الكتاكيت الدايخة

[واثق الخطوة]

النكتة تقول :

يقال أنه ذهب لأبيه وقال له : بابا ... انت وعدتن انك هتقربني منك علشان تعلمني ازاي ابقي رئيس بعدك ... وانا بقالي كذا سنة .. وانت بصراحة كبرت خلاص خليني احكم بدالك بقي ...

الأب (بحكمة): يا ابني انت لازم تعقد جنبي كمان ثلاث اربع عشر خمستاشر سنة علشان تتعلم مني ازاك احكم شعب صح

الإبن : ما انا خلاص اتعلمت منك كل حاجة ..

ا لأب : والله انك ما اتعلمش ولا حاجة وعلشان تصدقني شوف .. ..

يضرب الأب الجرس ويأمر بأن يحضروا له كرتونه بها عشرة كتاكيت بالإضافة لطبق كبير.. خلال ثواني يحضروا له المطلوب ..

يجلس الأب وابنه على الأرض .. وأمامه الكتاكيت عماله تتنطط في الكرتونة ... ويسأله :

تعرف تضع الكتاكيت دي في الطبق ده واحد واحد من غير ما يخرج منها كتكوت ؟

الأبن : طبعا يا بابا دي كتاكيت

ويحاول الإبن . يضع الكتكوت الأول .. وقبل أن يحضر الثاني كان الأول قد خرج من الطبق .. يضع الإثنين فيهرب الثالث وهكذا عجز الإين على وضع الكتاكيت العشرة في الطبق لأن الكتاكيت تجري خارج الطبق بسرعة

كان الأب يتابع ابنه وهو _لايص- مع الكتاكيت

ابتسم الأب ابتسامة سخرية

وقال له : تعالى أعلمك ..

ضع الكتاكيت العشرة في الكرتونة مرة ثانية

اخذ الأب الكرتونة وقام بهز الكرتونة بشدة لمدة خمس دقائق ..

حتى داخت الكتاكيت وترنحت

قلب الأب محتويات الكرتونة داخل الطبق ...

الكتاكيت الدايخة مش قادرة تتحرك .. وتكومت فوق بعضها داخل الطبق ...

ابتسم الأب لابنه وقال : فهمت انا قصدي ايه ؟

قال له :ايوة يعني اعذب الشعب

قال له الأب الحكيم :لا يا عبيط يعني تدوخ الشعب .. في طوابير العيش والأكل والماهية التي لا تكفي وجبة واحدة في اليوم والمواصلات ومصاريف المدارس ... ودخلة رمضان ... ... وخلي كل حاجة في البلد يرتفع سعرها ماعدا وصلة الدش والإنترنت ...

ساعتها ولما الدنيا تدوخ الناس تمام .. والكل يبقي عايز يعيش يومه وبس ... هتلاقيهم زي الكتاكتي دي وهتعرف تحكمهم ...

معهلش دي قصة حكيتها لإبني علشان يعرف ينام !

[galaxy]

جامدة جداجداجدا :blink: :lol:

صحيح شرالبليه ما يضحك.................بس بلاش تحكيها لابنك قبل ماينام.........حرام.......عشان يعرف ينام

يمكن علي ايامه الحال ينصلح و الكتاكيت هيا اللي تسوق.........

اطيب امنياتي :) :)

[المر]

والله ده حال الشب تماما وهو عامل زى الفرخة الدايخة يعنى المواطن ما عندهوش وقت كى يستطيع يتكلم فى سياسة بلده لان رأس الافعة ألهته بالبحث عن لقمة العيش و رغيف العيش و ازاى يعيش. و لو اتكلم عارف ان مصيره هو المعتقل و مش هيشوف بعده نور. :blink: