الشرس و الطيب و المنتوف

[se_ Elsyed]

حكاية .. حكاية إيه ؟

يابا بيقولك ده مزنوق في الشفاط ولو المدام جت بالصدفة تقمر رغيف عيش عشان الغدا ممكن يتشوي فوق بس هايكتم إيمانه عشان حشيش مش عايزها تشوف دموعه ... وعلى ما ينزل حلني بقى فيها 3 أسابيع .. وادي دقني أهي لو كمل لكو الحكاية قبل العاشر من نيسان الحالي

[واحد تاني]

[Scorpion]

الي كل الأصدقاء الذين تواصلوا معنا سواء هاتفيآ أو فاكسيآ أو ايميليان أو تلكسيآ أو مستخدمين اشارات الدخان .. معربين عن ضيقهم من كتر اللف و الدوران بحثآ عن هذا الكتاب الفريد و لكنهم لم يعثروا له علي أثر بل و انكار أصحاب المكتبات معرفتهم أصلآ بتواجد كتاب مماثل..

و نحن هنا نأكد بكل ما أوتينا من قوة ان هذا الخبر عاري من الصحة.. لأن هذا الكتاب ............

لا يوجد له بالفعل أي أثر ( علي الأقل في الوقت الحالي )

الشرس و الطيب والمنتوف

يقدمون تهانئهم بأول أبريل

شكر خاص للعزيز أسد لموافقته علي الأشتراك معنا في هذه الدعابة.. و كل سنة و انتم طيبين

و حتي ظهور هذا الكتاب بحق و حقيقي هذا الصيف نتمني ان تحتفظوا بكل الوعود اللي وعدتوها دلوقتي ....

mft: :ninja: :waf:

[واحد تاني]

[nash]

لأ وانا متحمسه.... mft:

[se_ Elsyed]

والله العظيم والله العظيم

احنا كنا بنهزروا معاكم

بس الكتاب بإذن الله سيرى النور خلال اشهر قليلة لإننا بنضع الرتوش الاخيرة عليه

وكان الموضوع ده مجرد استنطاع للرأي وعرفنا قد أيه انتوا بتحبونا ومتحمسين لنا

[حشيش]

مكنش مفروض تعمل كده ياسكوب مع أخونا (واحد تانى) أبداً :sad: ... قلت لك نجيب له الخبر بالتدريج :sad: ... عاجبك اللى حصله ده :sad: ... لأ بجد شكراً ياجماعة وتعيشوا وتاخدوا غيرها wst:: ... سكوب هوه اللى عمل كده علشان تبقى كدبة إبريل بس هيا مش كدبة قوى لأن الكتاب إن شاء الله حينزل مع بدء أجازات الصيف لزوم التوزيع ولم الغلة وكده يعنى mft: ... الكتاب فى المقام الأول موجه للشباب الروش (مش حقدر أقول غير كده لإن المشرفين هنا ناشفين بصراحة :waf: ) ... يعنى الشاب من دول مثلاً يكون قاعد تحت الشمسية ومشغل أغنية لتامر حسنى أو أنوشكا ولابس المايوه الفرنش كت ومعلق سلسلة فى رقبته وبيلحس كونو أيس كريم باسكين روبنز بإيد وبإيده التانية ماسك كتاب المنتوف :wub: ... طبعاً لسه مستقرناش على الإسم النهائى وإن كنت إقترحت على الفاضل سكوب والفاضل سين سين إننا نسمى الكتاب (ولاد الغسالة) وبالطبع ده مالوش أى علاقة بالمؤلفين أو بحقوق النشر والملكية الفكرية :ninja: ... ولاد الغسالة ده إسم كصة من كصصى الكصيرة بيحكى تاريخ حقبة من تاريخنا المعاصر ومش حقدر أفسر أكتر من كده :wub: ... ياريت تشاركوا معانا فى إختيار إسم للكتاب المنتظر أن يخرج للنور فى يونيو إن شاء الله ( مع إن وليد الدسوقى ما يعرفش أمه) wst::

[badroora]

احبتونى mft: تعملوش كدا تانى :waf:

[أسد]

ياللا خير ان شاء الله

mft: :waf: :ninja:

[se_ Elsyed]

حقكو عليه وهاحب على راسكو واحد واحد

امو امووووو سوج سوج سوج

وادي حته كتبتها النهاردة مخصوص عشان اصالحكو بيها

الضرب والتهبيل .. وكذبة ابريل

انا مدي لاكتر ناس اتصدموا

ناش وجرنفله وبدريه وموديست .. بطولة مُطلقه

مطلقة يعني مش مرمي عليها يمين الطلاق

لأ يعني بطولة جامده

[إيزيس]

*

*

يا شماتة أبلة ظاظا فية

تم تعديل 1 أبريل 2008 بواسطة قرنفل

[حشيش]

حشيش: بقول ياعم أسد ... عايزينك تكمل جميلك معانا وربنا يستر طريقنا وطريقك ... وعرقك محفوظ :sad:

أسد: عرقى محفوظ !!! ... لا يلدغ مؤمن من جحر مرتين :sad:

سى السيد: ليه يابا ... مش وصلك خمسة جنيه مقفولة قبل ما تكتب الموضوع wst::

سكوب: خمسة جنيه !!! ... ده انته علنياتك ... مكتبش حاجة غير لما أبجته جنيه كمان وقال إنتم تلاتة وأنا باخد عالراس جوز جنيهات :blink:

حشيش: على العموم ياأبو الأسود مش حنتخلف فى الحاجات البسيطة دى ... جنيه عليك ... نص جنيه علينا ... فى بيتها يعنى ... المهم دلوقتى والموضوع لسه سخن عايزينك تعمل لنا مؤتمر صحفى بعنوان (ثورة ولاد الغسالة) ومن خلال الموضوع ده نقدر نعرف الكارئ بالكتاب وندى للأعضاء فرصة يناقشونا عالهوا :lol:

أسد: أفكر wst::

تم تعديل 2 أبريل 2008 بواسطة حشيش

[vipwithyou]

يا نهار مش فايت .. :sad: :blink: على الصبح كدة الأخبار دى

هو الواحد ناقص

وخليتونى نزلت حجزت الكتاب .. قال ايه علشان درجات اعمال السنة

لا والغريبة سألتكم يا جماعة الكتاب فيه شيت ولا لا .. محدش رد عليا

علشان تسيبونى اتدبس فيه

ماشى ماشى ..

ابقوا قابلونى بقى لو حد مشيلكم فى فنكوش بعد كدة :sad:

وبعدين يا قرنفل .. أبله ظاظا مين

حاضر حاضر

هاخرس :lol:

تم تعديل 2 أبريل 2008 بواسطة vipwithyou

[إيزيس]

أبلة ظاظا يا راجل أخت شفيق