هل اللي بياكل فسيخ يعتبر شخص محترم؟

[fatfouta]

الله يخرب بيت كده والله الواحد اعصابه باظت وخصوصا اننا داخلين على شم النسيم

اللى نفسى فى مرة اقضيه فى مصر عشان الحقلى فسيخاية ولا حاجة

بالمناسبة كنت فى هايبر بندا عند الاجبان وكده وجت واحدة ست مصرية وقفت جمبى ووميلت عليا وقلتلى.......

بقولك ايه يا حبيبتى........قولتلها ايوه يا اختشى؟؟

قالتلى ايه رايك فى الفسيخ ده؟؟ وشاورت على فسيخاية مغلفة كده

قلتلها ان جيتشى للحق انا عمرى ماجربته بصراحة

سمعنا الراجل اللى كان بيوزن لنا الجبنة وكان مصرى وشاور لنا براسه كده بطريقة........اشارة معناها انه كله فى الكلتش

كان قصده طبعا ماتاخدوش منه

قالتلى طب انا ساكنة فى غبيرة اجيب منين فسيخ.........قولتلها عليكى يا حبيتشى وعلى المنفوحة عارفاها؟؟

قالتلى طبعا عز المعرفة.......قلتلها روحى عند الاخ ويلا فى شارع المنفوحة العام واهى تصبيرة تجيبيها من عنده طالما مش قادرين نجيب من هنا هنعمل ايه

بس بصراحة مافيش ذى فسيخ مصر ويا لهوى على ملوحة اسوان اللى فى صفايح دى فظظظظظظظيييييييييعة

الله يسامحكوا بقى

[عصام أبوالفتح]

ريحة الموضوع ده فاحت أوى :lol:

انا باحس بنفس احاسيس زوهيرى بعد ما آكل ....... الرنجة :blink:

انما فسيخ .. الشر بره وبعيد .. مرة كنا فى سلام وجماعة صحابنا من دمياط جابوا فسيخ ونجحوا فى تهريبه ووقت الغذا جه ومكنتش مبسوط من المكان اللى قاعدين فيه وعمال اقولهم ياخوانا فى حاجة ميته قريب مننا .. بصوا الناس عماله تشيل حاجاتها وتمشى .. الله .. هى الجنينه فضيت ليه كده .. ويبصوا لبعض ووشهم فى الارض وبعدين قالولى لما جه وقت الغداء .. وبصوت واطى .. احنا معانا فسيخ

وطبعا .. كلوا فى مكان واحنا فى مكان تانى خالص

المشكلة ان الريحة فضلت حاسس بيها كذا يوم !!!!!!!!

[se_ Elsyed]

قالتلى طبعا عز المعرفة.......قلتلها روحى عند الاخ ويلا فى شارع المنفوحة العام واهى تصبيرة تجيبيها من عنده طالما مش قادرين نجيب من هنا هنعمل ايه

ذات مره من فترة قبل ما تجيلنا أمدادات من مصر .. روحنا في العيد الصغير عند ويلا في المنفوحه .. إلا ونلاقيه عامل حاجه تموت من الضحك

جايب عربة خشب زي اللي بيتباع عليها تين شوكي في مصر وحاجات من دي ... وحاطط عليها الفسيخ ... وكثير من الليمون والبصل .. وكان زحمه مووووووت

بس بصراحة كان فسيخ نبراوي أصلي وكان طالع لسه من لاصفايح المتبرشمة ..

بيتهيألي الصفايح دي بيعوموها من مصر لحد السعودية ..

ويروح بتوع ويلا بالليل على شواطيء جده .. ونيزلوا بأنابيب البوتاجاز قصدي الأكسوجين ... وينزلوا الملاحات يفيشوا الهوامش ويطلعوا الصفايح دي ..

لأنها صعب قوي تدخل المينا في شحنة عادية كده وسط الكمبيوترات والادوية والحاجات دي

لكن برضوا لا يُعلا على فسيخ مصر .. ومش من أي فسخاني

من شهر كده أخويا بعت لي طلبية .. رميتها كلها .. طلع فسيخ جديد وتحس إنك بتاكل لحمه نيه

لكن التعميرة اللي أكلتها لزهيري - أنا مش بأذلك يا زهيري لا سمح الله - كانت حاجه معتقه من ايام لويس سانك .. وأخر حاجه ..

