قواعد المرور ومين الغلطان ,,,وحزام الامان !!!

[badroora]

بصراحة للى بيحط قوانين المرور احس انه مخ مافي .

يعنى مثلا تبقي ماشي على جسر واللى قدامك يقف فجاءة عشان اللى قدامة وقف فجاءة واللى قدام قدام قدام وقف فجاءة يبقي مين الغلطان .

يقولك قواعد المرور انك لازم تترك 50 متر بينك وبين اللى قدامك طيب لما تكون سايق على جسر بعد الطلوع من منحنى واللى قدامك بيجري ووفجاءة وقف.

هل ال50 متر دول لو سايق بسرعة 70 هيكونوا كفاية لتفادي اللى قدامك ؟

انا طبعا لا اظن انك تقدر تتفادي اللى قدامك ودا اللى حصل معايا اللى قدامى ماشي وفجاءة وقف لانه خبط اللى قدامة وانا طبعا دوست فرامل على قد ماقدرت ومع ذلك لبست فيه بالمستريح والغريب بي انى بعد مافوقت وروحت المرور كلى امل ويقين ان اللى قدامى او اللى تسبب فى الحادث الاولانى لانهم طبعا 9 عربيات دخلوا فى بعض انى مش غلطانة خالص

صدمت بقرار المرور انه عاوز يلبسنى عربيتى و3 عربيات قدامى :sad:

وطبعا من هنا لهنا لبست عربيتى والبك اب اللى قدامى بس والله حرام لانى مش مقتنعة ان 50 متر

دول يمنعوا حادث وهل عمرك شوفت بين عربية والتانية 50 متر الا على الهاى واى .

دى العربيات بتبقي حضنه بعضها فى الشارع ومافيش منفس والكبري زجمة ودا يقولى مسبتيش 50 متر ,انا اساسا اتحداه عن الجسر دا بين اى عربية وعربية نص متر حتى .

هو طبعا الحمدلله وقدر الله ومشاء فعل واللى يجيى فى الحديد بقشيش بس بجد ظلم .

انا بصراحة تشاؤمت من عربيتى دي نهائي ومش طيقها يعنى حادثتين فى خلال 7 شهور ومش اى حادث الاتنين افظع من بعض بس الحمدلله باطلع سليمة بس خايفة بقي التالتة تبقي تبته والعربية تجيب اجلى wst::

حزام الامان يا جماعة اعتقد ان محدش زي خالص فى التهاون بحزام الامان يعنى انا ضد حزام الامان دا وعمرى ماستعملته فى حياتى غير 4 مرات بس بجد امبارح لما لبست فى اللى قدامى وقمت اتنطرت على الزجاج الامامى وانخبط خبطة محترمة بس بدون اثار الحمدلله .عرفت ان الله حق وان حزام الامان مهم جدا فبليز اللى مستسهتر زي يبطل استهتار ويستخدم حزام الامان .

شر البلية ما يضحك .

طبعا انا نظرا لموقفي وقت الحادث كنت مدروخة ومع انى محستس بالخبطة او بالظبط كان دبانة زى بتاعة هبة عدت على راسي فقط

المهم بعد ماروحت المستشفي اطمئنوا على درجة الوعى وانى سليمة 100%

روحت البيت صليت واسلمت من جديد وصليت ركعتين شكر لله على النجاءة

زهبنا الى المرور وقسم الحوادث ودى كانت اول مرة فى حياتى :ninja: وانا رايحة مشتأثرة والغضب على وشي قولت عشان ميقولوش انى مستهترة ومش هممنى المهم دخلت كل اللى موجودين رجالة ماعدا انا وصحبتى وواحدة تانية كانت بردوا عمله حادثة المهم

كل الرجال شكلكهم غريب اللى شارب واللى مسطول واللى مش طبيعيى وانا بقي جتلى هيسترية ضحك من منظرى وسطهم :lol:

وبعدين روحت لظابط المرور وعمالة ااقاوح معاه ومصرة انى مش غلطانة وانه اللى قدامى هما الغطلانية واذا افاجيء بيه يقولى شوفي احنا نظامنا غيركم برقت wst:: كدا وقولت ازاى يعنى وايه نظمنا بقي ونظامك قالى انتوا فى مصر بفتح الميم وكسر الصاد لو حد خبط حد شتيمة من هنا على سب دين من هنا على كفين وكدا الموضوع اتحل لكن هنا نظام وقواعد ومدرش شنوا :lol: طبعا كنت عاوزة ااقوم به بجد واتبلي عليه انه بيهين بلدي ولكن قولت يلا هو مجبش حاجة غريبة وطلع جدع وخلانى اصلح لنفسي وللقدامى ويا حرام لبس اللى قدامى 3 عربيات الله يكون فى عون التامين بتاعة .

