هل الشمس تدور حول الأرض أم الأرض تدور حول الشمس؟

[nash]

اخي الكريم ابو محمد ...اتوكل علي الله واضح أن عندك هاي سيكيورتي سيتينج في الكومبيوتر..الموقع آمن تماما

أخي الكريم معلوماتي في الكومبيوتر...بعافيه شويه ..بس والله الموقع إن شاء الله كويس

ممكن بأة تشوفلي حضرتك موضوع التبليغ بالردود الجديده.....لحسن عطلانه عندي... wst::

تم تعديل 6 أبريل 2008 بواسطة nash

[أبو محمد]

اخي الكريم ابو محمد ...اتوكل علي الله واضح أن عندك هاي سيكيورتي سيتينج في الكومبيوتر..الموقع آمن تماما

أخي الكريم معلوماتي في الكومبيوتر...بعافيه شويه ..بس والله الموقع إن شاء الله كويس

ممكن بأة تشوفلي حضرتك موضوع التبليغ بالردود الجديده.....لحسن عطلانه عندي... wst::

هل جربتى يا أم ياسر تعملى setting من لوحة التحكم ؟ لأن هناك 3 خيارات :

- بدون تبليغ

- الإبلاغ بريديا

- الإبلاغ بالرسائل الخاصة

[nash]

عملت التلاته والله العظيم

بعد شكوتي لله ثم ليكم..من يومين..اشتغلت يوم ونص ورجعت وقفت تاني

بس بالامانه الرسايل الخاصه ما استخدمتهاش..واصلا هي واقفه هي كمان بشوفها بالصدفه wst::

[badroora]

طيب يا اخوانا بعد قراءة 9 صفح لما احوليت ريستوا عليه ؟ بتدور ولا ما بتدور ؟

ولا لسه قدامكم لاخر الكشكول .

يلا استمروا والله المستعان wst::

[أبو محمد]

الفاضلة أم ياسر

يبدو أن الخاصية معطلة فعلا .. سأسأل وبإذن الله أجاوبك

[أبو محمد]

طيب يا اخوانا بعد قراءة 9 صفح لما احوليت ريستوا عليه ؟ بتدور ولا ما بتدور ؟

ولا لسه قدامكم لاخر الكشكول .

يلا استمروا والله المستعان wst::

إنتى شايفة إيه يا بدارة ؟

[badroora]

إنتى شايفة إيه يا بدارة ؟

والله كنت افضل انى اتابع من بعيد لان بصراحة كل اللى عنده انتم قولتوه وزيادة يعنى مافيش داعى للتكرار .

ولكن طالما حضرتك سالتى على اللى شيفاه هاقولك وبكل صراحة .

هذه الايام اصبح التشكيك فى كل شيء هو السائد والغريب ان اللى بيشكك عنده الدليل .

واللى بيأكد عنده الدليل والحجة الكافية وبقينا فى صراع نصدق ولا لا نصدق نشكك ولا نطمن والحال دا ينطبق على حاجات كتيرة سواء دينية او دنيوية .

انا من راى المتواضع ان القرءان والسنه هما الاساس زى اساس اى بيت معذرة لو خانى التعبير فارجو الا تاخذون المعنى صريح دا معنى مجازى يعنى

اى بيت لو تركتة على الاساس مش هيقوم ,اذن الدين هو اساس كل شيء واحنا علينا

الاعمدة والتى تعزز وتقوى هذا الاساس ودا بيجي بالبحث والعلم والتطوير ولكن لو اكتفينا فقط بتشكيك فى كل شيء ونرجع كل للخلف ,طيب هل مثلا مشكلة الكفار انهم ممكن طورا العلوم التى اساسها القرءان وسبقونا بها بل وتفوقوا علينا بها .

بلاش كدا هل انا مثلا لما اشترى بلوزة مصنوعة فى فرنسا ااقوم انا افتخر واقول اهم عمولها بالقطن المصري اللى هو انقي قطن فى العالم واسقط منهم .

