احنا ليه بنربط كل حاجة فى حياتنا بالدين ...وهل كل مصاب مقصر فى حق ربه !!!

[badroora]

شيء مزعجا حقا فجاءة تلاقي كل الناس اصبحت متدينين ومرشدين وداعية اسلامية .

وعندهم فكر غريب وقدرة اغرب على ربط كل شيء بالدين

واحد مات يستاهل

واحد اصاب بمرض اصل ربنا بيعاقبة وبيخلص منه

واحد جاله سرطان اصل ربنا بيكفائه على مافعلة وهو تلاقيه فى الاصل لن يفعل شيء

واحد حصلتله مصيبة اصله مقصر دينيا واكيد ربنا زعلان منه .

واحد عمل حادث اصل جاتلة رسالة ع الاميل وكان المفروض ينشرها ل 10 اشخاص واهملها

بجد خرافات وللاسف يتفوه بها ناس من المفترض انهم على قدر من العلم والوعى .

اعتقد بقي لو الكلام دا صحيح يبقي اى حد مش بيصلي مش هينجه من اى مشكلة

اى حد يهودى او بلا ديانه يبقي مش هيتفوق ابدا فى حياته والمصايب هتلاحقة فى كل خطوة

يبقي كل واحد بيصلي وبيدعى وكل مايجيله اميل ينشرة هيعاف تماما ومش هيصاب باي مشكلة

طب لو الكلام دا فعلا صحيح ليه البلاد الاسلامية دول العالم الثالث وليس الاول , ليه مش متفوقين كنولوجيا ولا حتى فى اى حاجة

كان المفروض السعودية تبقي اعظم من اميريكا واسرائيل

كان زمان المسلمين هما اقوى ناس فى العالم فى كل شيء

بجد حاجة توجع القلب ان الناس بقت هى دى حياتهم ودا تفكيرهم كل شيء يربطوه بالدين

اعتقد دى ثقافة منتشرة جدا خصوصا بيننا كمسلمين ,لما تحدث مشكلة بدل من قول الحمدلله وقدر الله وماشاء فعل ولله ما اعطى ولله ما اخذ لاااااااااااااااااا

ناخذ كل شيء على انه عقاب وتقصير ,وليس رحمة او تذكرة

ربما اكون خاطئة ولكنى لا اعتقد من يتبني هذه الافكار ويتعامل بها بل وينشرها هو الحق.

تم تعديل 5 أبريل 2008 بواسطة Badria Mekkawy

[deemuck]

يا اخت بدرية الناس اسهل ما عندها اللعب في عقول الاخرين من خلال الدين لأن الدين (أي دين) هو دستور الانسان الذي يمشي به على الارض منه يحيا وبه يموت. فمن هذا المفهوم من الصعب فصل الدين عن الحياة اليومية. ولا بد من الصاق أي شيء يحدث من منظور ديني.

حصل زلزال اذا لا بد ان الله غير راضٍ عن هذه الامة. تمتنع الامطار اذا الله لم يرضى عن هذه الامة والناس تصلي والناس تدعو وهكذا.

الربط بين البلاء وبين النعم برضه يتم من خلال العقيدة والدين. واحد حصلتله مصيبة دة بلاء من الله..واحد رزق بنعمة دي مكافئة من الله. وبعدين يا اخت بدرية في جزاءات وعقوبات مؤجلة للاخر.

الي الان لا توجد أي مشكلة

تم تعديل 5 أبريل 2008 بواسطة deemuck

[سهران]

الأبتلاء حكمة ألهية و بالتأكيد مش عقوبة و ألا ........... خير البشر صلى الله عليه و سلم لو تتبعنا سيرته العطرة نجد صور الأبتلاء بأنواعها لنعلم أن الدنيا لا تساوي جناح بعوضة ... منذ بدأ الدعوة أضطهاد و أيذاء و أفتراءات و أتهامات ..... توفي أبناؤه ... و بكى لوفاة أبراهيم ..... صلى الله عليه وسلم و توفيت بناته رقية و زينب و أم كلثوم في حياته ... و أتهم و عانى في حديث الأفك ......... فأي أبتلاء أكثر من هذا .... خالد أبن الوليد توفي أربعين من أبناؤه و أحفاده و هو على قيد الحياة و هو صاحب الفتوحات العظيمة في الشرق و الغرب ..... و غيرهم كثير .... و في الآخرة عندما يرى الناس جزاء الصابرين من المبتلين يتمنوا لو كانوا مثلهم لينالوا أجر الصابرين .... فالصابرين يوفوا أجورهم بغير حساب ... و الأبتلاء فتنة و اختبار لقوة الأيمان ..... عافانا الله و أياكم . [/color]

تم تعديل 5 أبريل 2008 بواسطة سهران

[badroora]

يا اخت بدرية الناس اسهل ما عندها اللعب في عقول الاخرين من خلال الدين لأن الدين (أي دين) هو دستور الانسان الذي يمشي به على الارض منه يحيا وبه يموت. فمن هذا المفهوم من الصعب فصل الدين عن الحياة اليومية. ولا بد من الصاق أي شيء يحدث من منظور ديني.

