قصة وسؤال .. والعزاب والآنسات يمتنعون

[Muhammad Zidan]

القصة : في إحدى الحدائق الاسترالية المطلة على أحد الأنهار كان يجلس زوجين في نزهة وفي لحظة هجم على الزوجة تمساح كبير يبلغ طوله الثلاثة أمتار وأطبق فمه على جسد الزوجة ... فما كان من الزوج إلا أن هجم مسرعاً على التمساح ممتطياً ظهره وظل يوجه للتمساح ضربات قوية في عينيه حتى فتح التمساح فمه وخرجت الزوجة من فم التمساح ... وتم إنقاذ حياتها ...

وقد نشر الخبر في الصحف الاسترالية التي اعتبرت الزوج بطلاً قومياً وتم منحه جائزة مالية وسيارة آخر موديل .

هذه هي القصة !!!!

السؤال : ماذا نفعل لو كنت مكان هذا الزوج ؟ هل تهاجم التمساح كما فعل الزوج ؟؟ أم ماذا ؟؟؟

وياريت كل واحد يجاوب بمنتهى الأمانة ... ماشي .. ياللا بينا !!!

Muhammad Zidan

[إيزيس]

ممكن تبدأ حضرتك و تجاوب

و هنسهلك السؤال عشان انت صاحب التوبيك و أول زبون

في إحدى الحدائق المصرية المطلة على أحد الشوارع الجانبية كان يجلس زوجين يتناقشوا في الأحوال المتلاطمة و الديون المتراكمة وفي لحظة هجم على الزوجة كلب صغير يبلغ طوله واحد و نص من الأمتار وأطبق فمه على جسد الزوجة ... فما كان من الزوج إلا أن هجم مسرعاً على الكلب ممتطياً ظهره وظل يوجه للكلب ضربات قوية في عينيه حتى فتح الكلب فمه وخرجت الزوجة من فم الكلب ... وتم إنقاذ حياتها ...

وقد نشر الخبر في الصحف المصرية التي اعتبرت الزوج بطلاً قومياً وتم منحه جائزة مالية 26 جنيه بالتمام و الكمال

و 16 رغيف عيش من بتاع الداخلية .

هذه هي القصة !!!!

السؤال : ماذا نفعل لو كنت مكان هذا الزوج ؟ هل تهاجم الكلب كما فعل الزوج ؟؟ أم ماذا ؟؟؟

دي صورة الكلب قبل الهجوم

[سهران]

أيوة يا أخت قرنفل ....................... دلوقتي أقدر أقولك أني بالتأكيد هاهجم على الكلب و أخرجها من بقه ............... هو ستاشر رغيف حاجة سهلة الواحد يفرط فيها كدة ........ و كمان ستة و عشرين جنيه i*:

[امانى]

ملكيش حل يا قرنفل ابدا بقى ياختى حطه العرض المغرى ده 26 جنيه و16 رغيف عيش من بتاع الداخلية وعايزة يقولولك رأيهم

طبعا الكل هيقول طبعا لازم انقض على التمساح مش الكلب علشان ال 16 رغيف بلاش الفلوس حتى حد طايل عيش دلوقت

شوفى بقى لو مفيش مقابل كان يحصل ايه؟

شكرا لصاحب الموضوع ومستنين رأى الرجال فى الموضوع

امانى

[سهيلة]

i*: :lol:

معقولة الزوج عمل كل دة عشان ينقذ مراتة

السؤال هنا

يا ترى الزوج دة كان فى كامل وعية وهوة بينقذها

ويا هل ترى ندم بعد كدة على فعلتة هذة ولا لااااااااااااااااااااااااااا

[إيزيس]

ملكيش حل يا قرنفل ابدا بقى ياختى حطه العرض المغرى ده 26 جنيه و16 رغيف عيش من بتاع الداخلية وعايزة يقولولك رأيهم

هو ستاشر رغيف حاجة سهلة الواحد يفرط فيها كدة ........ و كمان ستة و عشرين جنيه

سوري يا أستاذ محمد دخلت موضوعك من غير إحم و لا دستور لكن السؤال عجبني جدا

يا جماعة لازم يكون عندنا أمانة المفروض الراجل مش عارف بالجايزة يعني إنسوا موضوع الستاشر رغيف و الستة و عشرين جنيه

و لو إني عارفة الجايزة مغرية لكن انسوها و جاوبوا بشفافية .....ها ....شفافية من بتاعة الحكومة

و إلا هنجيب جهاز كشف الكذب وكل شيج ينكشف و يبان

تم تعديل 4 أبريل 2008 بواسطة قرنفل

[Muhammad Zidan]

الحقيقة يا أستاذة قرنفل أنا غلطت إني قلت حكاية الجايزة المالية والعربية الآخر موديل !!!

والمشكلة اللي سهلت السؤال إنك حطيتي جايزة أكثر إغراءاً 16 رغيف عيش من بتاع الداخلية ومبلغ مالي ما يحلمش بيه واحد عاوز يعشي العيال !!!

حتى الآن 56 قراءة ومفيش غير رجل واحد بس هو اللي دخل الموضوع مش غريبة دي .... يعني الـ 56 قراءة منهم 55 ست ؟!؟!؟؟

أنا عن نفسي ها جاوب على السؤال بالليل ... بعد ما مراتي تيجي من عند حماتي ... النهاردة الجمعة انتو عارفين لازم اليوم كله عند حماتي !! i*: :lol:

Muhammad Zidan

[إيزيس]

أنا عن نفسي ها جاوب على السؤال بالليل ... بعد ما مراتي تيجي من عند حماتي ... النهاردة الجمعة انتو عارفين لازم اليوم كله عند حماتي !! i*: :lol:

أقوللك حل إنت تجاوب الإجابة الصح دلوقتي بدون شفافية قبل ما تيجي المدام

و لما ترجع بالسلامة جاوب إجابة الشفافية اللي هي أضحي بحياتي

و ده لو حتى طلع لها فار أقضي عليه والحبشتاكانات اللي انت عارفها

[vipwithyou]

ايه .. ايه .. محدش يرفع ايده عليا .. انتوا فامين .. محدش يضرب

انا داخل التوبيك اقول رأيي وهاجرى علطول .. :lol:

اول لما بدأت اقرأ فى القصه ( الخيال العلمى ) توقعت ان الاستاذ محمد هيقول ان التمساح هجم عليهم هما الاثنين وكان على الزوج الخيار اما يتقدم ويأكله التمساح او يهرب لأنه اسرع حركة وبالتالى ستموت زوجته ؟

لكن طبعلت الحكاية غير كدة ..

التمساح لما هجم على الزوجة الراجل مكنش يعرف انه لو عمل كدة هياخد جائزة

ولو يعرف كان هو بنفسه اتأجر كلب ( قصدى تمساح ) وسلطة على مراته وهى هتكون موافقة هو 16 رغيف شوية

لكن الراجل عمل كدة من نفسة

حط نفسك مكانه وفكر ..

هل حبك لزوجتك يخليك تعمل كدة .. بعيدا ً عن النخوة والكلام دة لأن اى حد لو شاف اى حد غريب حتى لو راجل بيحصل له كدة اكيد هيعمل زى الزوج ويهجم على التمساح مهما كلفه الامر حتى لو حياته هو

بس عايزين نفكر فيها بجد ..

انا عارف محمد مش عايز يفكر الا لما ترجع مراته من عند والدتها لأن النهاردة الجمعة ؟

بس مين قالك يا ريس تسيبها تروح يوم الجمعة امال تقعد مع سعادتك امتى وانت فى اجازة ؟ خليها تغيرة تروح يوم الثلاثاء احسن

وعموما ً مستنيين رأيك انت كمان ؟

طيب كما بقى الزوجة ؟ ماذا لو كان الزوج هو من يحدث مع نفس الموقف ؟ هل ستقف وتكتفى باستخدام سلاح المرأة الشهير وهو ( انها تصوت وتلم الناس على التمساح ) ولا هتتحرك بدافع برضوا مش النخوة لا بدافع حبها لزوجها

كل واحد يقول رأية

ومحدش يسألنى عن رأيي

لأنى اساسا ً مش هاخد مراتى اوديها استرالية i*:

[AMEIR]

انا عن نفسي وحصل معي هذا الموقف لاقطعت هذا التمساح قطع ضغيرة بعد طبعالما انقذ زوجتي فهي الزوجة والحبيبة والصدبة العاشيقة وشريكة الحياة وام العيال وهي السكن والحب والمودة والمشاعر والعواطف والاحاسيس والطيبة والحنان الورمنسية والرقة والنبل والاطمئنان وكل شي حلو بحياتيحتى لو هضحي بحياي من اجلها من يحب يضحي من اجل سعادة الاخر باختصار هي الجانب الحلو وتستحق التضحية مادامات اصيلة مريحة الزوج i*: :lol:

[vipwithyou]

واضح جدا طبعا ً .. ان الأستاذ امير زوجته قاعدة جمبه .. معلش يابنى عاذرينك i*:

[إيزيس]

بس مين قالك يا ريس تسيبها تروح يوم الجمعة امال تقعد مع سعادتك امتى وانت فى اجازة ؟ خليها تغيرة تروح يوم الثلاثاء احسن

بيهدي النفوس تامر

بس صحيح حد يسيب بيته يوم الجمعة؟؟؟

انا عن نفسي وحصل معي هذا الموقف لاقطعت هذا التمساح قطع ضغيرة بعد طبعالما انقذ زوجتي فهي الزوجة والحبيبة والصدبة العاشيقة وشريكة الحياة وام العيال وهي السكن والحب والمودة والمشاعر والعواطف والاحاسيس والطيبة والحنان الورمنسية والرقة والنبل والاطمئنان وكل شي حلو بحياتيحتى لو هضحي بحياي من اجلها من يحب يضحي من اجل سعادة الاخر باختصار هي الجانب الحلو وتستحق التضحية مادامات اصيلة مريحة الزوج

:lol: :friends:

i*:

أمير و المدام اللي جنبه أميرة سكرة و الله

يا أستاذ محمد زيدان اتفضل رد على الناس

[nash]

ايه النيه السيئه دي؟؟

مش مساله ان زوجه أمير قاعده جنبه ولا حاجه.....انا واثقه انهم متجوزين جديد....ده تخمين يعني..احنا مشهورين بالفراسه

وبعدين انا واثقه في أبو ياسر.....وعارفه انه يضحي بالغالي والنفيس علشان أحنا نعيش....

وعلشان اتأكد أكتر وأكتر سألته...وقالي....

أعمليها أنتي وبس ومالكيش دعوة i*:

[kokomen]

القصة : في إحدى الحدائق الاسترالية المطلة على أحد الأنهار كان يجلس زوجين في نزهة وفي لحظة هجم على الزوجة تمساح كبير يبلغ طوله الثلاثة أمتار وأطبق فمه على جسد الزوجة ... فما كان من الزوج إلا أن هجم مسرعاً على التمساح ممتطياً ظهره وظل يوجه للتمساح ضربات قوية في عينيه حتى فتح التمساح فمه وخرجت الزوجة من فم التمساح ... وتم إنقاذ حياتها ...

وقد نشر الخبر في الصحف الاسترالية التي اعتبرت الزوج بطلاً قومياً وتم منحه جائزة مالية وسيارة آخر موديل .

هذه هي القصة !!!!

السؤال : ماذا نفعل لو كنت مكان هذا الزوج ؟ هل تهاجم التمساح كما فعل الزوج ؟؟ أم ماذا ؟؟؟

وياريت كل واحد يجاوب بمنتهى الأمانة ... ماشي .. ياللا بينا !!!

Muhammad Zidan

الأخت الفاضلة : قرنفل

علقت قائلة

في إحدى الحدائق المصرية المطلة على أحد الشوارع الجانبية كان يجلس زوجين يتناقشوا في الأحوال المتلاطمة و الديون المتراكمة وفي لحظة هجم على الزوجة كلب صغير يبلغ طوله واحد و نص من الأمتار وأطبق فمه على جسد الزوجة ... فما كان من الزوج إلا أن هجم مسرعاً على الكلب ممتطياً ظهره وظل يوجه للكلب ضربات قوية في عينيه حتى فتح الكلب فمه وخرجت الزوجة من فم الكلب ... وتم إنقاذ حياتها ...

وقد نشر الخبر في الصحف المصرية التي اعتبرت الزوج بطلاً قومياً وتم منحه جائزة مالية 26 جنيه بالتمام و الكمال

و 16 رغيف عيش من بتاع الداخلية .

هذه هي القصة !!!!

السؤال : ماذا نفعل لو كنت مكان هذا الزوج ؟ هل تهاجم الكلب كما فعل الزوج ؟؟ أم ماذا ؟؟؟

في الحالة الأولى

بعد 20 سنة زواج أترك التمساح ليفعل ما يشاء

وأقف متفرجا لأن العمر مش بعزأة ياحبيبي

وقد يكون التمساح على حق وعالم بحالي.. الله أعلم :friends:

في الحالة الثانية

أحاول إنقاذ الموقف لأن عضة الكلب لا تميت

يعني الخطر بسيط وسوف نتغلب على الكلب

ونصبح أبطال :friends: ونستفيد بالعيش والخبز وهي

جائزة قيمة بدون عناء الطوابير وكمان 26 ألف جنيه

مغرية أقدر أتزوج بهذا المبلغ وأهو الواحد يكون كسبان

في جميع النواحي ... يلا فين الجايزة بقى :happy:

عقلي الباطن بيقولي prt:

الحمد لله أني جالس لوحدي يا جماعة الخير

:wub: i*: :cry: :lol:

تم تعديل 4 أبريل 2008 بواسطة kokomen

[vipwithyou]

أعمليها أنتي وبس ومالكيش دعوة i*:

طبعا ً كلنا عارفين ان دى نهاية كل ظالم :lol: :friends:

وكمان 26 ألف جنيه

مغرية أقدر أتزوج بهذا المبلغ وأهو الواحد يكون كسبان

أحب اصدم حضرتك واقولك اننا الكاميرا الخفية والجائزة كانت بس 26 حـ يعنى مانابك الا الفضايح ولا هتعرف تتجوز ولا نيله

وهتاخد على دماغك للصبح من ام العيال

استلم بقى يا وحش :friends:

في جميع النواحي ... يلا فين الجايزة بقى :happy:

خد يا ريس الجائزة :cry: :wub:

تم تعديل 4 أبريل 2008 بواسطة vipwithyou

[RAHALA]

السلام عليكم جميع الأعضاء أنا عضوه جديده فى المنتدى إسمحولى أبدى إعجابى بروحكم الجميله فى الحوار وبرضه أقولكم و بالأخص الساده الرجال لو كان التمساح هاجم الزوج كانت الزوجه تعمل إيه ...... عايزه أعرف أرائكم.

[kokomen]

السلام عليكم جميع الأعضاء أنا عضوه جديده فى المنتدى إسمحولى أبدى إعجابى بروحكم الجميله فى الحوار وبرضه أقولكم و بالأخص الساده الرجال لو كان التمساح هاجم الزوج كانت الزوجه تعمل إيه ...... عايزه أعرف أرائكم.

الأخت الفاضلة : RAHALA

أهلا بيكي أخت كريمة وعضوة عزيزة بين إخوانك وأخواتك

النخبة من أعضاء المحاورات المحترمين

نتمنى لك قضاء أوقات مفيدة ومشاركات فعالة .. فأهلا وسهلا

طبعا تصرف الزوجة في هذه الحالات لن يكون أكثر من البكاء

والعويل وتستنجد بالناس وتقول يا سبعي يا بعلي .. يعني الكلمات المعروفة

وتبقى عملت اللي عليها وما يقدرش يلومها أحد :lol:

وبرده حا تأخذ الجوائز بكل تواضع ورضى نفس :lol:

[Muhammad Zidan]

سيداتي وسادتي

ياجماعة أرجوكم حاولوا تنسوا موضوع الجايزة

السؤال بيقول : ماذا تفعل لو كنت مكان الزوج ؟

الراجل ماكانش يعرف إن فيه جايزة من الأصل

يا قرنفل أنا بأجهز الرد ...

أنا حاسس إن الموضوع ده هايجيب للرجالة مشاكل كتير ... بس والله ده موضوع حيوي جداً

وهايكشفلنا حاجات أكتر... ياما هانقرا

Muhammad Zidan

[امانى]

واضح اوى ان الاخ امير عريس جديد زى ما قالت نوشة او العروسة قاعدة جنبه زى ما قال تامر بدليل كلام ابو احمد

بعد عشرين سنة جواز وبرضه هو بيتكلم كدة واكيد ام احمد مش موجودة جنبه والا كان من انصار امير مش التمساح

يابو احمد تفتكرو لو احنا اللى فى الموقف ده زى ما سال تامر نعملو ايه ؟ نصوت ونلم الناس زى ما قال تامر ولا نتصرف ازاى؟

انا عن نفسى بتخيل الموقف مش لاقية صرفة اعمل ايه ؟ بس طبعا اكيد هشكر التمساح لأ طبعا مش بتكلم جد انا فدا ذوجى

وابو اولادى هو صحيح ممكن التمساح يكلنا احنا الاتنين بس مش مهم يا نعيش سوى يا نموت سوى واكيد هصوت واستنجد باى حد

يساعدنى وعلى ما يجى الحد ده نكون انا وهو فى خبر كان بس برضه مش مهم المهم نكون سوى

والله يا ابو احمد هو مش قاعد جنبى ويمكن لو كنت سالته كان قال زى ابو ياسر ولا كان قال زيك التمساح عالم بحالى

امانى

[سهران]

السلام عليكم جميع الأعضاء أنا عضوه جديده فى المنتدى إسمحولى أبدى إعجابى بروحكم الجميله فى الحوار وبرضه أقولكم و بالأخص الساده الرجال لو كان التمساح هاجم الزوج كانت الزوجه تعمل إيه ...... عايزه أعرف أرائكم.

مرحبا أختنا العزيزة و أهلا و سهلا ............ ردا على أستفسارك سألت مراتي و قالتلي رد أفحمني ........... قالتلي و التماسيح هتاكل الرجالة ليه ؟؟ ... بلا نيلة ....... التماسيح ما بتاكلش غير الحاجات الحلوة :blink:.......

قالتلي أنها بتهزر و الله ... أنا عارف و أقسم أنها تضحي بروحها علشاني و أنا عن نفسي هانط في بق التمساح من غير تفكير .... هاتصدقوني ؟؟؟؟!!!

تم تعديل 4 أبريل 2008 بواسطة سهران