المقصد هو بدل ما نرجع للخلف ونشكك نحاول نتقدم وليه منجربش احنا كمان بنفسنا ليه نردد فولان قال وعاد ودا بيكدب ولا صح .

نرجع بي للموضوع

لن اضيف اكثر مما قيل ولكن اللى اعرفة

ان الارض تدور حول الشمس

ثم العلماء الحاليين او المفسريين دول ناس مجتهدين ولديهم اسالبيهم الخاصة فى بلورة الحقيقة واقناع الناس بها .

الناس بدأت تغزو الفضاء وتشترتى ارض على راى بعض الاخوة وشكلكهم بيفكروا يحلوا ازمة رغيف العيش هناك وبناء بيوت لحل الازمة السكانية

ونحن هنا بنشكك فى شيء مفروغ منه منذ قرون .

وعموما خلينا نتابع نشوف هنوصل لاية

تم تعديل 7 أبريل 2008 بواسطة Badria Mekkawy

[صبرا]

الموضوع مفيد وهادف

[dr gml]

بعد ماقريت 9 صفحات ربنا فتح عليا بالكلمتين دول

الارض لفت نص لفة

امريكا رايحة بتقلها ع الشرق

والروس بيغيروا الدفة

واحنا ف مكاننا و مفيش فرق

ماشيين ف آخر الزفة

[ايهاب سالم]

انا من راى المتواضع ان القرءان والسنه هما الاساس

بارك الله فيكي يا اخت بدريه

فعلا القرءان و (السنه) هما الاساس

والعالم ...الجليل .... بن عثيمين ..... يثبت بالدليل ان الشمس هي التي تدور حول الارض

وتلك من العقائد عند بن عثيمين

يعني لا يصح الايمان الا بها وليس امر يمكننا الاختلاف فيه

ولكن الشأن كل الشأن فيما يذكر من أن الأرض تدور وأن الشمس ثابتة وأن اختلاف الليل والنهار يكون بسبب دوران الأرض حول الشمس فإن هذا القول باطل يبطله ظاهر القرآن

ثم إن النبي صلى الله عليه وسلم ثبت عنه أنه قال لأبي ذر رضي الله عنه وقد غربت الشمس (أتدري أين تذهب قال الله ورسوله أعلم قال فإنها تذهب فتسجد تحت العرش) إلى آخر الحديث وهذا دليل على أنها هي التي تتحرك نحو الأرض لقوله أتدري أين تذهب وفي الحديث المذكور قال فإن أذن لها وإلا قيل ارجعي من حيث شئت فتخرج من مغربها وهذا دليل على أنها هي التي تدور على الأرض وهذا أمر هو الواجب على المؤمن اعتقاده

المهم أنه يجب علينا في هذه المسألة أن نؤمن بأن الشمس تدور على الأرض وأن اختلاف الليل والنهار ليس بسبب دوران الأرض ولكنه بسبب دوران الشمس حول الارض

http://www.ibnothaimeen.com/all/noor/article_6463.shtml

تم تعديل 7 أبريل 2008 بواسطة ايهاب سالم

[badroora]

بعد ماقريت 9 صفحات ربنا فتح عليا بالكلمتين دول

الارض لفت نص لفة

امريكا رايحة بتقلها ع الشرق

والروس بيغيروا الدفة

واحنا ف مكاننا و مفيش فرق

ماشيين ف آخر الزفة

الله يفتح عليك كمان وكمان والله حلوة يسلموا

احنا اساس مش فى اخر الزفة احنا عواجيز الفرح قاعدين وبنتخيل مراسم الزفاف

[abaomar]

السلام عليكم

الاخوه الكرام جزاكم الله خيرا

بارك الله فيكى يا اخت بدريه

فعلا القرأن و السنه النبويه الصحيحه هما الاساس

و القرأن و السنه قبل العالم الجليل ابن عثيمين و إجماع علماء السلف على مدار تاريخ الامه الاسلاميه منذ المصطفى صلى الله عليه و سلم و الى يومنا هذا مرورا بصفوه علماء الامه مجمعون على ثبات الارض و دوران الشمس حولها .

