يوم 6 ابريل

[ابو جيداء]

[طيب حيث انني ممن حرضوا على العملة السودة دي سواء هنا او في المدونة او بالحديث مع كل من اعرفهم ...

يبقى اشوفكم على خير كلكم في ابو زعبل ان شاء الله

و اهي تبقة اجازة 6 اشهر مع اللمة الحلوة دي :sad:

ماتخليها فى وادى النطرون احسن :lol:

ابو زعبل بيبقى زحمة

تم تعديل 5 أبريل 2008 بواسطة ابو جيداء

[ابو جيداء]

[كان بدري عليك ........... عليك بدري

نتقابل في أبو زعبل ... ها تعرفني على طول ... قفايا هايبقى وارم جداً

Muhammad Zidan

ودة من اية لا مؤآخذة :sad:

[mozaboza]

انا رايح بكرة المظاهره وياريت الكل يروح انا اؤيد الاضراب لان الحكومه زودتها قوووووووووووي والسرقه بقت عيني عينك

[shawshank]

ممكن الناس اللي في مصر يبقوا ينقلوا مشاهداتهم لو يسمحوا ؟

[se_ Elsyed]

يا سكوربيون ياخويا دي سياسة

والغخوان بقوا ملطشه للحكومة ومعتقلين منهم المئات ..

فبالتالي لا مانع من إنت تشتغل بدون بروباجندا بدل ما تحط صباعك تحت المترو

---------

المهم عايزين أعضاء التنظم يبلغونا عن الأخبار بشكل عام في مصر

جت لي أخبار إن البورصة أجلت جلسة التداول لمدة ساعة ....

[se_ Elsyed]

معكم لحظه بلحظه لحد باب السجن

معاكم مراسلكم س س من خلف خطوط العدو

دي نماذج صور نقلتها من أحد الأعضاء الأفاضل بموقع هريدي دوت كوم .. وصر منظر شوارع القاهرة من شويه كده .. وفكرتني بفيلم نهارك سعيد والوردا السودا أيام ما كان في خمسة انفار عايشين في البلد بس .. والدنايا فاضييييييييييييه

ما تخافوش الملف مضغوط بس سيكيور وتماما التمام

يا حلاوتك يا مصر وإنت فاضية وفارده شعرك عالترعة بتشربي بلهاريسيا وكده يعني

ودي حته يوتيوب وصباح الروقان

عاشت مصر فاضية مستقرة

[se_ Elsyed]

إيه ياخوانا !!! وأنا بأضرب لوحدي ولا إيه ؟

يا جماعه ياللي جوه ... ما تردوا عاللي بره

إلى كل أعضاء التنظيم في داخل مصر .. إيه الأخبار عندكو ؟

ولا أخدتوها حجه ونمتوا في البيت وأهي إذا الثورة نجحت يبقى كنتو مُضربين ومع الرايجة ...

وإذا فشلت .. يبقى وكتاب الله يا باشا انا كنت نايم حتى إسأل ماما ؟

[se_ Elsyed]

أنا شايف عصام شوقي أحد المشرفين الاحرار أون لاين أهو

عصام .. روحت الشغل النهاردة ولا .... ؟ قول ما تخافش إحنا ستر وغطا على بعض

[النجم الثاقب]

عاش الزعيم سى السيد قائد التنظيم :closedeyes:

كلنا وراك يا ريس

[أبو محمد]

إيه اللي حصل في الإضراب .......عايزين نعرف

أنا مُضرب طبيعى .. ونزلت اتمشيت كده حوالين البيت وعلى البحر ولسه راجع .. لقيت الدنيا هادية ، وهو ده الشئ الغير طبيعى ... الهدوء

كنت أتمنى نجاح هذا الإضراب .. على الرغم من عدم معرفتنا من هو المنظم الحقيقى له .. حتى جرائد المعارضة لا تذكر ذلك .. من كام يوم .. ألقى شاب بمنشور إلى داخل سيارتى يدعو إلى الإضراب .. والتوقيع : "مجموعة شباب لا ينتمون إلى أى حزب أو جماعة سوى مصر" ... أعجبنى التوقيع إعجابا لم يعادله سوى التساؤل : "ياترى مين وراهم" ؟

