اللهم أحفظ دولة الإمارات وسائر بلاد المسلمين

[se_ Elsyed]

أعتقد إن ما فيش مصري داخل او خارج مصر إلا ويُحب الإمارت وأهلها الطيبين .. واللي زرع فينا هذا الحب هو ذلك الرجل المحترم الدمث الخُلق ذو الذكرى العطرة .. المرحوم الشيخ / زايد آل نهيان ....

ومعه شريكه الأشهر راشد آل مكتوم وإبنه الشيخ محمد حاكم دبي

حتى على مستوى الشعب .. فالشعب الإماراتي شعب محترم جداً وخلوق ومحب للعمل والإجتهاد ... وفعلاً الناس على دين ملوكهم ...

ولكن ألمني كثيراً تلك الكوارث المتتالية والمتعاقبة التي تتعرض لها دولة الامارات الحبيبة .. كل هذا خلال أقل من إسبوعين ..

فبدأت بحادث مُروع على طريق دبي أبو ظبي وتصادم اكثر من مائتي سيارة وكان هناك ضحايا وجرحى بالعشرات وخسائر مادية جسيمة ...

ثم في الإسبوع التالي إنفجار في مستودع للألعاب النارية باحد المناطق الصناعية بدبي أيضاً مما أوقع خسارر بشرية قليلة وخسائر مادية جسيمة نتيجة لإحتراق الكثير من المستودعات .,,

ثم بالأمس خبر مؤلم وخارة كبيرة .. إحتراق العديد من المحال التجارية في منطقة نايف الشعبية بدبي القديمة ( الديرة ) وهي منطقة أعرفها جيدة . حيث انها من أكثر المناطق الشعبية المكتظة بالسكان والمحال التجارية بالإمارات وتُشبه إلى حد كبير الموسكي أو العتبة لدينا بالقاهرة .. وهي منطقة يتركز فيها أبناء شرق أسيا الهنود والباكستان والبنغال بشكل يوحي لك بإنك لست في بلد عربي ....

الخبر من جريدة الخليج

الخليج

[لخبطه]

أمين يارب

قد ايه انا بحب البلد مش عارف علشان مش عايشين فيه -مداح الحي لا يطربه ولا ايه-

لكن فعلا حتى الناس اللى عايشين هناك نادر لما تلاقي شكوى من الشعب

[إيزيس]

الحقيقة الناس هنا أغلبهم محترمين و البعض منهم محترم زيادة عن اللزوم

آه و الله

خدوا الأقصوصة دي لسة حاصلة معايا من أسبوعين

أنا واحدة مشغولة و بسرعة لازم أرجع البيت و أحيانا أخرج من شغلي بدري بسرعة و أروح السوبر ماركت بسرعة و ارجع أكمل الغدا بسرعة علشان

نتغدى و ننام شوية بسرعة و أضرب لي كلمتين في المحاورات بسرعة

آخد نفسي و أكمل

و في خضم السرعة السريعة دي ماحبش حاجة تعطلني و لما أروح السوبر ماركت اختصارا للفة طويلة علشان أوصل الباركينج باعمل حركة فهلوة مصرية مش و لابد

بامشي عكس السير و اركن جنب أقرب باب للسوبر ماركت ..........ليه ؟ انتوا نسيتوا

علشان أرجع البيت بسرعة و أكمل الغدا بسرعة و و ووووووو بسرعة

الكلام ده من كام سنة بيحصل ؟ أد خمس ست سبع سنين بالتحديد

المرة دي أنا باركن و سيارة الشرطة ركنت جنبي و جالي الشرطي بكل احترام و قال: ممكن الرخصة و الملكية

أنا لم أنبس ببنت شفة ( الله يمسيك بالخير يا عمرو حورس) و بكل إباء و شمم : اتفضل دي أنا

و طبعا الحوار بيني و بين زوجي يدور في مخيلتي لأني دايما كنت أنصحة باللفة العبقرية دي و هو يقوللي لأ إوعي تكوني بتعملي كده

أقول : أنا مستحيل ده أنا بس باقول الشارع فاضي يعني و نلخص

وأتخيل الشماتة و هو بيضحك العيال علي و سرحانة في دنيا الخيال و فجأة اكتشفت إني هاتأخر ولازم أروح بسرعة علشان أكمل الغدا بسرعة و أصلي بسرعة و أذاكر لسمسم بسرعة

قلت أطلع من السيارة أقولله إعمل المخالفة و لخص عايزة أروح لكن اتحرجت قلت خليني من طلع من سيارتة اتقلت كرامته

