ملف كامل شامل عن المعيشة في السعودية

[احمد العوبى]

السلام عليكم ورحمة اللة وبركاتة

اولا احب ان اشكر اسرة المنتدى الرائع على قبولهم عضويتى لما لمستة فى المنتدى من قوة الموضوعات وتعددها وسرعة الرد وبالاخص موضوع المعيشة فى السعودية لانى استفدت منة كثيراااااااااا وشكرا للاطالة واللة الموفق

[الحريف]

الاخوة فى السعودية افيدونى افادكم الله اعمل مبرمج خبرة 8 سنين و بقالى فى الكويت سنتين و حاليا جايلى عقد عمل فى المدينة المنورة براتب 9000 ريال شامل السكن و المواصلات + تذاكر سفر لى و لزوجتى و طفلين . دا نفس الراتب الى فى الكويت بس من غير التذاكر بس انا مرتاح للعمل فى المدينة جنب الحبيب صلى الله عليه و سلم و خصوصا ان العمل فى الامانة يعنى حكومى و فى الكويت انا بشتغل فى شركة صغيرة كمان الراتب دا اول سنة السنة الى بعديها 11 الف (علشان مصاريف الفيزا ) ايه رأيكم اقبل العرض ده . و يا ترى فى مدارس كويسة فى المدينة (انا عندى ابن فى اولى ابتدائى و البنت لسه صغيرة على المدارس) و يا ترى مصروف اسرة من 4 افراد تصرف كام فى الشهر كمان انا حاصل على بكالريوس تجارة و اقامتى فى الكويت محاسب يا ترى دا ممكن يعملى مشكلة فى فيزا السعودية

سؤال كمان انا زوجتى مدرسة لغة انجليزى فى كلية التربية جامعة الاسكندرية ممكن تلاقى شغل فى المدينة المنورة ؟

معلش طولت عليكم بس يا ريت حد يقولى الكويت ولا السعودية

[ozoozo]

الاخوة فى السعودية افيدونى افادكم الله اعمل مبرمج خبرة 8 سنين و بقالى فى الكويت سنتين و حاليا جايلى عقد عمل فى المدينة المنورة براتب 9000 ريال شامل السكن و المواصلات + تذاكر سفر لى و لزوجتى و طفلين . دا نفس الراتب الى فى الكويت بس من غير التذاكر بس انا مرتاح للعمل فى المدينة جنب الحبيب صلى الله عليه و سلم و خصوصا ان العمل فى الامانة يعنى حكومى و فى الكويت انا بشتغل فى شركة صغيرة كمان الراتب دا اول سنة السنة الى بعديها 11 الف (علشان مصاريف الفيزا ) ايه رأيكم اقبل العرض ده . و يا ترى فى مدارس كويسة فى المدينة (انا عندى ابن فى اولى ابتدائى و البنت لسه صغيرة على المدارس) و يا ترى مصروف اسرة من 4 افراد تصرف كام فى الشهر كمان انا حاصل على بكالريوس تجارة و اقامتى فى الكويت محاسب يا ترى دا ممكن يعملى مشكلة فى فيزا السعودية

سؤال كمان انا زوجتى مدرسة لغة انجليزى فى كلية التربية جامعة الاسكندرية ممكن تلاقى شغل فى المدينة المنورة ؟

معلش طولت عليكم بس يا ريت حد يقولى الكويت ولا السعودية

طبعا السعوديه ارخص فلو نفس الراتب يبقي توكل علي الله وخصوصا انك في الحكومه

وممكن تسكن في شقه مناسبه في حدود 1500 ريال شهريا وممكن اقل لو انت عايز

والمصاريف علي حسب طريقتك في الحياه بس لو افترضنا انك متطلباتك متوسطه هايكون 3000 ريال مناسب جدا -طبعا من غير السكن- وممكن تصرف اقل لو عايز

[aymaneng]

السلام عليكم

لو سمحتم يا جماعة عايز اعرف معلومات عن شركة فى منطقة الجبيل اسمها "عليان ديسكون" Alian Descon

يا ريت لو حد عايش فى الجبيل او يعرف عن الشركة يقولى ايه رايه فيها ومميزاتها وعيوبها وايه اخبار مرتبتها

شكرا على ردكم مقدما

[مصطفى بيبو]

السلام عليكم ورحمة الله وبركاته

ممكن حد يفدني يا جماعة في السؤال عن مهنة (مرتب صفحات) هل لها استقدام أو زيارة؟

[omar sameh]

السلام عليكم ورحمة الله

دي أول مشاركة ليا في المنتدى و كان عندي استفسار عن عرض عمل و مش عارف أفتح موضوع جديد عشان كدة ضفت الاستفسار ده هنا

العرض اللي جايلي كما يلي :

