لماذا نحن هنا ؟؟

[غـــاردين]

المنتديات هل هي :

احتياج ... ام تفريغ لكبت يحاصرنا ...

هل هي ...بداية لتعلم فن الحوار وقول الراي وسماع الراي الاخر.

هل هي .. وسيلة لتحقيق اكبر من التواصل مع الاخرين دون ان يكون للمعلومة او الفائدة وجود.

هل تصبح المنتديات .. هي المقياس الحقيقي .. لقياس الراي العام.

لماذا نكتب في المنتدى .

هل تحققت اهدافنا من المشاركة في المنتديات .

هل اكتسبنا معرفة ام اصدقاء او ما يشبه الاصدقاء من الكتابة في المنتديات .

المنتديات حلم جميل .. نجرب فيه خربشة الكتابة .. دون تصيب تلك الخربشة احد ما.

[Al 7aZeeN]

سأتكلم عن نفسى وأقول أن هذا المنتدى بالذات قد أضاف لى الكثير ووسع أفق معرفتى بشكل كبير وأصبحت أفكر بطريقة أوسع فى الأفق وأعطى لى الكثير من الأفكار التى لم أكن لأتخيل أننى يكن أن أناقشها أو أتابع مناقشتها فى يوم من الأيام0

وللحديث بقية00000

[Salwa]

تحياتى.

تسألين لماذا نحن هنا؟

واجيبك....عن نفسى اتكلم.

كنت أقرأ جريدة الوفد....وفجأة ظهرت ،محاورات ال صريين،

لست ادرى للآن...كيف.

كان هذا تقريبا...فى سبتمبر 2002....سجلت اسمى ولم اكتب شئ

كنت اكتفى بالمتابعة...وانا انسانة لا احب ان اضع نفسى فى موضع

شك...

لا احب ،الشات، ..ولا التعارف عن بعد...ولاشئ من هذا القبيل.

فى يناير 2003 كان فيه موضوع كم يساوى المصرى.

وبدون تفكير...سجلت نفسى مرة اخرى....وكتبت.

ماوجدته فى المنتدى.....اقولك.

بلا رياء.

لأول مرة....واقصدها بمعناها الحرفى للكلمة...

اشعر انى اتعامل مع ناس...تفكر مثلى...،وحتى لو اختلفنا....

كل منا يكن منتهى الاحترام للآخر...

افيد..واستفيد...لأول مرة فى حياتى...اتناقش...بلغتى.

احساس يسعدنى كثيرا....

وجدت ابناء وطنى...الحقيقيين...على درجة عالية من النضج..ويشرفونى...

لاأخجل ولاادارى....وأمام زوجى وأبنائى....اقول..

اتركونى الآن....أنا مع اهلى....اللى اعرفهم فقط من خلال كتاباتهم.

فراغ؟

آخر واحدة فى العالم ...عندها فراغ....أنا.

ولكنى ...أسرق الوقت.

افضل ان أكون معكم....ولا اتناول ،واحد كافيه،مع أعز صديقاتى هنا.

على فكرة...

برضه أكتشفت انكم....أعز الاصدقاء......وبحبكم....أكتر منها..

حاجه ملهاش تفسير؟

احترام العقل....أدب الحوار....دفء المشاعر الوطنية،،والأخيرة ايضا

اقصدها بمعناها،،

اترككم الآن ياأصدقائى....والى اللقاء....فى فرصة اخرى.

سلامى.

[M.H.M]

سأتكلم عن نفسى وأقول أن هذا المنتدى بالذات قد أضاف لى الكثير ووسع أفق معرفتى بشكل كبير وأصبحت أفكر بطريقة أوسع فى الأفق وأعطى لى الكثير من الأفكار التى لم أكن لأتخيل أننى يكن أن أناقشها أو أتابع مناقشتها فى يوم من الأيام0

هذه بالضبط ما أشعر به فقد أستفد بالفعل من هذه المنتدى الطيب

وأبضا تعرفت على ناس محترمة جدا أفادونى فى كثبر من الأشياء .......على الرغم من أختلافى مع بعضهم..........الا أنى بالفعل أكن لهم احتراما كبيرا

ولا داعى لذكر أسماء :lol:

حتى لا أنسى أحد وتبقى وحشة فى حقى :lol:

وغير هذا وجدت مكان أعبر فيه عن نفسى وعن أرائى من غير حرج بل ويسمعنى كثير من الناس الذين يتقاربون فى تفكيرهم معى بل ويزيدون على أيضا فى المستوى الفكرى

فاللهم بارك فى هذا المنتدى :lol:

[الطفشان]

اظن انه كان هناك موضوعات كثيرة سابقة لها مضمون مشابه

و اظن ان احدها اسمه كان "لماذا نكتب" او شئ من هذا القبيل

لرجو من من يتذكر الاسم او الوصلة ان يضعها هنا لتمام الفائدة للكل

[Lancelot]

إسمحوا لي أن أتحدث عن نفسي .... أنا عرفت المنتدي ده من مجلة الأهرام العربي ... هي ديه الحقيقة و الله ... فيه واحد بيكتب في الأهرام العربي إسمه سيد علي ... بيكتب مقال صغنن إسمه ببساطة .... في بداية هذا العام كان بيختار أفضل و أسوأ ما في عام 2002 و إختار أفضل موقع علي النت هو محاورات المصريين .... قلت في عقل بالي ... إيه محاورات المصريين ده .... و ليه واحد زي سيد علي – و هو كاتب متميز ساخر و أحد أسباب متابعتي للأهرام العربي - .. ليه يختار الموقع ده ... و كان لازم أعرف بنفسي .... بحثت في عجيب عن المحاورات .... و لاقيت الموقع علي طول ... لاقيته منتدي مش موقع عادي ... و كنت قبلها بشهر واحد قد تعرفت علي معني منتدي ... مكنتش أعرف يعني إيه منتدي .... و بدأت أقرأ ... و البقية إنتوا عارفينها ... أكيد حصلكم زي اللي حصلي ... إستمريت في القراءة و بعدها بدأت الكتابة ... و توقفت فترة و عدت ... لكن الدافع دائما هو إني لاقيت نفسي هنا ... لاقيت إني سعيد بإني بأنشط أفكاري .. بأجددها ... بأتحدها ... أو حتي أغيرها ... و ديه حاجة صدقوني صعبة إن الواحد يلاقيها بره ... خاصة بين الشباب ... محدش فاضي لوجع الدماغ ده ...

عموما الواحد مستريح أوي للمشاركة معاكوا في المنتدي هنا .... و ربنا يحفظكوا يا رب ....

و إسمحوا لي أن أحيي السيدة سلوي علي مداخلاتها التي صارت في كل مكان بالمنتدي تقريبا .... لأن إسلوبها جميل جدا و شيق في الكتابة و ترتيب الأفكار ... اللي أشبه بالقصص القصيرة و كتابات المحترفين منها لكتابات باقي الأعضاء ....

و أشكر غاردين (اللي هي عضوة يا جماعة علشان بتزعل)... أشكرها علي هذا الموضوع .... و نتمني أن تستمر معنا ..... و ياريت و النبي تجاوبي علي سؤالي ... يعني إيه غاردين .....

شكرا ....

[بنت شعنونة]

لو ها نتكلم عن المنتدا دا شخصيا

يبقى انا هنا لآني وجدت الفئة العمرية هنا اكبر عن بقية المنتديات

كما وجدت نسبة المواضيع الجادة فيه كتيييييييير

وانا بموووووت عشان اتحاور مع ناس اكبر مني

بحب افهم الدنيا اكتر وافهمها زي ما هما فمهوها

يمكن اتعلم اكتر :? وب اقل الخسائر

انما الظاهر انا تلميذة بليدة على طول الخط :(

احب ان اتكلم بتلقائية بدون رتوش او تلميحات واقول للآعور انت اعور في عينه حتى لو فيها مقتلي

في الحقيقة بعمل كدا كمان

وان كان من يحبوني يحاولون تكبيل هذا الجموح

وانا بحاول معاهم كمان.. :roll:

هنا انا اتكلمت في مواضيع كتييييير

وفي حاجات اكتر اكتشفت اني عمري ما عرفتها او عرفتها غلط

حاجات تانية اتغيرت جوايا وبعد ماكانت حقائق بقت شكوك!!

خصوصا الحاجات الدينية

ربنا يساااااااااااااامحكوا بقى في الجزئية دييييي :twisted: :twisted: :twisted:

لقيت كذا ماما طيبين اوي هنا

ولقيت كذا اخت واخ بيخافوا عليا بجد

زي برضه ما لقيت مجرد "وجوه" لشيء طيب والله اعلم بالدواخل

على راي بابا

النت دي ها توديني ورا الشمس

يا اما بمصيبة اعملها

يا اما ب ادماني ليها..

ادعولي ربنا يشفيييييييييييني من الأدمان دا :roll: :lol: :lol: :lol: :lol: :lol:

[غـــاردين]

أنا كنت مترددة في طرح الموضوع خوفا من تكراره و كنت أشعر أنني قرأت شيئا مماثلا هنا .. لذلك لو كان هناك موضوع مفتوح من قبل بنفس الفكرة ياريت الإدارة تدمجه مع الآخر ..

و شكرا لك من كتب رد ..

و قد لاحظت أننا جميعا متشابهون في البداية و المراقبة عن بعد و نفس الأهداف التي ننشدها تتوحد داخلنا .. و فعلا بدأت اؤمن بأن الإنسان عندما يقرأ أفكار غيره قد تتغير بعض مفاهيمه و ينظر للمواضيع بأكثر من زواية تغني فكره و توسع مدراكه و آفاقه ..

أنا عن نفسي فعلا استفدت من هذا المنتدى بصفة خاصة كثيرا و شعرت أنه مختلف حتى في طرح المواضيع الهادفة .

لهذا نحن هنا .. و هذا يرضينا .. و الحمد لله على هذا الإجتماع .

أما من سألني عن معنى اسم غاردين .. أنا في بداية النت اخترت اسم مستعار و هو غاردينيا و هو اسم زهرة بيضاء تسمى زهرة الغروب أكيد معروفة باللهجة المصرية اسمها جاردينيا و باللهجة السعودية قاردينيا و اختلفت اللهجات .. و اخترت حرف الغين ماادري ليه يمكن لأني أحبه لأن اسم ابني غسان بحرف الغين :lol:

المهم بعد فترة اصدقائي في النت صاروا يناودني غاردي اختصارا لأسمي الطويل غاردينيا .. و مرة من المرات اطلق علي صديق عزيز عليّ أسم غاردين و انتشر و عرفت بهذا الأسم و أصبح قريب لقلبي ..

و عموما اسمي الحقيقي سهى فاختاروا اللي يريحكم غاردي .. غاردين .. أم غسان .. سهى .. اللي يعجبكم أنا كل هذه الأسماء احبها :)

معليش كلامي كثير ( رغاية ) أظن في عرق هندي :?

شكري و تقديري للجميع .

[Salwa]

تحياتى.

شكرا جزيلا يا عزيزى لانسلوت.

رفعت معنوياتى....قلت ،لعائلتى الصغيرة،

هل رأيتم؟

مش قلتلكم...انهم من العائلة..

هم ايضا..مثلكم....دائما يقولون لى...ما يسعدنى ويرضينى.

ربنا يخليكم ويبارك فيكم.

انتم الامل..

ويارب يكون حظكم افضل.

وتقدروا..تحققوا...اللى مقدرناش نحققه،ليس عن عجز،

انتم فعلا شباب مبشر...واعى.

سلامى.

[Lancelot]

غاردي ... شكرا علي الشرح المطول ... مكنتش أعرف إني هأتعبك كده ... لكن حقيقي إسم جميل ... عاشت الأسامي يا أم غسان .....

الأخت سلوي .... يا رب يخيليكي ... العفو علي إيه ... أنا بس حبيت أقول رأيي .... و إن شاء الله .. نستمتع أكتر و أكتر بكتاباتك ....