واضح أن المنظم له مصلحة التقت مع مصالح الشعب .. ولكنه يتحاشى تهمة التحريض على الإضراب

جاءنى خاطر دمه خفيف : فيه ناس بتستغلنى لمصلحتى :closedeyes: :happy:

[processor]

بس عايزينك بقه يا ريس تحجز لنا زنزانة بحري وبيدخلها هوا احسن انت عارف ان الجو حــر جدا

[تحيا مصر]

سؤال مهم جدا ولازم كل واحد مننا يجاوب عليه بكل صراحه . هل الاضراب اللى المفروض هدفه التحسين هيكون له اثر فى البلد او فى سياسة البلد وهل الوضع الحالى

اللى الناس عايشه فيه ممكن يتغير؟ سياسة البلد زى مانا شايف بتقول خلى الشعب يقول اللى هو عاوزه وفى الاخر هوجه هتعدى

يا رب يكون التغيير قريب لاننا خلاص مش قادرين

[ميزو وبس]

[size="5"]خاص - مصراوي - شهدت شوارع القاهرة سيولة مرورية غير معتادة صباح الاحد السادس من ابريل تزامنا مع الدعوة إلى اضراب شامل في مصر دعت إليه مجموعات مصرية على شبكة الانترنت وتبنته قوى سياسية ومنظمات حقوقية وصحف خاصة.

وقال مراسل مصراوي ان شوارع القاهرة لم تشهد الزحام المعتاد في ساعات الصباح.

كما لاحظ مراسل مصراوي تواجدا امنيا كثيفا أمام جامعة القاهرة بالاضافة إلى عربات المطافيء وقوات الامن المركزي وتواجد عدد من القيادات الامنية أمام الجامعة.

وفي شارع وزارة الزراعة بالدقي الذي يتواجد يه مقرات عدد كبير من الوزارات والهئيات والمؤسسات الحكومية لاحظ المراسل انخفاضا واضحا في أعداد الموظفين المتوجهين إلى عملهم في موعد الحضور وهو ما لم يكن يحدث في مثل هذا الوقت من اليوم.

وقال مراسل مصراوي ان ميدان التحرير في قلب القاهرة شهد تواجدا امنيا مكثفا تنوع بين القوات المرتدية للزي المدني و القوات السرية المرتدية للملابس المدنية.

وقال ان أعدادا كبيرة من قوات الامن المركزي توزعت في الميدان على شكل مجموعات تتكون كل واحدة منها من 30 جنديا يقودهم أحد الضباط.

وتواجد أمام مجمع التحرير - الذي يضم عددا كبيرا من الهئيات الحكومية - ثلاث مجموعات وأمام الجامعةالامريكية مجموعتين وامام سلسلة محلات عمر افندي 5 مجموعات.

واشار المراسل إلى ان القوات تشهد تزايدا في الاعداد بمرور الوقت.

وفي شارع مجلس الشعب القريب من ميدان التحرير لم تختلف الصورة حيث تواجدت قوات غفيرة من الشرطة.

وأمام مبنى التليفزيون المصري تواجدت أعداد كبيرة من قوات الامن كما انتشرت في الشوارع الجانبية المحيطة.

ونقلت قناة الجزيرة الفضائية عن مصادر حقوقية ان قوات الامن ألقت القبض على عدد من العاملين في شركة غزل المحلة الداعين إلى الاضراب عن العمل.

وقال القناة ان مدينة المحلة تحولت إلى ثكنة عسكرية بسب التواجد الامني الكثيف كما منعت قيادات العمال من الدخول إلى شركة غزل المحلة والتواصل مع زملاءهم حيث انتظم العمل في المصانع.

وقال مراسل القناة ان أجهزة الامن ألقت القبض على عدد من الناشطين السياسين والحقوقين في عدد من المدن.