صح يا زُهيري ؟

ولا العيش اللي ضربت مشوار للمنفوحه عشان أجيب له عيش مصري برده وبنار الفرن ووقفت في الطابور وشايل القفص فوق دماغي وكنت شايف الضحايا يتساقطوا امامي من الزحام وأنا بأدوس على الجثث ... لكن أبيت إلا أن انوله الشرف ده

صح يا زهيري ؟

ولا البصل واللمون ...

الأفندي روحت له حي الصحافة أخررررررررررررررررررررر الرياض ... وبعد ما ضربنا الحركات دي .. والله العظيم كنت حامل هم أروح إزاي ... لكن قلت انا عندي محاضرة بالليل ولازم أروح ..

لكن محاضرة مين ... والله نمت زي اللي مخبوط على دماغه بعد ما شرب باكتت بانجو بحالها ... وما فوقتش الا بالليل بعد ما فات اللي فات

يعني مستقبلي المهني لو ضاع يبقى بسبب زهيري وفسيخه

[se_ Elsyed]

ريحة الموضوع ده فاحت أوى :lol:

انا باحس بنفس احاسيس زوهيرى بعد ما آكل ....... الرنجة :blink:

تصدق بالله يا عصام إني ما بأطيقش الرنجه دي ولو كانت منقوعه في عسل نحل

بأحس إني بأكل فراخ جمعيه ..

يا حبيب قلبي الرنجه والسمك المُدخن ده ما يحوقش معانا ..

الفسيخ وبس ...

ومش الفسيخ كمان ... لو جربت السمط البلطي ده وكان معمول صح الصح .. تحس إن السمكاية عبارة عن قالب زبده بينده لك ويقول لك : خدني في أحضانك يا عصام .. ودوبني دوب يا هوا دوبني دوب

صح يا زهيري ؟

وبعدين لو عزمت وتوكلت ونويت تاكل فسيخ ... ممكن عشان يبقى عديم الرائحة ... تنضفه قبلها بالليل وتضع عليه خل وزيت لتاني يوم .... وعييييييييييييش بقى

وهاتبقى عملية نضيفة 100 %

[MZohairy]

لكن التعميرة اللي أكلتها لزهيري

- كانت حاجه معتقه من ايام لويس سانك .. وأخر حاجه ..

صح يا زُهيري ؟

ولا العيش اللي ضربت مشوار للمنفوحه عشان أجيب له عيش مصري برده وبنار الفرن ووقفت في الطابور وشايل القفص فوق دماغي وكنت شايف الضحايا يتساقطوا امامي من الزحام وأنا بأدوس على الجثث ... لكن أبيت إلا أن انوله الشرف ده

صح يا زهيري ؟

ولا البصل واللمون ...

الأفندي روحت له حي الصحافة أخررررررررررررررررررررر الرياض ... وبعد ما ضربنا الحركات دي .. والله العظيم كنت حامل هم أروح إزاي ... لكن قلت انا عندي محاضرة بالليل ولازم أروح ..

يعني مستقبلي المهني لو ضاع يبقى بسبب زهيري وفسيخه

تحس إن السمكاية عبارة عن قالب زبده بينده لك ويقول لك : خدني في أحضانك يا عصام .. ودوبني دوب يا هوا دوبني دوب

صح يا زهيري ؟

ان بعض الظن اثم

عقلي الباطن: تفتكر ممكن من الكلام اللي فوق ده كله الواحد يفهم ان سي السيد بيعايرك او بيذل فيك ياد يا Mzohairy ؟ :lol:

يا ساتر على الشيطان الملعون ده لما يصور للواحد حاجات مش حقيقيه :blink:

[msayed]

لا مؤاخذة أنا لسه ما قريتش الصفح الكثير دى بس حبيت اعلق لغاية ما أقراها حرف حرف إن شاء الله

أنا ها أقول رأيى وأجرى على الله

وإن شالله يكون آخر يوم لى فى المنتدى

حتى لو إتحطيت بلاك ليست وإتمنعت من الدخول لمصر تانى، لازم أقول رأيى

إللى بياكل الفسيخ طبعاً شخص محترم جداً بس عنده مشكلة لازم كلنا نقف جنبه علشان يحلها.

الله يرحمه حمايا كان بيحب الفسيخ، وكان ييجى مثلاً يقول أنا ما أطيقش ريحة أكلة معينة، أكلة عادية خالص، أقول له : يا عمى طالما بتاكل الفسيخ فمالكش أى حق إنك تقرف من أى حاجة فى الدنيا. :lol:

أجرى أنا بقى من الموضوع قبل ما يتقفل عليا وما أعرفش أهرب. :lol:

وإن شاء الله آجى بالليل وكل الناس نايمة أقرأ الصفحات إللى فاتوا. :blink:

تم تعديل 13 مارس 2010 بواسطة msayed

[nizza la bella]

لا مؤاخذة أنا لسه ما قريتش الصفح الكثير دى بس حبيت اعلق لغاية ما أقراها حرف حرف إن شاء الله

أنا ها أقول رأيى وأجرى على الله

وإن شالله يكون آخر يوم لى فى المنتدى

حتى لو إتحطيت بلاك ليست وإتمنعت من الدخول لمصر تانى، لازم أقول رأيى

إللى بياكل الفسيخ طبعاً شخص محترم جداً بس عنده مشكلة لازم كلنا نقف جنبه علشان يحلها.

الله يرحمه حمايا كان بيحب الفسيخ، وكان ييجى مثلاً يقول أنا ما أطيقش ريحة أكلة معينة، أكلة عادية خالص، أقول له : يا عمى طالما بتاكل الفسيخ فمالكش أى حق إنك تقرف من أى حاجة فى الدنيا. :blink:

أجرى أنا بقى من الموضوع قبل ما يتقفل عليا وما أعرفش أهرب. bsh:)

وإن شاء الله آجى بالليل وكل الناس نايمة أقرأ الصفحات إللى فاتوا. :blush2:

:lol: :lol:

[rewsha]

وبعدين لو عزمت وتوكلت ونويت تاكل فسيخ ... ممكن عشان يبقى عديم الرائحة ... تنضفه قبلها بالليل وتضع عليه خل وزيت لتاني يوم .... وعييييييييييييش بقى

وهاتبقى عملية نضيفة 100 %

نصيحه ب مليون جنيه ......وله واقول بمليون ريال :blink: (مهو الريال اغلى دلوقتي من الجنيه)

بس حضرتك نسيت تقول خل وزيت وليمون :lol:

وياسلام لو حطيته في علبه ليها غطاء بعد ما يتنقع في الخلطه السريه دي........مش هاتشم له ريحه خااااااااااااالص

بس تخيل يا ابو عُمر ....ان في ناس مابتعترفش بالفسيخ لو اتعمل فيه كده :blush2:

يعني الفسيخ لازم يكون متنضف قبل الاكل مباشرةًوالفسيخايه مايكونش عليها اي اضافات :lol:

[justme]

معلش بقا انا مش قادر امسك نفسي

بس الفسيخ ده اكله مش محترمة

يا جدعان ده سمك مخلل في ميه وملح

يعني يعتبر سمك ني

طبعا فيه مصطلح تاني بس بلاش لحسان اتطرد من المنتدى

بس عايز اقولكم ان مرة واحد بعت معايا حاجات لناس قرايبه هنا

المهم لما وصلت وشيلت الشنط بدأت اشم ريحة حاجة معفنة

المهم لو ما وصلت طلعت الشنطة لقيتها ريحة سمك معفن حبتين مع انه مجمد

المهم انا فاكر انه سمك فجيت ادي الراجل الحاجة وبقوله هو السمك ده ريحته كده ليه فقالي ده فسيخ

افتكرت على طول عادل امام اما الراجل بيقولوا حشيش

المهم انا تقريبا قطعت علاقتي بالراجل ده قال فسيخ آل واحطه في نفس شنطة هدومي

[قلب ابيض]

حذفت للتكرار ---عذرا

تم تعديل 13 مارس 2010 بواسطة قلب ابيض

[قلب ابيض]

لكن التعميرة اللي أكلتها لزهيري

- كانت حاجه معتقه من ايام لويس سانك .. وأخر حاجه ..

صح يا زُهيري ؟

ولا العيش اللي ضربت مشوار للمنفوحه عشان أجيب له عيش مصري برده وبنار الفرن ووقفت في الطابور وشايل القفص فوق دماغي وكنت شايف الضحايا يتساقطوا امامي من الزحام وأنا بأدوس على الجثث ... لكن أبيت إلا أن انوله الشرف ده

صح يا زهيري ؟

ولا البصل واللمون ...