حصل زلزال اذا لا بد ان الله غير راضٍ عن هذه الامة. تمتنع الامطار اذا الله لم يرضى عن هذه الامة والناس تصلي والناس تدعو وهكذا.

الربط بين البلاء وبين النعم برضه يتم من خلال العقيدة والدين. واحد حصلتله مصيبة دة بلاء من الله..واحد رزق بنعمة دي مكافئة من الله. وبعدين يا اخت بدرية في جزاءات وعقوبات مؤجلة للاخر.

الي الان لا توجد أي مشكلة

للاسف يا ديم مق هناك شريحة من المجتمع مافيش فى بؤهم غير الكلام دا عند حدوث اى مصيبة ,يعنى تبقي فى موقف ومتماسك وهما يخلوك تنهار من كلامهم ولومهم فى موقف غير مناسب نهائي ولما تحاول تجادلهم وتصحح فهمهم تلاقي حد يقولك اهدا اصل الشيطان متملك منك دلوقتى ودا كلام من الشيطان بالذمة مش دول مساكين ومحتاجين اعادة غسيل مخ

[badroora]

الأبتلاء حكمة ألهية و بالتأكيد مش عقوبة و ألا ........... خير البشر صلى الله عليه و سلم لو تتبعنا سيرته العطرة نجد صور الأبتلاء بأنواعها لنعلم أن الدنيا لا تساوي جناح بعوضة ... منذ بدأ الدعوة أضطهاد و أيذاء و أفتراءات و أتهامات ..... توفي أبناؤه ... و بكى لوفاة أبراهيم ..... صلى الله عليه وسلم و توفيت بناته رقية و زينب و أم كلثوم في حياته ... و أتهم و عانى في حديث الأفك ......... فأي أبتلاء أكثر من هذا .... خالد أبن الوليد توفي أربعين من أبناؤه و أحفاده و هو على قيد الحياة و هو صاحب الفتوحات العظيمة في الشرق و الغرب ..... و غيرهم كثير .... و في الآخرة عندما يرى الناس جزاء الصابرين من المبتلين يتمنوا لو كانوا مثلهم لينالوا أجر الصابرين .... فالصابرين يوفوا أجورهم بغير حساب ... و الأبتلاء فتنة و اختبار لقوة الأيمان ..... عافانا الله و أياكم . [/color]

ونعم بالله استاذ سهران

ليتهم ينظرون الى الجانب الايجابي من المشكلة او المصيبة

تعرف انا لى خال ربنا يكرمه يا رب ويطول فى عمره

ابنه الكبير قبل فرحه بيومين لقي واحد بيغرق فى البحر نزل عشان ينقذه انقذه ومات هو غريق .

الناس بقت تبكي وتصرخ خالى بقي يدعى ويصلى وكان فرحان

بعد كدا ابنه رقم 2 فجاءة فقد بصره بدون اى سابق انذار بن خالى نفسه قد ايه صبور وحليم وبيحمد ربنا وكان العمى دا شيء عظيم اه والله

بعدها بكام سنه خالى حصلتله حادثة وتقاعد فى البيت

ابنه رقم تلاته يوم حنته مات فى حادث سيارة

وتشوف خالى والله مو عشان خالى قد ايه صبور وبشوش ووشه منور وفخور جدا انه باللى هو فيه ولما حد يزعل على حالة قدامة يتضايق جدا ويقعد هو اللى يسواسيهم على رغم انه هو صااحب الابتلائات فسبحان الله يعنى الابتلاء بيكون على قدر الايمان

اسال الله الثبات عند كل ابتلاء

تم تعديل 6 أبريل 2008 بواسطة Badria Mekkawy

[سهران]

نسأل الله أن يكون في ميزان حسناته .... الصوفية ليهم كلمة جميلة بتقول .... ربما منع فأعطي و ربما منح فمنع .... فقد يكون العطاء و المنحة الألهية في الأبتلاء فيقربنا الى الله أكثر و يعيدنا الى طريق الله و يكون الصبر على الأبتلاء مفتاح للجنة ... و انما يوفى الصابرون أجرهم بغير حساب و ان شاء الله خالك يكون منهم لأنه صابر شاكر و الصبر و الشكر جناحان للأيمان .