الوظيفة : Senior Software Developer

الخبرة : 5 سنوات

المرتب : 9500 RS شاملة مرتب أساسي + انتقالات + بدل سكن

مميزات أخرى : تأمين صحي لي و للأسرة + تذكرة سفر ليا و للزوجة و طفلين كل سنة

أنا حاليا متزوج و ليس عندي أطفال

هل العرض ده يعتبر كويس بالنسبة لتكاليف الحياة في الرياض

ايه هيا تكاليف الحياة لفردين في الرياض أنا وزوجتي من حيث سكن و أكل ومصاريف الحياة عامة

شكرا مقدما

[wayfaring]

يا شباب انا مهندس اتصالات و الكترونيات و الفيزا الي جت للسعودية جت فني اتصالات و المهنة بجواز السفر مهندس اتصالات و ليست فني هل لابد من تغيرها ؟؟؟

كمان هل فيزا فني اتصالات تصلح لاستقدام زوجة؟؟؟؟

الرجاء سرعة الرد و مشكورين مسبقا

تم تعديل 12 أبريل 2010 بواسطة wayfaring

[خالد شحاته]

يا شباب انا مهندس اتصالات و الكترونيات و الفيزا الي جت للسعودية جت فني اتصالات و المهنة بجواز السفر مهندس اتصالات و ليست فني هل لابد من تغيرها ؟؟؟

كمان هل فيزا فني اتصالات تصلح لاستقدام زوجة؟؟؟؟

الرجاء سرعة الرد و مشكورين مسبقا

الاخ الفاضل

هتكتب افرار من الشهر العقاري انك فني ومش هطالب بمؤهلك هنا لما توصل بسلامه ان شاء الله اما بخصوص الاستقدام نعم ينفع لان مؤهلك مؤهل عالي

[Engineer Hosam]

السلام عليكم ورحمة الله

دي أول مشاركة ليا في المنتدى و كان عندي استفسار عن عرض عمل و مش عارف أفتح موضوع جديد عشان كدة ضفت الاستفسار ده هنا

العرض اللي جايلي كما يلي :

الوظيفة : Senior Software Developer

الخبرة : 5 سنوات

المرتب : 9500 RS شاملة مرتب أساسي + انتقالات + بدل سكن

مميزات أخرى : تأمين صحي لي و للأسرة + تذكرة سفر ليا و للزوجة و طفلين كل سنة

أنا حاليا متزوج و ليس عندي أطفال

هل العرض ده يعتبر كويس بالنسبة لتكاليف الحياة في الرياض

ايه هيا تكاليف الحياة لفردين في الرياض أنا وزوجتي من حيث سكن و أكل ومصاريف الحياة عامة

شكرا مقدما

أخي الكريم

1- المرتب بالنسبة لخبرتك يعتبر معقول

2- مصروفات العائلة المكونة من فردين من أكل و شرب و ملبس و سياحة حوالي 2000 ريال شهرياً أو أقل بحسب نمط حياتك , و على أساس ان معك تأمين صحي لك و للعائلة و تذاكر سفر سنوية مدفوعة

3- السكن العائلي يختلف من مكان لآخر في الرياض , فلو افترضنا أن شركتك في شمال الرياض سيكون إيجار الشقة غرفة و صالة و مطبخ و حمام حوالي 18000 ريال سنوياً , أما إذا كانت في جنوب الرياض سيكون الإيجار حوالي 10000 ريال سنوياً , بالإضافة إلى فاتورة الكهرباء و الماء حوالي 1500 ريال سنوياً

4- ستحتاج الى تأسيس الشقة من الآتي (2 مكيف + ثلاجة + غسالة + بو تجاز + أدوات منزلية و فرش + تليفزيون + ريسيفر و دش + غرفة نوم و مراتب + أنتريه) في حالة شرائها جديدة سيكون سعرها حوالي 10000 ريال و في حالة شرائها مستعملة سيكون سعرها حوالي 6000 ريال و لا أنصحك بالمستعمل خصوصاً الأجهزة الكهربائية

5- ستحتاج خط تليفون منزلي و وصلة انترنت , يوجد خط مفتوح للاتصالات داخل السعودية بالإضافة الى انترنت بسرعة 4 جيجا بسعر 250 ريال شهريا , و هناك عروض أخرى بتكاليف أقل

6- الاتصال بالأهل في مصر سعر الدقيقة الدولية 1,8 ريال و في العروض 60 هللة ( الريال = 100 هللة )

7- مدارس الأولاد الانترناشيونال (تساوي اللغات في مصر) سعرها المتوسط للابتدائي شاملة الاوتوبيس حوالي 15000 ريال للفرد الواحد و معظمها موجود بحي العليا و السليمانية شمال الرياض

8- السيارة في حالة عدم توفير سيارة من الشركة , إما ان تكون تقسيط بحوالي 1000 ريال شهرياً للسيارة الصغيرة كتويوتا يارس أو أفيو , أو تكون مستعملة بحالة جيدة بسعر لن يقل عن 15000 ريال

أرجو أن أكون قد أفدتك و في انتظار استفساراتك إن وجدت

[mohal]

السلام عليكم ورحمة الله وبركاته

-------------------------------------

اولاً : احب ان ابعث شكر وتقدير خاص لسيادتكم اخي الكريم-- سي السيد-- على هذا المجهود الرائع -- شرحت فوفيت.

