كيف أعرف أن مياه الصنبور صالحة للشرب والاستعمالات الآدمية؟

[محمد عبدالعزيز]

السؤال هو: كيف أعرف -بطريقة علمية- أن مياه الصنبور صالحة للشرب والاستعمالات الآدمية؟

باختصار هناك حيرة فى هذا الأمر وشك أن المياه عسرة -لأن الصابون لا يرغى كالمعتاد- وأريد أن أعرف مدى صلاحية مياه الصنبور فى بيتى للشرب والاستعمالات المنزلية, هل هناك جهات متخصصة موثوق فيها فى مصر تقدم هذه الخدمة؟

هل هناك طريقة يمكن أن أستخدمها بنفسى لمعرفة مدى صلاحية المياه؟

قرأت فى بعض المواقع الأخرى أن عسر الماء نوعين:

- عسر مؤقت يتم إزالته بالتسخين.

- عسر دائم يتم التخلص منه بتفاعلات كيميائية فى محطات التحلية.

كيف يمكننى التفرقة بين العسر الدائم والعسر المؤقت, وهل أى من النوعين يعد خطراً على الصحة العامة فى حالة استخدامه فى الشرب؟

أتمنى أن أجد من المتخصصين من يفيدنى فى هذا الموضوع.

[nash]

أخي الكريم بيتهيالي افضل حل لهذا الموضوع تركيب فلتر من نوعيه جيده....

وستكتشف بنفسك ...اشياء وكائنات غريبه....

[vipwithyou]

بلاش تسمع كلام أم ياسر لأنى مجرب

واسأل مجرب ولا تسأل دكتور تفسير

هتلاقى تانى يوم الفلتر اسود بدرجة لا تتخيلها

دا غير الصراصير اللى هتلاقيها محبوسة فى الحنفيه

خليها على الله بس واشرب وخلاص

ما سبق كان للدعابة .. ( طبعا ً أنا مقتبش العبارة دى من الأستاذ عادل )

ياسدى الفاضل غير الفلتر يوجد جهاز رأيته فى السعودية قبل نزولى ويوجد حاليا ً فى مصر تكلفته حوالى من 1000 الى 1500 حـ

وهذا الجهاز كما قيل عنه انه يمرر الماء على مراحل مختلفة وذلك لتنقيتها

هذا والله اعلم

الجهاز اللى شفته فى السعودية كان امريكى

[قديم]

هذا الموضوع دايم يؤرقنا كثــيرا . واصبح تلوث المياه شي اساسي حتي ان مياه الصحــه اللي تباع معبأه ومغلفــه لم تعد كذلك

فلو سمحت استاذ محمد عبد العزيز لو نظيف الي تساءلك السؤال التالي والمقتبس من اصل الاستفسار وهــو

الاثار الجانبيــه ايضا للتفعلات الكيميائيــه والمستخدمه في وحدات التنقيـه المنزليــه

شكرا لك على الطرح وكنت بحاجه الي مثل هذا السؤال والبركــه في الاعضاء الكرام

تم تعديل 31 مارس 2008 بواسطة قديم

[nash]

وهذا الجهاز كما قيل عنه انه يمرر الماء على مراحل مختلفة وذلك لتنقيتها

هذا والله اعلم

هوه ده جهاز غير الفلتر؟؟ :sad: والله العظيم ده فلتر...بس ناسيه اسمه....يدخل البيبسي وتطلع مياة رايقه ..دليل علي قوته...

[vipwithyou]

والله يا أخت Nash لو تعرفيلنا الجهاز اللى يعكس العمليه يبقى وفرتى علينا كتييييييييييير

عايزين بيبسى عايزين بيبسى لا ولا بلاش خليها حاجة بيضا احسن

الجهاز دة المفروض انه مجموعة فلاتر تقريبا ً 3 فلاتر ومعاهم شوية اضافات للتنقية بس

[محمد عبدالعزيز]

أشكركم بجد على التعاون الجميل ده, ولكن أحب أن أنبه إلى أن المياه نظيفة وليس هناك تلوث بكتيرى أو شوائب أو ما شابه, وطعم المياه مستساغ, المشكلة فى كون المياه عسرة, وهذا العسر ينتج عن وجود أملاح الكالسيوم والماغنيسيوم بنسب مختلفة فى المياه.

فهل وجود هذه الأملاح باى نسبة يسبب خطراً على الكلى مثلاً أم الخطر يكون فى نسب معينة من هذه الأملاح؟

وهل هناك احتياطات يمكن اتخاذها لتجنب أضرار هذه الأملاح كشرب عصير القصب مثلاً كما هو شائع؟

سؤال الأخ الفاضل قديم مهم جداً أيضاً وفى بحثى لإجابة عنه وجدت هذه المعلومات:

وقد انتشرت في الآونة الأخيرة أجهزة لتحلية المياه تعتمد على انتزاع الكالسيوم والماغنسيوم من الماء وتطلق مكانها الصوديوم لتصبح المياه مشبعة بالصوديوم بطريقة عشوائية وبتركيز عال جداً مما يؤدي إلى عديد من الآثار الجانبية لمادة الصوديوم كما ذكر من قبل. ولذلك فلابد من توضيح هذه الآثار الجانبية لقرائنا الأعزاء آملين أن يكون ذلك تحذيراً لهم للاستخدام العشوائي لأجهزة تحلية الماء.

للاستزادة : http://www.alriyadh.com/Contents/24-11-200...FORALL_4967.php

مازلت فى انتظار توضيحات أكثر عن النسب الآمنة لأملاح الكالسيوم والماغنيسيوم فى مياه الشرب, وهل يمكن أن أذهب لمعمل تحاليل طبية مثلاً بعينة من المياه لتحليلها ومعرفة هل هى صالحة للشرب أم لا؟

تم تعديل 1 أبريل 2008 بواسطة محمد عبدالعزيز

[nash]

والله يا تامر مافاكرة أسمه ..حاجه واتر...اكوا ووتر تقريبا...

انت عارف في الرياض بنشتري الميه المعدنيه علي طول وبالتالي الفلتر هنا وجوده مش مهم زي مصر...

فعلا انا بحثت عن الفلاتر أمس ووجدت أن هناك نوع من النصب بمعني تغيير خصائص المياة الصالحه للشرب لتبدو اكثر روقان...وممكن هذا التغيير يؤثر علي الصحه وخصوصا الكلي مع الإستعمال المستمر...

[محمد عبدالعزيز]

مفيش حد عنده فكرة ياجماعة يفيدنا بها فى الموضوع ده؟

[vipwithyou]

انا نزلت معايا لمصر فلاتر عادية من اللى هى بتنقى الشوائب بس وكام شمعه لهم وخلاص

مش مشكلة بقى اى تنقية تانية لانى مش عارف فعلا هل صحيح بتنقيها ولا بتخلط عليها مواد ضارة اكتر من فائدتها

ربنا يبارك لنا فى كلاوينا وهى تنقى براحتها

وكل واحد يخلى باله من كلاويه .. فاهمين

[gopy]

أنا عندى جهاز بيعتمد على تنقية المياه بطريقة التبخير و التكثيف هو بيدى نتايج ممتازة بس فيه مشكلتين أنه بيسحب كهربا كتير عشان بيستخدمها فى تبخير المياه وكمان بيهدر مياه كتير عشان بيستخدم مياه الحنفية للقيام بعملية التكثيف

المصنع اللى أشتريته منه قاللى أنهم دلوقتى عندهم نوع تانى أسمه RO بيدى تقريبا نفس نقاء المياه وبيتلافى المشكلتين دول وده رابط المصنع وفيه إحصائيات مفيدة

http://www.aquamasr.com/index.html

[Folana]

السلام عليكم ورحمة الله....

موضوع نسب أملاح الماغنسيوم والكالسيوم فى مياه الشرب..لا أعلم عنه الكثير..

ولكن سأعرض على حضرتك صور للشمعة اللى بتتركب فى الفلتر...

مفروض ان الفلتر خمس شمعات او سبعة مش متأكدة ...وواحدة منهم اظن بتتغير كل شهرين...

الشمعة اللى حاعرضها اتغيرت بعد ثلاث اسابيع...والرأى لحضرتك اذا كانت المياه صالحة للشرب ام لا...

وبالمناسبة فيه جهاز بيتركب على الماسورة الرئيسية اللى بتغذى المنزل بيعمل على منع الترسيبات داخل الماسورة

دى حضرتك صورة الشمعة قبل ماتتركب فى الفلتر

ودى حضرتك بعدها بثلاث اسابيع ...

الصور دى انا اللى صورتها اثناء تغيير الشمعة .....

ولا تعليق ...

[vipwithyou]

ثلاثة اسابيع فقط ؟؟؟

لا حول ولا قوة الا بالله

يعنى الفلتر الربانى بتاعنا اخبارة ايه دلوقتى

ربنا يستر

دا ادعى ان احنا فعلا ندور على حل ؟

الله المستعان

[محمد عبدالعزيز]

أشكرك بشدة يا أستاذ gopy على المعلومات القيمة دى, بس ياريت تكلمنا عن التكلفة المادية بالنسبة لثمن الجهاز وتكلفة استهلاك الكهرباء والمياه, يعنى عايزين نعرف لو هو مجدى اقتصادياً ولا لأ, لأنى أعتقد طريقته فى تنقية المياه أفضل من الفلاتر.

بالنسبة للصور بتاعة الأخت فلانة: أنا بصراحة أشك بنسبة كبيرة فى قصة الفلاتر دى, لأن الناس اللى شغالين فيها بينصبوا على الناس بحكاية تعكير الميه وتغير لونها, وده من وجهة نظرى الشخصية البحتة -وأتمنى حد متخصص يفيدنا فيها- بيكون نتيجة تفاعلات كيميائية عادية بين مادة الشمعة بتاعة الفلتر والأملاح الموجودة فى المياه الطبيعية, لأن المياه الطبيعية لازم يكون فيها أملاح بنسب معينة لا تمثل خطورة على الصحة العامة.

يعنى أنا مش متخيل إن المياه تبقى نازلة من الحنفية رايقة وبمجرد ماتعدى على الفلتر تغير لونه بالشكل ده فى خلال 3 أسابيع, لو المياه فعلاً فيها بلاوى سودا كده مش معقولة يبقى لونها شفاف, ولا إيه؟

[Folana]

السلام عليكم ورحمة الله....

اخى الفاضل محمد..أنا كنت كتبت تجربتى مع الفلاتر فى موضوع ما هنا مش متذكرة اسمه الان ...

لكن بخصوص تفاعل المياه مع المادة الكيميائية لشمعة الفلتر وتحويلها الى هذا اللون...لو حضرتك لفيت الصنبور بقطنة طبية عادية وانتظرت لاخر اليوم مع استعمال المياه طبعا...حتقدر تلاحظ بسهولة تحول لون القطنة الى اللون البنى الغامق...وبالنظر داخلها حتقدر تلاحظ وجود بعض الشوائب...

الفلاتر لا تتخلص من نسبة الاملاح الموجودة فى المياه...الكلام ده سمعته من المسئول عن تركيب الفلتر بعد ان قام بتحليل كوب من ماء الحنفية بواسطة جهاز صغير معه..ورأيت تعكر المياه وتحويل لونها وظهور شوائب كثيرة....ومرة اخرى قام بتحليل كوب من مياه الفلتر بعد تركيبه...اختفت الشوائب واللون الاخضر للمياه واصبح لونها يميل الى الصفار..وفسر ذلك بوجود الاملاح المختلفة فى المياه...وقال ان لو لون الماء اصبح رائق جدا وشفاف بعد تحليله فمعنى هذا انه غير صحى لتخلصه من الاملاح الموجودة....

وبالمناسبة تعكرت المياه المعدنية بنفس درجة مياه الصنبور....

وأنتظر معك تفسير من احد الاخوة المختصين....

[محمد عبدالعزيز]

الأخت الفاضلة فولانة, أشكرك جداً لحرصك على إفادتنا بتجربتك ويارب تلاقى الموضوع بتاع الفلاتر يمكن يكون فيه إضافة جديدة.

عموماً تجربة القطنة دى أعتقد إنها تعطى نتيجة جيدة بنسبة كبيرة إذا كان فى شوائب أو لأ, إن شاء الله أنفذها, وزى مابيقولوا "القطنة ما تكدبش"

وفى انتظار حد من المتخصصين يفيدنا أكتر.

[gopy]

أشكرك بشدة يا أستاذ gopy على المعلومات القيمة دى, بس ياريت تكلمنا عن التكلفة المادية بالنسبة لثمن الجهاز وتكلفة استهلاك الكهرباء والمياه, يعنى عايزين نعرف لو هو مجدى اقتصادياً ولا لأ, لأنى أعتقد طريقته فى تنقية المياه أفضل من الفلاتر.

أستاذ محمد,

اسف جدا لتأخرى فى الرد بس ماشفتش الموضوع تانى إلا النهارده,

هو الجهازاللى عندى سعة 20 ليتر تمنه حوالى 1800 جنيه الميزة اللى فيه إنه مافيهوش فلاتر بتتغير يعنى الحكاية كلها صيانة شهرية ممكن تعملها بنفسك أو تتفق مع الشركة تبعتلك حد وده بيكلفك 15 جنيه شهريا

انا كنت راضى جدا عن الجهاز ده لغاية لما الكهربة سعرها غلى فالجهاز حسب كتالوج الشركة بيسحب 2.5 ك و لكل ساعة تشغيل ومتوسط تشغيله اليومى لأسرة صغيره هايكون فى حدود 2 ساعة فأنا لاحظت أن تشغيل الجهاز بيخلى أستهلاك الكهرباء عندى فى شريحة أعلى فابالتالى بدفع فاتورة كهرباء أكتر و بالمتوسط كده الجهاز بيكلفنى فى حدود 50 جنيه شهريا كهرباء

المشكلة الحقيقية فى كمية المياه التى يحتاجها الجهاز للقيام بعملية التكثيف يعنى عشان يعمل ال 20 ليتر بتوعه بيحتاج حوالى 80 ليتر طبعا أنت ممكن تخزن الياه دى وتعيد إستخدامها لكن أنا لقيت الحل ده موش عملى بالنسبة لى

الجميل أن فى نوع تانى من الفلاتر أسمه RO بيدى نفس نتيجة التنقية تقريبا وبنفس السعر أنا لو حبيت أركب فلتر تانى هاجيبه

أتمنى انى أكون قد أضفت ودمت بخير يا عزيزى

[Folana]

الأخت الفاضلة فولانة, أشكرك جداً لحرصك على إفادتنا بتجربتك ويارب تلاقى الموضوع بتاع الفلاتر يمكن يكون فيه إضافة جديدة.

عموماً تجربة القطنة دى أعتقد إنها تعطى نتيجة جيدة بنسبة كبيرة إذا كان فى شوائب أو لأ, إن شاء الله أنفذها, وزى مابيقولوا "القطنة ما تكدبش" :sad:

وفى انتظار حد من المتخصصين يفيدنا أكتر.

السلام عليكم ورحمة الله...

الحقيقة هو مافيش موضوع تانى عن الفلاتر...دى كانت مداخلة فيها نفس الكلام لذا نوهت انى كتبته قبل كده..بس احيانا بأختصر فى الكلام

بعد الرجوع للاخصائيين ...أكدوا فعلا ان المياه كده طالما الصابون مش بيرغى فيها يبقى نسبة الاملاح بها عالية وزى ما توقعت حضرتك ارتفاع نسبة الاملاح فى الماء بيضر فعلا اجهزة الجسم.....

والصورة المعروضة هنا صورتها النهاردة بعد أن قام مهندس الصيانة بتحليل 3 اكواب ماء...واحدة من الفلتر وواحدة مياه معدنية وثالثة ماء حنفية عادى

مش حاعرض ماء الحنفية رحمة بضعاف القلوب

الكوب الصغيرة دى لمياه الفلتر بعد تحليله واللون الاصفر دليل وجود نسبة الاملاح ..

والكوب الاخر الملون ده ..مياه معدنية بعد التحليل ايضا

[محمد عبدالعزيز]

أشكرك بشدة يا أستاذ gopy على المعلومات القيمة دى, بس ياريت تكلمنا عن التكلفة المادية بالنسبة لثمن الجهاز وتكلفة استهلاك الكهرباء والمياه, يعنى عايزين نعرف لو هو مجدى اقتصادياً ولا لأ, لأنى أعتقد طريقته فى تنقية المياه أفضل من الفلاتر.

أستاذ محمد,

اسف جدا لتأخرى فى الرد بس ماشفتش الموضوع تانى إلا النهارده,

هو الجهازاللى عندى سعة 20 ليتر تمنه حوالى 1800 جنيه الميزة اللى فيه إنه مافيهوش فلاتر بتتغير يعنى الحكاية كلها صيانة شهرية ممكن تعملها بنفسك أو تتفق مع الشركة تبعتلك حد وده بيكلفك 15 جنيه شهريا

انا كنت راضى جدا عن الجهاز ده لغاية لما الكهربة سعرها غلى فالجهاز حسب كتالوج الشركة بيسحب 2.5 ك و لكل ساعة تشغيل ومتوسط تشغيله اليومى لأسرة صغيره هايكون فى حدود 2 ساعة فأنا لاحظت أن تشغيل الجهاز بيخلى أستهلاك الكهرباء عندى فى شريحة أعلى فابالتالى بدفع فاتورة كهرباء أكتر و بالمتوسط كده الجهاز بيكلفنى فى حدود 50 جنيه شهريا كهرباء

المشكلة الحقيقية فى كمية المياه التى يحتاجها الجهاز للقيام بعملية التكثيف يعنى عشان يعمل ال 20 ليتر بتوعه بيحتاج حوالى 80 ليتر طبعا أنت ممكن تخزن الياه دى وتعيد إستخدامها لكن أنا لقيت الحل ده موش عملى بالنسبة لى

الجميل أن فى نوع تانى من الفلاتر أسمه RO بيدى نفس نتيجة التنقية تقريبا وبنفس السعر أنا لو حبيت أركب فلتر تانى هاجيبه

أتمنى انى أكون قد أضفت ودمت بخير يا عزيزى

أنا متشكر جداً لمساعدتك.

بس زى ماحضرتك قلت كده بالظبط, تكلفة الكهرباء كتير شوية.

أنا بفكر أتصل بالشركة وأستفسر منهم عن الجهاز الجديد اللى حضرتك قلت عليه ده.

:unsure:

[محمد عبدالعزيز]

الأخت الفاضلة فولانة, أشكرك جداً لحرصك على إفادتنا بتجربتك ويارب تلاقى الموضوع بتاع الفلاتر يمكن يكون فيه إضافة جديدة.

عموماً تجربة القطنة دى أعتقد إنها تعطى نتيجة جيدة بنسبة كبيرة إذا كان فى شوائب أو لأ, إن شاء الله أنفذها, وزى مابيقولوا "القطنة ما تكدبش" :unsure:

وفى انتظار حد من المتخصصين يفيدنا أكتر.

السلام عليكم ورحمة الله...

الحقيقة هو مافيش موضوع تانى عن الفلاتر...دى كانت مداخلة فيها نفس الكلام لذا نوهت انى كتبته قبل كده..بس احيانا بأختصر فى الكلام :unsure:

بعد الرجوع للاخصائيين ...أكدوا فعلا ان المياه كده طالما الصابون مش بيرغى فيها يبقى نسبة الاملاح بها عالية وزى ما توقعت حضرتك ارتفاع نسبة الاملاح فى الماء بيضر فعلا اجهزة الجسم.....

والصورة المعروضة هنا صورتها النهاردة بعد أن قام مهندس الصيانة بتحليل 3 اكواب ماء...واحدة من الفلتر وواحدة مياه معدنية وثالثة ماء حنفية عادى

مش حاعرض ماء الحنفية رحمة بضعاف القلوب

الكوب الصغيرة دى لمياه الفلتر بعد تحليله واللون الاصفر دليل وجود نسبة الاملاح ..

والكوب الاخر الملون ده ..مياه معدنية بعد التحليل ايضا

متشكر جداً يا أستاذة فولانة على معلوماتك القيمة بخصوص زيادة نسبة الأملاح فى المياه.

ومتشكر كمان على الصورة اللى حضرتك صورتيها للمياه بعد التحليل, بس بصراحة أنا أعتقد إن شهادة مهندس الصيانة مجروحة ﻷن ده شغله وأكيد حيقول عليه كده, إلا إذا كان حد انتى بتثقى فيه إنه مش بيعمل شغل وخلاص.