[mozaboza]

اخت بدريه اولا يسلم بقك علي الكلام الصح ده

ثانيا عاوز اقولك انك ممكن تقعدي ادام ابوكي ماتفهميش اللي حيعمله كمان شويه وممكن تقعدي ادام استاذك ماتفهميش اللي بيشرحه فما بالك لما تحاولي تفسري اللي ربنا بيعمله صدقيني ممكن ماتفهميش سبب اللي حصل ده ابدا اعتقد ان الانسان لازم اولا يتقبل الخير والشر وثانيا يتعامل مع المشاكل من منظور منطقي اذا كان خير يحاول ينمية وينشرة اذا كان شر يحاول يتحمله ويعالجه وفي كل الحالات مش المفروض انه يسخط ويلعن لكن يحتسب الاجر عند الله ويعمل علي تغيير السئ واتنمية الجيد هذا هو رائي المتواضع ولذلك انا اتفق مع حضرتك

[Alshiekh]

الحقيقة ان هذا الربط ليس قاصرا علينا كمسلمين او كعرب ، بل هى ظاهرة يؤمن بها معظم البشر.

ولكن المشكلة تكمن فى التفسير الخاطئ لما يحدث أمامنا من ظواهر.

فبدلا من تفسير مايحدث للبشر من احداث بانه ابتلاء من الله ( حسن النية ) فيقومون بتفسيرها ( بسوء النية ) بأنه انتقام من الله بالنسبة لمن يؤمنون بالله ، وبانه مجرد ذنب فعله الشخص ويرد اليه وهذا بالنسبة لمن لايؤمنون بالله.

[MZohairy]

انا مش عارف المليار لا ديني في العالم غير مليارات الهندوس و البوزيين وآخرون وفيهم الغني و الفقير و السليم و العليل و الناجح و الفاشل عايشين ازاي؟

[badroora]

انا مش عارف المليار لا ديني في العالم غير مليارات الهندوس و البوزيين وآخرون وفيهم الغني و الفقير و السليم و العليل و الناجح و الفاشل عايشين ازاي؟

ماهو دا اللى انا بستغربله احنا بقي كمسلمين لنا قانون خاص بعيد عن الناس دول .

وفى ناس ردا على كلامك دا وكلامى اللى ذكرت فيه اليهود وغير المسلمين يقولك لاااااااااا ربنا بيحوش لهم ليوم القيامة عشان يكون العذاب الاكبر

لكن احنا كمسلمين لنا مقاييس خاصة وربنا عشان بيحبنا بيخلص مننا اول باول .

فعلا عقليات تعبانه ربنا ياخد بيدهم

وعلى راى الاخت موزة بوظة ان ربنا كبير اكبر من مستوي تفكرنا ومش من السهل نعرف ربنا بيدبر لنا ايه

استاذ محمد كلام حضرتك صح ولكن للاسف الاغلبية من المسلمين اللى وجدت فيهم هذا الفكر وبكثرة للاسف

تم تعديل 6 أبريل 2008 بواسطة Badria Mekkawy

[Alshiekh]

استاذ محمد كلام حضرتك صح ولكن للاسف الاغلبية من المسلمين اللى وجدت فيهم هذا الفكر وبكثرة للاسف

أنا برضه باتكلم عن غالبية غير مسلمة ، منهم المسيحى واليهودى والصينى والهندى والبهائى واللى مش حاجة خالص!

كل واحد حسب من يجاورهم

[~Heba~]

إذا الإيمان ضاع فلا حياة ولا دنيا لمن لم يحيا دينا

بس الحاجات اللى قولتى عليها دى لا تمت للدين بصله ده طريقة تفكير مش اكتر

[se_ Elsyed]

انا مش عارف المليار لا ديني في العالم غير مليارات الهندوس و البوزيين وآخرون وفيهم الغني و الفقير و السليم و العليل و الناجح و الفاشل عايشين ازاي؟

عايشين لإن ربنا هو اللي خالقهم وهو أحن عليهم من أي مخلوق

عايشين لإن النجاح والفشل الدنيوي ليس له علاقة بالدين

لكن حبذا لو إقترن بالدين فبيقى شيء عظيم جداً ..

والإمام إبن تيميه رحمة الله عليه له مقولة شهيرة تقول " إن الله ليرفع الأمة الكافرة بعدلها، ويضع الأمة المؤمنة بظلمها " وهو ما ينطبق علينا تماماً .

