أخيرا .. !!

[غـــاردين]

مرحبا ..

أخيرا و بعد عناء تمكنت من تفعيل اشتراكي بطريقة غريبة جدا ..

موضوعي الأول ..

لماذا يا أدارة المحاورات .. يتم هكذا التسجيل ؟

أنا عضوة في منتديات كثيرة لكن أول مرة تصادفني هذه الطريقة في التسجيل .. أن انتظر حتى يتم تفعيل اشتراكي ..

و أنتظرت .. ولا أي رسالة تصل بهذا .. !

هل لأسباب أمنيّة ؟؟

واو لو كان كذلك إذن سوف أحاسب على كل كلمة أقولها :?

المهم الآن ..

أنا هنا بينكم .. بعد أن كنت أراقبكم عن بعد ..

و صرت أعرفكم كلكم .. و أعرف توجهات كل عضو هنا .. و أفكاره .. و مواضيعه .. حقا .. أنا سعيدة لأني أصبحت بينكم ..

فشكري الجزيل للإدارة و للأعضاء .. و لمن ساعدني على تفعيل اشتراكي ..

و تحياتي للجميع .

[Cleo]

أنا هنا بينكم .. بعد أن كنت أراقبكم عن بعد ..  

و صرت أعرفكم كلكم .. و أعرف توجهات كل عضو هنا

:oops: :oops: :oops: :lol: :cry: :cry: :cry:

:shock: :shock: :shock: :shock: :shock: :shock:

:roll: :roll: :roll: :roll: :roll: :roll: :roll: :roll: :roll: :roll:

أنا ولله العظيم مالش أى توجهات و لا أى حاجة..... و ممكن أشهد على اللى تشاور حضرتك عليه و أقر عليه بس تاخدونى شاهد ملك.... :twisted: :twisted: :twisted: :twisted:

(حكمة اليوم : عيش (...) تموت مستور) :twisted: :twisted:

:cry: :D :D :lol: :lol: :lol: :lol: :lol:

مرحبا بالأخ جاردين و ألف ألف مبروك تفعيل الاشتراك و يا رب ننعم بمشاركاتك البناءة

لك أرق تحية

كليو

[DARWEEN]

مرحبا بالأخ جاردين بداية .....

ألف مليون مرحب ياجاردين .... نورتي المنتدى وآسفين جميعا عن تعطيلك في الأشتراك .... بس زي مانتي عارفه لازم يتعمل ملف أمني لكل عضو قبل أشتراكه

:idea: :idea: :idea: :idea: :idea: :idea: :idea:

يالا شدي حيلك وعاوزين نعرف توجهاتك

مرحبا بالأخ جاردين

ياكليو بتقولك أنا (((( عضوه )))) في منتديات كتيره

مش من أول يوم تصدميها كده

:D :D :D :D :D :D :D :D

[أسامة الكباريتي]

بسم الله الرحمن الرحيم

أما عن نفسي فلا تحمل همي .. ستتعب .. لو زرت فلسطين ستجدني أسير حبها ..

ولو زرت العراق والحرب .. ستجدني من ضحاياها المقصودين ..

أما لو تمعنت في النيل فستجد قلبي "يلعبط" مع كل قطرة فيه ..

فأهلا بك وسهلا ..

حضرتك مسجل من يوم 16 !!! كل ده على البوابة!!! الظاهر ان الحرب شغلت الناس عن فتح الباب ..

حقك على كل فرد منا ..

والمهم أن تشعر بطعم الانتظار .. هذا يمارس بنا في كل مداخل الدول العربية برا وبحرا وجوا .. اشمعنى محاوراتنا عايزها تختلف :D :D :D

نشوفك في فلسطين .. أرض الرباط والأقصى الأسير .. وفي كل أركان المنتدى ..

تنساش تسدد اشتراك أول مرة .. فدخولك مؤقت .. راجع أخي الطفشان واحرص على أخذ إيصال رسمي بالدفع .. والا .. ما خدناش منك حاجة ..

مرحبا بك في بيتك وبين أهلك ...

[Cleo]

داروين كتب :

:  

مرحبا بالأخ جاردين  

ياكليو بتقولك أنا (((( عضوه )))) في منتديات كتيره  

مش من أول يوم تصدميها كده  

ماهو ده لزوم التمويه... عشان أثبتلهم إى غير متزنة عقليا فتسقط عنى العقوبة.... :twisted: :twisted: :twisted:

[Salwa]

اهلا...اهلين...مرحبتين.

انا بقى...ام المصريين...

