أخطاء الأطباء (2)

[بنت شعنونة]

فيه مريض عندي

كبير في السن

الدكاترا عملوله عملية غلط بشهادة النواب و الأمتياز

وانا نفسي سمعت الأستاذ مرة وهوا بيعمله اشعة بعد العملية وبيقول ايه العك دا

طب فتحتوه ليه مادام مش عرفين ماله

دلوقتي الراجل بعد لعملية متدمر

ومنتظرين وفاته المحتمة

واهله مش عارفين حاجا

اقولهم انه الدكتور هوا اللي عامل فيه كدا؟؟؟؟؟

والا اسكت؟؟

:oops: :oops: :oops:

[Katamando]

لو عندك مايثبت بحجج قاطعة لا يمكن اللبس فيها فعليكي ابلاغ أهله لأتخاذ اللازم

أما لو كان الموضوع مجرد سمع..... فلن يجدي نفعاً فلن يصدقك أحد ولن يحاسب أحد ولكنك تعرضي نفسكل للمشاكل وينقلب عليكي الأمر

حسبنا الله ونعم الوكيل

[بنت شعنونة]

المشكلة انه دليل مادي ما فيش

اللهم الا شهادة النواب للي حضروا العملية واللي بيقولوا كدا

واللي طبعا استحالة يشهدوا على الأستاذ

المشكلة

انه ابنه شكله قتال قتلا

خايفة اقوله يقتلهم

او يقتلني

مع انه لازم يعرف

اززززززززاي

مش عارفة :(

[Spider]

فيه مريض عندي

كبير في السن

الدكاترا عملوله عملية غلط بشهادة النواب و الأمتياز

وانا نفسي سمعت الأستاذ مرة وهوا بيعمله اشعة بعد العملية وبيقول ايه العك دا

طب فتحتوه ليه مادام مش عرفين ماله

دلوقتي الراجل بعد لعملية متدمر

ومنتظرين وفاته المحتمة

واهله مش عارفين حاجا

اقولهم انه الدكتور هوا اللي عامل فيه كدا؟؟؟؟؟

والا اسكت؟؟

:oops:  :oops:  :oops:

تكملة لمسلسل الفساد والعك فى مصر

ربنا يصبرنا ويصبر أهل الراجل المسكين

من رأيي يا أخت شعنونة أن توضحى لأهله وتقولى لهم على الحقيقة

فكل أنسان مسئول عن أفعاله ولابد أن يتحمل النتيجة...

وأذا كان هذا الطبيب لا يعرف ما سبب معاناة مرضاه فأفضل له أن يذهب ليبيع ترمس على كورنيش النيل بدلآ من تكرار المأساة مرة ثانية وثالثة الى ما شاء الله...ولا أعلم أذا كان هذا ممكن يضرك بشىء أم لا أذا ما عرفوا أنك من قلت ذلك...ولكن أذا لم تكن هناك مشاكل بالنسبة لك فلتعلمى أهله بالحقيقة حتى يمكنهم القصاص العادل من المتسبب فى ذلك...

والخطأ ليس على الطبيب بل الخطأ على من ساعدوه للألتحاق بكلية الطب والتخرج منها...

لعنة الله على الفساد...

[Spider]

أنا مش متأكد من رد فعل أهل المريض تجاه الطبيب نفسه...

بمعنى هل سيلجأون للقضاء أم سيقتصون منه بأنفسهم أم أنهم لن يستطيعوا فعل هذا ولا ذاك؟

الأجابة على هذا السؤال تحدد طريقة أخبار أهل المريض...

وأنت فقط يمكن أن يجيب عن هذا السؤال ...

بأختصار

قولى لهم بالطريقة المناسبة

[بنت شعنونة]

همممممممم

شجعتوني اقولهم

المشكلة لو قالي وايه دليلك

ها اقوله كلام النواب؟؟؟؟

اللي عمرهم ما ها يقولوا لحقيقة

لكن الأمر لله

ها اقول

ولو كدا ها اقولهم يجيبوا ي دكتور يكشف عليه

ها يقلهم المصيبة اللي هما عملوها

فكروني اكتب وصيتيييييييي :( :( :( :roll: :roll: :roll: :roll:

[بنت شعنونة]

اه حاجا كمان

معلش بقى فرصة :oops:

بس اصلي لو ما قلتهاش ها امووووووووووت بحسرتي

جالي احباط من "بعض" اخوانا في المنتدى "المتشددين" دينيا

واللي ديما بيدخلوا في مناقشات حادة عن الدين وشد وجذب وكلام كبير

فقد توقعت ( كما توقع قبلي الأستاذ عادل ابو زيد منهم في موضوع حملة انترنت نظيفة )

توقعت منهم لمساعدة السريعة للطفل الذي بعثت بصورته

ولو حتى بالدعااااااااااااااااااء له يعني

لكن فوجئت بسكون تام؟؟؟؟؟؟؟؟

في حين تحرك اعضاء اخرين سواء من المنتدى او من خارجه

طبعا الخير لآهله وبين العبد وربه

لكن اصلة مش معقول في "الكلام" نبقى هتتك بتتك و "ناكل" بعض

ووقت الجد!!!!!!!!!!!!!!!!!!!!!!!!!!

مافيش!!!!! :? :?

والا هوا الدين بقى مجرد "كلام" على "النت" وخلاص؟؟؟؟؟

معلش سامحوني

بس اصلي بجد مصدومة يعني... :roll: :roll: :oops: :oops:

يا كتاماندو اقفل يا ابني الموضوع دااااااااااااا

احسن انا مش ها اسيييييييييييييبه

ها يبقى مليون صفحة بسببي لوحدددددددددددددي

:roll: :roll: :roll: :roll: :lol: :cry: :cry: :cry:

[Salwa]

شانا حبيبتى.

فى حديث عن الرسول،عليه افضل الصلاة والسلام.

//من راى منكم منكرا فليغيره بيده،فان لم يستطع فبلسانه،فان لم

يستطع فبقلبه،وهذا اضعف الايمان//

صدق الرسول الكريم.

لازم ياشانا تتصرفى بس برضه...ولاترموا بأنفسكم الى التهلكة...

ممكن عند حضور اهل المريض لزيارته....اتصلى تليفونيا بهم،داخل

المستشفى...وبلاش تقولى اسمك.

واشرحيلهم الموضوع واقنعيهم،زى ما قالوا لك،ان يذهبوا به لطبيب آخر

وبناء على هذا...لن تضعى زملاؤك فى موقف...يضطروا فيه للاختيار

بينك وبين ،الاستاذ،.................واكيد حايختاروا الاستاذ.

واجهى الجميع وجها لوجه......لو اضطررت لذلك.

لكن فى الوقت الحالى...........اتصرفى بمنتهى الحذر،خصوصا انك

تقولين ان ابن المريض،...شاب متهور.

حتى لاتتسببى فى...كارثة.

وبدل ماتحلى مشكلة....يبقى عندك مشكلتين.

ربنا معاكى ياشانا،ويقدرك على فعل الخير.

سلامى.

[عادل أبوزيد]

الفاضلة شعنونة

لعلك انت يا سيدتى تكونين طليعة الإصلاح و هذا ما أشعر به شخصيا عندما التقى بالشباب او استمع اليهم.

تذكرين قضية الممرضة عايدة وقتها تدخل رئيس الطب الشرعى السابق و على ما أذكر أن تقاريره كان لها وزن كبير فى تلك القضية و على ما أذكر ان اسمه كان ..... الشناوى.

و هو يملك مكتبا استشاريا خاصا بالطب الشرعى و اتصور انه للمنازعات الطبية.

و أذكر ان محامى الممرضة عايدة كان اسمه ... ابوهيف

و عايدة نفسها كانت تعيش فى حى الحضرة بالإسكندرية

أتصور انك فى الإسكندرية تستطيعين السؤال عن المكاتب الإستشارية فى الطب الشرعى.

الفاضلة شعنونة ربما يوفقك الله و تجدى مخرجا لضحايا الإهمال الطبى

الله معك

ملحوظة: رجاء تصفح موضوع آخر بعنوان أخطاء الأطباء

[بنت شعنونة]

اخي الفاضل عادل ابو زيد

اسمحلي اديك صدمة

ايام موضوع عايدة تواجدت بصفة شخصية في مكان عملها

وسمعت كل الكلالالالالالالام للي ممكن يتسمع

سواء من الممرضات او دكاترا او نواب

الموضوع كان ملفق مليون المية

لحماية رئيس القسم

وما ادراك ما الكوسة في كلية الطب :(

وايامها الممرضات اضربوا لكذا يوم ولبسوا سود

وكان في حالات تعدي بالضرب من ممرضات على دكاترا

ربنا يستر علينا بس

[crossfield]

الموضوع كان ملفق مليون المية

لحماية رئيس القسم

وما ادراك ما الكوسة في كلية الطب :(

وايامها الممرضات اضربوا لكذا يوم ولبسوا سود

وكان في حالات تعدي بالضرب من ممرضات على دكاترا

ربنا يستر علينا بس

:) :D :D :D :D

معلش يا شنشن سامحينى مش قادرة أمسك نفسى بس فيه تعليق لازم أقوله

القرع لما إستوى قال للخيار يا لوبيا :D

بصراحة... أنا جاتلى فوبيا من الدكاترةو بصراحة أكتر"البعض" يستاهل الضرب بالنار فى ميدان عام.و نصيحتى ليكى قولى لأهله بسرعة عشان متشيليش ذنبه يمكن يقدروا يعملوله حاجة فى مستشفى تانية المهم من غير ما تظهرى فى الصورة خاااااالص و يا ريت تكتبيلنا كل يوم عشان نطمن عليكى :D

[amir]

