مساعدة عاجلة من ذوى الخبرة بليييييييييييييييز!!!

[badroora]

دلوقتى يا جماعة انا عندى مشكلة كبيرة وعاوزة اعرف اتصرف فيها ازاى الموضوع بما فيه

عربيتى مؤمنه عليها تأمين شامل والسنة اللى فات لمحت رقم 3500 دينار بحرينى ومختش فى بالى وكل اللى همنى وقتها انى افدع تامين ااقل وخلاص ومركزتش .

اليوم بقي اكتشفت انى فى موقف لا احسد عليه

طبعا عملت حادثة بعربيتى وحادثة جامدة اوى احتمال العربية تتنكسل ولما سألت قالولى هيعوضونى التمن فقط اللى مكتوب وقت التامين الا وهو 3500 دينار بحرينى

ولما سألت على تمن العربية فى السوق حاليا كورولا 2005 قالولى 4500 دينار بحرينى .

دلوقتى هل صحيح شركة التأمين هتعوضنى المبلغ المكتوب فقط.

ولا بالتمن الموجودة به فى السوق حاليا .

طيب لو معجبنيش المبلغ اللى هيقدروه الا وهو 3500 دينار هل لى الحق ان ارفض ان العربية تتكنسل وهما يصلحوها وبعدين ابقي ابعها بمعرفتى .

ولا اعمل ايه

بليز اللى عنده خلفية عن الموضوع دا يرد على بسرعة لانى بكرة رايحة التامين وعاوزة اعرف ايه اللى لى وايه اللى على .

وشكرا مقدما

اختكم البائسة المتورطة

نجفة :sad:

[badroora]

ايه يا جماعة محدش عنده فكره ولا ايه ؟ :sad:

[سهران]

حمد لله على السلامة مرة تانية .

طبعا يا أخت بدرية كان المفروض أنك تحطي القيمة السوقية الفعلية للسيارة لأن ببساطة انت بتدفعي قسط التأمين القليل على السعر اللي أنت مقيماها بيه و بالتالي في حالة حدوث خسارة كلية زي ما حصل في الحالة دي التأمين بيدفعلك قيمة السيارة المقدرة في بوليصة التأمين أو سعر السوق أيهما أقل ......... طبعا شركة التأمين لما بتلاقي تمن الأصلاح بيقرب من قيمة السيارة سواء في البوليصة أو سعر السوق بيقرروا يعتبروها خسارة كلية و هما طبعا اللي كسبانين ...... لأنهم هايبيعوا السيارة في السوق بعد ما يصلحوها و هايطلعوا كسبانين ....

حاولي تجيبي تسعيرات للأصلاح واقعية معقولة عشان ما يبقاش عندهم مبرر لأعتبارها خسارة كلية .. حاولي جاهدة و البوليصة اللي جاية خلي السعر واقعي و معلهش هاتدفعي قسط أكبر شوية .

على فكرة لو أنت مقيمة السيارة بسعر أعلى من الحقيقي في البوليصة برضة هايختاروا الأقل ( القيمة في البوليصة أو السعر السوقي أيهما أقل )

المشكلة دي ملهاش تأثير غير في حالة حوادث الخسارة الكلية .

ألف سلامة مرة تانية و ما سبق حسب معلوماتي و حاولي تتأكدي .

[badroora]

متشكرة جدا لحضرتك استاذ سهران على المساعدة .

للاسف وقت تجديد التأمين مخدتش بالى خالص من موضوع تمنها دا .

طيب فى حالة لو هما حبوا يكنسلوها ويدفعولى المكتوب فى البوليصة فقط هل يحق لى الاعتراض ؟

ولا بما انى مضيت فى الاول يبقي خلاص اندبست واللى كان كان ؟

بخصوص السعر الفعلى لقطع الغيار اكيد مش هاقدر اجيب سعر حقيقي لان الجراج نفسه هو اللى بيملي الكوتشين ويحدد قطع الغيار والتركيب .

عموما متشكرة جدا وبكرة بقي ربنا سهل

والله يسلمك من كل شر أمين يا رب :sad:

[سهران]

و الله يا أختي بدرية انا عارف أنه موقف يغيظ لكن ربنا يجعلك مخرج منه ان شاء الله ...... من حقك تعترضي طبعا و تحاولي قدر أستطاعتك خاصة لو تكلفة الأصلاح أقل من قيمة السيارة في البوليصة يبقى فيه مجال للجدل لكن هما حجتهم أقوي لأنه ببرود بيقولوا أنا هاصرفلك تمن السيارة اللي أنت مقيمها بيه ... عندي صديق مدير لشركة تأمين هنا في السعودية أن شاء الله بكرة الصبح هاستشيره يمكن يدلنا على مخرج .

تحياتي و السلام عليكم

تم تعديل 5 أبريل 2008 بواسطة سهران

[badroora]

شكرا جزيلا وانا بكرة ان شاء الله هاحاول متكلمش فى حاجة لحد ما ترد على .

وهاشوف الدنيا هترسي علي ايه واقولك .

معلش تعبتك معايا بس معلش انت بقي اللى تطوعت بالمساعدة ربنا يجزيك خير ان شاء الله

تحياتى :sad:

[سهران]

لا أبدا ما فيش تعب و لا حاجة .. ربنا يجعله بفايدة ..... لولا أنه بينام بدري كنت كلمته و رديت عليكي دلوقتي ..... هاكتب الرد بكرة الصبح ان شاء الله أول ما أستفسر منه

تحياتي

تم تعديل 5 أبريل 2008 بواسطة سهران

[vipwithyou]

السلام عليكم أخت بدرية

الاول حمدالله على سلامتك وفى ستين داهية العربية

انا معنديش معلومات كافية لكن رأيي ..

اذا كانت الحادثة اصابت الشاسية فكدة حتى لو صلحوها هتتعبك فى البيع بعد كدة

غير اذا كانت الاصابة فى الموتور وسيتم تغييرة فدة برضوا بيقلل من ثمن العربية خالص

يحضرنى موقف لسيارة كورولا 2003 كانت ثمن شرائها 37000 ريال تقريبا ً وتانى يوم الراجل اللى اشتراها جه يبيعها فوهو بيبعها قالوله الموتور متغير يعنى راكب واحد جديد مش مستعمل لكنه مش بتاع العربية اصلا

ودة للاسف نزل من تمنها 6000 ريال فى يوم واحد

فانا اعتقد ان الفرق بين سعر التامين وسعر السوق اللى هو حوالى 1000 دينار فانا اعتقد اذا صلحوها وجيتى تبيعيها هتتعبى اولا فى بيعها ثانيا ً ممكن تلاقيها تنزل مثلا 500 دينار فيبقى كدة الفرق حوالى 500 دينار لو اعتبرناهم خسارة الحادثة وتريحى دماغة من تصليح وبيع وشغلة دماغ

وعموما حمدالله بسلامتك مرة تانية وفى داهية الحديد

[badroora]

هلا يا تامر ميرسي جدا والله يسلمك من كل شر يا رب

كلامك معقول بس انا هاخلية حل اخييييييييييييير خالص لحد ماستنفذ كل طاقتى مع شركة التامين ولاسواء الاحوال هاخد بالحل بتاعك دا ,دا لو كان لى فرصة اختيار اصلا .

عموا هاستنى نشوف استاذ سهران هيقول ايه ؟

وكمان انا هاروح شركة التأمين دلوقتى ونشوف ايه اللى هيتم .

ميرسي جدا ليكم يا جماعة لا تعاونكم

ربنا يخليكم يا رب

[سهران]

[color="#8B0000"]أيوة يا أخت بدرية .... رد صديقي زي ما قلت لحضرتك أمبارح و أفاد بأنه عادة لو قيمة الأصلاح بلغت 60% الى 70% بيبقى أصلاحها غير أقتصادي و بالتالي من حق شركة التأمين تعتبرها خسارة كلية و تسددلك تمنها المسجل بالبوليصة أو سعر السوق أيهما أقل .

كان نفسي أبلغك بشيء أفضل لكن هو ده الواقع ... عموما الحمد لله و فداكي و الحمد لله أنك بخير .... فرصة تغيري العربية و تجددي و ربنا هايعوضهالك بأحسن منها أن شاء الله .... البوليصة الجديدة حطي التمن اللي أشتريتي بيه .... ما تشوفيش شر أبدا أن شاء الله .

تحياتي

[badroora]

سلام عليكم

شكرا جزيلا اخ سهران

لسة راجعة من التأمين والحمدلله لاقيت البوليصة مكتوب فيها 3900 مش 3500

وسالته هل ممكن تنكسل السيارة قالى لو التكاليف تعدت نص المبلغ هتتكنسل السيارة

اخدت الكوتيشين ورحت الكراج الراجل طمنى شوية قالى الشاسية سليم والاير باج مطلعش والانجين سليم بس فى معرفش خدش فى الدكتشير ولا مادري شنو وقالى احتمال تتكلف 2000 دينار وشوية لسه مش متاكد لما العربية يتعمل لها فحص هيتأكد من مبلغ

وقالى كله فى البلاسيتيك

يعنى اجمال الخراب فى الاتى

البمبر القدامى والورانى

الاضواء ظبعا الامامية كلها منسوفة

الزجاج الامامى فيه شرخ واكيد هيتغير

الجوانب مطبقة يعنى ممكن تتصلح مش تتغير دا راى معرفش الوكالة هما طبعا من مصلحتهم تغير كل شيء

الكبوت مدغدغ بس الحمدلله الانجين سليم

والعجل سليم بس المعدن اللى فيه مسلمش

بس :happy: تفتكر دى تعتبر خسارة كبيرة ؟

عموما وانا هناك عرض على واحد يشتريها ب 3000 وهى مكسرة كدا بس انا طبعا رفضت وسالته لو متصلحة تنباع بكام قالى 4200 فقلت يبقي اكيد شركة التأمين هيكنسلوها ويخدوها يصلحوها فى كراج نص كم وبعد كدا يبعوها

والله عربيتى على رغم الحادثيتن اللى فيها وكام خبطة كدا الا انها نضيفة جدا وخلال 3 سنوات عمله 36 000 كم فقط .

وكمان لا بطلع بها جبل ولا ديلو والله مستخسراها واتمنى التامين يصلحها وانا بعدين ابيعها .

عموما انا والله متفائلة خير وقلبي مرتاح مش عارف هل عشان هيكون خير ولا عشان انا طبيعتى متفائلة مادرى

المهم انى مرتاحة ومبسوطة وخلاص

وادونى عربية 8 ايام بس خايفة اروح استلمها قولت خلينى لما انسي شوية اللى شوفته

عموما متشكرة جدا ليكم والله انتم اكتر من الاهل

ربنا يكرمك يا رب

ونخدمكم فى حاجة مفرحة ان شاء الله :closedeyes:

تم تعديل 6 أبريل 2008 بواسطة Badria Mekkawy

[badroora]

عموما انا والله متفائلة خير وقلبي مرتاح مش عارف هل عشان هيكون خير ولا عشان انا طبيعتى متفائلة مادرى

المهم انى مرتاحة ومبسوطة وخلاص

لا بس عشان انا انسانة متفائلة مش اكتر wst::

الكراج قال التركيب بس 1800 دينار غير قطع الغيار وبكدا يبقي العربية هتتكنسل رسمي :cry:

يلا الحمدلله على كل شيء متشكرة ليكم يا جماعة على مجهوداتكم