ثانيا :أود ان اتشاور معك ومع الاخوة الافاضل في موضوعي اذا سمحت لي --

كنت اقرأ واطلع على الموقع من فترة واحب آرائكم والمناقشات الهادفة حقيقي - وكنت أسأل زوجتي ونحن نقرأ في المنتدى على اخر الاخبار وأقول لها ياترى ممكن الواحد في يوم من الايام يدخل في نقاش في هذا المنتدى -- مش يجيلي سفر الاول-- ده ردي لها --وسبحان الله قد جاء لي عرض مدرس في الرياض مدرس تربية رياضية فأنا خريج تربية رياضية وكان نفسي اسافر على اي عمل بخصوص الحاسب الالي فأنا معي ICDL & IT Essential pc=A+ كنت اتمنى ذلك ولكن وجدت لايجوز السفر لعمل الا حسب المؤهل -- الحمد لله على كل نعمائه الظاهرة والخفية --

----

المهم قابلت السعودي في المكتب والحمد لله صاحب المكتب قال لي مبروك جيب المؤهل وشهادة الخبرة متوثقين والجواز --من داخلي سعيد جداً --- والمكان الرياض تبع شركة الرياض للخدمات التعليمية المتكاملة -- وقلت له اين بالضبط قال لي قبل ماتسافر هنقولك -- والمكتب سيأخذ مبلغ 4500جنيهً والسعودي 2000جنيه ويوجد مريت2100 ريال وتأمين وسكن عذوبي وفي حالة الاستقدام سيوفروا لي سكن عائلي او مبلغ700ريال كل شهر للسكن العائلي وتذكرة واحدة ذهاب وعودة.

مارأيك في العرض ثم رأيك في البنود التالية: -- طبعا الوظيفة مدرس تربية رياضية

• 
  

مارأيك في شركة الرياض للخدمات التعليمية المتاكملة.

• 
  

وهل اعطي للمكتب المؤهل وشهادة الخبرة متوثقين وجواز السفر الان مع انه قال لي العمل في اول العام الدراسي.

• 
  

ولا المفروض اعرف المكان بالضبط في الرياض وهل هاقبض من شركة الرياض ولا من المدرسة .

لا أعلم ماذا أفعل وامتى هامضي العقد والكلام ده اللي انا قولته قبل العقد ولا بعد العقد .. افيدوني وجزاكم الله خيراً.

لو عند حضرتك علم بأي مكان ممكن ياخد تربية رياضية بس مع الشهادتان السالفة الذكر اشتغل اي حاجة للحاسب الالي عشان المرتب يزيد شويه -- والحمد لله انا راضي .

:sad:

تم تعديل 23 أبريل 2010 بواسطة mohal

[se_ Elsyed]

والمكتب سيأخذ مبلغ 4500جنيهً والسعودي 2000جنيه

إنا لله وإنا إليه راجعون

يعني المكتب ياخد فلوس .. قولنا عمولة

لكن صاحب العمل اللي المفروض يدفع لك ... ياخد هو كمان فلوس .. بتاعت إيه إن شاء الله ؟؟؟؟ عشان يعني حن وتعطف وشغلك عنده ؟؟؟

ويوجد مريت2100 ريال وتأمين وسكن عذوبي وفي حالة الاستقدام سيوفروا لي سكن عائلي او مبلغ700ريال كل شهر للسكن العائلي وتذكرة واحدة ذهاب وعودة

مرتب هزيل جداً جداً ولا يصلُح إلا لشخص حديث التخرج أعزب في بداية حياته وليس وراءه أي مسئوليات وأتى إلى هنا لتجربة الغربة .

700 ريال شهرياً .... يعني 8400 ريال سنوياً .... من الصعب جدا جداً ان تجد سكناً عائلياً بهذا المبلغ ...

ناهيك عن تأسيسة .... والاهم هو السيارة وإلا مستحيل تروح وتيجي من الشغل بالمواصلات وتقضي المشاوير العائلية كمان بتكاسي

نصيحة .. اقعد بالورقة والقلم وأحسبها وشوف هاتجيب تكاليف سفرك أمتى ... وتكاليف تضحياتك ... وهاتجيب ثمن غربتك أمتى ؟

[Deathangel]

والمكتب سيأخذ مبلغ 4500جنيهً والسعودي 2000جنيه

الموضوع كده فيه إن !!!