وانا بقي التأمين بتاعى حادثتين فى اقل من سنه ومش اى حادثة :blink: حسة بقي ان مافيش ولا شركة تأمين هتوافق تقبلنى عندهم تانى wst::

ولا ابيع العربية واخلص منها وابدا صفحة جديدة مع عربية تانية وشركة تأمين جديدة wst:: ؟

يلا الحمدلله وقدر الله وماشاء فعل

تم تعديل 4 أبريل 2008 بواسطة Badria Mekkawy

[shawshank]

أولا ، الحمد لله على سلامتك ، وأي حاجة تانية بتتعوض .

يقولك قواعد المرور انك لازم تترك 50 متر بينك وبين اللى قدامك طيب لما تكون سايق على جسر بعد الطلوع من منحنى واللى قدامك بيجري ووفجاءة وقف.

هل ال50 متر دول لو سايق بسرعة 70 هيكونوا كفاية لتفادي اللى قدامك ؟

انتي متأكدة من القاعدة دي في البحرين ؟

القاعدة هنا : مسافة سيارة لكل 10 ميل في الساعة سرعة . يعني لو ماشية بسرعة 40 ميل في الساعة ، يبقى تسيبي بينك وبين اللي قدامك مسافة 4 سيارات .

دى العربيات بتبقي حضنه بعضها فى الشارع ومافيش منفس والكبري زجمة ودا يقولى مسبتيش 50 متر ,انا اساسا اتحداه عن الجسر دا بين اى عربية وعربية نص متر حتى .

ما كل دول مخالفين حضرتك . لكن اللي يقع ، يتحمل نتيجة المخالفة . وأظن من حق المرور يعطي مخالفة إذا كانت المسافة بين سيارتين صغيرة جدًا ، خصوصًا على الطرق السريعة .

انا بصراحة تشاؤمت من عربيتى دي نهائي ومش طيقها يعنى حادثتين فى خلال 7 شهور ومش اى حادث الاتنين افظع من بعض بس الحمدلله باطلع سليمة بس خايفة بقي التالتة تبقي تبته والعربية تجيب اجلى wst::

لا بعد الشر . خير إن شاء الله بس ابقي خدي بالك وعلى مهلك بعد كده ودايمًأ توقعي خطأ الغير .

ولا ابيع العربية واخلص منها وابدا صفحة جديدة مع عربية تانية وشركة تأمين جديدة wst:: ؟

هو التأمين مرتبط بالعربية واللا بصاحب العربية ؟

[Ghost]

بصي يا بدريه علشان ما اضحكش عليكي

انت كده hopless

لكن انا المحامي بتاع العيله ممكن يخرجك من القصه ديه زي البذره من البرتقاله

انت لما تخبطي اللي قدامك يبقى انت اللي غلطانه حتى لو ضرب فرامل فجأه

له

لان انت لازم يكون بينك و بينه 3 ثواني على الاقل مش بالمتر .... بالثانيه

لو فيه مطر و لا احوال رؤيه مش تمام ممكن تصل الى 7 ثواني

يعني تعدي 7 ثواني علشان توصلي لنفس المكان اللي هو كان فيه

دي القوانين المحترمه و بتاعة البلاد اللي بتفهم مرور

اما حزام الامان ده فلو انك في كندا و ما لبستيه ...............سنتك بيضه wst::

تبقى تروحي تركبي اتوبيس لان التامين هيرفع لحد ما تبيعي العربيه و البيت و تاخدي موصلات عامه

