رسالة (كلمنى شكرا) من فودافون .!!!

[badroora]

من فترة ليست بالقصيرة كانت تصلنى رسايل من اخواتى واصدقائي مضومنها كلمنى شكرا وبما اننا بقي فى الغربة اى حاجة زى كدا تسرع ضربات قلبك وتفزعك وتقومك من عز نومك او لو فى ايدك شغلانه تسيبها عشان تكلم صاحب الرسالة .

وبعد كدا تكتشف انه بيهزر ما يقصدتش شيء .

بعد كدا مخدتش فى بالى ومش كنت اعرف ان دى خدمة مجانية من فودا فون بقيت كل ماتجيلي رسالة كلمنى شكرا اتصل اتصل لحد ماتخرب بيتى وفى النهاية يطلع هزار .

تجيلي الرسالة بقيت اطنش يطلع عن اللى باعت الرسالة كان عوزنى ضرورى بس معندوش رصيد يرن او يكتب رسالة .

طيب يعنى لما فودافون عملتها خدمة مجانية طيب مايبحبحوها شوية ويخلوا الزبائن تكتب لو كلمتين جنب الرسالة يحدد المخزى من الرسال كهزار ,استهبال,استظراف,او عاوز حاجة بجد .

لان بكدا عامل زى اللى بيمثل الغرق ولما غرق بصحيح محدش انقذه ظنهم انه بيهزر .

وكلمنى شكرا

[~Heba~]

كلمينييييييي و شكرا يا بدردر mft:

الحمد لله انا مش فودافون بس دخلت ارد عشان صاحبتنا تشوف شغلها :waf:

[badroora]

تسمحى تقبلي منى الهدية دي :blink:

[محمد عبدالعزيز]

لان بكدا عامل زى اللى بيمثل الغرق ولما غرق بصحيح محدش انقذه ظنهم انه بيهزر .

إنتى كده جبتى المفيد يا أستاذة, يبقى اللى بيستظرف وبيهزر بالخدمة هو اللى غلطان ويستاهل الغرق.

المفروض إننا نستخدم الخدمة صح فى غرضها, مش نسئ استخدامها ونرجع نطلب من الشركة تساعدنا على إساءة استخدامها.

أنا متخيل لو الشركة استجابت لطلبك وزودت كلمتين حنلاقى نفس الناس اللى بتهزر وتستظرف حتفضل تهزر وتستظرف, إذن المشكلة والعيب فى المستخدم مش فى الخدمة.

[رمضان]

انا مش معاكي يا بدرية ليه بقى قلتيلي ليه لان احيانا كتيرة جدا فيه ناس بيكون مش معاها رصيد وعوزاكي ضروري فلازم انتي اللي تتصلي

او ناس في صحراء ومفيش ماية ولا اكل وتايهين فيعملوا ايه

[Einstein]

انا بقي جتلي رسائل كتر كلمني و شكرا من ارقام مجهولة

ولما اتصل بيها يقولي : اسف الرقم غلط

يعني من الاخر طريقة جديدة للمعاكسات

لو رد عليه خنشور يبقي النمرة غلط و عبد الموجود موجود ؟؟ wst::

اما بقي لو صوت ناعم يبقي نتعرف