الأفندي روحت له حي الصحافة أخررررررررررررررررررررر الرياض ... وبعد ما ضربنا الحركات دي .. والله العظيم كنت حامل هم أروح إزاي ... لكن قلت انا عندي محاضرة بالليل ولازم أروح ..

يعني مستقبلي المهني لو ضاع يبقى بسبب زهيري وفسيخه

تحس إن السمكاية عبارة عن قالب زبده بينده لك ويقول لك : خدني في أحضانك يا عصام .. ودوبني دوب يا هوا دوبني دوب

صح يا زهيري ؟

ان بعض الظن اثم

عقلي الباطن: تفتكر ممكن من الكلام اللي فوق ده كله الواحد يفهم ان سي السيد بيعايرك او بيذل فيك ياد يا Mzohairy ؟ :lol:

يا ساتر على الشيطان الملعون ده لما يصور للواحد حاجات مش حقيقيه

صح يا زوهيرى :yahoo:

معلش بقا انا مش قادر امسك نفسي

بس الفسيخ ده اكله مش محترمة

يا جدعان ده سمك مخلل في ميه وملح

يعني يعتبر سمك ني

طبعا فيه مصطلح تاني بس بلاش لحسان اتطرد من المنتدى

بس عايز اقولكم ان مرة واحد بعت معايا حاجات لناس قرايبه هنا

المهم لما وصلت وشيلت الشنط بدأت اشم ريحة حاجة معفنة

المهم لو ما وصلت طلعت الشنطة لقيتها ريحة سمك معفن حبتين مع انه مجمد

المهم انا فاكر انه سمك فجيت ادي الراجل الحاجة وبقوله هو السمك ده ريحته كده ليه فقالي ده فسيخ

افتكرت على طول عادل امام اما الراجل بيقولوا حشيش

المهم انا تقريبا قطعت علاقتي بالراجل ده قال فسيخ آل واحطه في نفس شنطة هدومي

:lol:

تصدق انت كده هاتزعلنى منك يا جست مى!!!!!!!!دى نعــــــــــــــــمه ياراجل نعمه---اسالنى انا :wub:

تم تعديل 13 مارس 2010 بواسطة قلب ابيض

[justme]

طب ده بس كفاية اسمه

فسيـــــــــــــــــــــــــــــــــــــــــــــــــــــــــــــــــــخخخخخخخخخخ

خخخخخخ

طب اوصفه بايه

طب بلاش

كفاية كميات الملح وطريقة التصنيع بس مهما اتكلمتم انا لما شفت اماكن التصنيع مش هقلكم

انا كنت رايح اجيب سمك مشوي ومقلي من عند واحد مشهور جدا المهم المقلي اخد وقت زيادة لزم تصفيته من الزيت واللذي منه فاضررت للجلوس فقعدت

الراجل لقيت عنده كمية ملح تملح نهر النيل

عرفت بقى انها لزوم الفسيخ

بس مظهر اللأجولة (الشولة) بكسر الشين حاجة تقرف

ده غير بقى منظر المعمل نفسه

وايه بقى مش هقولكم الناس عليه امم

بلاش انا مش عارف الحاجات دي كميات الملح اللي فيها مش بترفع الضغط مثلا

ولا مخاطر السلمونيلا والتسمم

ولا بلاش ده كله

كفاية انه ني ني ني ني

طيب تخيلوا بقى تاكلوا لحمة مخلله من عند الجزار

دا ايه ده

انا عارف ان الناس اللي مش زعلانه مني هتقطع العلاقات تماما دلوقت

بس ولو

قال فسيخ قال

طب اشمعنى الفسيخ

ماله المحشي ليه مفيش موضوع عن المحشي وجمال المحشي بانواعه على الاقل اكله محترمة :yahoo:

[Morial]

اللي بياكل الفسيخ هو ابو الاحترام ذات نفسه

وانا عن نفسي بحترم اي حد بياكل فسيخ

لأنه من الاحرار

وواحد عنده استعداد يبيع عمره عشان أكله

[قلب ابيض]

طب ده بس كفاية اسمه

فسيـــــــــــــــــــــــــــــــــــــــــــــــــــــــــــــــــــخخخخخخخخخخ

خخخخخخ

طب اوصفه بايه

طب بلاش

كفاية كميات الملح وطريقة التصنيع بس مهما اتكلمتم انا لما شفت اماكن التصنيع مش هقلكم

انا كنت رايح اجيب سمك مشوي ومقلي من عند واحد مشهور جدا المهم المقلي اخد وقت زيادة لزم تصفيته من الزيت واللذي منه فاضررت للجلوس فقعدت

الراجل لقيت عنده كمية ملح تملح نهر النيل

عرفت بقى انها لزوم الفسيخ

بس مظهر اللأجولة (الشولة) بكسر الشين حاجة تقرف

ده غير بقى منظر المعمل نفسه

وايه بقى مش هقولكم الناس عليه امم

بلاش انا مش عارف الحاجات دي كميات الملح اللي فيها مش بترفع الضغط مثلا

ولا مخاطر السلمونيلا والتسمم

ولا بلاش ده كله

كفاية انه ني ني ني ني :yahoo:

طيب تخيلوا بقى تاكلوا لحمة مخلله من عند الجزار

دا ايه ده

انا عارف ان الناس اللي مش زعلانه مني هتقطع العلاقات تماما دلوقت

بس ولو

قال فسيخ قال

طب اشمعنى الفسيخ

ماله المحشي ليه مفيش موضوع عن المحشي وجمال المحشي بانواعه على الاقل اكله محترمة :lol:

تصدق بقى انك بجد كده مش حلو ؟؟؟

اعتبر كل اللى بنا انتهى ودباديبك هاتوصلك فى البريد المستعجل 00

بص يا جست انت 00معلوماتك للاسف مش مظبوطه وهاقولك ليه

1 - الفسيخ مابيتخللش بميه وملح لانه مش طرشى مثلا 0

2- من طرق تخزين الاطغعمه التمليح 00ودى حاجه معروفه جدا0

3- الفسيخ مش نى 00يعنى انت مابتاكلش بسطرمه ؟ ماهى لحمه مملحه برده!!

4- المحل اللى بتقول عليه محترم ده اى كلام ومنظر الشوله اللى زعلك ؟؟؟؟اومال لو شفت الزيت اللى قلى لك بيه السمك ؟؟؟ :wub:

5- محل الفسيخ اللى بتعامل معاه شخصيا وعلى فكره والله بدون مبالغه من ايام جدى ابو امى اللى انا ماشفتهوش المحل عباره عن اجزاخانه فى نضافته وجماله 000عصافير وزرع ومالوش ريحه تصدق بقى :lol: ؟؟؟؟

ولو عاوز تعاين بنفسك احط لك عنوانه 000او امرى لله اعزمك على اكله ورزقى على الله

6-

7-

10000- بردوا هناكل فسيخ وهو اكله فى غااااااايه الاحترام برغم حقد الحاقدين واللى ضغطهم عالى مايضربوش نار0000واكلنى ياجدع :sad:

اللي بياكل الفسيخ هو ابو الاحترام ذات نفسه

وانا عن نفسي بحترم اي حد بياكل فسيخ

لأنه من الاحرار

وواحد عنده استعداد يبيع عمره عشان أكله

طوووووول عمرى بقو ل انا ما خلفتش غير منال 000دى روحى روحى روحى :lol:

[mama nona]

ال بياكل الفسيخ ناس محتررررررررررررررررررررررررررررررررررررررررررررمة اوى اوى

والله اكلة لا يعلى عليها

وال يقول غير كده

ميدخلشى ويتكلم عندنا

مقولوكوش بقى يا بتوع السعودية

الفسيخ اليومين دول ايه بقى عند الفسخانية

الا انتو هتشمو النسيم فين ؟؟؟؟ :yahoo:

[الباشمهندس ياسر]

ياسر ابقى هات من عند شاهين اللى فى شارع سلطان ابو العلا فى بولاق

تحفةةةةةةةةةة

وعليه يا ضرب نااااااااار ويا سلام لو جبت العيش المفقع من الست اللى قاعدة ادامه علطول وبتاع اليمون والبصل هتلاقيهم جمبها برضو

فكر تروح عنده فى شم النسيم بس ابقى خد معاك سلاح فى جيبك عشان هتتقطع :blush2:

صلي ع اللي فيكي يشفع

و ربنا المعبود ... الم القبيلة كلها من نجارين لحدادين اخراسانجية و اروح احتل بولاق و اقتل ابو العلا نفسه

قال اتقطع قال

بس هو جامد اوي كده يعني........؟؟؟

يعني ندب المشوار و مش هنندم ...؟

[fatfouta]

والله ماهتندم يا ياسر ابداااااااا

بس ابقى هاتلى معاك بالله عليك

بص هقول حاجة وانت واقف هناك كده......نصيحة ماتبصش على البراميل اللى محطوط فيها الفسيخ....ماشى

اما تروح البيت بقى تنظف وتاكل براحتك........زبدة والله زبدة

وابقى ادعيلى......اسمه شاهين اشهر من النار على العلم فى بولاق عند وكالة البلح كده من شارع السلطان ابو العلا

واهو بالمرة تجيبلك(مش بنطلونين) منطلونين وقميصين من عالستاندات اللى فى الشارع دى........مش كده ولا ايه؟؟ :blush2:

[الباشمهندس ياسر]

والله ماهتندم يا ياسر ابداااااااا

بس ابقى هاتلى معاك بالله عليك

بص هقول حاجة وانت واقف هناك كده......نصيحة ماتبصش على البراميل اللى محطوط فيها الفسيخ....ماشى

اما تروح البيت بقى تنظف وتاكل براحتك........زبدة والله زبدة

وابقى ادعيلى......اسمه شاهين اشهر من النار على العلم فى بولاق عند وكالة البلح كده من شارع السلطان ابو العلا

واهو بالمرة تجيبلك(مش بنطلونين) منطلونين وقميصين من عالستاندات اللى فى الشارع دى........مش كده ولا ايه؟؟ :blush2:

انا مليش ف الفسيخ

ملوحة اه ... انما فسيخ .. معطلكيش يا اختي

و بعدين منطلونين

اه لو سمعوك التوكيلات

و ربنا هيزعلوا منك

يلا

كفاية كده ... مش ناقصين نق ع الهدوم كمان

[jasmin hamed]

لا حول و لا قوة الا بالله

يا جماعه المنتدى بقى فيه اكتر من 4 مواضيع عن الفسيخ

طب دكتور يدخل يقولنا رايه

يعنى هو الفسيخ ده اكله صحى فعلا ؟ ز هل مسمح لمرضى الضغط انهم ياكلوه

و انا سائلت سؤال فى موضوع تانى عن الفسيخ و بجد نفسى حد يجاوبنى لانى عمرى ما شفت الفسيخ وجها لوجه

يعنى الريحه الى بشمها لما اكون نزله على السلم ديه لو حد من الجيران واكل فسيخ اذاى ممكن تعد قدمها و تاكلها

طب بلاش ديه اذا كان ريحته الطبيعيه صعبه كده هل ممكن ان لو فاسد تعرف فعلا يعنى لو خضار او فاكهه فاسده احنا بنعرف من الريحه طيب الفسيخ بيتعرف انو فاسد اذاى

[msayed]

لا حول و لا قوة الا بالله

يا جماعه المنتدى بقى فيه اكتر من 4 مواضيع عن الفسيخ

طب دكتور يدخل يقولنا رايه

يعنى هو الفسيخ ده اكله صحى فعلا ؟ ز هل مسمح لمرضى الضغط انهم ياكلوه

و انا سائلت سؤال فى موضوع تانى عن الفسيخ و بجد نفسى حد يجاوبنى لانى عمرى ما شفت الفسيخ وجها لوجه

يعنى الريحه الى بشمها لما اكون نزله على السلم ديه لو حد من الجيران واكل فسيخ اذاى ممكن تعد قدمها و تاكلها

طب بلاش ديه اذا كان ريحته الطبيعيه صعبه كده هل ممكن ان لو فاسد تعرف فعلا يعنى لو خضار او فاكهه فاسده احنا بنعرف من الريحه طيب الفسيخ بيتعرف انو فاسد اذاى

أهو ده الأكلة الوحييييييييييييييييدة إللى فيها الميزة دى ولا يمكن تلاقى الميزة دى فى أكلة آدمية تانية فى الكرة الأرضية.

الفسييييييخ لو باظ وعفن حتى فمش ها يفرق خالص عن حالته وهو سليم.