مشكله المرور في مصر خاصه من وجهه نظري ان الناس ما تعرف القواعد اصلا

فما بالك ازاي تتطبق و هي مش معروفه و لا مفهومه

يعني كام واحد فاهم الفرق بين علامه stop و علامه yeild (اعطي الاوليه)

و كتير قوي ما يعرفوا ايه لازمه النور الاصفر في المرور

انا معرفش ايه الحال في الدول العربيه و هل هم بيطبقوا القواعد و فاهمين كويس و لا ايه

بس اللي متاكد منه ان اختبار القياده في مصر هو افشل اختبار يتعمل علشان الواحد ياخد رخصه

[badroora]

نتي متأكدة من القاعدة دي في البحرين ؟

القاعدة هنا : مسافة سيارة لكل 10 ميل في الساعة سرعة . يعني لو ماشية بسرعة 40 ميل في الساعة ، يبقى تسيبي بينك وبين اللي قدامك مسافة 4 سيارات

.

ايوة لسه المرور قايلي عليها امبارح انا اسسا مش عرفة 50 متر دول قد ايه كتير ولا شوية ؟

هى مسافة 4 سيارات يعنى قد ايه كدا اقصد كام متر ؟

ما كل دول مخالفين حضرتك . لكن اللي يقع ، يتحمل نتيجة المخالفة . وأظن من حق المرور يعطي مخالفة إذا كانت المسافة بين سيارتين صغيرة جدًا ، خصوصًا على الطرق السريعة .

ما اصل لما تلاقي شارع زحمة زاى هتسيب 50 متر بينك وبين اللى قدامك طب ماهو يمكن مثلا تكون فى شارع من 3 حارات وبعدين جت تفريعة للمين او اليسار للدخول للمسار المقصود وكدا بقوا 4 حارات ولو بين كل عربية وعربية 50 متر يبقي ان شاء الله 10 عربيات وتلاقي باقي العربيات اخرها فى السعودية ولا قطر .

حتى فى مصر نفسها اللى اكبر من البحرين معمريش شفت بين العربية والعربية متر حتى.

المفروض ان اى بلد تحدد قواعد المرور على حسب نظام ومساحة البلد مش يطبقلي نظام بريطانى فى بلد متر فى متر .!!

هو التأمين مرتبط بالعربية واللا بصاحب العربية ؟

اعتقد هنا بالعربية مش بصاحبها دا لو بصاحبها يبقي انا اخدها من قصرها واجيب توك توك wst::

الله يسلمك يا رب ويكفيك شر الحوادث ويجعل كل طرقك سالكة خالية من المرور wst::

تم تعديل 4 أبريل 2008 بواسطة Badria Mekkawy

[shawshank]

بس اللي متاكد منه ان اختبار القياده في مصر هو افشل اختبار يتعمل علشان الواحد ياخد رخصه

اختبار ايه حضرتك ...

بالفلوس في مصر ممكن تطلع رخصة قيادة وانت مبتعرفش تسوق أصلاً ، ومن غير ماتروح المرور ولا تمتحن ولا أي حاجة ، وممكن من غير ماتكون نزلت مصر أصلا خالص wst::

[badroora]

تصدق يا غوص اللى عاوز قلبي يسود من نحيته بجد :ninja: ينتقدنى سواقتى او يتصل بي وانا نايمة

وانت بقي عملت الكبائر وانتقد سواقتى. wst::

شوف يا غوص انا كنت باسوق فى 6 اكتوبر بدون رخصة يعنى فى مصر مش محتاج رخصة لمؤاخذة الا اذا ربنا بقي وقغك فى شر اعمالك ومش انا لوحدى ناس كتير معندهومش رخص وبيسوقوا عالمحور والهاواى وببيسافروا ولكن ربنا بسترها معاهم .

انا اخذت رخصتى من البحرين وبمجهودى والله بدون واسطة وسقطونى ظلما وبهتانا مرتين وكفحت وعلمت نفسي بنفسي ودخلت المرة التالتة وطلعت الاولى فى الامتحان

انا الحمدلله ضميري مرتاح لانى باسوق كويس اى ينعم مقصرة شوية فى اتباع ارشادات المرور والامان بس على الاقل اعرفها كويس ويمكن ربنا يهدينى واستخدمها واستمر فيها

لان انا مشكلتى انى مثلا بعد اى حادث باسبوع اسوق بانتظام ومكسرش اشارات وبعد كدا انسي وضميري يموت وارجع تانى للى كنت عليه .

فلبيز لا تستقل بقدراتى فى السياقة لو ربنا سهللك اتحفك الحظ وجعلك تحضر الفورمولا 1 مش بعيد تلاقينى من ضمن المتسابقين وبعربية فيراري كمان wst::

تم تعديل 4 أبريل 2008 بواسطة Badria Mekkawy

[shawshank]

ايوة لسه المرور قايلي عليها امبارح انا اسسا مش عرفة 50 متر دول قد ايه كتير ولا شوية ؟

هى مسافة 4 سيارات يعنى قد ايه كدا اقصد كام متر ؟

السيارة المتوسطة أعتقد طولها في حدود 4 متر .

هي السرعة القصوى على الكوبري ده المفروض كام ؟

االمفروض ان اى بلد تحدد قواعد المرور على حسب نظام ومساحة البلد مش يطبقلي نظام بريطانى فى بلد متر فى متر .!!

ماهو عشان هي صغيرة عملوا السرعة قليلة ، خايفين تسرعي أوي تعدي الحدود wst::

[badroora]

هي السرعة القصوى على الكوبري ده المفروض كام ؟

70 او 80 مش متأكدة

بس اساسا كبري سترة دا معروف عنه انه كبري الموت لانه دايما زحمة وتريلات لان منطقة سترة منطة صناعية

بس معظم الوقت السرعة لا تزيد عن 60كم\س نظار للزحمة وخنقة الكبري

[سهران]

حمدا لله على السلامة و ما تشوفيش شر ......... متهيألي نظام المرور عالمي و مش خاص لكل دولة .. هي نفس القواعد ... أي حد يخبط أي حد من الخلف هو الغلطان ( حتى لو كان الأخت بدرية ) .......... و متهيألي القانون بيقول تحتفظ بمسافة مناسبة تبعد عن اللي أمامك تسمح لك بالتوقف فجأة لو هو وقف ......... وفقا لحالة الطريق و سرعة اللي قدامك و حالة عربيتك كمان .... ممكن تبقي سايبة سبعين متر و فراملك مش مظبوطة ... عافاك الله و عافانا و حمد الله على السلامة مرة تانية ...

[badroora]

حمدا لله على السلامة و ما تشوفيش شر ......... متهيألي نظام المرور عالمي و مش خاص لكل دولة .. هي نفس القواعد ... أي حد يخبط أي حد من الخلف هو الغلطان ( حتى لو كان الأخت بدرية ) .......... و متهيألي القانون بيقول تحتفظ بمسافة مناسبة تبعد عن اللي أمامك تسمح لك بالتوقف فجأة لو هو وقف ......... وفقا لحالة الطريق و سرعة اللي قدامك و حالة عربيتك كمان .... ممكن تبقي سايبة سبعين متر و فراملك مش مظبوطة ... عافاك الله و عافانا و حمد الله على السلامة مرة تانية ...

الله يسلمك يا رب , ويا رب الشر ميجيك ابدا .

والله العربية جديدة دى حتى استعمال سيدة اجنبية :lol: يعنى فوق مستوي الشبهات وكمان كنت لسه من يومين عاملة ال service .

بس فى حاجة غريبة انا طبعا عملت الحادث وانا راجعة وانا رايحة الصبح كانت بتجيلي احاسيس غرييبة اول شيء كان فى الحارة اللى جنبي 2 تريلا كبار فجئه ضربات قلبي بقت سريعة وجتلى فوبيا واحساس انهم هيفرمونى بينهم على الرغم انهم جنبي وبقيت طول الطريق احس ان العربية مش متوازنه يعنى عمالة تتمرجح فى الطريق على رغم ان عربيتى طبعيتها تقيلة وراسية زى صحبتها .

تقريبا يا عينى كان قلبها حاسس .