وهناك فرق . كالفرق بين السماء والأرض بين الدُنيا والأخرة

فالمليار لا ديني إختاروا الدُنيا وأخذوا بالأسباب ... لكن تفتكر هايتساووا مع من أمنوا بالله يوم الحساب ؟

وباقي المؤمنين بالله .. منهم الذين تخاذلوا في الدُنيا وتواكلوا ولم يأخذوا بالأسباب وعشان كده خسروا الدنيا وهو خطأ .. لكن لإيمانهم بالله فإن حسابهم عند الله بيختلف تماماً عن حساب اللادينيين اللي الإشارة بالنسبة لهم بتبقى خضرا إلى جهنم .

وهل هناك ذنب أكبر من نكران عظمة الخالق ؟

يعني ربنا يخلقنا وينعم علينا بنعم عديدة واعظمها العقل .. والواحد ييجي بعد كده يفكر نفسه حاجه وإنه أخترق السماوات والأرض ووصل بعلمه إلى ابعد الحدود .. وكل ده بمجهوده الفردي .. وبالتالي ما فيش خالق ومافيش حساب وما فيش بعث ... يبقى تفتكر ده ربنا هايسيبه كده بدون عذاب ؟

[MZohairy]

انا مش عارف المليار لا ديني في العالم غير مليارات الهندوس و البوزيين وآخرون وفيهم الغني و الفقير و السليم و العليل و الناجح و الفاشل عايشين ازاي؟

والإمام إبن تيميه رحمة الله عليه له مقولة شهيرة تقول " إن الله ليرفع الأمة الكافرة بعدلها، ويضع الأمة المؤمنة بظلمها " وهو ما ينطبق علينا تماماً .

وهناك فرق . كالفرق بين السماء والأرض بين الدُنيا والأخرة

هو ده اللي انا عايز اقوله يا أحمد

الموضوع هنا لا يخص الحياة الآخره

بل كيف يعيش الإنسان حياته الدنيا و يربط نجاحه و فشله فيها بدينه و مقدار تدينه من عدمه

و بالتالي طرحت السؤال هو كيف اذن يعيش اللا دينيين و ينجحون و يرسبون ايضا بدون وجود دين اصلا

[abaomar]

السلام عليكم

الاخوه الكرام جزاكم الله خيرا

بنربط كل حاجه بالدين لان الذى خلقنا قال لنا انه خلقنا لنعبده . و شرع لنا الدين ليبين لنا طريقه العباده و الحياه و كل شئ

(انا مش عارف المليار لا ديني في العالم غير مليارات الهندوس و البوزيين وآخرون وفيهم الغني و الفقير و السليم و العليل و الناجح و الفاشل عايشين ازاي؟)

(مَنْ يَهْدِ اللَّهُ فَهُوَ الْمُهْتَدِي وَمَنْ يُضْلِلْ فَأُولَئِكَ هُمُ الْخَاسِرُونَ (178) وَلَقَدْ ذَرَأْنَا لِجَهَنَّمَ كَثِيرًا مِنَ الْجِنِّ وَالْإِنْسِ لَهُمْ قُلُوبٌ لَا يَفْقَهُونَ بِهَا وَلَهُمْ أَعْيُنٌ لَا يُبْصِرُونَ بِهَا وَلَهُمْ آَذَانٌ لَا يَسْمَعُونَ بِهَا أُولَئِكَ كَالْأَنْعَامِ بَلْ هُمْ أَضَلُّ أُولَئِكَ هُمُ الْغَافِلُونَ (179) الاعراف

[MZohairy]

السلام عليكم

الاخوه الكرام جزاكم الله خيرا

بنربط كل حاجه بالدين لان الذى خلقنا قال لنا انه خلقنا لنعبده . و شرع لنا الدين ليبين لنا طريقه العباده و الحياه و كل شئ

(انا مش عارف المليار لا ديني في العالم غير مليارات الهندوس و البوزيين وآخرون وفيهم الغني و الفقير و السليم و العليل و الناجح و الفاشل عايشين ازاي؟)

(مَنْ يَهْدِ اللَّهُ فَهُوَ الْمُهْتَدِي وَمَنْ يُضْلِلْ فَأُولَئِكَ هُمُ الْخَاسِرُونَ (178) وَلَقَدْ ذَرَأْنَا لِجَهَنَّمَ كَثِيرًا مِنَ الْجِنِّ وَالْإِنْسِ لَهُمْ قُلُوبٌ لَا يَفْقَهُونَ بِهَا وَلَهُمْ أَعْيُنٌ لَا يُبْصِرُونَ بِهَا وَلَهُمْ آَذَانٌ لَا يَسْمَعُونَ بِهَا أُولَئِكَ كَالْأَنْعَامِ بَلْ هُمْ أَضَلُّ أُولَئِكَ هُمُ الْغَافِلُونَ (179) الاعراف