كما أقامت وزارة الداخلية غرف عمليات لمتابعة الموقف الامني أولا بأول.

وكانت وسائل الاعلام الحكومية قد ذكرت يوم السبت ان العمل منتطم الاحد بشكل طبيعي في جميع مؤسسات الدولة وقطاعاتها الخدمية والانتاجية والدراسية.

وحذرت وزارة الداخلية بأن أجهزة الأمن سوف تتخذ اجراءات فورية حازمة تجاه اي محاولة للتظاهر أو تعطيل حركة المرور أو اعاقة العمل بالمرافق العامة حماية للصالح العام.

وأصدرت وزارة الداخلية بيانا السبت قالت فيه ان البعض من محترفي الاثارة والتيارات غير الشرعية اخذوا في الفترة الاخيرة في الترويج لمنطلقات ودعاوي وشعارات مضللة وعمدوا إلي الدعوة لوقفات احتجاجية وللتظاهر وللتوقف عن العمل اليوم 6 أبريل وتعطيل الاعمال مما أوجد انطباعات خاطئة لدي البعض من المواطنين وأكدت الداخلية علي ان جميع انشطة مؤسسات الدولة وقطاعاتها الخدمية والانتاجية والدراسية منتظمة في عملها اليوم.

وأن نصوص القانون جازمة ازاء اي فعل يرمي أو يترتب عليه عرقلة سير مرفأ عام أو يهدد مصالح المواطنين الحيوية.

وطالبت عائشة عبدالهادي وزيرة القوي العاملة والهجرة العمال بالالتزام بالقنوات الشرعية لتحقيق مطالبهم.

واوضح المستشار رأفت عبدالرشيد وكيل مجلس الدولة ان القانون عاقب بالحبس والغرامة كل من امتنع عن العمل أو قام بالتحريض علي ذلك.

وتضمنت رسائل على المحمول وشبكة الانترنت صياغات مختلفة للمشاركة في اضراب 6 ابريل بعضها يدعو "الى الاحتجاج على ارتفاع الاسعار من خلال الامتناع عن شراء اي سلع في السادس من ابريل وخصوصا السلع الغذائية" والبعض الاخر يدعو الى "البقاء في المنزل وعدم الذهاب الى العمل او الجامعة او المدرسة" فيما يدعو بعض اخر الى المشاركة في وقفات احتجاجية "في الميادين العامة" او حتى الى الاكتفاء "بارتداء ملابس سوداء".

ودعت حركة كفاية الى يوم غضب شعبي على غلاء المعيشة وانتشار الفساد ونقص الرعاية الصحية وسوء احوال التعليم.

واكدت الحركة انها ستنظم وقفات احتجاجية في مختلف محافظات مصر.

واعتبر جورج إسحاق، المنسق العام المساعد لـ كفاية، إحدى الجهات التي تبنت الدعوة للإضراب، أن هذه التحذيرات من التغيب عن العمل تعليمات أمنية.

وقال إن موظفي الشركات الكبرى والبنوك العالمية الذين يتقاضون رواتب خيالية ليسوا المعنيين بالإضراب، وبالتالي مشاركتهم ليست مهمة.

وأضاف إسحاق أن الدعوة للإضراب موجهة لكل من يشعر بالمعاناة أيا كانت مهنته، فيوم السادس من أبريل هو يوم التعبير عن الغضب الشعبي تجاه كل سياسات الحكومة التي تضر بالشعب»، على حد قوله.

ومن جانبها أعلنت جماعة الإخوان المسلمين أنها لن تشارك في الإضراب، لأن فكرته لم تُطرح على الجماعة من الأساس، لكنها قالت، على لسان الأمين العام للجماعة محمود عزت إن الإضراب، بشكل عام، حقٌَ للجميع، وأن الإخوان سمعوا عن هذا الإضراب من جهات مختلفة، وكلالدعوات التي وجهت للجماعة لم نعرفها إلا عن طريق وسائل الإعلام.

وعكست الصحف المصر ية الصادرة السبت مناخا من الحذر والتوتر يسود مصر بعد انتشار هذه الدعوة الى الاضراب التي تتزامن مع بدء اكثر من 25 الف عامل في مدينة المحلة اضرابا الاحد للمطالبة برفع الاجور.

ونشرت صحيفة الاهرام الحكومية في صدر صفحتها الاولى خبر بعنوان "الحبس عقوبة المحرضين والمشاركين في الاضراب".

ونقلت الصحيفة عن المستشار خليل مصطفى وهو احد قضاة محكمة استئناف القاهرة ان "عقوبة الحبس مدة لا تقل عن ثلاثة اشهر ولا تزيد عن سنة هي عقوبة تواجه كل من يحرض على الاضراب او يشارك فيه طبقا لقانون العقوبات".

وخصصت كل الصحف الحكومية عناوينها الرئيسية لاخبار عن زيادة الاجور وانخفاض الاسعار.

ونقلت الاهرام عن رئيس الوزراء احمد نظيف ان "اسعار طن الارز انخفضت 600 جنيه وان هناك مقترحات حكومية لزيادة دخول الموظفين واصحاب المعاشات".

اما صحيفة الجمهورية فعنونت "11 الف طن زيت بتخفيض 10% خلال ثلاثة اسابيع بينما كتبت صحيفة اخبار اليوم في عنوانها "تدخل الرئيس يوقف جموح الاسعار والعلاوة الاجتماعية (زيادة الرواتب التي ستطبق اعتبارا من اول يوليو المقبل) من 20% الى 25%".

في المقابل كان العنوان الرئيسي لصحيفة الدستور المعارضة "الاضراب ..غدا الاحد 6 ابريل".

وكتبت الصحيفة في افتتاحيتها ان "الدعوة الى الاضراب جاءت من خارج اي تيار سياسي اي انها دعوة من شعب قرر ان يقول شيئا وهو بهذه المبادرة يتجاوز الاحزاب والتيارات السياسية بعجزها وحساباتها الضيقة".

واضافت ان "هذا الاضراب فعل احتجاجي ولكنه يناسب المصريين جدا فهو احتجاج بالبعد والابتعاد بالغياب والانسحاب وادواته عدم الذهاب الى العمل والبقاء في البيت".

وكتبت صحيفة البديل المعارضة في عنوانها الرئيسي "غدا .. يوم احتجاج عام في مصر" واكدت ان اجهزة وضعت "خطة لاجهاض التظاهرات".

واصدرت جماعة الاخوان المسلمين بيانا هذا الاسبوع اكدت فيه دعمها للاضراب العام مشيرة الى ان "الاضراب حق دستوري"واعتبرت انه "لا بد ان يكون الشعب ايجابيا تجاه هموم بلده وان يترك سلبيته ولامبالاته".

وتاتي الدعوة الى هذا الاضراب بعد ارتفاع قياسي في اسعار السلع الغذائية بلغ اكثر من 16% منذ مطلع العام الجاري اضافة الى ازمة في الخبز المدعم في بلد يعيش اكثر من 40% من سكانه تحت او عند خط الفقر وفقا للبنك الدولي.

ويقول برنامج الاغذية العالمي ان انفاق الاسرة المصرية ازداد بنسبة 50% خلال الاشهر الثلاثة الاولى من عام 2008.

وقالت جريدة الشرق الأوسط ان قطاعات من المصريين تعتزم تنفيذ الإضراب عن العمل وعن التسوق، والقيام بدلا من ذلك، بالتجمع في مظاهرات بالميادين

اخر الاخبار من مصادر خاصة

دي اخر الاخبار تقريبا لكل المحافظات

شارع قصر العيني خالِ تقريبا. ثلاثة أرباع المحلات مغلقة، والمكان معبأ بالأمن. أما التأثر الأكبر فظهر في شارع الأزهر الخالي تماما من المارة والذي أغلقت 80% من محلاته أبوابها. موقف السيارات أمام مستشفى الحسين الجامعي - المزدحم عادة في هذا الوقت خال - تماما من السيارات

مكالمة على الخط الساخن من مجهول تفيد باعتقال المدونين احمد بدوي و محمد عبدالوهاب من مقهى الشباب بوسط مدينة القاهرة حوالي الساعه الثانية عشر و الثلث , و قد نجحا في الاتصال بصديق لفترة قصيرة من هاتف محمول داخل عربة الترحيلات و أفادا انهما مع عدد آخر من المعتقلين يتوجهون الى قسم شرطة شبرا

اعتقل الأمن خمسة عشر شابا وشابة على مقهى البورصة بوسط المدينة. المجموعة المعتقلة من أعضاء مجموعة كتاب الوجة (فيس بوك) المهتمة باضراب اليوم والتي سجلت حوالي سبعين ألف تسجيل حتى باكر صباح اليوم.

نعرف من المعتقلين: إسراء رشيد، أحد منفذي الموقع (كو أدمن)، أحمد بدوي، محمد فؤاد وشادي العدل وحوالي 12 آخرين لم تصلنا أسماءهم بعد

حشد كبير لقوات الامن المركزي علي رصيف محطات القطار بسيدي جابر ومحطة مصر

تبرير فاشل للامن بأن السبب في فراغ المحافظة ه العاصفة الترابية

توقعات بخسائر فادحة ليوم في البورصة المصرية

القبض على مجدي أحمد حسين وضياء الصاوي وعدد من نشطاء حزب العمل بمصر القديمة

[محمد عبدالعزيز]

أنا لسه راجع من بره من حوالى نصف ساعة, وهحاول أوصفلكم اللى شفته.

الأول أنا توجهت للمنشية مكان التجمع والمظاهرة اللى كان معلن عنه, وفى طريقى مريت على مجمع الكليات النظرى حوالى الساعة 11 صباحاً, فى ناس ماشية عادى بس تحس برضه إن الدنيا فاضية على غير المعتاد فى المكان ده, والمرور ماشاء الله عليه ولا كأنك ماشى على الطريق الصحراوى, وماسمعتش حد فى المواصلات بيتكلم عن الإضراب أو المظاهرات.

المهم ابتدت تظهر قوات الأمن المركزى عند الجندى المجهول, وأنا فى طريقى للمحكمة لاحظت تجمع بجوار جامعة سنجور وحوالى 3 أو 4 عربيات أمن مركزى وفى ناس واقفة فى الحديقة اللى أمام الجامعة بتحسبن وتحوقل, سألت واحد منهم هو فى إيه؟ قالى عمالين ياخدوا ناس, ففهمت إن الأمن عاوز يخلص الموضوع بدرى بدرى عشان مايحصلش تطورات خارجة عن السيطرة نتيجة لزيادة الأعداد.

كملت طريقى للمحكمة ووجدت عربيات الأمن المركزى منتشرة فى مداخل ومخارج الميدان وفى مجموعتين من عساكر الأمن المركزى محاوطين باب المحكمة من اليمين والشمال-عشان ده كان مكان التجمع والمظاهرات المعلن عنه- وكان فى أقل من 10 أفراد واقفين أمام باب المحكمة, وشكلهم كده ناس عندها قواضى مش جايين يشاركوا فى المظاهرات, مش متأكد بصراحة ده تخمين شخصى.

المهم وأنا باعدى الشارع ورايح ناحية المحكمة, لقيت فى 2 شكلهم زى عساكر الأمن المركزى بس لابسين مدنى, وعمالين يقولوا للناس اللى بتعدى: ماحدش يقف هنا خالص.

طبعاً المنشية كده كده المحلات بتبقى أجازة يوم الأحد فماقدرش أقول المحلات كانت قافلة عشان الإضراب, بس مهما كان برضه عدد الناس كان أقل من الطبيعى.

يتبع...

[عصام]

أنا شايف عصام شوقي أحد المشرفين الاحرار أون لاين أهو

عصام .. روحت الشغل النهاردة ولا .... ؟ قول ما تخافش إحنا ستر وغطا على بعض

وقال إن موظفي الشركات الكبرى والبنوك العالمية الذين يتقاضون رواتب خيالية ليسوا المعنيين بالإضراب، وبالتالي مشاركتهم ليست مهمة.

wst::

أنا فى الشغل .. بس شاركت باللى قدرنى عليه ربنا ..

[أبو محمد]

مجمع الكليات النظرية هادئ .. أخبرنى ابن أخى أنه فى الصباح "كان فيه مظاهرة صغيرة أمام الكلية ولكنها راحت لحالها" .. دى كلية الحقوق

أنتشار أمنى مكثف .. الحمد لله لا مصادمات .. أغلب الناس ما بعتوش أولادهم للمدارس .. ويمكن ده هو سبب الهدوء الغير طبيعى فى البلد

أعتقد إن الرسالة وصلت

الناس ممكن فعلا تقعد فى بيوتها ويسيبولهم البلد مخضَّرة ..

أدهشنى تصريح الإخوان بأن الأمر لم يُعرض عليهم ..

[The Coder]

يا جماعه تقدروا تتابعو آخر الأخبار من على موقع مجموعة الإضراب نفسها اللي على الفيس بوك من هنا:

http://www.facebook.com/board.php?uid=9973986703

و أحب أقولكم إن كده يكون الإضراب إضراب ناجح

و كمان بدون عنف أو مظاهرات علشان ميكنش فيه فرصه تتحجج بيها الحكومه و تداري خيبتها عن أحداث شغب يعني و خلافه

و إذا كان على المطالب. فالمطالب معروفه وواضحه زي الشمس و مش محتاجه أي إعتصامات كفايه الإضراب أوي

بس ربنا يستر و يكمل اليوم على خير

[محمد عبدالعزيز]

لما لقيت الوضع كده فى المنشية قلت أروح محطة مصر, وأخدتها مشى فى شارع أحمد عرابى, الشارع ده بيوصل من المنشية لمحطة مصر, ودايماً بيبقى فيه ميكروباصات وأوتوبيسات, النهارده كان الشارع شبه مهجور من السيارات والناس, ومكانش فى محلات فاتحة إلا مكتبة وبقال واحد بس, وكان فى عربيات شرطة ماشية فى الشارع, لما وصلت ميدان المحطة لقيت طبعاً عربيات الأمن المركزى واقفة على أول شارع النبى دانيال وعند موقف الميكروباصات, بس برضه المحطة كانت فاضية على غير المعتاد من الناس والسيارات بأنواعها.

ده اللى أنا شفته النهارده, وممكن ألخصه فى الآتى:

1- كان هناك تواجد كثيف لقوات الأمن المركزى وشرطة المرور فى الأماكن التى أعلن أنها ستكون أماكن للتجمعات والمظاهرات.

2- قلة أعداد المواطنين فى الأماكن المذكورة بالمقارنة مع العدد فى الأوقات العادية.

3- حاول الأمن السيطرة على الأمور مبكراً وأعتقد أنه نجح فى ذلك فى ميدان المنشية.

4- هناك نسبة من المواطنين قررت مسك العصا من المنتصف, بمعنى هما رايحين الشغل الصبح, لو لقوا إن فى ناس مضربة فعلاً حيرجعوا تانى لو مالقوش يبقى النهارده شغل عادى, إنما هما مش واخدين موقف محدد, وده كان رأيى مجموعة من معارفى سألتهم امبارح إذا كانوا حيشاركوا فى الإضراب ولا لأ, وأعتقد فى ناس تانية عملت زيهم كده.

5- هناك أخبار عن انخفاض أسعار عدد من السلع, كالزيت والسكر والدقيق والأرز والمكرونة.

وعموماً أنا شايف إنها بداية كويسة حتى لو مكانش الإضراب بالنسبة اللى كلنا نتمناها, وأعتقد إن إنخفاض أسعار السلع واستنفار أجهزة الأمن والمسؤولين بهذا الشكل يعتبر شهادة بنجاح الإضراب قبل أن يبدأ ولا يبقى إلا دعوة واستقطاب أعداد أكبر من المواطنين للمشاركة فى أى فعاليات قادمة, وأعتقد أنها ستكون أقوى فى كل مرة.

[عادل أبوزيد]

إستيقظت اليوم على رنين التليفون ينعى لى زوج إبنة شقيقتى ، و إستدعيت سائقى ووصل فى ظرف أقل من نصف ساعة و كان طريقى هو من الأتوستراد حتى القلعة و منها إلى طريق صلاح سالم ثم مجرى العيون فشارع القصر العينى حتى مدخل المنيل إلى المستشفى (مستشفى المنيل التخصصى) بجوار كلية طب أسنان حيث بدأ المسير بالجثمان إلى المقابر بالبساتين مرورا بالمعادى ثم العودة بالطريق الدائرى إلى مدينة نصر.

الطرقات شبه خاوية عدد السيارات قليل جدا ... رصدت ما لايزيد عن عشر أتوبيسات نقل عام فى طريقة كل منها تقل أقل من نصف المقاعد فى أجزاء من الطريق المعروفة بتكدس السيارات تقريبا شبه خاوية من السيارات.

لاحظت أن معظم المحلات مغلقة - قد يرجع ذلك أن اليوم هو الأحد - فى رحلة الذهاب كان محل مترو فى المعادى مغلق (الساعة الحادية عشر و النصف صباحا) و عند عودتى كان محل مترو فى شارع النادى الأهلى كان مفتوحا (الساعة الثانية ظهرا)

إنطباعى بحياد تام أن سكان القاهرة هجروا المدينة.

ببساطة نجحت الدعوة للإضراب نجاحا غير متوقع ... نسيت أن أذكر تواجد أعداد من سيارات الأمن المركزى فى أجزاء من خط سيرى اليوم

لو أخذنا فى الإعتبار عدم وجود زعيم لهذا الإضراب يقف فى المواجهة و أن الإخوان المسلميت التى يحكون الأساطير عن سيطرتها على الشارع المصرى لم تتدخل فى تنظيم هذا الإضراب و أن الدعوة لهذا الإضراب لم نسمع عنها إلا من الإنترنت ....

هذا الإضراب أبلغ رسالة فى غاية الأهمية مؤداها أن هذا الشعب قاب قوسين أو أدنى من الإنفجار و الحراك الشامل يمكن أن يحدث بين يوم و ليلة

أحداث اليوم تلقى العديد من علامات الإستفهام عديد منها فى مواجهة المثقفين (المتأنقين) و عديد منها للأمن و أغلب الأسئلة فى مواجهة الحكومة ككل

[badroora]

الست عائشة عبدالهادي الشهيرة بعيشة ام كرتونة قالت لبي بي سي حديث الساعة

ان مافيش اضراب والناس راحت شغلها وكل شيء تمام المذيع قالها وبتوع غزل المحلة قالتله حرام عليكم بقي ارحموا مصر عيب كدا اللى بتعملوه فى مصر دا مصر متستهلش منكم كدا العمال راحوا شغلهم لانهم بيحبوا بلدهم ومش عاوزين يخربوها

ومش كل الناس استجابت للاضراب وكل شيء على مايرام

وارحموا مصر بقي والله وهى بتشخط كنت متوقعة هترقع بالصوت بعدها نظام غلوشة يعنى وعمال تعيد وتزيد والله كانها حد جنبها بميليها ولا محفظها

ويقولك عدد المعتقليين للحين وصل لل200 شخص مادرى هل صحيح ام لا

يلا والله صور مصر وهى فاضية مش حلو ومافهوش جو التأخى والدفء الوطنى وصدق اللى قال شوارع مصر من غير ناس مستحيل تنداس وعجبي wst::

يلا لكى الله يا مصر ولنا الله يا شعب مصر

تم تعديل 6 أبريل 2008 بواسطة Badria Mekkawy