الظاهر أن الأخطاء دى مش موجوده عندنا بس ... دا حتى فى انجلترا كمان ،و أسمحولى أحكى لكم اللى حصل معواحد من العائله ، بس حاولوا تفهمونى لأننى مش متخصص فى الطب زى باقى الأخوه هنا ، المهم أصيب هذا القريب بأزمه قلبيه و هو فى الاربعين من عمره تقريبا لأنه مدخن و عصبى ويعمل بنشاط و ذمه متزايده ، و تم أتخاذ اللازم وعاد لعمله و سجائره ، وبعدين جلطه ثانيه ، وبعدين شعر بآلم شديد فى رجله و نصحه طبيبه المعالج بسرعة أجراء عمليه لأستبدال أربع شراييين ، و رشح له احد الأطباء الانجليز و سافر المسكين و تم أجراء العمليه ـ بنجاح ـ و لكنه شعر بعد ان فاق من البنج أنه لا يوجد احساس فى الجانب الشمال ، ونصحه الدكتور بالعلاج الطبيعى و المشى و كل شئ حيرجع طبيعى ، استمر فتره فى العلاج الطبيعى و عاد لمصر و لكن مازال بيشعر بتنميل خفيف فى ايده و رجله الشمال ، بعد البحث و التقصى أخبره الدكتور ما معناه انه بعد أنتهاء العمليه و عودة الدم لمجراه الطبيعى تكون هناك بعض ذرات من الدم تجلطت و سددت شريان فى المخ !

المهم الدكتور نصحه ببعض الادويه و قاله اذا لم تتحسن الحاله فلابد من أجراء عمليه فى المخ .. حاجه كده زى عملية توسيع المواسير .. و طبعا فضل صاحبنا أنه يمشى يعرج احسن من ما يعملوله عمليه تسليك المواسير دى .

و هو معاه تقرير من المستشفى الانجليزى و مذكور فيه انه لم يستطع تحريك ايده أو رجله الشمال لحظه فواقانه من البنج .

أنا طبعا مش عارف اذا كان فى غلط من الانجليزى ولا دى اعراض جانبيه للعمليه ؟

المهم مفيش حد أحسن من حد هما بيغلطوا و احنا كمان بنغلط !

:shock: :shock: :shock:

[بنت شعنونة]

حاولت ان اقول لابن المريض بدون ان اظهر في الصورة

لكن فشلت

ف اخبرته وجها لو جه

وكانت النتيجة النهائية لأخباره

كدمات في مختلف انحاء جسدي

واني اتحولت للتحقيق

:(

كنتوا ها تصلوا عليا صلاة الميت النهاردا

[crossfield]

حاولت ان اقول لابن المريض بدون ان اظهر في الصورة

لكن فشلت

ف اخبرته وجها لو جه

وكانت النتيجة النهائية لأخباره

كدمات في مختلف انحاء جسدي

واني اتحولت للتحقيق 

:( 

كنتوا ها تصلوا عليا صلاة الميت النهاردا

يا نهار يا شانا؛ليه بس كده يا بنتى كنتى إنشالله حتى سيبتيله ورقة تحت الباب.إيشحال ما إنتى نفسك بتقولى إن شكله قتال قتلة؟ معلش كله عند ربنا المهم الموضوع ده هيأثر عليكى جامد فى الشغل و الا يدوب هتخسرى الدكتور إياه ده و خلاص؟ ربنا يستر .

[بنت شعنونة]

القبض على عبد القادر قطب بسبب عمل عمليات نقل كلى وهوا متاكد انه ستؤدي الى الوفاة

هذا ما نشرته الحوادث في اخر عدد لها

حيث قام د.عبدالقادر بنقل كلى دون عمل مطابقة للانسجة او حتى لفصيلة الدم

مما ادى الى وفاة عد كبير....

وحسبي الله فيييييييييييييهم...

[insti_speedy]

اصدقائي الاعزاء من الطبيبات والاطباء :alien:

لن ينصلح حال الطب ببلدنا حتي يطبق مبدا التعويضات ضد اخطاء المهنه :roll:

بمعني ان كل ممارس لمهنة الطب اي كان تخصصه يشتري بوليصة تامين تغطي اخطائه الوارد حدوثها لكونه انسان من الممكن ان يخطئ

هذه البوليصة يستفاد منها في دفع التعويض المناسب للمرضي من ضحايا الاخطاء المهنية التي يرتكبها الطبيب المؤمن عليه

وطبعا شركات التامين لن تؤمن للاطباء الذين يرتكبون اخطاء فادحة او الذين يكررون الاخطاء بصورة ملفتة للنظر ........... مع الوضع في الحسبان ان مثل هؤلاء المهملين سيضطرون الي التدقيق اثناء ممارستهم لهذه المهنة الانسانية منعا للسجن او دفع تعويضات للمرضي او ارتفاع تكلفة شراء بوليصة التامين التي سيكون ثمنها مرتفع نتيجة اخطائهم ....... ناهيك عن العقوبات التاديبية من قبل وزارة الصحة ونقابة الاطباء

لكن قبل تطبيق ذلك علي الدولة ان تفعل واجبها من زيادة الميزانية الخاصة بالصحة ورفع اجور الاطباء بما يتناسب مع هذه المهنة الانسانية

رننننننننننننننننننننن المنبه رن ويبدو ان العبد لله كان يحلم

 :?