و قد لاحظت أننا جميعا متشابهون في البداية و المراقبة عن بعد و نفس الأهداف التي ننشدها تتوحد داخلنا .. و فعلا بدأت اؤمن بأن الإنسان عندما يقرأ أفكار غيره قد تتغير بعض مفاهيمه و ينظر للمواضيع بأكثر من زواية تغني فكره و توسع مدراكه و آفاقه ..  

أنا عن نفسي فعلا استفدت من هذا المنتدى بصفة خاصة كثيرا و شعرت أنه مختلف حتى في طرح المواضيع الهادفة

ما هي ديه الفكرة .... المنتدي ده بالذات بيرشح الناس اللي مشتركة فيه ... و بيرشح يعني بيفلتر ... الناس اللي بيستمروا هنا ناس متشابهة في حاجات كتير ... رغم إختلافهم في الأفكار و المعتقدات .... إختلافا يمكن أن يصل لدرجة التواجه أحيانا و الخناقات أحيانا أخري ... إلا إن الواحد لو أزاح كل هذا جانبا يجد أنهم متشابهين في أشياء أخري كثيرة ....

ميزة أخري في هذا المنتدي .... هي – كما ذكرت شعنونة – إرتفاع متوسط السن .... و ديه حاجة مش موجودة علي قدر علمي في منتديات عربية أخري كثيرة ... أغلب المشتركين شباب ... هم دول أكتر مستخدمي الكومبيوتر و النت .... و تواجد ناس كبيرة هنا بيرفع من مستوي الأفكار و الأحاديث هنا ....

شكرا ....

[freefreer]

و الله بالأصالة عن نفسى .. أشكركم على مشاعركم الطيبة تجاه المنتدى .. و اسمحولى اعتبر كلامكم هذا صدى للمجهود المضنى الذى نبذله و التحديات التى نواجهها يوميا للمحافظة على مستوى المنتدى و على الأعضاء المحترمين المتميزين مثل حضراتكم .. شكرا لكم من اعماق اعماق القلب ..

:inlove: :inlove: :inlove: :inlove: :inlove: :inlove:

[ابو يوسف]

أجمل ما فى هذا المنتدى .... ان كل من به مصريين (تقريباً ! )...

لقد جربت منتديات عربية أخرى كان اعضاؤها يصيبونى بارتفاع ضغط الدم . من تفاهة الموضوعات المطروحة ... و سذاجة الردود ...

احيى كل الاعضاء المحترمين ......... مين

و المثقفين ............فين

و السادة المشرفين ..........فين

و انا و انت :cry: :lol: :D :lol: :lol:

[أسد]

الجدية ...

وحب مصر ..

وعلاقة الأعضاء بعضهم البعض ...

وكأننا نعرف بعض منذ زمن ...

هذا ما يميز هذا المنتدى ...

أنا قارئ أكثر مني مشارك .. مستمع أكثر مني متكلم ..

أقرأ الكثير والكثير .. ولا أشارك إلا قليلاً ..

لم يخطر على بالي يوماً أن أكتب مداخلة في أي مكان منتدى أو غيره .. بالرغم من أنه منذ علاقتي بالانترنت منذ نشأتها وبدايتها في عالمنا العربي .. وأنا أطلع على العديد من المحاورات والمنتديات ..

لكن هذا المنتدى .. وأعضاؤه استفزوني .. وجعلوني أشارك ..

وأتحدث ..

قليلاً .. قليلاً ..

ولكني أعرفكم جميعاً .. أتفق أو أختلف في الرأي.. ليس مهماً ..

لكن .. بالرغم من أن لا أحد يرى الآخر ..

إلا أنه هناك رابط إنساني بين الجميع ..

بالتأكيد .. هذا ما جعلنا نأتي إلى هنا ...

[goold]

أزيكم يااهل مصر الطيبين

احيكم واحى ادارة المنتدى الرائع فعلاً عن نفسى انا بستفيد كتير من كتير من المواضيع المطروحة وكبر سن الاعضاء افادنى للغاية لدرجة اننى اقلب فى المواضيع القديمة لقراءتها واجد نفسى لو محتارة فى شئ او مشكلة ما ممكن اطرحها واجد اكثر من رأى صائب يفيدنى ويرشدنى فبذلك وجدت هنا عائلة جميله احبها واحترمها ، ، ، واجد التقارب بل اجد المصريين المغتربيين هنا كتير والحال من بعضه . مع السلامة

[se_ Elsyed]

طيب بعد الشرح والأسهاب من أختنا غاردين ، جاوب بأه لو جدع يا لانسلوت وقول يعني أيه غاردين ؟ .......... :lol:

أنا أقولك ، انا أقعدت 4 أيام مانمش والسؤال ده محيرني .. لحد ماكنت قاعد بتغدى مسقعة كانت مدام سي السيد طبخهلنا وفجأة قفز المعنى الى ذهني من أول لقمة ... غارديتن يا سيدى = جاردين يعني جنينة بلغة الفرنجة ... هأهأ ، وفعلاً زي ماقالت أم غسان هنا في الخليج بيكتبوا الـ ج اللى فى الكلمات الأنجليزي غ ... والـ ق فى اللغة العربية بتتكب ج بالأنجليزي زي غازي الجصيبي هي أصلاً غازي القصيبي ده كان سفير المملكة فى أنجلترا ودلوقت وزير المياه ،

وهناك أيضاً فى بلاد الشام الـ ج فى الكلمت الأنجليزي تكتب ك بالعربي بيقولك اللغة الانكليزية .... :lol:

أى خدمه يا باشا ، وما عليش يا غاردين اللى مايعرفك يجهلك .. ويجعله عامر.

وفى الحلقة الجاية أقوللكم أنا هنا ليه :shock:

[Lancelot]

جوولد ..... أهلا بيكي في المنتدي .... نورتي .... وفي إنتظار مشاركات أخري كثيرة إن شاء الله ...

سي بيه السيد ..... متشكرين يا سيدي علي الشرح اللغوي المفصل و المصحوب بأمثلة توضيحية .... فعلا دلوقتي فهمت ... لكن يبقي سؤال محيرني و يورقني و مخليني سهران الليالي . :notify: .. إيه علاقة ده بالمسقعة .... مش فاهم ديه ... و لا ده إلهام .... أنا أعرف ناس يجيلها الإلهام في أماكن كتيرة ... منها الحمام مثلا :aa: :aa: .... و دول كتير ..... لكن عند أكل مسقعة ... فديه جديدة .... علي العموم إحنا متشكرين جدا سيادتك و منتظرين الحلقة الجاية بفارغ الصبر .....

و قبل الحلقة الجاية ... سؤال كمان علشان خاطر الجماهير .... غازي القصيبي / الجصيبي ده اللي كتب قصيدة مش عارف إيه كده فرجوعه السعودية .... صح و لا غلط ....

[crossfield]

طيب بعد الشرح والأسهاب من أختنا غاردين ، جاوب بأه لو جدع يا لانسلوت وقول يعني أيه غاردين ؟ ..........  :cry: 

أنا أقولك ، انا أقعدت 4 أيام مانمش والسؤال ده محيرني .. لحد ماكنت قاعد بتغدى مسقعة كانت مدام سي السيد طبخهلنا وفجأة قفز المعنى الى ذهني من أول لقمة ... غارديتن يا سيدى = جاردين يعني جنينة بلغة الفرنجة ... هأهأ ، وفعلاً زي ماقالت أم غسان هنا في الخليج بيكتبوا الـ ج اللى فى الكلمات الأنجليزي غ ... والـ ق فى اللغة العربية بتتكب ج بالأنجليزي زي  غازي الجصيبي هي أصلاً غازي القصيبي ده كان  سفير المملكة فى أنجلترا ودلوقت وزير المياه ، 

وهناك أيضاً فى بلاد الشام الـ ج فى الكلمت الأنجليزي تكتب ك بالعربي بيقولك اللغة الانكليزية ....  :cry: 

أى خدمه يا باشا ، وما عليش يا غاردين اللى مايعرفك يجهلك .. ويجعله عامر.