حتى الديانات الاخرى و منها المسيحيه تقول هذا فى كتابها .

هى حقائق كونيه اكدتها الايات و الاحاديث و الشواهد تؤكدها و لكنه غرور العلم و و انكار المسلمات جعل بعض الغربيين المنكرين للدين بل و الذات الالهيه يخوضون تلك المخاضات الصعبه عليهم و لن يفلحوا.

لمن يريد الحق يعيد قراءه المداخلات الداله على موضوع الحديث لعل و عسى.

[Handicraft]

لا حول ولا قوة إلا بالله.

من الواضح أبو عمر أنك لم تقرأ كل المداخلات او انك غير فاهم لها .... فهنيئاً لك قناعتك وهنيئاً لهم علمهم وصدق الله "كل فى فلك يسبحون".

[سهران]

السلام عليكم

الاخوه الكرام جزاكم الله خيرا

بارك الله فيكى يا اخت بدريه

فعلا القرأن و السنه النبويه الصحيحه هما الاساس

و القرأن و السنه قبل العالم الجليل ابن عثيمين و إجماع علماء السلف على مدار تاريخ الامه الاسلاميه منذ المصطفى صلى الله عليه و سلم و الى يومنا هذا مرورا بصفوه علماء الامه مجمعون على ثبات الارض و دوران الشمس حولها .

حتى الديانات الاخرى و منها المسيحيه تقول هذا فى كتابها .

هى حقائق كونيه اكدتها الايات و الاحاديث و الشواهد تؤكدها و لكنه غرور العلم و و انكار المسلمات جعل بعض الغربيين المنكرين للدين بل و الذات الالهيه يخوضون تلك المخاضات الصعبه عليهم و لن يفلحوا.

لمن يريد الحق يعيد قراءه المداخلات الداله على موضوع الحديث لعل و عسى.

"]"]بعد كل المجهود ده من المشاركين ما فيش فايدة .......... و كأننا بنتكلم في وجهات نظر فلسفية مش في حقيقة كونية ثابتة ......... الأخوة فسروا النصوص اللي حضرتك مصر على تفسيرها بطريقتك الخاصة ( أستنادا على تفسيرات لا تريد سماع غيرها و كأن من قالوها من العلماء الأجلاء لا يؤخذ منهم و يرد خاصة في الموضوعات العلمية )...

فقط العلوم الأجتماعية هي اللي ملهاش قواعد ثابتة أما باقي العلوم فالكلام بالبرهان العمليو التطبيق و الأخوة أفاضوا في ذلك .[/color]

.... ما فيش فايدة ....

تم تعديل 9 أبريل 2008 بواسطة سهران

[أبو محمد]

أعتقد أن كل ما يمكن أن يقال فى الموضوع قد قيل ..

أنا شخصيا استفدت من الحوار فيه .. فبعض النظريات الأخرى (غير دوران الأرض والشمس الذى تعدى طور النظريات إلى طور الحقائق) قد تأكدت لى .. منها على سبيل المثال عمل بعض الخلايا كأجهزة إرسال ، وبعضها كأجهزة استقبال .. وعندما يتعطل أحد النوعين ينتج إما عدم القدرة على التعبير أو عدم القدرة على الاستيعاب

[أبو محمد]

انا من راى المتواضع ان القرءان والسنه هما الاساس

بارك الله فيكي يا اخت بدريه

فعلا القرءان و (السنه) هما الاساس

والعالم ...الجليل .... بن عثيمين ..... يثبت بالدليل ان الشمس هي التي تدور حول الارض

وتلك من العقائد عند بن عثيمين

يعني لا يصح الايمان الا بها وليس امر يمكننا الاختلاف فيه

الفاضل / إيهاب

النصوص المقدسة (قطعية الثبوت) شئ ، والفهم العليل لتلك النصوص شئ آخر .. وكلمة "مقدسة" تعنى أنه من غير المقبول المساس بها بما يسئ .. تصريحا أو تلميحا

[~Heba~]

لماذا لم يذكر احد شئ عن المجرات

الشمس ومجموعة الكواكب حولها جزء من مجرة درب التبانة

قد يكون فعلا الشمس بتدور لكن ليس حول الارض لكن اكيد شئ اكبر منها

النظرية العامة تكون بالشكل ده شى صغير يدور حول شئ كبير...صح cr((:

يعنى مثلا زى الالكترونات اللى بتدور حول النواة و كلهم بيكونوا الذرة و الذرة جزء من الجزئ لكن بتتحرك بداخله اولا ده على حسب نوع المادة

صراحة انا مش كويسة او فى الفيزياء يعنى على قدى كده

فينك يا انشتاين

[أبو محمد]

حتى انتى كمان يا باشمهندسة مش بتراجعى المقرر cr((: ... أومال ده إيه ؟

نهيب بالخوه و من يعرف احد متخصص فى علوم الهندسه و الحركه يساعدنا لشرح ذلك.

أخوك ابو محمد مهندس ميكانيكا واصلَّح .. ساعات mf-:

كل الكلام اللى ممكن يتقال إتقال يابو عمر بدون الدخول فى قوانين ومعادلات الحركة وقوانين نيوتن الأول والتانى والتالت والعام (التربيع العكسى) وقوانين أينشتين للنسبية وقوانين كبلر لحركة الكواكب .. الناس دى كانت بتفكر وتشتغل مش بتتآمر .. واحنا اتعلمنا من نتائج تفكيرهم ...

عارف يابو عمر .. القوانين اللى احنا درسناها بتقول إن فى حالة الاتزان الحركى ، الأجسام الأصغر تدور حول الأجسام الأكبر .. مش العكس .. يعنى الشمس (لو صدقت إنها أكبر من الأرض) مش ممكن تدور حول الأرض .. وده نتيجة الجاذبية (الحمد لله إنك اعترفت بيها) اللى اكتشف نيوتن قوانينها وتأثيرها فى حركة الأجسام وشرح بيها قوانين كبلر .. باقول اكتشف مش اخترع .. والفرق بين الاكتشاف والاختراع كبير زى ما انت عارف ..

والجاذبية دى هى اللى بتسبب دوران كواكب المجموعة الشمسية حول الشمس ، ودوران الشمس (بمجموعتها كوحدة واحدة) حول مركز مجرتنا اللى اسمها درب التبانة .. تصور إن القوانين والمعادلات دى بتقول إن سرعة المجموعة الشمسية حول مركز مجرتنا 250 كيلومتر فى الثانية .. وإنها بتعمل دورة واحدة حول هذا المركز فى 250 مليون سنة .. وعارف علماء الفلك بقولوا فيه كام مجرة فى الكون ؟ ... 125 بليون مجرة ... وعارف قطر مجرتنا كام ؟ بيقولوا 100 ألف مليون سنة ضوئية .. والسنة الضوئية دى مسافة يابو عمر مش زمن .. وهى المسافة التى يقطعها الضوء فى سنة (من بتوعنا) إحسب انت بقى ( مش بيقولوا أرقام فلكية ؟) ... أهى أرضنا داخل مجموعتنا الشمسية .. ومجموعتنا الشمسية داخل مجرتنا .. ومجرتنا داخل الكون ... كل دول فى حالة حركة خاضعة لقوانين وضعها الخالق عز وجل واكتشفها البشر .. ماأقدرش هنا بقى - بعد الكلام المُسطَّح ده عن قوانين الحركة - إلا إنى أقتبس خواتيم سورة آل عمران