يلا الحمدلله والله يكفينا شر الحوادث يا رب

شكرا i*:

تم تعديل 4 أبريل 2008 بواسطة Badria Mekkawy

[Ghost]

يا بدريه يا اختي انت عارفة

انا و الله بحب اناغشك كده كل شويه

و له انا قلت انك غلطانه

علشان ده اللي لازم تعرفيه

اي حد يخبط اللي قدامه يبقى هو اللي غلطان

فلما تطلعي من المشكله ديه على خير تعرفي ان الحمد لله اني طلعت منها

لكن عموما انا بحس ان النساء اقل من الرجال كثيرا في القياده

مع الاستثناءات

اختبار ايه حضرتك ...

بالفلوس في مصر ممكن تطلع رخصة قيادة وانت مبتعرفش تسوق أصلاً ، ومن غير ماتروح المرور ولا تمتحن ولا أي حاجة ، وممكن من غير ماتكون نزلت مصر أصلا خالص

i*:

عارف و الله

لكن كلامي كان على اللي دخل الامتحان بشخصه و نجح فيه

مفكر ان سواق و عارف قواعد المرور

لكن كثره الحواداث في مصر و موت الالف على الاسفلت لهو خير دليل على ان القوانين و القواعد العالميه مش مفهومه و لا مطبقة

[badroora]

لكن عموما انا بحس ان النساء اقل من الرجال كثيرا في القياده

مع الاستثناءات

لا مش شرط بدليل ان الحادثة بتاعتى كانت 9 عربيات 8 رجال وواحدة نساء اللى هى انا :lol:

يعنى النسبة 1:8 يبقي الرجال يبطلوا سياقة ويسبوا الطرق للنساء تبدع :lol:

[Ghost]

يالله

ستات و رجاله ....

المهم ان ربنا يحفظنا جميعا من شر الطريق

و تقبلي تحياتي عزيزتي بدريه

[Alshiekh]

أولا حمدا لله على سلامتك ، وربنا يكفيكى شر الطريق

ثانيا: لما يكون المرور زحمة ، ماتسوقيش بسرعة ، وماتشغليش نفسك بأى حاجة ، وركزى كل تفكيرك فى الطريق وبس ، مافيش موبايل ، مافيش بص يمين وشمال على اعلان او عربية شكلها حلو او غريب. معلهش احنا بنتكلم يعنى. مهم جدا وانتى بتسوقى انك تعملى مسافة مناسبة بينك وبين السيارة اللى امامك ، مش مهم المرور بيقول اد ايه ، لان اللى المرور بيقولوه هو الحدود القصوى والدنيا ، ولكنها تختلف بالطبع من شخص لآخر حسب تركيزه اثناء القيادة. دايما حاولى تبقى بعيد عن الزحمة حتى لو اضطريتى انك تسوقى بسرعة اقل من الغير او اقل من المسموح ، وماتشغليش بالك ان واحد غتت يسبقك ، او يدخل قدامك ، ماتحاوليش تبصى فى المرآة الا اذا كنتى حاتنقلى من حارة لحارة ، لانك فى حالات زحمة المرور ممكن فى اللحظة اللى بتبصى فيها فى المرآة ، تكون العربية اللى امامك خفضت سرعتها او حتى توقفت وتلاقى نفسك لبستى فيها. ودايما تركيزك يكون فى خطأ السيارة التى امامك ، ودايما كبرى المسافة اللى بينك وبين العربية اللى قدامك كلما كانت كبيرة لانها تحجب عنك رؤية الطريق ، ودايما حطى فى اعتبارك انك تراقبى الطريق امامك ، وليس فقط السيارة التى امامك مباشرة .

ومرة ثانية حمدا لله على السلامة ويعوضك خير عن اى خسارة.

[badroora]

الله يسلمك يا استاذ محمد

وفعلا كلام حضرتك صح 100% .

حتى لما قولت لظابط المرور اللى قدامى وقف فجأءة وانا زنبي ايه قالى مسئوليتك هى كيفية تفادي اخطاء الاخرين وخصوصا اللى قدامك قبل مسئولية نفسك

ترى ممكن اللى قدامك يغدر بكي فجاءة فلازم تكونى مؤمنة نفسك كويس تحسبا لاى حركة غدر من اللى قدامك :closedeyes: فكرنى بذئاب الجبل

يلا الحمدلله نعيش ونتعلم