هل اللي بياكل كرواسو بالفروماج أو بالكونفيتير يعتبر شخص محترم؟

[م.سامح المصرى]

بما ان الكرواسو سواء بالفروماج او الكونفيتير من الأكلات السهله و الكلاس و اللي تخليك خارج بعد الأكل حاسس انك مكلتش حاجه ...أطرح عليكم هذا الموضوع لأخذ الآراء

معلش يا استاذ زهرى

انا دخلت من غير احم ولا دستور ولا سلام ولا عافية ولا حتى عباد الشمس

هوا الحاجات الى انا معلم عليها دى

بتتباع فين .... يعنى اروح للفرن الى بيبيع بقسماط وكحك بعجوة ابو ربع جنيه دا واقولة هاتلى البتاع دا

وهل هوا يعرفهم

ونهايتاً علشان ما اكونش طولت عليك زى موضوع القوامة

سؤال بس

هيا الحاجات دى بتتاكل ؟ :sad:

[galaxy]

بالنسبه لي يا استاذ زوهيري و بجد انا بموت في الكورواسون بالفروماج اكتر من الكونفيتير بمراحل. تقريبا مش بحبه بالكونفتير خالص وبحب اكله و خصوصا مع الكافيه اوليه و الدنيا بتمطر في الشتا او عموما في الافطار بجد احلي فطار بمزاج.

ميرسي بكو مسيو زوهيري .. :wub:

فتحت نفسي :sad:

[samaa]

ايه يا جماعة حرب الفرنساوى اللى انتو فيها دى وليه عقدة الخواجه ماله العربى يعنى وبعدين يا سيدى الفسيخ يكسب طبعا الله عليه مع بصل اخضر وعيش بلدى

بس والنبى تجيبلى رغيفين معاك من الطابور عشان اكل بيهم الفسيخ

:sad:

[زهرة الجبل]

ايه يا جماعة حرب الفرنساوى اللى انتو فيها دى وليه عقدة الخواجه ماله العربى يعنى وبعدين يا سيدى الفسيخ يكسب طبعا الله عليه مع بصل اخضر وعيش بلدى

بس والنبى تجيبلى رغيفين معاك من الطابور عشان اكل بيهم الفسيخ

:sad:

الأخت سما

أولاً أهلاً بيكي في المحاورات

و بالمناسبه إسمك جميل جداً

و عاوزه أقول لك كلمتين

صحيح إنتي مستجده ( هنا في المحاورات يعني ) إنما أراءك تدل على إنك مخضرمه

تحياتي أم كريم

[Alshiekh]

الفروماج اللي هي الجبنه يا جماعه

و الكونفيتير اللي هي المربى بس بتبقى روعه لما تكون فيت ميزو :closedeyes:

طيب ماتقول كده من الصبح ، يعنى خليتنى قلبت الدنيا وادور فى جوجل ، وويكى بيدنا ، وكرواسون بيديا ، واعمل سيرش فى الـ سى فى اس ، كله يقول ابدا ماعندناش الدواء ده ، راجع السم وراجع حروف الهجاء وجرب مرة أخرى ، وبعدين يطلع فى الآخر جبنة ومربى؟

اتارى الجماعة الذوات دول ليهم حركات يا أخى وعليهم عوجة لسان ، ياساتر.