وفعلا زى ما قال se elsayed حضرتك متزوج والمرتب ده مش هيكفيك مصاريف لواحدك فما بال وزوجتك معاك , المشكلة ان رواتب المدرسين أصبحت ضعيفة جدا نتيجة للإتجاه الى السعودة " حتى التدريس طالته يد السعودة !!" :rolleyes:

وفى الأخر حضرتك أدرى بظروفك واستخير ربنا الأول طبعا

[masrry]

السلام عليكم

يا جماعه عاوز رائيكم فى الموضوع ده

واحد قريبى جايبلى فيزا عامل معجنات ب 10000 ريال

فهل لو سافرت عليها ممكن اشتغل فى اى شركه ولا لازم يكون لها علاقه بالمعجنات والحلويات وبس

و متوسط المرتبات هناك لمحاسب خبره من 2 ل3 سنين كام؟

ياريت يا جماعه سرعه الرد

تم تعديل 28 أبريل 2010 بواسطة masrry

[البرادعى]

استفسارى عن ثلاث اشياء وجزاكم الله خيرا

اولا جالى فيزا سائق خاص بس هشتغل مراقب عمال ومسوق عقارى ومش عارف اصلا اعمل الرخصه المهنيه اللى تخلينى اكتب المهنه سائق فى البطاقه والباسبور حاولت اعملها بفلوس والنصابين كتيره واتلسعت نصب لما جالى الفسفس فى نفوخى

ثانيا قررت انى مطلعش بره مصر ولا اتحتح من مكانى الا بفيزا محترمه وامشى فيها بكرامتى فقررت انى ارسله انه يبعتلى فيزا عليها القيمه زى فيزا تحمل مسمى وظيفى عامل نظافه يعنى هطلع دكتور اسنان ههههههه اطلع اى حاجه اهو كل اللى يبعته كويس ههههههههه بس تيجى اصلا

هل بقى الفيزا دى واصحو معايه هنا بقى عشان الكلمتين دول منعطف الموضوع بيدوها لاى حد هناك ولا لازم يكون السعودى اللى هياخودها يكون عنده شركة كبيره وكلام من ده وهل كل منشئه ليها نسبة فيزات اصل انا سئلته قالى انه باعت لعمال كتير واخد فيزات كتير بأسم عمال مبانى وكده وهتاخد وقت معبال ابعتلك

ياريت يا شباب حد يساعدنى

اه صح انا راتبى 1000 ريال والسكن عليه متستغربوش الراتب ضعيف فحط مش فحط بس ده فحط وردم كمان بس فيه نسبه حلوه على كل شغل جديد اعمله او حتى اجيبه وانا بصراحه عايز احقق ذاتى بقى انا خلاص جبت جاز هنا فى مصر كل يوم اجتماع مع المدير ونعمل فى شغل قد الكيله ومش باين علينا هما اصحاب الشركات هنا واكلينها والعه ومش بيدونا نسبه ياريت المساعده يا شباب

المساعده فى حل المشكله مش مساعده حد يدينى فلوس هههههههه وشكرا ليكم يا اخوانى الاعزاء

[doha]

استفسارى عن ثلاث اشياء وجزاكم الله خيرا

اولا جالى فيزا سائق خاص بس هشتغل مراقب عمال ومسوق عقارى ومش عارف اصلا اعمل الرخصه المهنيه اللى تخلينى اكتب المهنه سائق فى البطاقه والباسبور حاولت اعملها بفلوس والنصابين كتيره واتلسعت نصب لما جالى الفسفس فى نفوخى

ثانيا قررت انى مطلعش بره مصر ولا اتحتح من مكانى الا بفيزا محترمه وامشى فيها بكرامتى فقررت انى ارسله انه يبعتلى فيزا عليها القيمه زى فيزا تحمل مسمى وظيفى عامل نظافه يعنى هطلع دكتور اسنان ههههههه اطلع اى حاجه اهو كل اللى يبعته كويس ههههههههه بس تيجى اصلا

هل بقى الفيزا دى واصحو معايه هنا بقى عشان الكلمتين دول منعطف الموضوع بيدوها لاى حد هناك ولا لازم يكون السعودى اللى هياخودها يكون عنده شركة كبيره وكلام من ده وهل كل منشئه ليها نسبة فيزات اصل انا سئلته قالى انه باعت لعمال كتير واخد فيزات كتير بأسم عمال مبانى وكده وهتاخد وقت معبال ابعتلك

ياريت يا شباب حد يساعدنى

اه صح انا راتبى 1000 ريال والسكن عليه متستغربوش الراتب ضعيف فحط مش فحط بس ده فحط وردم كمان بس فيه نسبه حلوه على كل شغل جديد اعمله او حتى اجيبه وانا بصراحه عايز احقق ذاتى بقى انا خلاص جبت جاز هنا فى مصر كل يوم اجتماع مع المدير ونعمل فى شغل قد الكيله ومش باين علينا هما اصحاب الشركات هنا واكلينها والعه ومش بيدونا نسبه ياريت المساعده يا شباب

المساعده فى حل المشكله مش مساعده حد يدينى فلوس هههههههه وشكرا ليكم يا اخوانى الاعزاء

راتب 1000 ريال ده يعادل بالظبط زي ماواحد في مصر يجي يقولك تعال اوديك شرم تشتغل هناك براتب 150 جنيه

ممكن تقول لنفسك مش مشكلة 150 احسن من عدمهم وبدال ماانا قاعد من غير .. هتروح وفوق غربتك وبعدك عن اهلك هتلاقي نفسك بتنهلك 12 ساعه طحن وترجع آخر الليل عاوز تنام تلاقي نفسك لا مؤاخذه متسكن في زريبة

لو نفسك مصعبتش عليك بهدلتها ببلاش فعلى الاقل عقابا للحرامي الي عاوز يسرق عمرك بـ 1000 ريال فمتنولوش غرضه

على كل حال ولو الموضوع فيه عموله فقبل ماتقول اه او لاه روح اسال الاول العموله قد ايه بالظبط ونظامها ايه في الدفع يعني هل بتاخذ على كل فتفوته شغل تجيبها فلوس مهما كانت ولا لك تارجت معينة لازم توصلها ولو موصلتلهاش ملكش حاجه خالص مهما كنت عامل من شغل .. بعد ماتعرف المعلومه روح اسال الناس الي شغاله في المجال ده فعلا ياجماعه انتم بتعملوا شغل بقد ايه تقريبا وايه متوسط الشغل الي الواحد ممكن يجيبه في المجال ده وبالتالي متوسط العمولات كل شهر تقريبا كام .. اعرف كل المعلومات دي ولو المبلغ مناسب استخير ثم اصر على توثيق موضوع العموله في العقد لان الف ريال هنا متعيش كتكوت ده ان قبضتهم اصلا

وبالمناسبة مبدئيا كده ومن غير مااعرف كفيلك الله اعلم هو نصاب وناوي يسرقك . .مفيش حاجه اسمها راتب اساسي الف اقل حاجه الف ونص غير العموله . وطالما بدأها معاك كده فتوقع ماهو اسوأ ..

[البرادعى]

بس والله يا اخت ضحى الكفيل ده قالى ان اول ما اروح على الفيزا دى هيغيرلى المهنه عشان اعرف مثلا لو تزوجت اجيب زوجتى تسكن معايه وكده واعرف استقدم حد

ثانيا انا فعلا سئلت عن الشركة وهى موجوده بس محتاجه حد يسوق شويه عن الشغل اللى فيها فى العقارات وكده لان السعودى مش بنفس كفائة المصرى فى المجال ده السعودى عايز شغله اداريه وبس والشغلانه دى اصلا انا بشتغلها من سنتين او سنتين وشويه من 2007 تقريبا وفى شركة محترمة واترقيت من مسوق اليكترونى الى مسوق عادى ليه نسبه من واحد ونص وتصل الى 3%

اما عن مهنة مراقبة العمال دى ايضا مهنتى عشان انا خريج دبلوم صناعى الشعبة المعماريه تشطيبات عامه

فأظن انى هعمل شغل انا عارف ان المرتب مش هيكفينى اكل وشرب ومواصلات بس انتى شايفه ايه عاجبيك حال البلد هنا اوى ومحدش يقولى مصير الوضع يتغير للاحسن اللى ملوش ضهر انتو عارفين بيحصلو ايه هنا والشركات خلاص مش بتعين حد يبقى مفيش غير الفرص اللى زى دى والراجل قالى بعضمة لسانه تعالى ابداء معايه من الصفر وانا اصلا كلمت ناس كتير على سفر وناس شغاله هناك بس كل واحد بيجيب شغل لقريبه بس

وانا مليش حد هناك ودى جيالى من باب الله وفضله وشغلتى وانا هحرت هناك الارض عشان اجيب واطلع شغل وهحاول اثبت فى العقد ان يكون ليه نسبه على كل فتفوته انا بعملها

بس حضرتكم محدش رد عليه هلى ينفع يبعتلى فيزا عامل نظافه ولا لاء عشان اخلص نفسى بسرعه والفيزا دى بتطلع لاى سعودى ولا لاء

والف الف شكر بجد لتفاعليك مع موضوعى ويارب يجازيكى خير عنى وعن كل واحد زوى حالاتى بتقدميلهم النصيحه والف شكر لكل القائمين على المنتدى الجميل ده

[doha]

بس والله يا اخت ضحى الكفيل ده قالى ان اول ما اروح على الفيزا دى هيغيرلى المهنه عشان اعرف مثلا لو تزوجت اجيب زوجتى تسكن معايه وكده واعرف استقدم حد

ثانيا انا فعلا سئلت عن الشركة وهى موجوده بس محتاجه حد يسوق شويه عن الشغل اللى فيها فى العقارات وكده لان السعودى مش بنفس كفائة المصرى فى المجال ده السعودى عايز شغله اداريه وبس والشغلانه دى اصلا انا بشتغلها من سنتين او سنتين وشويه من 2007 تقريبا وفى شركة محترمة واترقيت من مسوق اليكترونى الى مسوق عادى ليه نسبه من واحد ونص وتصل الى 3%

اما عن مهنة مراقبة العمال دى ايضا مهنتى عشان انا خريج دبلوم صناعى الشعبة المعماريه تشطيبات عامه

فأظن انى هعمل شغل انا عارف ان المرتب مش هيكفينى اكل وشرب ومواصلات بس انتى شايفه ايه عاجبيك حال البلد هنا اوى ومحدش يقولى مصير الوضع يتغير للاحسن اللى ملوش ضهر انتو عارفين بيحصلو ايه هنا والشركات خلاص مش بتعين حد يبقى مفيش غير الفرص اللى زى دى والراجل قالى بعضمة لسانه تعالى ابداء معايه من الصفر وانا اصلا كلمت ناس كتير على سفر وناس شغاله هناك بس كل واحد بيجيب شغل لقريبه بس

وانا مليش حد هناك ودى جيالى من باب الله وفضله وشغلتى وانا هحرت هناك الارض عشان اجيب واطلع شغل وهحاول اثبت فى العقد ان يكون ليه نسبه على كل فتفوته انا بعملها

بس حضرتكم محدش رد عليه هلى ينفع يبعتلى فيزا عامل نظافه ولا لاء عشان اخلص نفسى بسرعه والفيزا دى بتطلع لاى سعودى ولا لاء

والف الف شكر بجد لتفاعليك مع موضوعى ويارب يجازيكى خير عنى وعن كل واحد زوى حالاتى بتقدميلهم النصيحه والف شكر لكل القائمين على المنتدى الجميل ده

طيب عشان يبقى عند حضرتك فكره فيزا السائق الخاص لا تتغير لو الكفيل عمل عجين الفلاحه حتى مش هيغيروهاله وبناء عليه لو هو وعدك انه هيغير لك المهنة لما تيجي والكلام على فيزا السائق الخاص يبقى خلي بالك الراجل ده بيعمل لك البحر طحينة .. ده اولا

وثانيا انت واخد فكره غلط عن السعوديين من ناحية انهم مش بتوع شغل والكلام ده .. هم ايوه كانوا مش بتوع شغل زمان وايوه مازال فيهم نسبه كبيرة مش بتاعت شغل لكن الي فيهم بيمسك شغله بيستميت عشان يثبت كفاءته فيها لان حاليا في بطاله كبيرة عندهم .. وبناء عليه متتوقعش انك كمسوق مصري هتبقى اشطر من المسوق السعودي بل على العكس .. هم هنا فاهمين ان المصريين فهلويين وبيبيعوا الهوا وعشان كده في مهنة التسويق بالذات ولو المبلغ كبير الي هيندفع هيفكر الف مرة قبل مايشتري من مصري بالذات ..

ثالثا ودي نقطه في غايه الاهمية انت هيبقى شغلك ملاحظ عمال هتجيب وقت منين انك تلف على الزباين عشان تقنعهم بالشراء منك ؟ واضح انه كلام ليل مدهون بزبده وهترسى العملية على انك هتقف ورا العمال في درجه حرارة 50 مئوي عشان تاخذ الالف ريال اخر الشهر تحوش منهم ميتين وتصبر نفسك انها كلها سنة وتلم تكاليف السفرية وترجع مصر تبوس ترابها وتقول توبه ان كنت اتغرب تاني ..

ياسيدي الفاضل وضعك صعب في مصر انا متاكده من كده لكن لو جيت هنا هيبقى وضعك اصعب وبمراحل .. هتضيع سنة او اثنين من عمرك هتنذل فيهم وتتبهدل .. شوف انت تعبان في مصر ازاي وحاسس ان ملكش فيها مكان وان محدش مقدرك وان وان .. اقسم لك بالله العظيم قسم احاسب عليه انك لو جيت على الشروط دي هتتعب وهتتبهدل وهتتهان اضعاف الاضعاف ..

ياسيدي الفاضل اكرم لك تيجي على مهنة سائق خاص بجد وتشتغل سائق خاص بجد وهيبقى اكلك وشربك ونومك على صاحب البيت والف وخمسمية ريال في جيبك اخر الشهر ولا انك تتبهدل البهدلة دي كلها على الف ريال وكمان متغرر بيك في الاتفاق ..

انت بتستجير من الرمضاء بالنار ففكر الف مرة قبل ماتقدم على الخطوة دي ..

دي مش فرصة نهائيا بل هي اقرب للانتحار منها للحل ..

ان كان الراجل صادق في كلامه فعلا وبيقولك تعال ابدأ معايا من الصفر وانت جاد في حرث الصخر زي مابتقول قوله يطلعك على الفين ريال ومش عاوز عموله .. ومتكونش فيزا سائق خاص طبعا لان لو عملت اللي زي مابيقولوا مش هيسمح لك باستقدام زوجتك لو تزوجت

لو قالك مقدرش فكون على ثقة انه جايبك يمص دمك ويطحن عضمك ويتاجر بجثتك كمان بعد ماتسلم الروح ..

[lovelyramy]

بس والله يا اخت ضحى الكفيل ده قالى ان اول ما اروح على الفيزا دى هيغيرلى المهنه عشان اعرف مثلا لو تزوجت اجيب زوجتى تسكن معايه وكده واعرف استقدم حد

ثانيا انا فعلا سئلت عن الشركة وهى موجوده بس محتاجه حد يسوق شويه عن الشغل اللى فيها فى العقارات وكده لان السعودى مش بنفس كفائة المصرى فى المجال ده السعودى عايز شغله اداريه وبس والشغلانه دى اصلا انا بشتغلها من سنتين او سنتين وشويه من 2007 تقريبا وفى شركة محترمة واترقيت من مسوق اليكترونى الى مسوق عادى ليه نسبه من واحد ونص وتصل الى 3%

اما عن مهنة مراقبة العمال دى ايضا مهنتى عشان انا خريج دبلوم صناعى الشعبة المعماريه تشطيبات عامه

فأظن انى هعمل شغل انا عارف ان المرتب مش هيكفينى اكل وشرب ومواصلات بس انتى شايفه ايه عاجبيك حال البلد هنا اوى ومحدش يقولى مصير الوضع يتغير للاحسن اللى ملوش ضهر انتو عارفين بيحصلو ايه هنا والشركات خلاص مش بتعين حد يبقى مفيش غير الفرص اللى زى دى والراجل قالى بعضمة لسانه تعالى ابداء معايه من الصفر وانا اصلا كلمت ناس كتير على سفر وناس شغاله هناك بس كل واحد بيجيب شغل لقريبه بس

وانا مليش حد هناك ودى جيالى من باب الله وفضله وشغلتى وانا هحرت هناك الارض عشان اجيب واطلع شغل وهحاول اثبت فى العقد ان يكون ليه نسبه على كل فتفوته انا بعملها

بس حضرتكم محدش رد عليه هلى ينفع يبعتلى فيزا عامل نظافه ولا لاء عشان اخلص نفسى بسرعه والفيزا دى بتطلع لاى سعودى ولا لاء

والف الف شكر بجد لتفاعليك مع موضوعى ويارب يجازيكى خير عنى وعن كل واحد زوى حالاتى بتقدميلهم النصيحه والف شكر لكل القائمين على المنتدى الجميل ده

طيب عشان يبقى عند حضرتك فكره فيزا السائق الخاص لا تتغير لو الكفيل عمل عجين الفلاحه حتى مش هيغيروهاله وبناء عليه لو هو وعدك انه هيغير لك المهنة لما تيجي والكلام على فيزا السائق الخاص يبقى خلي بالك الراجل ده بيعمل لك البحر طحينة .. ده اولا

وثانيا انت واخد فكره غلط عن السعوديين من ناحية انهم مش بتوع شغل والكلام ده .. هم ايوه كانوا مش بتوع شغل زمان وايوه مازال فيهم نسبه كبيرة مش بتاعت شغل لكن الي فيهم بيمسك شغله بيستميت عشان يثبت كفاءته فيها لان حاليا في بطاله كبيرة عندهم .. وبناء عليه متتوقعش انك كمسوق مصري هتبقى اشطر من المسوق السعودي بل على العكس .. هم هنا فاهمين ان المصريين فهلويين وبيبيعوا الهوا وعشان كده في مهنة التسويق بالذات ولو المبلغ كبير الي هيندفع هيفكر الف مرة قبل مايشتري من مصري بالذات ..

ثالثا ودي نقطه في غايه الاهمية انت هيبقى شغلك ملاحظ عمال هتجيب وقت منين انك تلف على الزباين عشان تقنعهم بالشراء منك ؟ واضح انه كلام ليل مدهون بزبده وهترسى العملية على انك هتقف ورا العمال في درجه حرارة 50 مئوي عشان تاخذ الالف ريال اخر الشهر تحوش منهم ميتين وتصبر نفسك انها كلها سنة وتلم تكاليف السفرية وترجع مصر تبوس ترابها وتقول توبه ان كنت اتغرب تاني ..

ياسيدي الفاضل وضعك صعب في مصر انا متاكده من كده لكن لو جيت هنا هيبقى وضعك اصعب وبمراحل .. هتضيع سنة او اثنين من عمرك هتنذل فيهم وتتبهدل .. شوف انت تعبان في مصر ازاي وحاسس ان ملكش فيها مكان وان محدش مقدرك وان وان .. اقسم لك بالله العظيم قسم احاسب عليه انك لو جيت على الشروط دي هتتعب وهتتبهدل وهتتهان اضعاف الاضعاف ..

ياسيدي الفاضل اكرم لك تيجي على مهنة سائق خاص بجد وتشتغل سائق خاص بجد وهيبقى اكلك وشربك ونومك على صاحب البيت والف وخمسمية ريال في جيبك اخر الشهر ولا انك تتبهدل البهدلة دي كلها على الف ريال وكمان متغرر بيك في الاتفاق ..

انت بتستجير من الرمضاء بالنار ففكر الف مرة قبل ماتقدم على الخطوة دي ..

دي مش فرصة نهائيا بل هي اقرب للانتحار منها للحل ..