بسم الله الرحمن الرحيم

وَلِلّهِ مُلْكُ السَّمَاوَاتِ وَالأَرْضِ وَاللّهُ عَلَىَ كُلِّ شَيْءٍ قَدِيرٌ (189) إِنَّ فِي خَلْقِ السَّمَاوَاتِ وَالأَرْضِ وَاخْتِلاَفِ اللَّيْلِ وَالنَّهَارِ لآيَاتٍ لِّأُوْلِي الألْبَابِ (190) الَّذِينَ يَذْكُرُونَ اللّهَ قِيَامًا وَقُعُودًا وَعَلَىَ جُنُوبِهِمْ وَيَتَفَكَّرُونَ فِي خَلْقِ السَّمَاوَاتِ وَالأَرْضِ رَبَّنَا مَا خَلَقْتَ هَذا بَاطِلاً سُبْحَانَكَ فَقِنَا عَذَابَ النَّارِ (191) رَبَّنَا إِنَّكَ مَن تُدْخِلِ النَّارَ فَقَدْ أَخْزَيْتَهُ وَمَا لِلظَّالِمِينَ مِنْ أَنصَارٍ (192) رَّبَّنَا إِنَّنَا سَمِعْنَا مُنَادِيًا يُنَادِي لِلإِيمَانِ أَنْ آمِنُواْ بِرَبِّكُمْ فَآمَنَّا رَبَّنَا فَاغْفِرْ لَنَا ذُنُوبَنَا وَكَفِّرْ عَنَّا سَيِّئَاتِنَا وَتَوَفَّنَا مَعَ الأبْرَارِ (193) رَبَّنَا وَآتِنَا مَا وَعَدتَّنَا عَلَى رُسُلِكَ وَلاَ تُخْزِنَا يَوْمَ الْقِيَامَةِ إِنَّكَ لاَ تُخْلِفُ الْمِيعَادَ (194)

[~Heba~]

cr((: mf-: cr((: phn:

معلش يا ابو محمد العتب على النظر

و كمان انا كتر خيرى الموضوع طويل و متشعب و الواحد تاه فيه

الدور الباقى عليك انت توضبه و تدمجه وتحذف و تقص و تمنتج و متنساش " شاكرين حسن تفهمكم"

[seven ages2]

كما قال بعض الأخوة القرآن الكريم ليس كتاب للفيزياء والنظريات العلمية ،أنما هو كتاب يهدى للإيمان والتوحيد ويضع الأسس السليمة لتعامل أفراد

المجتمع ببعضهم البعض لإقامة مجتمع مترابط متكافل ناجح وقوى .

ولا أظن أن علماء المسلمين وقت كانت الدولة السلامية هى منارة الحضارة فى العالم كانوا يبحثون فى كل العلوم ويحاولون كشف ظواهر الطبيعة

عن طريق تفسير آى القرآن الكريم .

لكن على اية حال أشار الله سبحانه وتعالى إلى بعض حقائق الكون فى كتابه الكريم الذى لا يأتيه الباطل من بين يديه ولا من خلفه

فلو ظهر لنا تضارب ما بين ماجاءت به الأيات وتلك الحقائق العلمية فذلك مرده فى رايي إلى سببين

الأول هو خطأ النظرية العلمية وهناك مئات من النظريات العلمية التى كانت من المسلمات ثم ثبت حطؤها الأن وسوف يستمر هذا إلى ماشاء الله

الثانى هو ببساطة اننا لم نفهم آيات القرآن ونفسرها كما ينبغى بسبب نقص علمنا (( وما اوتيتم من العلم إلا قليلا ))

وحتى هذه اللحظة فالحقيقة العلمية المنطقية ان الكرة الأرضية تدور حول نفسها وحول الشمس

تحياتى