مطعم "كلبلب"!

[Sherief AbdelWahab]

تخيل كدة تبقى قاعد لا بيك ولا عليك وتلاقي واحد مأجر محل تحت العمارة اللي ساكن فيها أو قدامها.. وقرر يعمله مطعم..

وقرر صاحب المطعم دة علناً ..نهاراً جهاراً.. إنه يسمي مطعمه دة مطعم "كلبلب".. وإنه يخصصه -برضه علناً نهاراً جهاراً- لتقديم أشهى المأكولات التي تم استخراجها من لحم الكلاب..

أعرف إن الشعب الكوري الشقيق غاوي لحم كلاب ودي حقيقة مش اشتغالة.. لكن تخيل فعلاً لو المطعم دة فتح.. أزيدك من الشعر بيت.. وصاحبه عزمك على أكلة فيه.. أو إدالك عينة كلتها واستطعمتها وبعد كدة اكتشفت إنه لحم "دوكش" مفتخر..

حتعمل إيه؟

خلص الكلام

[إيزيس]

http://www.aniboom.com/Player.aspx?v=1456&ser=2-1449-5

[Sherief AbdelWahab]

كل الأفكار الجديدة بتواجه بمقاومة شرسة في الأول.. بعد كدة بتبقى مستأنسة ومألوفة خصوصاً لو قبلها وروج لها أشخاص بعينهم في المجتمع بتاعنا..

ومع اعتيادنا على مطاعم الكلاب السريعة ممكن تلاقوا أصناف زي اللي بيقدمها مطعم كلبلب المحترم:

كانيش بيرجر

دوكش فيليه

دوبرمان ناجتس

لولو زينجر بالخلطة السحرية

وإن كان فيه ناس شايفين إن المسألة حتبقى طبقية لما حتنتشر المطاعم دي.. فحتظهر عربيات كبدة كلاب شعبية وكلها طبعاً كلاب دوكش.. أما اللولو والكانيش فحيلقى قبول من البعض في الطبقات الراقية ، واستنكار من البعض الآخر بما إن الكانيش غلبان والأولوية لتخليص مصر من كلاب "الدوكش" "البيئة" اللي بتعيش في أحيائهم!

خلص الكلام

[shawshank]

ده هيبقى فيه Hot Dog ؟