الأهلى فى وعكة .. هل الحضرى السبب

[vipwithyou]

للأسف بدأ الأهلى الدخول فى وعكه صحية ربنا تأثر بغياب الحضرى

أو ما رأيكم فيما يحدث

تعادل المصرية للاتصالات أمس مع الأهلي‏1/1,‏ في ختام مباريات الأسبوع الـ‏22‏ للدوري الممتاز‏

وكمان الأهلي يبدأ "تهذيب" متعب كما تقول الجمهورية

أين يذهب الأهلى ...

[se_ Elsyed]

مش قوي كده يا تامر

والدليل بالأرقام

منذ ان هرب الحضري لعب الأهلي 6 مباريات فاز في 5 وتعادل أمس في واحده فقط

ودخل مرماه هدفين فقط وهو رقم قياسي سواء بالفوز او في تلقى أهداف في مرماه

ده وضع طبيعي بعد كأس الأمم الأفريقية إن اللعيبة يبقى عندها تشبع .. وكمان لإن الأهلي ضمن الدوري والفرق بينهم وبين أقرب منافسية هو 20 نقطة وفاضل 7 مباريات فكان لازم يبقى في بعض التهاون والإستهتار الغير مبرر والغير مطلوب عند اللاعبين .

[حسام يوسف]

السلام عليكم

بلاش تبرير يا س س

وادى النهاردة تعادل بالتيلة مع الاسماعيلى

وربنا سترها مع الاهلى

الولد شال انفرادين مالهومش حل

خليك حقانى وبلاش تعصب

الاهلى مش كويس ولا حاجةحاليا

[Scorpion]

مافيش أي فريق في العالم ممكن يستمر بنفس الوتيرة كل الماتشات اللي بيلعبها ... لازم تيجي فترة و يحصل فيه شوية هبوط لزوم استعادة الأنفاس ... في أعتي الفرق العالمية بيحصل نفس الشيء و تلاقيهم بعد سلسلة مذهلة من اللعب الرائع يخسروا او يتعادلوا كام مباراة و من فرق أضعف منهم بكتير ....

المهم احنا امتي حنتعب من وتيرة الماتشات المنيلة اللي بقالنا زمن معكوكين فيها .... أفففففف

[se_ Elsyed]

السلام عليكم

بلاش تبرير يا س س

وادى النهاردة تعادل بالتيلة مع الاسماعيلى

وربنا سترها مع الاهلى

الولد شال انفرادين مالهومش حل

خليك حقانى وبلاش تعصب

الاهلى مش كويس ولا حاجةحاليا

تصدق بالله

إن لو اي فريق في العالم بيمر باللي مر به الأهلي كان زمانه نزل درجة تانية

لما الحارس الأول في الفريق وحارس أفريقيا الأول يهرب بهذه الطريقة الخسيسة في وسط الموسم وإنت مقيدة محلياً وافريقياً ولا يمكن إستبداله إلا بعد 6 شهور ...

ولما تجيلك كمية إصابات بالكوم إما قضاء وقدر أو إن الفرق اللي قدامك بتلاعبك على إنهم بيلاعبوا يهود ( شوفت مصطفى كريم العراقي عمل إيه في الولد الصغير عادل عبد المنعم ) وييجي الليبرو بتاعك يجيله رباط صليبي في هذه المباراة و و و و و و

وبرضوا تفضل الأول وبفارق 20 نقطة عن منافسيك ..

ده مش إنجاز يا حسام ؟