ورثتها،عن ،السيدة/صفية زغلول.

تقريبا كدة...باين عليكى ،،حبيبة،،

الا احنا اليومين دول.....الضغط علينا جامد قوى.

آسفة بالنيابه عن الاخوة....لتعطيلك فى الدخول.

لكنها....الأجراءات الضرورية ياعزيزتى.

هنا الحرملك كله..100%..يعنى ....انسى المنتديات التانية.

وركزى معانا..

علشان تبقى فعلا...واحدة مننا.

اهلا بك فى بيتك....

قالوها لى....وبدورى بقولها لك.

سلامى.

[Spider]

ماهو ده لزوم التمويه... عشان أثبتلهم إى غير متزنة عقليا فتسقط عنى العقوبة....  :twisted:  :twisted:  :twisted:

يا ناصحة

متزنة مش متزنة أنت خلاص على اللستة...

يعنى متحاوليش...

:twisted: :twisted: :twisted: :D

[1_Nadim]

كتب :

:

ماهو ده لزوم التمويه... عشان أثبتلهم إى غير متزنة عقليا فتسقط عنى العقوبة.... :twisted: :twisted: :twisted:

:D :D تمويه ايه بس ماهي بتقول بقالي مده مراقباكموعارفه توجهات كل واحد فيكم دي قررت تشارك بعد ما عرفت التوجهات تبقي مشاركه في المؤامره تماما زي الباقيين

عموما اهلا بيك وكل ما عددنا زاد كل ما بقي صعب يحبسونا كلنا

مع خالص تحياتي

[DARWEEN]

جرى أيه ياجماعه أنتم حتخوقوها ليه من أول يوم ....

ماتخافيش ياجاردين ...

مفيش أي حاجه بتحصل هنا ...

أيه يعني ... حياخدوكي القسم

وكلهم قلمين

على شلوتين

وبعدين ...

آييييييييييي آيييييييييييييييييي

مش أنا والله ياباشا دي جاردين هي اللي قالتلي أكتب كده هي وواحده أسمها كليو متخفيه وعامله شاطره بس أنا حاقولكم عليها

[شيكو المصري]

نفس المشكلة حاصلة لغاية دلوقت مع واحد صاحبي وصلتة اول رسالة و بعد كدة مستني بقالة اكتر من اسبوع حد يعبرة بالرسالة التانية لغاية لما يأس و بطل يخش السايت ما دام مش قادر يشارك فية

[Cleo]

داروين كتب :

مش أنا والله ياباشا دي جاردين هي اللي قالتلي أكتب كده هي وواحده أسمها كليو متخفيه وعامله شاطره بس أنا حاقولكم عليها 

 

 

:D :D :D :D :D :D :D

حتى أنت يا بروتس...!!!!!!!!!!!!!!!!!

[غـــاردين]

وااااو .. كل هذا .. علشاني أنا .. أقدر أشوفي نفسي على كده :D

شفوا من أولها علشان نكون على نور .. و علشان لا تستغربوا لهجتي :?

أنا سعودية :!: و كنت متزوجة مصري :!: :!: :!:

و عندي ولد صغنون اسمه غسان :D عمره 4 سنوات طبعا مصري

و عايشة في الإسكندرية من سنة 95

يعني خلاص مصرية مثلكم ..

أحب الإسكندرية جدا .. أخاف من القاهرة :?

ماعندي غير صديقة واحدة هنا ..

و بس ..

و الله والله والله ماعندي أي توجهات غير أدبية و احيانا سياسية و احيانا ثورية :D

و لما كتبت توجهات اقصد بها فكرية فقط .. ( يا ماما خوفتوني سامعة صوت على السلم :( )

تابعتكم من زمان يمكن أكثر من شهور و كنت اجد متعة في قراءتكم جميعا في كل المجالات و أستفدت كثيرا منكم و فتحتوا آفاق تفكيري لمواضيع ما كنت أفكر بها مثلكم .. و بس

فحبيت أشارك معاكم .. بما عندي و نتناقش .. نختلف .. نتفق .. نتشاكس .. لا يهم .. المهم أن نبقى دائما أصدقاء عبر النت .

دراستي .. تخبطت فيها كثيرا .. طبعا الأولية كانت في السعودية تحديدا المدينة المنورة .. و بعد كده في امريكا .. و تنقلت بين كل أنواع العلوم و ما استفد بشيء و لا حصلت على أي شهادة تثبت ذلك ..

قررت أدرس كمبيوتر :?