وفى الحلقة الجاية أقوللكم أنا هنا ليه :shock:

أخ سى السيد عندى إستنتاج مش عارفة هوه صح و الا لأ!!! حضرتك حاطط الكمبيوتر فى المطبخ؟ :cry: :cry:

[Lancelot]

أخ سى السيد عندى إستنتاج مش عارفة هوه صح و الا لأ!!! حضرتك حاطط الكمبيوتر فى المطبخ؟

:cry: :cry: :cry: :cry: :cry: :D :D :D :D :D :D

يمكن .... أو حاطط المطبخ في الكومبيوتر ...

خصوصا في المنتدي مواضيع زي المطبخ المطبخاوي ... و أفضل مطعم في مصر .....

منتدي يفتح النفس صحيح .....

أقترح عمل قسم خاص للمقبلات .... و نحطه في أعلي الصفحة ... :D :D

[غـــاردين]

مرحبا ..

اعتذر عن غيابي و ذلك لظروفي الصحية :( حيث دخلت في دور برد معتبر :?

المهم من خلال الإجابات كلها اتفقنا كما قلت سابقا على الإستفادة التي ينشدها الجميع ..

و على تأكيد مصرية المنتدى ..

يقفز سؤال داخلي .. هل وجودي غير مرغوب فيها نظرا لأني مش مصرية :!:

يقول سي السيد ..

أنا أقولك ، انا أقعدت 4 أيام مانمش والسؤال ده محيرني .. لحد ماكنت قاعد بتغدى مسقعة كانت مدام سي السيد طبخهلنا وفجأة قفز المعنى الى ذهني من أول لقمة ... غارديتن يا سيدى = جاردين يعني جنينة بلغة الفرنجة ... هأهأ ، وفعلاً زي ماقالت أم غسان هنا في الخليج بيكتبوا الـ ج اللى فى الكلمات الأنجليزي غ ... والـ ق فى اللغة العربية بتتكب ج بالأنجليزي زي غازي الجصيبي هي أصلاً غازي القصيبي ده كان سفير المملكة فى أنجلترا ودلوقت وزير المياه ، 

ياسلام على تأثير المسأعه ( مش كده نطقها بالمصري )

يا سيدي .. قاردن .. أو جاردن .. أو غاردن هي معناها جنينة أو حديقة .. اما اسمي أنا غاردين مختصر اسم غاردينيا و هو اسم وردة أو زهرة :wink:

لو اسمي مسبب مشكلة لأحد أغيره .. و الله أغيره .. :oops:

و بصراحة مت ضحك على القصيبي و الجصيبي .. وللمعلومية ما اظن ابدا انه وزير المياة .. على حسب ذاكرتي الضعيفة نظرا لتأثير تقدم العمر :?

وبس .

[الطفشان]

و على تأكيد مصرية المنتدى .. 

يقفز سؤال داخلي .. هل وجودي غير مرغوب فيها نظرا لأني مش مصرية  :!:

الاخت غاردين

ليس بالضرورة ان يكون غير المصري دخيل او غير مرحب به

صحيح ان المنتدى لكل شئ عن مصر و المصريين

و لكننا نناقش ايضا قضايا العالم العربي و الاسلامي ايضا

و هناك اعضاء قدامى غير مصريين

مثلا اسامة الكباريتي فلسطيني

و هو احد المنسقين، و متولي القسم الخاص بالقضية الفلسطينية على اتم وجه، و صاحب قضية

حدث من قبل ان اشترك اعضاء من دول عربية اخرى

و لم يقولوا انهم غير مصريين و بدأوا بالهجوم على مصر و التطاول على المصريين بدون موضوعية و ببذاءة

هؤلاء نلغي عضويتهم فورا

قد تجدين بعض الاعضاء هنا عندهم بعض حساسية ذائدة من انتقاد اشياء في مصر، و لكن لا اظن انك ستواجهين اي مشاكل في هذا الخصوص

لانك واضحة من البداية، و مشاركاتك لها احترامها من الاول

فمرحبا بك في المنتدى يا اخت غاردين

(شوية كبسة بقى!)