ثم جاء الشرطي ودار بيننا هذا الحديث

_ليه يا أختي سايرة عكس السير

- الحقيقة مستعجلة و لكن أنا غلطانة و عارفة إني غلطانة يعني

- و الله يعني حرام تدفعين مخالفة 400 درهم و لمصلحتك و مصلحة الآخرين أرجو ما تسويها مرة تانية

-

مفيش كلام اتحرجت جدا و أخدت الرخصة و باقول يا أرض انشقي وابلعيني و دي كانت أول مرة أتعرض فيها للموقف ده و كل ما عقلي يقوللي

يا قرنفلة هانم عادي لفي لفتك العبقرية أتحرج من نفسي من شدة الذوق اللي بيتعاملوا بيها الشرطة هنا مع الناس

والله إن سيارة زوجي العزيز وقفت بيه في الشارع مرة عند الإشارة بالظبط يعني تعطيل لشارع كامل و مين اللي ساعده و صلح وزق و الحاجات دي ظابط الشرطة بمنتهى الأدب

هذا لا يمنع وجود العكس لكن الشرطة خصوصا منتهى الأخلاق الله يكرمهم

[إيزيس]

إيه اللي أنا كتبته ده كله

هو الموضوع كان إيه

مالوش علاقة خالص

معلش زهايمر

[galaxy]

الله يكرمك يا قرنفله الجميله و كلامك بجد بيحصل كتير هنا.. ...........حتي لو حسبولك مخالفه برضه بيبقي بأدب وبطريقه تخليكي فعلا راضيه و معترفه بغلطك................والشرطه هنا فعلا متعاونه جدا ...........والف سلامه يا قرنفله bv:- :rolleyes:

[Alshiekh]

على الرغم من جهلى التام بالامارات ،

ولكنى اذكر بالفضل الشيخ زايد وحبه لمصر ، واعتقد انه كان من الائل الذين ساهموا فى مشروعات تعمير مدن القناة بعد الحرب واذكر الاسماعيلية بالذات.

والحقيقة لا أملك سوى ان اواسى اخواننا الاماراتيون فى مصابهم.

انا لله وانا اليه راجعون.

[هشام عباس]

الأخت العزيزه قرنفل

انا مقيم في سلطنة عمان واحنا قريبين جدا من الأمارات والحال عندنا نفس الحال عندكم تقريبا

ولكنك زكرتيني بموقف شبيه جدا بموقفك ولكن حصل لأمي في مصر ودخلت غلط وبدون قصد واوقفها امين شرطه(حتى مش ضابط يعني) وهاتك يا زعيق وقلة ادب وده بالرغم من انها في سن والدته وسيده محترمه وحتى مكنتش واخده بالها انه امين شرطه ومن الخضه افتكرته ضابط وقالتله دانا أبني وكيل نيلبه زميلك( قصدها على اخويا الصغير) ومع ذلك كان في منتهى قلة الأدب معاها

والله كل ما أتزكر الموقف ده ووالدتي بتحكيه بلاقي الدموع نزلت من عيني

شفتي الفرق

[desert_eagle70]

وانا كمان ربنا يحفظ الإمارات يا رب وشعبها .. كلمة حق فى الناس دى .. طيبين جداً محترمين جداً جداً .. ربنا يباركلهم فى بلدهم ويحفظها من كل شر . انا بحب البلد دى . على فكرة فى دكاترة هنا مصريين فى أكاديمية الشرطة فى دبى وأبو ظبى .. هم بيعلموا فى مصر حاجة وهنا حاجة مش عارف .. فى مصر بيعلموهم من الشمال لليمين .. وهنا من اليمين للشمال.

[مغتربة]

و الله فعلا شهادة حق قدام ربنا الناس هنا اخلاق و محترميين جدا طبعا كل بلد فيها و فيها لكن اغلب اهل البلد هنا تعاملهم راقى جدا و الشرطه (المرور ) بجد زى ما ذكر من سبقنى قمه فى الاحترام فى التعامل و لو مثلا نزلت الصبح علشان تاخذ سيارتك و لقيت سيارة اخرى قافله عليك (و دا بيحصل كتير ) :sad: wst:: wst:: تروح انت متصل بالشرطه و هما يتصلوا بصاحب السيارة الى قافله علشان ينزل يحركها :D :D :D و لو ما استجبش خلال فترة معينه بتلاقى دوريه شرطه جايه لغايه عندك علشان تساعدك bv:- bv:- bv:-

بجد شهادة سمعتها كتير بانهم احسن الخليجيين تعاملا معنا