اسوان حبيبتى...و حبيبتى انا كمان

[~Heba~]

السلام عليكم

انهارده الصبح لما دخلت المحاورات لقيت اسم كده ملفت للنظر بين اسماء الاعضاء اللى دخلوا انهارده

عضو او عضو جديد مسجل باسم اسوان حبيبتى

طبعا انا اسوانية بس اللى اعرفه انه فيه اتنين تانيين غير يعنى كلنا على بعض 3 معقولة كده

دا الكنديين هنا اكتر مننا

طبعا الشرقاويين مفيش كلام ...زى الرز

و الاسكندرانية كمان

اوجه الدعوه لاختنا او اخينا انه يشارك رغم انى عارفة انه لسة مبقاش عضو رسمى يعنى لسة لم يغعل حسابه :sad: بس يا مسهل انا كاتبه الموضوع عشان اشجعه/اشجعها

و انتهز الفرصة و للناس اللى مش عارفين موقع اسوان على الخريطة

مع تحيات اختكم

اخت بكار

الشهيرة باسم البشمهندزة هبه

تم تعديل 5 أبريل 2008 بواسطة ENG.Heba

[حسام يوسف]

السلام عليكم

والعبدلله يشجع أى أسوانى منضم لمنتدانا الجميل

واللى مش من أسوان ونفسة يزورها

احنا تحت أمرة

ونقوم معاة بأحسن واحب كمان

مش كلام ولافنجرة بق

لكن دعوة لزيارة أسوان الجميلة

[Scorpion]

طب و اللي قاهري المولد و أسواني الهوي لدرجة العشق الفعلي.. ممكن تقبلوه معاكم ..

و أدي الأبليكيشان ممضية كمان :

واحة السلام في داخلي

أنفع ؟؟

:sad: :wub:

[~Heba~]

احمد شوقى:

أيها المنتحي بأسوان داراً

كالثريا تريد أن تنقضا

اخلع النعل واخفض الطرف واخشع

لا تحاول من آية الدهر غضا

قف بتلك القصور في اليم غرقى

ممسكاً بعضها من الذعر بعضا

شاب من حولها الزمان وشابت

وشباب الفنون ما زال غضا

"لا عليكم من المبالغة فى شعره"

عباس محمود العقاد

رعى الله من أسوان دارا سحيــــقة

وخلد في أرجائهــا ذلك الـقـصـــــرا

أقام مقام الطود فيهـا وحـــــولـــــه

جبال على الشــطـيـن شــامخة كبـرا

[~Heba~]

طب و اللي قاهري المولد و أسواني الهوي لدرجة العشق الفعلي.. ممكن تقبلوه معاكم ..

و أدي الأبليكيشان ممضية كمان :

واحة السلام في داخلي

أنفع ؟؟

:wub: :wub:

wst:: wst:: wst::

يااااااااااااااه سى سكوب بحالة

خلاص بقى احنا كده كوشنا على المحاورات وقريبا حيبقى اسمها محاورات الاسوانية و الكنديين برة و بعيد

تنورنا يا مستر سكوب حبقى احجز شقة تشتى فيها على كورنيش النيل :sad:

و اسمحلى

[Handasah]

من زمان وانا بحب النوبة واهلها بحس انهم اخف دم فى مصر ........

اوعى يابشمهندزة تكونى معمارية تبقى بصرة معك من بلاد الغربة باشمهندز ابو عمر :sad: :wub:

[deemuck]

يا سلام عالنوبة والنوبيين ..دول سكان مصر الاصليين

[حسام يوسف]

السلام عليكم

ده شرف لينا يا عم scorpion

انت وكل اللى طرفك تنورونا

[~Heba~]

من زمان وانا بحب النوبة واهلها بحس انهم اخف دم فى مصر ........

اوعى يابشمهندزة تكونى معمارية تبقى بصرة معك من بلاد الغربة باشمهندز ابو عمر :sad: :wub:

يا ابو عمر ايه نقص المعلومات ده

النوبة مش هيا اسوان اسوان جزء فقط من النوبة

النوبة حضارة عريقة امتدت حذورها لمنابع النيل الازرق

عموما انا مش نوبية مقدرش اقولكم تفاصيل كتير عنها لكن عندكم دياب عنده ما يلزم من معلومات

لكن باختصار اقدر اقولكم ان اسوان بتتكون من قبائل

في محافظة أسوان يعيش النوبيون والبشارية،و العبابدة و الجعافرة الاشراف فأما البشارية فهم من القبائل الحامية ولهم لغتهم وتقاليدهم الخاصة، ويعيشون بين النيل والبحر الأحمر حتى حدود السودان، وأما النوبيون فهم فريقان: الكنوز والفيادكة ويتكلم كل منهم لغة خاصة به وهم يعيشون على مجرى النيل ابتداء من شمال مدينة أسوان بقليل، وفي بلاد النوبة السفلى. وقد غمرت مياه السد العالي جميع قراهم، وانتقل من كان يعيش منهم جنوب موقع السد العالي إلى الشمال واستقروا في القرى التي أنشأتها الحكومة لهم في منطقة كوم أمبو.

والنوبي لا ينسى بلده الغارقة، ويعيش بحنين من ضياع وطنه. يعتز بلغته وينظر لذاته باعتبارها تنتمي لوطن غير مصر، له حضارته واستقلاله، ويذكرك دائما بأن جنسه حكم مصر ردحاً من الزمن، وهزم فراعينها الأشداء، وبالتالي يتمسك بفنونه وأغانيه ولغته وثقافته، وهناك الكثير منهم يعيش في الوادي، لهم نواديهم النوبية وجماعاتهم المستقلة ومقاهيهم الخاصة.

اما العبابدة فينتسبون الى الزبير بن العوام رضى اللة عنة

و اخيرا الجعافرة الاشراف و انا منهم فان محافظة اسوان بها اشراف اغلبهم حسينيين و الحسينيين هم ابناء حمد بن محمد ابو جعافربن يوسف بن إبراهيم بن عبد المحسن بن حسين الفاسي بن محمد بن موسى الأشهب بن يحيى بن عيسى بن علي التقي بن محمد بن الحسن بن علي الهادي بن محمد الجواد بن علي الرضا بن موسى الكاظم بن جعفر الصادق بن محمد الباقر بن علي السجاد زين العابدين بن الإمام الحسين بن الإمام علي بن أبي طالب والسيدة فاطمة الزهراء بنت رسول الله صلى الله عليه وآله وسلم

و كفاية عليك كده

[إيزيس]

طبعا الشرقاويين مفيش كلام ...زى الرز

الله أكبر ولا حول ولا قوة إلا بالله :sad:

اللي بيحبب النبي يفتح لنا توبيك للشراقوة 5 أوض و فسحة

عن إذنكم

wst:: أنا في المطبخ

أرجع ألاقي الشراقوة مسيطرين ع الوضع

قوات الأمن المركزي و المدرعات و الدبابانو الضربة الجوية إياها كله جاهز للهجوم

mc: wst:: wst:: :cry: :cry: :wub:

و آدي أحمد عرابي أهو

:wub:

تم تعديل 5 أبريل 2008 بواسطة قرنفل

[deemuck]

و كفاية عليك كده

المرة الجاية لا تنسي من هم الماتوكة..وماذا يفرقون عن الفاديكة. نبذة اذا مفيش اي كلفة عليكي

[~Heba~]

و كفاية عليك كده

المرة الجاية لا تنسي من هم الماتوكة..وماذا يفرقون عن الفاديكة. نبذة اذا مفيش اي كلفة عليكي

هو انا يعنى كنت اعرف مين ابو جعافر wst:: بسمع عنه بس :wub:

و عديها يا ديمك عديها بلاش فضايح انا معرفش غير كلمتين نوبى و متسألنيش ايه هما لانى مش عارفة wst::

طبعا الشرقاويين مفيش كلام ...زى الرز

الله أكبر ولا حول ولا قوة إلا بالله :sad:

اللي بيحبب النبي يفتح لنا توبيك للشراقوة 5 أوض و فسحة

عن إذنكم

wst:: أنا في المطبخ

أرجع ألاقي الشراقوة مسيطرين ع الوضع

قوات الأمن المركزي و المدرعات و الدبابانو الضربة الجوية إياها كله جاهز للهجوم

و آدي أحمد عرابي أهو

:wub:

و انتى يا قرنفل حسابك عندى عسير محدش حيلحقك منى

مين شرقاوى هنا

تامر السيد ...خلصت عليه من بره بره

عمرو حورس ..ده متكفلة بيه العروسة

حد تانى شرقاوى يورينا وشه :cry:

تم تعديل 5 أبريل 2008 بواسطة ENG.Heba

[badroora]

اسوان بجد يعنى الكرم والطيبة يعنى المياة النقية والكهرباء المزهزهة باحسدكم طبها على نقاء كل شيء هناك

هبة حسام دياب والاخت او الاخ اللى انضموا جديد فى بالى اعمل موضوع عن اللى شفته ف اسوان

وكمان هاحط الصور بس انتم عليكم التعليق لانى كل الاماكن اختلطت عندي يعنى اللى فكراه المعبد النوبي اما فيلة وباقي المعابد اختلطوا فانا هاحط الصورة وانتم عليكم التعليق

وبجد اسوان من اجمل المحافظات اللى شفتها بعد محافظتى طبعا :sad:

وبفكر كل اجازة لازم اروح اسوان حتى ولو فى عز الحر لانى شربت من نيلها الاصلي الغير ملوث والحنين بيندينى ليها

ولى مواقف كتير اوى فيها

بس قبل ماحكى

هبة حسام دياب

لو حد فيكم من منطقة الجوزيرة يقولى قبل ما الخبط فى الكلام ونقع فى بعض

:wub: طبعا فاهمين قصدي بالجوزيرة :wub:

يا بختكم باسوان

تم تعديل 5 أبريل 2008 بواسطة Badria Mekkawy

[galaxy]

هبه الجميله...........ايه اخبارك ........... :wub:

بجد انا بموت في اسوان :wub: ..........واجمل رحله طلعتها في حياتي رحله الاقصر واسوان في الكليه..............اجمل واحلي ايام(ايام الرحله طبعا) والله وعندي من يومها البوم صور كامل مالوش حل بجد...............تحسي فعلا انها بلد فطريه جميله........وخصوصا النيل وجماله ..............بجد يا هبه فكرتيني بأحلي و اجمل ذكريات...........ربنا يخليك يا هبه وتفكرينا :sad:

[إيزيس]

و انتى يا قرنفل حسابك عندى عسير محدش حيلحقك منى

مين شرقاوى هنا

تامر السيد ...خلصت عليه من بره بره

عمرو حورس ..ده متكفلة بيه العروسة

حد تانى شرقاوى يورينا وشه :sad:

يا خرابي

يالهوتي

سيبي رقبتي يا هبة حرام عليكي أنا ورايا كوم لحم وقفتين عضم

حد يشوف الصينية اللي في الفرن

أشهد ألا إله إلا الله و أن محمدا رسول الله

[~Heba~]

وبفكر كل اجازة لازم اروح اسوان حتى ولو فى عز الحر لانى شربت من نيلها الاصلي الغير ملوث والحنين بيندينى ليها

يا بدرية انا خايفة عليكى منصحكيش ابدا تيجى اسوان فى الحر حتكرهى ام الاجازات

اما الجوزيرة فاحب اقولك انه مفيش حتة فى اسوان الجوزيرة :wub: العنوان غلط

حودى على دكتور حسام يمكن يعرف wst::

هبه الجميله...........ايه اخبارك ...........

بجد انا بموت في اسوان ..........واجمل رحله طلعتها في حياتي رحله الاقصر واسوان في الكليه..............اجمل واحلي ايام(ايام الرحله طبعا) والله وعندي من يومها البوم صور كامل مالوش حل بجد...............تحسي فعلا انها بلد فطريه جميله........وخصوصا النيل وجماله ..............بجد يا هبه فكرتيني بأحلي و اجمل ذكريات...........ربنا يخليك يا هبه وتفكرينا

و الله فكرتينى بالشيكولاته انزل انا دلوقتى اشترى اصل انا نفسى اكل حاجة حلوة wst::

و بقلك ايه يا جالاكسى ما تحطى الالبوم بتاعك زى بدرية

بعدما تشيلى صورك منه طبعا

يا خرابي

يالهوتي

سيبي رقبتي يا هبة حرام عليكي أنا ورايا كوم لحم وقفتين عضم

حد يشوف الصينية اللي في الفرن

أشهد ألا إله إلا الله و أن محمدا رسول الله

جارى طلب الاسعاف يا قرنفل :wub: و على بال ما وصلت اروح انا اخد الصينية للعشا هى صينية ايه :sad:

[مصري جدا]

أنا أول ما شفت العنوان حبيبتي أسوان ..قلت أكيد حألأكي وراه ...وطلع صح

علي الرغم اني سكندري وبعشق أسكندريه ..لكن لما زرت أسوان وقت الجامعة حبيتها جداجدا ..ليه ببساطه حسيت فيها بهدوء وشاعريه ورومانسيه هاديه جميله ..ده غير طيبهأهلها اللي تأكدت منه بعد كده من خلال تعاملي مع الناس في الغربة وفي مصر ...فعلا لما الأقي واحد أسمر سمار النيل وطيب..... أسأله أنت من أسوان يقول أيوه ..

علشان كده فكرت أني أسيب أسكندريه وأروح أشتغل في أسوان ..بس للأسف سافرت بره مصر

لذلك حأقول معاكي أسوان حبيبتي أنا كمان...

[الحازم حسن]

أنا روحت الأقصر وكانت رحلة جميلة جدا

بالنسبة لأسوان يا هبه فطبعا ًأنا نفسي اروحها بس بيقولوا غالية طحن :sad:

[vipwithyou]

بلاغ عاجل ..

برجاء من السادة المشرفين الكرام ..

نتقدم نحن أهل الشرقية .. ببلاغ رسمى ضد المدعو عليها المهندسة هبه

لتعديها بالضرب المبرح .. وهذا واضح تماما ً وآثارة معلمه أهه

ونرجوا من سيادتكم سرعة التصرف فى هذا الموقف .. wst::

والا .. :sad:

والا .. :lol:

والا .. :lol:

هنقطعوها احنا بعون الله .. ونعلقوها فى المحطة مكان الاخ عرابى :sad:

وكمان من غير حصان

ولكم حرية التصرف ..

شكرا

مقدم البلاغ

تامر السيد

شرقاوى بجد

[~Heba~]

أنا أول ما شفت العنوان حبيبتي أسوان ..قلت أكيد حألأكي وراه ...وطلع صح

علي الرغم اني سكندري وبعشق أسكندريه ..لكن لما زرت أسوان وقت الجامعة حبيتها جداجدا ..ليه ببساطه حسيت فيها بهدوء وشاعريه ورومانسيه هاديه جميله ..ده غير طيبه أهلها اللي تأكدت منه بعد كده من خلال تعاملي مع الناس في الغربة وفي مصر ...فعلا لما الأقي واحد أسمر سمار النيل وطيب..... أسأله أنت من أسوان يقول أيوه ..

علشان كده فكرت أني أسيب أسكندريه وأروح أشتغل في أسوان ..بس للأسف سافرت بره مصر

لذلك حأقول معاكي أسوان حبيبتي أنا كمان...

اهلالالالالالا بالدكتور المصرى جدا جدا

و الله القلوب دى جميلة اسمحلى احتفظ بيها...احفظ الصورة يعنى

والاسوانية طيبين زى السودانيين كده :sad:

اما اسكندرية بقى :wub:

اسكندرية ماريا و ترابها زعفران و اللى يقول غير كده يبقى غلطان و الف تحيه لمحمد ابو زيدان .. هو فينه wst::

أنا روحت الأقصر وكانت رحلة جميلة جدا

بالنسبة لأسوان يا هبه فطبعا ًأنا نفسي اروحها بس بيقولوا غالية طحن :sad:

و لا يهمك يا حازم حنحاول ندبر لك رحلة بالتقسيط المريح

بلاغ عاجل ..

برجاء من السادة المشرفين الكرام ..

نتقدم نحن أهل الشرقية .. ببلاغ رسمى ضد المدعو عليها المهندسة هبه

لتعديها بالضرب المبرح .. وهذا واضح تماما ً وآثارة معلمه أهه

ونرجوا من سيادتكم سرعة التصرف فى هذا الموقف .. wst::

والا .. :sad:

والا .. :lol:

والا .. :lol:

هنقطعوها احنا بعون الله .. ونعلقوها فى المحطة مكان الاخ عرابى :ninja:

وكمان من غير حصان

ولكم حرية التصرف ..

شكرا

مقدم البلاغ

تامر السيد

شرقاوى بجد

اسكت يا تامر لاحسن اوديك الجوزيرة و ماادراك ما الجوزيرة روح شوفها على الخريطة

تم تعديل 5 أبريل 2008 بواسطة ENG.Heba