اسوان حبيبتى...و حبيبتى انا كمان

[مصري جدا]

**غامت الدنيا وبعدين مطرت

والحلوة علي البحر طلعت أتمخطرت

ياحلاوتك يا إسكندرية في الشتا

وبعد الشتا …نسايمك في كل مكان أتعطرت

وعجبي

أحمد جلبي

هي دي أسكندريه ياعبلة :sad: ...أسف ياهبه

[جويرية]

اسوان جميلة انا رحتها رحلة من زمان بس مش نسياها

لي سؤال يا هبة

نفسي اعرف معلومات عن تهجير اهل النوبة و ازاي سابوا بيوتهم و غرقتها مية السد

نفسي اعرف قصص عن الموضوع ده لو معندكيش مانع تدليني أدور فين

[~Heba~]

اسوان جميلة انا رحتها رحلة من زمان بس مش نسياها

لي سؤال يا هبة

نفسي اعرف معلومات عن تهجير اهل النوبة و ازاي سابوا بيوتهم و غرقتها مية السد

نفسي اعرف قصص عن الموضوع ده لو معندكيش مانع تدليني أدور فين

طبعا يا جويرية انتى تأمرى

اتفضلى

مائة عام من الأحزان النوبية

[Muhammad Zidan]

اسكندرية ماريا و ترابها زعفران و اللى يقول غير كده يبقى غلطان و الف تحيه لمحمد ابو زيدان .. هو فينه :sad:

موجود هاروح فين بس باستقرا الموضوع من أوله ...

وعلى فكرة مش انتي بس اللي بتحبي أسوان .... مصر كلها بتحب أسوان .

هنقطعوها احنا بعون الله .. ونعلقوها فى المحطة مكان الاخ عرابى :lol:

وكمان من غير حصان

ولكم حرية التصرف ..

شكرا

مقدم البلاغ

تامر السيد

شرقاوى بجد

واحنا اللي بنقولوا الشراقاوة طيبين ... تقطعوا البنية وتعلقوها ... إمال احنا نعملوا فيها إيه؟؟؟!! :lol: :sad: wst::

Muhammad Zidan

[vipwithyou]

اسكت يا تامر لاحسن اوديك الجوزيرة و ماادراك ما الجوزيرة روح شوفها على الخريطة

شايفين .. خليكوا شاهدين .. المهندسة هبه بمارس علينا اسلوب قمع .. وكمان بتهددنى علنى

انا بأكرر البلاغ ..

تم تعديل 6 أبريل 2008 بواسطة vipwithyou

[حسام يوسف]

السلام عليكم

برضة كدة يا هبة تقولى لبدرية حودى ع الدكتور حسام لما سألت فى موضوع الجزيرة؟

ماشى

حاضر

شوفى يا أختنا العزيزة الغالية بدرية:

اناعارف انك مش سهلة

لكن مكنتش متصور للدرجة دى؟

ايه اللى وصلك لموضوع الجزيرة ده؟

ده مايعرفوش الا اللى عايشين فى أسوان بس

بصمتلك بالعشرة

وشهدتلك

وأنا مش من الجزيرة ولا حاجة

أنا أصلا م المنصورة

بس عايش هنا أغلب عمرى

ويا أعضاءالمنتدى الكرام

لو يهمكم تعرفوا موضوع الجزيرة ده

فهى حتة فى أسوان مشهورة طحن بالحسد

يعنى تقدروا تقولوا انها المصنع الرئيسى للحسد ف العالم كلة

وفية نوادر كتير تضحك ف الموضوع ده

وأحيانا تخوف من شدة الحسد

وسنواليلكم بأى معلومة عن أسوان

ايجابية كانت أم سلبية

[~Heba~]

السلام عليكم

برضة كدة يا هبة تقولى لبدرية حودى ع الدكتور حسام لما سألت فى موضوع الجزيرة؟

ماشى

حاضر

شوفى يا أختنا العزيزة الغالية بدرية:

اناعارف انك مش سهلة

لكن مكنتش متصور للدرجة دى؟

ايه اللى وصلك لموضوع الجزيرة ده؟

ده مايعرفوش الا اللى عايشين فى أسوان بس

بصمتلك بالعشرة

وشهدتلك

وأنا مش من الجزيرة ولا حاجة

أنا أصلا م المنصورة

بس عايش هنا أغلب عمرى

ويا أعضاءالمنتدى الكرام

لو يهمكم تعرفوا موضوع الجزيرة ده

فهى حتة فى أسوان مشهورة طحن بالحسد

يعنى تقدروا تقولوا انها المصنع الرئيسى للحسد ف العالم كلة

وفية نوادر كتير تضحك ف الموضوع ده

وأحيانا تخوف من شدة الحسد

وسنواليلكم بأى معلومة عن أسوان

ايجابية كانت أم سلبية

كده يا دكتور حسام اتخليت عننا

يا دكتور المثل بيقول اذكروا محاسن موتاكم ... و بلادكم كمان

انا بقول لو كنت اتجوزت من اسوان مكنتش قلت اللى قلته

دلوقتى حطالب بنزع الجنسية

[badroora]

ليش كدا يا دكتور حسام اعترفت بسهولة وضيعت عليه سرد نوادرى فى الجوزيرة دا انا انصبت منهم وكمان اخذت الخصية بتعتهم معى للاقصر حق يومين بس وبعد كدا المفعول راح الهاف لايف بتاعته كانت بس حق يومين

عموما ولا يهمك انا ستر وغطى عليكم ,وكدا شككتنى ان هبة عايشة فى الجوزيرة طالما توهت من الاول wst::

[molto]

اكبر تحية لأهل أسوان.

رغم انى اسكندرانى و متعصب لأسكندرية ( حبيبتى اللى مالهاش زى).

اناقضيت فترة من التكليف فى اسوان و حقيقى أهل أسوان ناس جدعان بجد وطيبين. و كانت فترة حلوة لكن ماطولتش هناك لانى رحت الجيش بعد كدة.

[امانى]

:wub:

انا بقى يا هبة من اسكندرية ومعنديش اغلى منها فى العالم كله باتنفس نسيمها فى اى بلد اروحها بس الشهادة

لله والحق لنا صديق اسوانى واسرته جمعتنا ايام العمرة فى السعودية بيه من حوالى عشر سنين واتعرفنا عليه هناك

وكانت بداية لصداقة قوية جدا وعرفنا من خلاله قد ايه الاسوانية ناس محترمة وطيبة وكرما كمان زى الشراقوة ومن خلال

هذه الصداقة هما جم عندنا كتير اسكندرية فى الصيف وزوجى وولادى راحو عندهم هناك وان شاء الله هزور اسوان قريبا

لما يجو يصيفوا عندنا هنروح معاهم فى اخر الصيف وعلشان حبايبنا بتوع اسوان وحبايبنا الاسوانيين فى المحاورات

وعشانك يا هبة هقول بحبك يا اسوان :happy: :bro: :waf:

[~Heba~]

ايه دا كله الاسكندرانية حيغزوا اسوان

لألألأ

عاشت اسوان حرة مستقلة....زى المحلة كده

منورة و الله يا امانى و انت يا مولتو منور كمان الاسكندرانية حبايبنا :) wst::

بس اعذرونى جو اسكندرية بيتعبنى جدا انا رحتها مرة واحدة و الذكريات حلوة بس مش حلوة اوى

[حسام يوسف]

ومادام يا بدرية طلعتى كدة

يبقى كويس ان انتى قولتى لوحدك

(قل أعوذ برب الفلق)

احذروا بدرية يا أعضاءالمنتدى

تحذير هام

[badroora]

ومادام يا بدرية طلعتى كدة

يبقى كويس ان انتى قولتى لوحدك

(قل أعوذ برب الفلق)

احذروا بدرية يا أعضاءالمنتدى

تحذير هام

طب والله بالعكس انا كنت جدعة ولحد دلوقتى مفتحتش بوئي :unsure: عموما اوك انتم اللى بداتم

تبدي منيني يا نجفجف يا نجفجف تبدي منين

جوزيرة ولا زلابية ولا ........الخ اقولك بلاش نعمل موضوع منفصل عشان نبدع :sad:

[deemuck]

اللي يقرا موضوع شبرا...سيدرك الفرق تماما

[إيزيس]

تبدي منيني يا نجفجف يا نجفجف تبدي منين

ركزي يا بدرية

ركزي

هأقوللك تبدأي بمين

سمي

توكلي على الله

ماقدرش اقول بس انتي عارفة صح

أملنا فيكي كبييييييييييييييير يا بدرية أنت من الثوار يا بنتي

[~Heba~]

اللي يقرا موضوع شبرا...سيدرك الفرق تماما

فين موضوع شبرا ده :partytime: ؟؟؟؟؟؟؟؟؟؟

[حسام يوسف]

السلام عليكم

اخر حاجة كنت أتوقعها منك يا أخت بدرية

انك تتنافسى فى مجال الحسد ده

انا كان لية فيكى رأى مختلف تماما

وكنت أحكى لمراتى عنك وأقولها ياسلام

ده فية أخت ع المنتدى غيرت فكرتى عن البنات المصريات تماما

ثقافة ايه

وخفة دم ايه

ونت ايه

وخدومة ايه

وكندا ايه وايه وايه

لكن حسد؟

يا خسارة

[nasr-badr]

السلام عليكم

انهارده الصبح لما دخلت المحاورات لقيت اسم كده ملفت للنظر بين اسماء الاعضاء اللى دخلوا انهارده

عضو او عضو جديد مسجل باسم اسوان حبيبتى

طبعا انا اسوانية بس اللى اعرفه انه فيه اتنين تانيين غير يعنى كلنا على بعض 3 معقولة كده

دا الكنديين هنا اكتر مننا

طبعا الشرقاويين مفيش كلام ...زى الرز

و الاسكندرانية كمان

اوجه الدعوه لاختنا او اخينا انه يشارك رغم انى عارفة انه لسة مبقاش عضو رسمى يعنى لسة لم يغعل حسابه :partytime: بس يا مسهل انا كاتبه الموضوع عشان اشجعه/اشجعها

و انتهز الفرصة و للناس اللى مش عارفين موقع اسوان على الخريطة

مع تحيات اختكم

اخت بكار

الشهيرة باسم البشمهندزة هبه

الحمد لله والصلاة والسلام علي رسول الله

علي فكره 4 أسوانيين

[kokomen]

مظاهرة سلمية في حب أسوان

أيه ده كله ... ما شاء الله .. الكل بيحب أسوان

اللهم لا حسد هي بلد تتحب وناسها الطيبن محبوبين

وكثير من أهل أسوان الطيبين موجودين في أسكندرية

أنا أول تعيني في التربية والتعليم كان في أسوان ... وبا أحب أشكر

عائلة أبو شوق كبير المهندسين اللي أستقبلني بحرارة وبكرم ضيافة

عند إستلامي العمل لكن مالقتش غير مدرسة واحدة فيها مكان لي وهي

قرية إبريم مركز ناصر بكوم أمبو ... وكنت دائما في أسوان للفسح والجلسة على

النيل الجميل وعند فندق كتاراكت .. وأمام الصخرة الكبيرة في وسط النيل

وكذلك حديقة النباتات الجميلة .... ثم قضيت فترة الجيش في الأقصر .. يعني أخذت

الجنسية الأسوانية والنوبية والأقصرية بجدارة ..بس في الصيف أعوذ بالله من الحرارة

تحية للباشمهندزة هبة والدكتور حسام وكل أسواني وكل نوبي وكل صعيدي أصيل

وعازمنكم كلكم على المصيف في أسكندرية ... وعلى آكلات سمك متنوعة على حسابكم :winner:

تقبلوا خالص تحياتي

:partytime: :lol: :lol:

[النيل حبيبي]

السلام عليكم

معاكم اسوان حبيبتي للاسف كانت فية مشكله في تفعيل الرابط،اضطريت ادخل باسم النيل حبيبي

اولاً اشكركم جميعاً وطبعاً زعيمه اسوان اخت بكار لها تحيه خاصه

اتمني ان افيدكم واستفيد منكم

عمار يامصر