يوم 6 ابريل

[zizetta]

ذهبت اليوم من مدينة نصر الي المقطم ولأول مرة في حياتي اري شارع النصر (الأتوستراد) كأننا يوم الجمعة الساعة 8 صباحاً .. وذلك الوضع عند العودة .. قالبت أحد الأفراد الذي كان في ميدان التحرير وقال لي انه رأي كم كبير جدا من لواءات الشرطة وضباطها وأن هناك كردون من عساكر الأمن المركزي حول المجمع وحول كل الأرصفة في ميدان التحرير وقال لي أن هناك اعتقالات عشوائية في المقاهي بمنطفة وسط البلد وأن هناك مصورين أجانب يصورون الأحداث وقد هجم عليه أحد الأشخاص مرجح أن يكون مباحث أو مخبر وخطف الكاميرا وجري ولما ذهب لأقرب ضابط شرطة قال له الضابط أكيد هو حرامي ممكن نعمل لك محضر في القسم .. أبلغتني بنتي وانا في الخارج أنه مكتوب بالنت أن هناك اعتقالات عشوائية ايضا أمام جامعة القاهرة ..

ما لاحظتة هو كثافة سيارات الأمن المركزي قرب نادي السكة بمدينة نصر وأن الشوارع فااااااااااااااااضية .. وأن حالة الأرصاد الجوية في مصر متواطئة مع الحكومة حيث قامت زوبعة ترابية تكتف الأنفاس .. يتخللها بعض الندي الخفيف المستحي .. اللي مش قادر ينزل يخلص علي شوية التراب دول ..

تحياتي

زيزيتا

[م.سامح المصرى]

ياااااااااااااااااااااااااة يا ريتنى كنت فى القاهرة

اهى البلد ابتدت تتحرك اهوة

بس عجيبة جدا فى الغردقة هنا مفيش اى حاجة خالص

ولا اساسا يعرفو ان انهاردة اضراب عام

يلة ربنا يكرمنا يا رب

[badroora]

هى الغردقة دي تتبع لمصر ؟

كتير احسها بلد الاجانب او الناس اللى مزجها عالى اوى.

وتفتكر يا سامح واحد رايح يستجم هيشغل باله برغيف عيش او غلاء السلع .

وحتى سكان الغردقة اعتقد ان الوضع عندهم غير وشكل تانى

والله اعلم

[م.سامح المصرى]

والله فعلاً يا اخت بدردر

الغردقة دى حاجة مش ولابد .... تخيلي اساسا انى كنت هانسى يوم 6 ابريل

بس دخلت انهاردة افتكرتة من الموضوع

وهنا زى ما قلتى مفيش اي مشاكل لان كلها اجانب فى الشغل معايا اجانب وفى عمارة السكن كلها اجانب

كنت بشوف الناس فى القاهرة بتبص للاجانب الى ماشيين فى التحرير والحتت دى .... سياح بقي

دلوقتى بقيت ابص للمصريين الى بلاقيهم فى المكان الى انا فيه فى الغردقة اصلهم يعتبروا سياح wst::

بس الحمد لله تابعت خيبة الحكومة على الجزيرة والعربية لما روحت

مانعين المتظاهرين انهم يخرجو للميادين الكبيرة

يلة حسبنا الله ونعم الوكيل

[زهرة الجبل]

عن قناة الجزيره

عشرات المعتقلين منذ الصباح الباكر و حركة كفايه تعلن عن إعتقال العشرات من أعضاءها

و في المحله الكبرى وقعت مشاحنات عنيفه بين عناصر الأمن و المتظاهرين من العمال أسفرت عن عشرات الإصابات في الطرفين

و إندلعت الحرائق في عدة مباني صناعيه في المحله الكبرى و إتجهت أصابع الأمن بالإتهام إلى العمال فيما إتجهت عناصر العمال المتظاهرين بأصابع الإتهام إلى عناصر الأمن بأنها إفتعلت الحرائق بشكل متعمد

و في بلطيم و السويس شهدت التظاهرات عنف مقابل من عناصر الأمن و عدد غير قلبيل من الإعتقالات

(( العنوان الذي سيق الخبر تحتته أعجبني جداً .... الإنتفاضه الوؤوده ))

و أراها بصراحه تسميه مناسبه للأسف عندما تكون تظاهره مسالمه و تنتهي بهذا العدد من الإعتقالات ... هي حقاً تظاهره موؤوده !!!

[The Coder]

تعليق الفضائيات على الإضراب نقلاً عن موقع الفيس بووك

من الBBC تقرير مصور عن مظاهرات المحله ...

http://BLOCKED2/files/105413762/Edrab_BBC2_report.wmv

برنامج ما وراء الخبر من الجزيره

حلقه خاصه عن الإضراب

http://BLOCKED2/files/105394871/Edra...a2-alkhabar.wmv

تقرير الBBC

http://BLOCKED2/files/105283727/Edrab_BBC_report.wmv

تقرير العربيه

http://BLOCKED2/files/105287553/Edra...abya_report.wmv

تقرير الجزيره (منتصف النهار)

http://BLOCKED2/files/105301921/Edra...eera_report.wmv

تقرير للجزيره (يحتوي على لقطات للامن و التجمعات)

http://BLOCKED2/files/105313549/Edra...era2_report.wmv

تقرير للجزيره (قصير و يحتوي على لقطات جديده)

http://BLOCKED2/files/105328624/Edra...era3_report.wmv

تقرير الفضائيه المصريه (فضيحه اعلاميه ... و تقرير عن المحله و عمالها الابطال اللي على حسب قولهم لم يتغيب احد منهم)

http://BLOCKED2/files/105337134/Edra...sria_report.wmv

[badroora]

طيب يا جماعة الكل وصف اللاضراب بالصوت والصورة

عاوزين بقي نعرف ايه صدده

هل فى شيء اتغير ؟

هل الحكومة هتاخد خطوة ايجابية ولا هتكتفي فقط بمعاقبة المتضاربين؟

وهل نجاح الاضراب فقط انه تم ولا له تاثيرات ملموسة؟

يا ريت لو حد عنه خبر عنه الايجابيات يقولنا؟

[م.سامح المصرى]

طيب يا جماعة الكل وصف اللاضراب بالصوت والصورة

عاوزين بقي نعرف ايه صدده

هل فى شيء اتغير ؟

هل الحكومة هتاخد خطوة ايجابية ولا هتكتفي فقط بمعاقبة المتضاربين؟

وهل نجاح الاضراب فقط انه تم ولا له تاثيرات ملموسة؟

يا ريت لو حد عنه خبر عنه الايجابيات يقولنا؟

والله يا اخت بدرية

انا تابعت الى قالوة على القناة الاولى المصرية

قالو اية بقي

ان كل حاجة تمام

القاهرة الناس فيها ماشيين عادى وراحو شغلهم ومفيش اضراب ولا حاجة والدنيا كانت زحمة مثلها كمثل اي يوم (بيعاملونا كاننا اطفال )

وباقى المحافظات مفيش اى شغب او اطضراب ولا حاجة

بس قلة من البلطجية فى المحلة حبوا يعملو شغب ويكسروا بعض من المحلات مسكوهم وحبسوهم ... لكن استجابو لمطالب عمال مصانع الغزل

ورفعولهم اجورهم مش عارف اساسا رفعولهم اجورهم ولا رفعوهم هما :happy: مش واخدين بالهم ان الجزيرة والعربية فضحوهم

يلة ربنا يكرمنا

[nash]

الحقيقه موقف الحومه الجميل بيفكرني بالمقوله الخالده..

أكذب حتي يصدقك الناس......ثم أكذب واستمر وواصل حتي تصدق نفسك

كأننا أطفال مش فاهمين حاجه..ولا في اختراعات نت ولا تليفونات ولا حتي محطات أخبار

[osaimi]

مشكور كل من ساهم ولو بقلبه ، ربنا يحفظكوا لمصر

وعار علي كل من قال ( الجبن سيد الأخلاق ومن خاف سلم - خليكوا قاعدين ما تتحركوش زي الأرانب)

[أبو محمد]

باستثناء ما حدث فى المحلة .. أعتقد أن الإضراب نجح فى توصيل الرسالة إلى الحكومة ..

الهدوء الذى كانت عليه الطرقات هو أبلغ رسالة .. الرسالة تقول إن صوت الحكومة ليس هو الصوت الوحيد الموجود على الساحة .. الرسالة تقول إن الشعب فى جانب والحكومة فى جانب آخر .. الرسالة تقول إن الشعب غير راض عن سياسة الحكومة وطريقة إدارتها لشئونه .. الرسالة تقول إن الشعب يتكلم ، إن كان هذه المرة ومرات أخرى مقبلة بالسكوت فمن السهل جدا أن يفيض به الكيل وتتحول البلد كلها إلى محلة كبرى

صدى الإضراب لن يظهر بسرعة .. فما طالب الشعب لايمكن تحقيقه بضغطة زر .. فلننتظر لنرى

[الحاج فوزى]

على عكس الأقوال الحكومية ..

أفاد الجميع بإستثنائات قليلة بنجاح الإضراب .. الأمر الذى شجع البعض للدعوة إلى تنظيم إضراب جديد ..

الأمر الملحوظ إشتراك كافة أطياف الشعب فى ذلك .. بغض النظر عن الإنتماءات أو الأيدولوجيات ..

مما يؤكد إرتفاع حالة الغضب والغليان عند الجميع ..

وكما قلت سابقاً بالفعل الوضع تردى لدرجة لا يمكن تخيلها ..

أصبحت الأساسيات غير متاحة ورفاهية لا يملك المواطن المتوسط الحال - اللى كان مستور - لا يملك القدرة عليها ..

فما بالك بالفقير ...

أود التعليق على نقطتين فى مجرى الموضوع ..

تأثير الإضراب على الإقتصاد ..

بالتأكيد توقف عجلة العمل ليوم مؤثرة ..لكن السؤال .. مؤثرة على من ؟!

المواطن البسيط المنهوب الحق والمستحق ؟!

أى نتيجه ستعود عليه من ذلك التأثير ..

بدلاً من زيادة سعر المواد الغذائية يومياً أو اسبوعياً ً بنسبة تتراوح ما بين 10 إلى 20 % .. ستزيد هذا الأسبوع بنسبة أعلى بـ 2 % .. يا سيدى ماهو كده كده مش بيقدر يشتريها من كام شهر فاتو وخلاص .

الصورة الأكبر والأهم والأوقع هى تأثير الإضراب ..

والإضراب كفكرة - سلمية - تعنى وقفة الشعب الإحتجاجية

الشعب بيقول لاء .. كفاية .. حرام ..

لم يحدث الإضراب لأن البلد فقيرة الإضراب حدث لأن الفساد تجاوز الحلقوم .

لأنه لا شىء صالح .. لا شىء يا سادة فى المحروسة صالح .

لا طب لا تعليم لا حقوق لا زراعة لا إكتفاء لا إعلام لا ثقافة لا سياسة لا مكانة دولية لا بحث علمى لا سياسة إنتاجية لا صناعة لا إقتصاد لا تقدم فى أى مجال إلا المجالات النظرية الفردية لا شىء .. اللهم إلا كأس الأمم الأفريقية وحسن شحاته ..

المشروعات الحكومية العملاقة كلها خاسرة .

محاولات تسديد عجز الموازنة عن طريق بيع الأصول والممتلكات والأراضى وخصخصة أملاك الشغب المسكين وكأن الحكومة ترفض إلا أن تترك أثارها لعشرات السنوات القادمة.

بالفعل أعتقد أنه فى الأيام القادمة ستتحول البلد كلها للمحلة الكبرى كما قال أخى الفاضل أبومحمد ..

أضربوا يرحمكم الله لعل الحكومة تدرك أنها لن تجد شعباً تحكمه وتسلب أقواته وأرزاقه فتنتحر .

النقطة الثانية .. موقف الإخوان المسلمين ..

تقريباً كل المواقف السياسية الأخيرة تفرد وتفرض فكرة غير قابلة للنقاش أنه لا يجب معاملة الإخوان إلا كطرف سياسى بحت له مصالحه وتوجهاته الخاصة والتى تقدر من طرف زعماءه طبقاً لمصلحتهم أولاً .. كأى طرف سياسى أو حزب سياسى أخر .

لذا ستستريح كثيراً وسيستريح أعداء وأصدقاء الجماعة لو إتفق الجميع على ذلك.

لنعاملهم على أنهم حزب سياسى لا أكثر ولا أقل..

لهم توجهات دينية .. نعم .

يعتمدون بالكامل على الإيديلوجية الدينية الإسلامية .. لا .

لو تعارضت المصلحة السياسة مع المرجعية الدينية .. السياسة تفوز .. لا عيب ولا حرام .. لكن الإعتراف بذلك واجب .

وبالمناسبة ليس الإخوان وحدهم من فضل عدم الإشتراك فى الإضراب .. ذلك حزب الوفد وغيره .

وبالمناسبة دعت الإخوان لمقاطعة الإنتخابات المحلية .. مصلحة واضحة .

حسابات سياسية تحكمها المصلحة والرؤية الخاصة .

تم تعديل 7 أبريل 2008 بواسطة Huss.

[shawshank]

طيب يا جماعة الكل وصف اللاضراب بالصوت والصورة

عاوزين بقي نعرف ايه صدده

هل فى شيء اتغير ؟

هل الحكومة هتاخد خطوة ايجابية ولا هتكتفي فقط بمعاقبة المتضاربين؟

يمكن ده يكون من أصداء محاولة الإضراب :

توزيع الخبز مجانا لفقراء القليوبية

والتصريح اللذيذ ده : غالي: نواجه أزمة عابرة والأسعار العالمية ستنخفض العام القادم

غالي بيقول إن الأسعار العالمية هتنزل السنة الجاية

ظريف جدًا الراجل ده . بيفكرني بوزير النقل اللي كان بيقول : ماتحاسبونيش دلوقت ، كمان سنتين حاسبوني

وبأي صفة عالمية بيدعي غالي إن الأسعار العالمية هتبقى أرخص السنة الجاية ؟

[mohmaher]

هل سمعتم عن موضوع 4 مايو ؟؟؟ و الاضراب رقم 2

كل سنة و أنت طيب يا ريس ....

أسمع تهانيكم معايا كده واحد .. واحد ...

للمزيد عن سيرة سيادة الرئيس يمكنكم زيارة :- موقع الويكيبيديا ...

وللأقوياء الملاحظة أدعوهم الى قراءة أول الصفحة ... وهى تنبيه من موقع الوكيبيديا :lol:

http://ar.wikipedia.org/wiki/%D9%85%D8%AD%...%A7%D8%B1%D9%83

[osaimi]

ولله كانت هتبقى ملعوبه لو الإضراب ده كان يوم 4 مايو ، لكن ياتري هل يصبح يوم 6 إبريل له شأن فى السنوات القادمة أيضا؟؟

تم تعديل 9 أبريل 2008 بواسطة osaimi

[Sherief AbdelWahab]

أستاذي أبو محمد ..أتفق معك بشدة .. فعلاً آثار الإضراب لن تظهر الآن .. انتظر فقط لنهاية شهر يونية القادم .. وستعطينا حكومة الحزبوطني هدية جميلة بمناسبة الإضرابات..

سنتين قانون طوارئ :unsure:

خلص الكلام

[mohmaher]

بس هل فعلا موضوع 4 مايو حقيقي؟؟

حد عنده فكرة ؟؟؟