و درسته و حصلت على شهادة تعادل الدبلوم و تركت الدراسة و جلست فترة طويلة في البيت تركت كل شيء .. و عندما قررت الرجوع لعالم الدراسة و العمل أكتشفت أن ما درسته لا ينفعني بشيء فقد درست أولويات الكمبيوتر التي تتجدد كل ساعة و كل ما تعلمته أكل الدهر عليه و شرب :(

إلا أنا باحكي لكم قصة حياتي ليه :?:

لا أكون خايفة منكم بجد :D

أكمل لكم الحلقة الجاية .. هذا لو في حلقة جاية :D

و مستعدة لأي سؤال .. و الله أجاوب بصراحة :D

المهم أنا فعلا سعيدة .. بوجودي بينكم ..

و شكرا من القلب .. لكل من سجل لي حرف هنا .

تحياتي للجميع .. و فعلا تشرفت بكم .

[Seafood]

أهلاً و سهلاً ... أم غسان ...

يبدو أنك شخصية ذات خلفية ثرية و متنوعة ... نتطلع للتحاور معك ... يا ريت تبدأي المشاركة ... حتى يبدأ الهجوم عليك :shock: ... فليس هناك وقت لنستضيفك في باب شئون المحاورات ثلاثة أيام ... قبل أن تبدأي بالمشاركة الفعلية ...

[ragab2]

أهلا

بالأخت الفاضلة غاردين أم غسان

ونتشوق لقراءة مداخلاتك التى تنم عن شفافيتك وتلقائيتك

تحياتى

[هشام عبد الوهاب]

الأخت الفاضلة غاردين اولا مرحبا بك فى المنتدى

اعتذر بشدة عن التأخير فى تفعيل اشتراكك فقد حدث خطأ منى -غير مقصود بالطبع - لمدة يومين حتى تنبهت له ادى الى عدم تفعيل الاشتراك لمن اشتركوا خلال هذه المدة وللأسف الشديد لم استطع معرفتهم لتفعيل اشتراكاتهم ولو بعد حين .

نورتى المنتدى .

[1_Nadim]

تابعتكم من زمان يمكن أكثر من شهور 

دراستي .. تخبطت فيها كثيرا ..  .

انا بعد ما قرأت الجملتين دول تصورت ان الجمله اللي بعد كده ح تكون

فقررت ان اشتغل في المباحث

لكن الحمد لله طلعت المسأله غير كده وبما انك تعرفتي علي روح الفكاهة المصريه فاكيد عرفتي ان الافيه تحكم

مع خالص تحياتي

[amir]

غاردين

أهلا بك معانا ، و فى أنتظار مشاكساتك ...أقصد مداخلاتك

نرجو سرعة دفع الأشتراك للأستاذ الطفشان علشان يدفع لنا هو فواتير الانترنت بتاعتنا

تحياتى

[Al 7aZeeN]

أنا هنا بينكم .. بعد أن كنت أراقبكم عن بعد .. 

و صرت أعرفكم كلكم .. و أعرف توجهات كل عضو هنا .. و أفكاره .. و مواضيعه .. .

أحنا برضه كنا بنراقبك وعرفنا عنك كل حاجة وكنا متابعينك من يوم ما حاولتى تشتركى عشان كده الرسالة أتأخرت0

وأنتظرنا حتى تعترفى بكل شىء ونتاكد من المعلومات اللى عندنا0

وخلاص تأكدنا :twisted:

والدليل "قالولوا"!

عموما أنا حرحب بيكى رغم أنى أعتبر نفسى عضو جديد لأنى قارىء فى هذا المنتدى أكثر منى مشارك0

أهلا بيكى مرة تانية

[Al 7aZeeN]

هى الأخت غاردين جت وقالت عدولى ولا أيه :?: :!:

[غـــاردين]

مساء الخير ..

ها أنا مرة أخرى .. بجد كرمكم خجلني و أنا ما أعرف أخجل :oops:

معليش غبت يوم واحد في مهام أمومية ( ماادري صح اللفظ كده ولا ايه )

لأن الجو هنا في الأسكندرية جو شتوي ممطر بشدة و بارد جدا كأن الشتاء بيرجع ثاني .. فكان لابد من البيات الشتوي :oops:

و فعلا اعجز عن شكر كل واحد اهتم و اعطاني جزء من وقته و قرأ كلامي ورد عليّ ..

و أعدكم أني أكون عند حسن ظنكم بي ..

كل شكري و تقديري و محبتي ..

و لننطلق من هناك :wink: