المرأة المصرية.....بصراحة الموضوع زااااد عن حده

[~Heba~]

السلام عليكم

الاخوة و الاخوات المحاورين و المحاورات

تحاورنا كتير هنا عن المراة المصرية ... تعمل لا تعمل

هل تصل قضية؟؟ تصلح.... لا تصلح

و حتى وصلنا الى تخرج من البيت ... لا متخرجش

لكن ان يصل بينا الحد الى انا نرى نساء يعملوا فى مهنة الحلاقة للرجال

شئ انا عن نفسى اراه قمه الاهانة للمرأة المسلمة

المرأة عندما خرجت للعمل خرجت لكسب قوتها و قوت اسرتها

خرجت لتفيد المجتمع بعلمها

او حتى نقول خرجت تثبت ذاتها اذا كانمش عاجبها فى شغل البيت اثبات ذات

لكن كون انها تقترب من رجل تلامسه تحلق له دقنه و شنبه و تقص له شعر رأسه و ما الى ذلك من امور الحلاقة

ده شئ لا يليق بينا و لا بديننا الحنيف ولا بتقاليدنا الشرقية

اقول ان تعرض المرأة للتحرشات فى هذه المهنة شئ مؤكد

هى ليست مثل العمل فى الطب ... فالطبيبة عالمة و عندما تلمس مريض " رجل " هو اصلا بيكون مريض فى جسمه مش قلبه يعنى مش حيفكر اى تفكير تانى

كذلك الممرضة

اما العمل فى التعليم فأقصى شئ هو استاذة فى الجامعه وهى فى كل الاحوال لا تقترب من الشباب لهذه الدرجة و هى غالبا كبيرة فى السن يُنظر لها نظرة احترام لعلمها قبل سنها

يا ناس عمل المراة فى هذه المهنة من مداخل الشيطان ارى اننا نحاول غلقه بكل ما اوتينا من قوة و ارجو الا تلتف المرأة للدعاوى التى تغرر بها لتكون فى محل تحرشات ...قصدى محل حلاقة

ملحوظة

الست لما بتحلق لزوجها ده امتع شئ ممكن تعمله :sad: ..... ممتع للاتنين لكن تحلق لرجل غريب فيه هنا كلام تانى

الباب مفتوح للحوار

تم تعديل 30 مارس 2008 بواسطة ENG.Heba

[vipwithyou]

انا مؤيد تماما لإنفعال الأخت المهندسة هبه

وكويس ان بدأت السيدات يتكلموا مش احنا بس اللى بنتكلم

طيب بخلاف الكلام اللى المهندسة هبه قالته

ما رأيك فى انسانه تسمح لنفسها ان يلمس شعرها ووجهها رجل غريب

فى الكوافير

متهيألى دى أفظع شويتين من اللى بتقوليه يا باشمهندسة

الشغلانه اللى حضرتك بتقولى عليها دى ملهاش علاقة باللى بنتكلم فيه عن عمل المرأة

احنا بتكلم على شغل محترم وناس محترمة بتشتغله

يعنى الدكتورة المدرسة المهندسة .. هناك المزيد من الوظائف المحترمة

لكن دول بيكون فعلا هدفهم نبيل وممكن نضيف على الهدف دة هدف المرأة نفسها لتحقيق ذاتها

ويمكن السيدات هيستغربوا من كلامى اللى اول مرة هاقوله

لكن كلمه حق لازم تتقال

انا غير مؤيد فى داخلى للمرأة اللى بتبقى ست بيت بس .. فعلا صدقونى

وفعلا من حق المرأة انها تكون طموحة ومش الراجل بس اللى يحقق احلامة

هى كمان من حقها تحلم وتحقق احلامها

يعنى من حقها تحلم تكون سيدة اعمال محترمة ناجحة

وتحلم كمان بعربيتها الخاصة

وتحلم نفس الاحلام اللى يحلمها الرجل

لكن كلامى عموما ً بيكون عن حياة مثاليه

فيها راجل بيحب مراته وبيراعيها ولما يكون امله انه يصون مراته فى بيتها يبقى هى واجب عليها تنفيذ الحلم دة

وعمر دا ما هيكون تحطيم لأحلامها

بل هتكون عليها دور كبير للخروج من المجتمع الفاسد المحيط بنا باسرة كامله ناجحة زوج وابناء

فوراء كل رجل عظيم امرأة كانت من الممكن تدمير حياته لكنها حافظة عليها

وشكرا

اضربونى بقى ..

بس انا جريت خلاص ..

تم تعديل 30 مارس 2008 بواسطة vipwithyou

[جويرية]

عادي يا أختي ما هيا بقت خرابة مالطة يعني جات علي دي

ماهي الست برده اشتغلت ممثلة و مطربة و راقصة و فنون شعبية و راقصة باليه و عارضة أزياء

ودول من زمان ايه الجديد بقي في موضوع الحلاقة ده

[مصري جدا]

كلنا نعرف أن الذره هي وحدة بناء العناصر

والخليه هي وحدة بناء الكائن الحي

فماهي وحدة البناء في العلاقات الأنسانيه

وحدة بناء العلاقات الأنسانيه هي ...القيم....

فيجب أن نرجع أي علاقة أو موضوع الي الوحده الأساسيه لكي ندرسه و نفهمه

أسف للمقدمة الطويله

لكن أذا أردنا أن نناقش عمل المرأة فيجب أن نرجع الي الوحدة الأساسيه ....وهي القيم..... ما أتفق مع قيمنا ..فيا مرحبا وما أختلف فلا ....

بس خلاص...................

[vipwithyou]

عادي يا أختي ما هيا بقت خرابة مالطة يعني جات علي دي

ماهي الست برده اشتغلت ممثلة و مطربة و راقصة و فنون شعبية و راقصة باليه و عارضة أزياء

ودول من زمان ايه الجديد بقي في موضوع الحلاقة ده

الجديد يا اخت جويرية ان المهندسة هبه انسانه نقيه

شافت حاجة غلط

دمها اتحرق

بتقول يا جماعة ينفع كدة

بس

فاحنا بنرد معاها ونحاول نصلح الوضع الغلط

وكل واحد يوضح فكرته عن كدة وبس

اجرى انا بقى تانى ..

تم تعديل 30 مارس 2008 بواسطة vipwithyou

[~Heba~]

عادي يا أختي ما هيا بقت خرابة مالطة يعني جات علي دي

ماهي الست برده اشتغلت ممثلة و مطربة و راقصة و فنون شعبية و راقصة باليه و عارضة أزياء

ودول من زمان ايه الجديد بقي في موضوع الحلاقة ده

الجديد يا اخت جويرية ان المهندسة هبه انسانه نقيه

شافت حاجة غلط

دمها اتحرق

بتقول يا جماعة ينفع كدة

بس

فاحنا بنرد معاها ونحاول نصلح الوضع الغلط

وكل واحد يوضح فكرته عن كدة وبس

اجرى انا بقى تانى ..

يا جويرية العمل فى المهن اللى ذكرتيها رغم انه موجود لكن الناس بتستنكره يعنى معقوله لما واحده بتشتغل رقاصة تلاقى الناس تقول و ماله عشان تثبت ذاتها!!!!!!!!

مبيحصلش طبعا

انما حصل فى موضوع الحلاقة و تلاقى اللى بيقول عملها فى المهنة دى احسن من الرجل لان ايديها حنينة و الا اللى يقول مش مشكلة طالما عمل شريف

ويا اخى مصرى جدا انت متعرفش و الا ايه القيم تم حلاقتها

[vipwithyou]

لا يا ستى اطمئنى القيم لم يتم حلاقتها ولا حاجة

بس بعض الناس ضعاف انفس وما بتفرقش معاهم لا قيم ولا اخلاق

انا على فكرة بقى مش جارى ..

هه

واللى عايز يضرب يضرب

[سهران]

أقتباس :

ملحوظ

الست لما بتحلق لزوجها ده امتع شئ ممكن تعمله :) ..... ممتع للاتنين لكن تحلق لرجل غريب فيه هنا كلام تانى

ــــــــــــــــــــــــــــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــــــــــــــــــــــــــــ

ـ

]"]أول مرة أسمع ان فيه ست بتحلق لجوزها ..............طب ما هي هاتطيرله الشعرتين اللي في راسة عشان ما حدش يبصله ....... الكلام ده صحيح يا اخواننا فيه حد هنا بيتحلقله ؟؟؟ ؟؟؟؟؟؟؟؟؟؟

أعتقد موضوع أمتهان المرأة لهذه المهنة من قبيل الأخبار الخفيفة و للمزح فقط و مش قادر أتصور أننا وصلنا للأسف للدرجة دي .

تم تعديل 30 مارس 2008 بواسطة سهران

[vipwithyou]

ايوة يا عم سهران

انا شفت الكلام دة فى الافلام

وبعدين هو فى راجل فى الدنيا ما يتمناش مراته تحلقله :)

حد يطول يا راجل

[سهران]

"]صدقني يا عم تامر هاتطيرلك الشعرتين اللي فاضلين و ابقا قابلني بقه لو عرفت تخرج من البيت و هاتقعدك جنبها [/size]

[vipwithyou]

ياريس زنبها على جمبها هى اكتر واحدة مضرورة لو بوظت شعرك

علشان بصراحة بيهمهم هما اكتر ان يكون شعرك جميل

فهى هتعمل اللى عايزة تشوفة

واذا شالت الشعرتين اللى باقيين

عليك وعلى مكه عدل يا ريس تعمل عمرة وترجع من غيرة

بس وخليها بقى تستحملك اقرع ههههههههه

[Muhammad Zidan]

يعني يا باشمهندسة هي جت على الحلاقة

طيب ماهو في ست طبيبة أمراض تناسلية

وفي ست شغالة في بيوت وشقق مفروشة وبيتقفل عليها باب مع غريب

وفي ست رقاصة وبيقولك محترمة والرقص فن ورسالة

وست سواق تاكسي

والجديد عاوزين الست تؤم الرجل في الصلاة يعني يقف وراها رجالة

يا باشمهندسة الواحد ومراته بتطلع السلم بيطلع وراها عشان مفيش راجل يطلع وراها

وبعدين القيم حلقوها والله

تقدروا تقولولي فين القيم في الشارع .... في الأتوبيس.... في الترام .... في طوابير العيش والفران اللي ضرب الست اللي جاية تشتري عيش

فين القيم والشباب راكبين الترام وقاعدين وواقف جنبهم ست كبيرة أو شابة صغيرة ممكن تتعرض لأي حاجة

فين القيم والست عاوزة تتساوى بالرجل حتى في مهنة زي الحلاقة .

فين القيم والبنات في الشوارع كاسيات عاريات ... هي دي قيم المجتمع المصري والمجتمع الإسلامي

فين القيم والمدرسين بيجبروا الطلبة على الدروس الخصوصية

فين القيم والرشوة والإكرامية بقت هي الأصل والأساس في إنجاز أي مصلحة سواء لك حق فيها أو لأ

فين القيم يا عم تامر والبلد كل يوم من أسوأ لأسوأ

فين القيم اللي خلت رقاصة طالعة تدينا درس في الأخلاق والحرية الشخصية واللبس وسلوكيات الشباب اللي بيعاكسوا البنات في الشوارع عشان لابسين من غير هدوم والمذيع المحترم يقولها فعلاً عندك حق

قيم إيه اللي موجودة .... قولي أي قيمة باقية ومتماسكة وأنا أراهنك على 100 جنيه مني لجنيه منك وأنا أجيبلك المثل الحقيقي والواقعي اللي يثبتلك إنها مش موجودة

خليك واقعي وقول أن الشعب المصري والمجتمع المصري فقد هويته وبالتالي فقد قيمه وأصبح مجتمع هشك بشك وكل من هب ودب بينصح ويقول دروس في السلوك ... حتى في الدين

ولو عندك 2 كيلو قيم إبعتلي وأنا اشتري

سلملي على المترو .... عندنا اسمه الترام

Muhammad Zidan

[vipwithyou]

لا يا استاذ محمد ليه التشائم دة بس

لولا الصورة الجميلة اللى حضرتك حاطتها كنت قلت ان حضرتك عازب وبتقول كدة عن غير خبرة

المهم ..

يعني يا باشمهندسة هي جت على الحلاقة

طيب ماهو في ست طبيبة أمراض تناسلية

طبيبة الأمراض التناسلية هى طبيبة ودة عمل محترم جدا ً لسبب بسيط جدا ً كراجل ممكن تقدرة

أعتقد هاتكلم عن نفسى بلاش كل الرجاله لكن انا عن نفسى ما اقبلش ان رجل هو اللى يكشف على زوجتى الا فى الحالات الضرورية والقصوى يعنى فى حالة عدم توفر دكتورة سيدة

عرفت بقى ياسيدى الفاضل ميزة عمل المرأة كطبيبة وأمراض تناسلية بالذات

وفي ست شغالة في بيوت وشقق مفروشة وبيتقفل عليها باب مع غريب

فى ناس بتشتغل الشغل دة وبتكون محترمة جدا ً وأعرف عينات منها لكن بيكون ضعيف النفس فى معظم الاحيان هو الراجل اللى فى البيت اللى يسمح لنفسه انه يبص لواحدة بتشتغل عنده .. صح ولا لا

وفي ست رقاصة وبيقولك محترمة والرقص فن ورسالة

أى عمل للمرأة يخالف الشرع مرفوض تماما ً ولا يختلف عليه 2 ولا حتى السيدات نفسهم وأنا متأكد من كدة

وست سواق تاكسي

والجديد عاوزين الست تؤم الرجل في الصلاة يعني يقف وراها رجالة

لا يصح الا الصحيح متهيألى لو ست طلبت انها تؤم الرجال فى الصلاة يبقى عيب قوى على الرجال اللى يقبلوا بكدة

لكن هى بتطالب بحاجة حرام وفى ناس كتير بتطالب بالحرام فضم دة ليهم .. بس

يا باشمهندسة الواحد ومراته بتطلع السلم بيطلع وراها عشان مفيش راجل يطلع وراها

فعلا انا معاك علشان حضرتك راجل محترم وخايف على حرمة بيتك وزوجتك ودة صح مش غلط

وبعدين القيم حلقوها والله

تقدروا تقولولي فين القيم في الشارع .... في الأتوبيس.... في الترام .... في طوابير العيش والفران اللي ضرب الست اللي جاية تشتري عيش

فين القيم والشباب راكبين الترام وقاعدين وواقف جنبهم ست كبيرة أو شابة صغيرة ممكن تتعرض لأي حاجة

القيم والله لازالت موجودة وكتير والله

بس بلاش نبص لنصف الكوب الفارغ

بص لنفسك .. انت لو شفت بنت بتتعاكس فى الشارع هتعمل ايه .. لو شفت فى الاوتوبيس حد بيعمل حاجة غلط

لو انت ركبت مترو ولقيت واحدة ست واقفة هتقوم وتقعدها ولا لا ؟؟؟؟؟؟؟

جاوب وصدقنى على اجابتك انت هتعرف ان لسة فى قيم ولا لا

فين القيم والست عاوزة تتساوى بالرجل حتى في مهنة زي الحلاقة .

اولا لو حضرتك لاحظت ان اللى فاتحة الموضوع واحدة بنت مهندسة محترمة وبتنتقد الكلام دة يعنى هى اهه ما بتطالبش باللى حضرتك بتقول عليه ؟ صح ولا لا

فين القيم والبنات في الشوارع كاسيات عاريات ... هي دي قيم المجتمع المصري والمجتمع الإسلامي

ياراجل عيب بس الكلام دة .. بناتنا بخير والله وشوف نفسك واسرتك الاول هتلاقيهم وتلاقينا كلنا بخير والحمد لله

فين القيم والمدرسين بيجبروا الطلبة على الدروس الخصوصية

أنا اعتقد اللى بتتكلم عليهم دول رجاله مش سيدات

فين القيم والرشوة والإكرامية بقت هي الأصل والأساس في إنجاز أي مصلحة سواء لك حق فيها أو لأ

هو حضرتك عايز الحياة من غير مشاكل ومن غير حاجة غلط

أمال الاسلام اتوجد ليه

مش علشان يصلح الاوضاع الغلط

زى ما فيه الشر فيه الخير ومسيرة يوم يسود والغيامة اللى ظاهرة حاليا ً تزول

الله المستعان

فين القيم يا عم تامر والبلد كل يوم من أسوأ لأسوأ

ياريس ماهو لازم نعانى والا ما تبقاش عيشة

النعيم فى الجنه يا ريس مش هنا

ربنا يكرمنا جميعا ً يارب

فين القيم اللي خلت رقاصة طالعة تدينا درس في الأخلاق والحرية الشخصية واللبس وسلوكيات الشباب اللي بيعاكسوا البنات في الشوارع عشان لابسين من غير هدوم والمذيع المحترم يقولها فعلاً عندك حق

فين الرقاصة دى ما شفتهاش مش تقول يا راجل كنت اتفرجت عليها .. :) كدة وكدة طبعا ً

قيم إيه اللي موجودة .... قولي أي قيمة باقية ومتماسكة وأنا أراهنك على 100 جنيه مني لجنيه منك وأنا أجيبلك المثل الحقيقي والواقعي اللي يثبتلك إنها مش موجودة

ياريس انا اكسب منك الـ 100 حـ وطلعهم لله على اسمى .. اوكى مع ان الرهان حرام

خليك واقعي وقول أن الشعب المصري والمجتمع المصري فقد هويته وبالتالي فقد قيمه وأصبح مجتمع هشك بشك وكل من هب ودب بينصح ويقول دروس في السلوك ... حتى في الدين

انا معاك ان فى شوائب كتير جدا ً فى مصر وكلنا نعانى منها

بس يكفى ان فى ناس عارفين كدة ومعنى اننا عارفين يبقى عارفين ان فى صح

ومسيرة يوم هيتحقق باذن الله

اصبر يا ريس

ولو عندك 2 كيلو قيم إبعتلي وأنا اشتري

ياريس القيم موجودة كتيييييير ومن غير فلوس

لأن القيم عمرها لا للبيع ولا للشراء

سلملي على المترو .... عندنا اسمه الترام

انهو خط يا باشا اللى عايزنى اسلملك عليه وأنا أروح آخدهولك بالحضن

Muhammad Zidan

تم تعديل 30 مارس 2008 بواسطة vipwithyou

[~Heba~]

أقتباس :

ملحوظ

الست لما بتحلق لزوجها ده امتع شئ ممكن تعمله :) ..... ممتع للاتنين لكن تحلق لرجل غريب فيه هنا كلام تانى

ــــــــــــــــــــــــــــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــــــــــــــــــــــــــــ

ـ

]"]أول مرة أسمع ان فيه ست بتحلق لجوزها ..............طب ما هي هاتطيرله الشعرتين اللي في راسة عشان ما حدش يبصله ....... الكلام ده صحيح يا اخواننا فيه حد هنا بيتحلقله ؟؟؟ ؟؟؟؟؟؟؟؟؟؟

أعتقد موضوع أمتهان المرأة لهذه المهنة من قبيل الأخبار الخفيفة و للمزح فقط و مش قادر أتصور أننا وصلنا للأسف للدرجة دي .

يا سهران و احنا سهرانين معاك مش عايزة اقولك انى كنت بحلق لاخويا لغاية ما اتجوز و سلمت مفاتيح مكنة الحلاقة لمراته

عادى احنا نقدر نعمل كده لكن مع مين اترك للسيدات الاجابة بضميييييييييير على السؤال ده و بلاش نضحك على نفسنا

احنا بالغنا فى المواضيع المتعلقة بالمرأة فى مجتمعنا و بعد سنين من الظلام و الجهل روحنا نطبق قانون نيوتن وشطحنا خالص سورى على شطحنا دى قصدى يعنى السفينة جنحت

يا ناس مش ده اللى احنا عايزينه

عايزين عمل شريف يوافق تعاليم الدين الوسطى وخير الامور الوسط

[سهران]

أقتباس

ـــــــــــــــ

قيم إيه اللي موجودة .... قولي أي قيمة باقية ومتماسكة وأنا أراهنك على 100 جنيه مني لجنيه منك وأنا أجيبلك المثل الحقيقي والواقعي اللي يثبتلك إنها مش موجودة

خليك واقعي وقول أن الشعب المصري والمجتمع المصري فقد هويته وبالتالي فقد قيمه وأصبح مجتمع هشك بشك وكل من هب ودب بينصح ويقول دروس في السلوك ... حتى في الدين

ــــــــــــــــــــــــــــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــــــــــــــــــــــــــــ

ـ

ــــــــــــــــــــــــــــ

أنا مش معاك يا أخ محمد ............. روح زيارة سريعة لأي فرع لجمعية خيرية ... رسالة مثلا ... هاتلاقي شباب و بنات زي الفل قمة في الأدب و الأخلاق و الأيمان .... الأيمان الحقيقي .. أيمان يفضي الى نهضة مش خناقة بالأسبوع على الدقن و النقاب ........ هاتذهل من كم الأنجاذ و العطاء .... و أتحدى اذا كان حجم الجهد ده موجود في أي بلد تاني أسلامي أو غير لأأسلامي .... ما تفقدناش الثقة بأنفسنا للدرجة دي الله يخليك ... مشروع قافلة شعاع الخير أساتذة جامعة و طلاب في عمر الزهور بمشروعاته الضخمة الرائعة من كفالة أيتام

لمشروعات زواج الى دعم مستشفيات الفقراء الى آخره .........روح جمعيات صناع الحياة هاتلاقي خدمات للمجتمع بكل الاطياف ..... يا ريت نوقد شمعة بدلا من أن نلعن الظلام .........شوف كام كربة يفرجها هؤلاء عن المكلومين يوميا و هو ده جوهر الدين اللي أحنا بقالنا تلاتين سنة سايبين جوهرة و بنكلم في قشوره .....لو كل واحد فينا قرر يعمل حاجة لبلده و لدينه فعلا لا قولا صدقني حاجات كتير هاتتغير .... كنت في زيارة لمكتب خدمة أجتماعية بأحد المدارس فوجأت بأن أكتر من تلاتربع الأعانات المقدمة للطلبة شخصية جاية من أفراد زيي و زيك ... ده صاحب مصنع جزم مقدم خمسمائة جوز لأيتام و فقراء المدرسة ... ده بيقدم أعانات شهرية منتظمة و هكذا ... الخير موجود و سيظل ....... هاتلي أي مثال مشابه للمرأة المصرية و كفاحها اليومي بين عمل و التزامات أسرة و تربية أولاد و غلاء بشع و رغم ذلك شايلة أسرة على أكتافها و بتخرج ولاد متفوقين و متدينين و شوف و هاتلي مثيلاتها في أي دولة تعاني ما تعانيه ...

الخير موجود و سيظل .... سيظل ما ينفع الناس ماكثا في الأرض .

تم تعديل 30 مارس 2008 بواسطة سهران

[رحاب]

يا مهندسه هبه

احنا فعلا فى زمن العجائب

لان لما تشوف ست عايزه تشتغل حلاقه يبقى شىء عجيب

لكن لما نشوف ناس بتقول وايه يعنى يبقى دا الاعجب

:) اعتقد ان المرأه حصلت على كامل حقوقها

وبدأت تتجاوزها الى الهاويه

فلا حول ولا قوه الا بالله

[vipwithyou]

ايه يا محمد زيدان لسه مش هتجيب الـ 100 حـ

شاهدين ..

[vipwithyou]

يا مهندسه هبه

احنا فعلا فى زمن العجائب

لان لما تشوف ست عايزه تشتغل حلاقه يبقى شىء عجيب

لكن لما نشوف ناس بتقول وايه يعنى يبقى دا الاعجب

:) اعتقد ان المرأه حصلت على كامل حقوقها

وبدأت تتجاوزها الى الهاويه

فلا حول ولا قوه الا بالله

دى حاجة كويسة يا جماعة

لما السيدات هن كمان اللى يقولوا الكلام دة يبقى اكيد فى حاجة غلط

ويبقى برضوا دا الوضع الصح اننا نقول على الغلط غلط

[Muhammad Zidan]

يا جماعة الواقع بيقول إيه ....

بيقول إن السواد الأعظم من المجتمع .. إنهار

الواقع بيقول إن الفساد استشرى في كل المجالات ... زمان كانت حالات فردية يعني دلوقتي اللي ما بيفتحش مخه وكله نظر يبقى متخلف مش هاينجز شغله ولا حاجته .... والكلام برضه على المستقبِل يعني اللي بياخد الرشوة والإكرامية بقوا هما الأكتر .. أنا نفسي كده واحد يروح مثلاً إدارة زي الأملاك في أي حي ويقدم طلب تمليك لبيته أو أرضه وشوف الزبانية هايتعاملوا معاك ازاي من أول مديرهم لغاية الفراش اللي بيبيع الدمغة

الكلام مش في الأملاك بس .... ده هيئات كتير جداً والله

وبعدين بيتي وبيتك يا أستاذ تامر أصبحوا من النوادر يعني لو بصيت على الحي اللي انت عايش فيه هاتلاقي كام راجل زي حضرتك ... كام واحد بيرفض نزول بنته بالملابس الفضيحة بتاع اليومين دول ... كام واحد بيحترم حرمة بيته وزوجته وبيحافظ على عرضه ... يا صديقي أنا جاري في العمارة دقنه جايبة بطنه وبنته عمرها 18 سنة وبتنزل تقريباً مش لابسة لدرجة إن زوجتي كان لها تعليق على الرجل وبنته

كام واحد حواليك ملتزم وبيراعي ربنا في تصرفاته ..... كام واحد في الحي لما يشوف واحدة بتطلع السلم بيتأخر شوية على ما تطلع ( فين القيم ) ... ما ينفعش نقول على مجهودات ومحاولات محدودة للارتقاء بالقيم اللي اندثرت إن المجتمع كله عنده قيم ... ياراجل التبرعات والأعمال الخيرية أصبحت أغلبها دعاية

بذمتك لما تمشي في الشارع وتلاقي الشباب بينادوا على بعض بـ يابن الــ.. ويا بن الـــ ...

ممكن واحد زيك وزي الأستاذ سهران ويمكن زيي لو شفنا واحد بيعاكس واحدة نعترض وممكن نتعامل مع الولد بعنف ... بس بص على البنت هاتلاقيها فضيحة ... ماشية تقول اللي ما بيشوفش يشوف ... يا أستاذ أنا أصبح المكان المفضل ليا بيتي والجامع ...

القيم فسدت على العامة ... وماتقوليش إنها لسة موجودة عندي وعندك وعند بعض الناس

المهم المجتمع ككل ..

ماينفعش نقيم مجتمع كامل بكل فئاته وأعداده ونقيس عنده قيم واللا لأ عشان كام جمعية خيرية وكام رجل أعمال بيتبرع وقافلة الخير وصناع الحياة

وسامحني يا أستاذ سهران ما تقوليش إن المرأة المكافحة وسط الغلاء والطوابير وخلافة ... بتمثل كل الستات اللي في البلد دي بتمثل عدد محدود جداً والباقي حلق للقيم

إنزل وامش بعربيتك وشوف الكورنيش عامل ازاي وقولي في قيم على الكورنيش

إنزل وخد ولادك واطلع على البحر وقولي في قيم على البحر

يا أستاذ سهران إجمع عدد الشبان والبنات اللي حضرتك شفتهم واضربه في 10 واطرحة من عدد شبان وبنات مصر هاتلاقي النتيجة 99.9 % بدون قيم

أنا مش متشائم أنا فقدت الأمل تماماً .... لدرجة إن رسالتي دلوقتي في الحياة أربي ولادي وأعلمهم اللي اتعلمته من أبويا وأمي والقيم اللي اتزرعت فيا وهما يدخلوا معترك الحياة

وفي الآخر يا أستاذ تامر عاوزني أبص لنص الكباية المليان ... ياريت النص مليان ... دي الكباية مابقاش فيها غير 3 أو 4 نقط ميه والباقي من غير قيم ... حضرتك والأستاذ سهران وبرضه يمكن أنا اللي لسه ماسكين في شوية القيم اللي اتربينا عليها والباقي ..... حلق للقيم

الممتفاءل جداً جداً جداً

Muhammad Zidan

[vipwithyou]

يا جماعة الواقع بيقول إيه ....

بيقول إن السواد الأعظم من المجتمع .. إنهار

الواقع بيقول إن الفساد استشرى في كل المجالات ...

أنا معاك تماما ً ان الفساد انتشر زى الطاعون بل السرطان كمان

بس صدقنى باذن الله هتزل الغمه

او حتى خلى عندك أمل انها هتزول

علشان من غير الامل دة يبقى مش هتزول

وكل واحد يعمل اللى عليه

وبعدين بيتي وبيتك يا أستاذ تامر أصبحوا من النوادر يعني لو بصيت على الحي اللي انت عايش فيه هاتلاقي كام راجل زي حضرتك ...

طالما ان فى ناس كويسين يبقى لسة فى امل

يمكن فعلا المرأة تحررت لدرجة خلت الحرية اللى فهموها غلط هى اللى ادانتهم دلوقتى

لكن العيب بيرجع على الرجل اللى بيقبل على بيته وبناته وأهله كدة

معلش يا مهندسة هبه اننا تطرقنا عن موضوع الحلاقة اللى حضرتك اثرتيه لكن فعلا الاستاذ محمد لمس حاجة موجود فعلا ونخشى ان تنتشر بيننا علشان يكون فى امل نرجع زى الاول واحسن باذن الله

بذمتك لما تمشي في الشارع وتلاقي الشباب بينادوا على بعض بـ يابن الــ.. ويا بن الـــ ...

احنا للأسف مش هنقدر نمسك كل واحد ونضربة على ايدة ونقوله انت بتشتم صاحبك ليه

لكن ابدأ بنفسك .. والكل هيتغير ان شاء الله

ممكن واحد زيك وزي الأستاذ سهران ويمكن زيي لو شفنا واحد بيعاكس واحدة نعترض وممكن نتعامل مع الولد بعنف ... بس بص على البنت هاتلاقيها فضيحة ... ماشية تقول اللي ما بيشوفش يشوف ... يا أستاذ أنا أصبح المكان المفضل ليا بيتي والجامع ...

انا معاك بس مش معنى ان البنت هى اللى جابته لنفسها يبقى احنا كمان النخوة تروح مننا .. وفى زينا كتير ان شاء الله

القيم فسدت على العامة ... وماتقوليش إنها لسة موجودة عندي وعندك وعند بعض الناس

المهم المجتمع ككل ..

مش لازم يكون الكل كويس والا هنعرف الحلو من الوحش ازاى ؟

أنا مش متشائم أنا فقدت الأمل تماماً .... لدرجة إن رسالتي دلوقتي في الحياة أربي ولادي وأعلمهم اللي اتعلمته من أبويا وأمي والقيم اللي اتزرعت فيا وهما يدخلوا معترك الحياة

بلاش تماما ً دى ان شاء الله فيه امل

وفي الآخر يا أستاذ تامر عاوزني أبص لنص الكباية المليان ... ياريت النص مليان ... دي الكباية مابقاش فيها غير 3 أو 4 نقط ميه والباقي من غير قيم ... حضرتك والأستاذ سهران وبرضه يمكن أنا اللي لسه ماسكين في شوية القيم اللي اتربينا عليها والباقي ..... حلق للقيم

الممتفاءل جداً جداً جداً

الله المستعان يا أستاذ محمد

Muhammad Zidan

تم تعديل 31 مارس 2008 بواسطة vipwithyou