ان كان الراجل صادق في كلامه فعلا وبيقولك تعال ابدأ معايا من الصفر وانت جاد في حرث الصخر زي مابتقول قوله يطلعك على الفين ريال ومش عاوز عموله .. ومتكونش فيزا سائق خاص طبعا لان لو عملت اللي زي مابيقولوا مش هيسمح لك باستقدام زوجتك لو تزوجت

لو قالك مقدرش فكون على ثقة انه جايبك يمص دمك ويطحن عضمك ويتاجر بجثتك كمان بعد ماتسلم الروح ..

كلام صح ومظبوط جدااااااااااااااااااااااااااااا

الكفيل هنا صعب جدااااااااااااااااااااا

[البرادعى]

على فكره انا لسه مكالمه اهو وقالى ياخى انت لو عايز تشتغل نسبه يبقى مرتبك الاساسى 1000 والنسبه ليك 4% اما لو هتشتغل من غير نسبه يبقى مرتبك الاساسى 2500 ريال بس مش هيبقى ليك نسبه وعن تغير المهنه هناك قالى ماتحمل هم انا هدبرلك كل شىء

بس اعتراضى انا اصلا على حتة السائق الخاص لانها مش عايزه تطلع وبطبل البلدى هنا رحت عشان اعمل رخصه وبفلوس كمان قالولى الاول كومسيون طبى بعد 22 يوم وهيبقى بعد الكميسيون 10 ايام الاختبارات الاشارات والسواقه وخلاص وكل سنه وانت طيب يعنى نقول شهر من دلوقتى وطبعا المعلم هناك مستعجل يبقى نعمل ايه

قلتله يغيرلى الفيزا من اساسه بمهنة عامل نظافه وكان سؤالى كله هل هوه ينفع هناك ياخد الفيزا دى ولا لاء لانه شركة لسه صغيره بس ده كان سؤالى والانسه ضحى دخلتنى فى سكه تانيه خالص بس هى خايفه عشان فعلا المرتب يدوبك يجيب سجاير وكيسين عيش

وياريت تفيدونى افادكم الله

[Deathangel]

على فكره انا لسه مكالمه اهو وقالى ياخى انت لو عايز تشتغل نسبه يبقى مرتبك الاساسى 1000 والنسبه ليك 4% اما لو هتشتغل من غير نسبه يبقى مرتبك الاساسى 2500 ريال بس مش هيبقى ليك نسبه وعن تغير المهنه هناك قالى ماتحمل هم انا هدبرلك كل شىء

بس اعتراضى انا اصلا على حتة السائق الخاص لانها مش عايزه تطلع وبطبل البلدى هنا رحت عشان اعمل رخصه وبفلوس كمان قالولى الاول كومسيون طبى بعد 22 يوم وهيبقى بعد الكميسيون 10 ايام الاختبارات الاشارات والسواقه وخلاص وكل سنه وانت طيب يعنى نقول شهر من دلوقتى وطبعا المعلم هناك مستعجل يبقى نعمل ايه

قلتله يغيرلى الفيزا من اساسه بمهنة عامل نظافه وكان سؤالى كله هل هوه ينفع هناك ياخد الفيزا دى ولا لاء لانه شركة لسه صغيره بس ده كان سؤالى والانسه ضحى دخلتنى فى سكه تانيه خالص بس هى خايفه عشان فعلا المرتب يدوبك يجيب سجاير وكيسين عيش

وياريت تفيدونى افادكم الله

بص ياريس مش هى مؤسسة مقاولات يبقى ليه فيزات عمال مبانى و يقدر يجيب فيزا عامل نظافة ولا حتى مراحيض بسهولة انما القصة مش كده , مدام ضحى بتوضحلك طبيعة اللى انتا جاى عليه يعنى اذا كان بيقولك انتا هتيجى على مهنة سواق خاص وهغيرلك مهنة ؟؟؟؟؟؟؟ يبقى ازاى ده لو رجليه فوق وراسه تحت مش هيعرف يغيرها هى ومهنة العامل الزراعى محال تتغير الا لو ليه واسطة فى الإمارة وأشك فى كده ويمكن حتى لو ليه واسطة أشك أنه يعرف يغيرها لو يعرف الأمير شخصيا هههههه فهمتنى المثل بيقول حرص ولا تخون فإنتا حرص من ناحية الراجل ده لأن موضوع الفيزات ده هنا بقى تجارة وتجارة رائجة كمان كل واحد يفتح مكتب وهمى بتاع مقاولات ولا بتاع أى حاجة ويقولك أجيب كام واحد وأشغلهم بأى حاجة ويطلع عينيهم ويبقى الواحد كان طهقان من مصر وما يجى يقول ولا يوم من أيامك يا بلدنا , احسبها صح الأول , وبلاش ياجماعة الله يكرمك حكاية مرتب ألف ريال ولا تمنمية دى ده العامل البنغالى مبقاش يرضى بألف ونص هنرخص أكتر من كده إيه!!!!!!!!!!!!!!!!!!

وبعدين مقولتلناش اسم المؤسسة ايه يمكن حد عنده معلومات تفيدك عنها

تم تعديل 10 مايو 2010 بواسطة Deathangel