واضح انك مفهمتش مغزى سؤالي يابو عمر

وانا وضحته في ردي على سين سين و حوضحهولك تاني

ربط النجاح و الفشل في الحياة الدنيا بمقدار التدين ليس بمنطقي ابدا حيث يحيا بيننا مليارات اللا دينيين و ينجحون جدا و يفشلون جدا بدون دين اساسا

[se_ Elsyed]

هو ده اللي انا عايز اقوله يا أحمد

الموضوع هنا لا يخص الحياة الآخره

بل كيف يعيش الإنسان حياته الدنيا و يربط نجاحه و فشله فيها بدينه و مقدار تدينه من عدمه

و بالتالي طرحت السؤال هو كيف اذن يعيش اللا دينيين و ينجحون و يرسبون ايضا بدون وجود دين اصلا

ده إحنا عندنا كوارث والله يا شيخ زهيري

- تلاقي واحد مآنتخ طوال العام في دراسته ولما يسقط أخر السنة يقولك : قدري ونصيبي .. وقدر الله وما شاء فعل ....!!!!!!!!!!!! ونعم بالله يا سيدي لكن ربنا قالك نام وكبر دماغك وما تذاكرش طول السنة ... ولا المفروض تعمل اللي عليك وبعدين تتكلم عن القدر ؟

- عندنا أخ فاضل حافظ القرآن الكريم كاملاً وبيصلي بينا في الشركة وبيشتغل مُحفظ ظُهورات كده يعني ... شغال مساندة فنية في قسم الصيانة ( هلب ديسك يعني ) المهم إتفصل نتيجة إنه في الإنجليزي تعبان وما بيعرفش يتواصل مع العملاء ولا مع زمايلة .. فجه بيستشيرني فقلت له إنت دلوقت خدت خبرة لا تقل عن 6 شهور ... هات بياناتك عشان أعملك سي في كويسه وإنزل بها سوق الكمبيوتر اللي عندنا في الرياض وبه مئات الشركات ووزعها وإعمل إنترفيوهات .. ومش هاتخسر حاجه وزع عليهم السي في خلال شهر الإنذار وربنا يكرم .. فيقوم يرد يقول لي : مش محتاج ألف وأدور يا أخ س س لإن قدري هايجيلي لحد عندي وفي السماء رزقكم وما توعدون !!!! ولأني عصبي وبأنفعل وبأمد إيدي بسرعة جريت من قدامه عشان مالطشلوش ..

صباح الخير يا دوق زهيري

[abaomar]

السلام عليكم

حبيبى زهيرى بالنسبه للمؤمنين القاعده هى (

اما الكافرين فلهم الدنيا فقط حسب سعيهم فيها لان الله تكفل لهم بهذا .

[MZohairy]

السلام عليكم

حبيبى زهيرى بالنسبه للمؤمنين القاعده هى (

اما الكافرين فلهم الدنيا فقط حسب سعيهم فيها لان الله تكفل لهم بهذا .

الكافرين يابو عمر ياغالي لو مشتغلوش في الدنيا مش حيبقى ليهم الدنيا كمان

و المؤمنين لو مشتغلوش و فضلوا يعبدوا ربنا بس مش حيفوزوا بالدنيا و اعتقد ليهم جزاء في الآخره على عدم العمل و الأخذ بالأسباب في الدنيا

النجاح و الفشل في الدنيا بمقدار العمل و اعمال العقل و ليس بمقدار التدين والا لكان كل الملحدين من الفاشلين

تحياتي

[رحاب]

الاخت بدريه الدين مرتبط بالحياه فى كل نواحيها لانه اصلا مهمة الدين هى تسيير الحياه بشكل صحيح وتعليم البشر

كيف يعبدون الخالق سبحانه وكيف يعمرون الارض بما يعنى انه شامل لكل اوجه حياة الانسان فى الدنيا والاخره

ولكن المشكله تكمن فى انتشار ثقافة التواكل بيننا نحن المسلمين وعدم اخذنا بمبادىء العلم والتقدم

وهو ما نتج عنه ان تحول الدين الى شماعه نعلق عليها كل ما عجزنا عن تفسيره

بسبب جهلنا وتخلفنا :closedeyes: