وتلفيق التهم وحيقولوا انها كانت بحوزتهم ومصنعة تحت السلم فى احد المناطق العشوائية لأستخدامها فى احداث الحرائق والأعتداء على الممتلكات العامة والخاصة وهى تشبة التى استخدمت فى حادث التفجير بميدان عبد المنعم رياض . وبكدة يكونو عرفوا مين اللى كان وراء حادث ميدان عبد المنعم رياض والأعتداء على اوتوبيسات السياحة . ومش بعيدة يكونوا هما قلالات الأدب اللى بيصطنعوا ازمة رغيف الخبز وانخفاض مستوى مياة النيل لتدمير الزراعة واكيد التحقيقات حتبين انهم المعارضة قلالات الأدب :wub: السبب فى أنهيار التعليم فى البلاد . وكمان هما السبب فى سوء وتدنى العلاج بالمستشفيات الحكومية بتاعة الغلابة .. واكيد سيتم ضبط مخازن بها الآف الأطنان من السكر والدقيق وبراميل الزيت تخص حركة كفاية لأفتعال أزمة غذائية مما يستوجب محاكمتهم أمام محاكم أمن الدولة العالية والواطية . والمحاكم العسكرية وأى محاكم تانية وسيطالب بعض الشرفاء ومنظمات حقوقية مصرية بإرسال هؤلاء إلى جوانتاناموا وهناك كل واحد من المعارضة والأخوان حيتعلم الأدب . .. وحيعرف ان عهد مبارك من أفضل العهود التى مرت بها مصر . وكفاية كدة عشان انا زعلان قوى من المعارضة ..

عاش الرئيس حسنى مبارك

عاش الرئيس حسنى مبارك

عاش الأخ كمال الشاذلى . لا دا مشى خلاص . :wub:

عاش الدكتور اللى مبيتغيرش فتحى موافقة . قصدى فتحى بية سرور wst::

عاش احمد نظيف اطول رئيس وزارة فى مصر اللى فى عهدة جيوبنا بقت نظيفة wst::

عاش حبيب العادلى الذى يقف بشدة ضد انتهاكات اعراض الرجال فى اقسام الشرطة

وذلك بمنع دخول اى عصى مستديرة مع اى ظابط لوضعها فى ؟؟؟ دى عاوزة حبر سرى wst::

عاش المطرب الكبير شعبان عبد الرحيم فكلامة بصراحة افضل الف مرة من التقارير الوزارية اللى مالهاش لازمة !!

والى لقاء قادم من خلف اسوار السجن :cry:

كان بدري عليك ........... عليك بدري

نتقابل في أبو زعبل ... ها تعرفني على طول ... قفايا هايبقى وارم جداً

Muhammad Zidan

[osaimi]

أن نفعل شيئا ولو قليل ، خيرا من وقوفنا متفرجين - كفاية فعلا كفاية 25 سنة ذل

[osaimi]

بمناسبة يوم 6 إبريل ياريت تقرؤا الصفحة دي

http://www.harakamasria.org/

[النجم الثاقب]

فكلنا لازم نبقى سبارتكوز يوم 6 إبريل .... والله العظيم أنا لو موجود هناك كانت تبقى على رقبتي وحتى لو الجماعة غلط وماكنتش موافق على الإضراب كنت أضربت ... فالموت مع الجماعة عزوه ... ومش هابقى أنا الندل الوحيد فيهم ... والمفروض الجماعة بتوع الأضراب يقفوا بخرزانات في الشوارع وأي واحد رايح شغله او مدرسته يلبوه ويقولوا له : إرجع يالا بلاش كلام فارغ ...

الله عليك يا استاذ سى السيد قلت اللى انا عايز اقوله ...... تسلم

[Scorpion]

تعمدت دائمآ ان أبتعد عن مناقشة ما يمت لجماعة الأخوان الا فيما ندر و أحتفظت دائمآ برأيي لنفسي فيكفيني أن أراه معروضآ من كثير من الأفاضل هنا ... و لكن عندما يأتي الأمر الي هدف أجتمعت عليه البلد كلها ... و لكن تنسحب منه جماعة الأخوان و هي التي تسيطر فعلآ علي شريحة لا بأس بها من الشعب المصري بأمكانها ضمان نجاحه الكامل ... جعلني أقتنع تمام الأقتناع انها تتحرك فقط عندما يكون الأمر في صالحها ..

و لكن عندما يكون في صالح البلد نفسها ... فتعبير "طظ" هو عنوان شعورها تجاهه ...

جماعة االأخوان لن تشارك في إضراب 6 أبريل