أسلحه الدمار الشامل

[Horus]

دلوقتى الاداره الامريكيه فى وضع حرج

و الاسرى و القتلى كل ما يزيدوا هيسببوا حرج اكتر و اكتر

سؤال .. ايه اللى يمنعهم عشان يبرروا فعلتهم امام العالم .. انهم ياخدوا معاهم حتتين اسلحه دمار شامل و يدخلوها معاهم العراق

و يجيبوا المصورين و يقولوا - اهه ... موش قلنالكم عندهم أسلحه دمار شامل -

يعنى على وزن البوليس السياسى لما كان بيدخل على البطل يفتشوا بيته و معاهم منشورات

و بعد التفتيش يقولوا انهم لقوها تحت المرتبه و يشدوه على ابو زعبل.

[Horus]

ملحوظه

موش المنطق بيقول لو العراق عنده اسلحه من دى كان ضرب ابوهم بيها و هو فى الحاله الحرجه دى ... على الاقل يفش غليله منهم

ملحوظه تانيه تحت نفس الموضوع

شكل الانفجارات الرهيبه فى بغداد و غيرها .. حد أخد باله -

الدخان بيعمل شكل - عيش الغراب - .. هل تمت اى تحليلات لنوعيه المقذوفات .. هل فيها يورانيوم منضب ؟؟؟

و لو كان فيها يورانيوم .. موش برضه دى تبقى اسلحه دمار شامل و يتم استخدامها من قبل الامريكان على شعب العراق ...؟؟

[الطفشان]

اليورانيوم المنضب لا ينفجر

بل هو معدن قاسي جدا لاختراق الدروع (الدبابات مثلا)، و لا يستخدم كمتفجرات

ثم ان امريكا مش محتاجة تستخدم نووي

عندهم قنابل مواب MOAB الجديدة و هي سلاح تقليدي في قوة قنبلة نووية صغيرة

و هذا غير ديزي كتر Daisy Cutter التي استخدمت في تورا بورا

طبعا هم لا يريدون ان يدكوا بغداد دكا الان حتى لا ينقلب عليهم الرأي العام العالمي (اكثر ما هو)

و لكن مع استمرار الخسائر، و طول مدة الحرب الغير متوقع، قد تتغير الامور و يستخدموا مواب

ربنا يستر

[Lancelot]

شكل الانفجارات الرهيبه فى بغداد و غيرها .. حد أخد باله -  

الدخان بيعمل شكل - عيش الغراب - .. هل تمت اى تحليلات لنوعيه المقذوفات .. هل فيها يورانيوم منضب ؟؟؟

أنا سمعت من كام يوم في التلفزيون عن الموضوع ده ... إن الدخان علي شكل عيش الغراب و ده بسبب السخونة الشديدة للإنفجار intensive heat .... فليست الإنفجارات الذرية فقط هي التي تسبب عيش الغراب و لكن أي إنفجار يسبب حدا معينا من الحرارة و بطريقة إنتشار معينة فإن ذلك يسبب هذا الشكل ... أما اليورانيوم المنضب فهو كما ذكر الأخ الطفشان مشكورا فهو معدن ثقيل للغاية يستخدم لإختراق الدروع و الدبابات المحصنة و البنايات الأسمنتية للوصول داخل الحصون و المخابئ .... و اليورانيوم المنضب يسبب سرطان أجل – أي بعد فترة تصل إلي سنوات – و نوع السرطان يتحدد علي أساس الجزء الملامس لليورانيوم .... أي سرطان رئة في حالة التنفس و سرطان كلي أو ما شابه في حالة شرب ماء ملوث ....