بعد الإضراب الدور على إنتخابات المحليات

[se_ Elsyed]

ولما نقول المحليات .. يبقى هانشم رائحة عفن وفساد ضارب في جذورة كشجرة البلوط ... وخير دليل على كلامي هو مقولة الاخ محارب الفساد الأكبر في مصر ومُهرب ممدوح إسماعيل عيني عينك من المطار وواحد من اكبر رموز ..... الــــ مشيها النظام يا معلم الاخ الدكتور / زكريا عزمي عندما قال " فساد المحليات في مصر بقى للرُكب "

ولا داعي لذكر فساد الأحياء والرشاوي والعمارات اللي بتقع نتيجة التراخيص المضروبة وغض الطرف عن تلك الجرائم الجسيمة ...

وبما إن إنتخابات المحليات بعد كام يوم ... وزي ماحنا شايفين إن المنافس الأول للحزب الوطني هم الإخوان المسلمين الذين وإن إختلفنا معهم فلم يثبُت عليهم أي فساد أو إنعدام ضمير حتى الأن وكلها قضايا ملفقة والدولة تضرب أخماس في أسداس لكي تلفق لهم اي تهمة " غسيل اموال .. غسيل مواعين ... الإنضمام لجماعة محظورة .... دمهم مش خفيف ... كده يعني " وقالها حبيب العادلي الإسبوع الماضي حينما صرح تصريح رسمي وقال " إن وزارة الداخلية ستتصدى للطموح السياسي لجماعة الإخوان " وبالتالي بيلموا فيهم لم جامد عشان ما يقومش لهم قومه ..

وأعلم تماماً إن هاتحصل في عمليات تزوير في تلك الإنتخابات غير مسبوقة .. لإن ببساطة من ضمن شروط المادة 76 من الدستور المفتكس واللي متفصل على اكمام وياقة وحِجر جمالك مبارك .. إن مرشح الرقاصة قصدي الرئاسة لازم يحصل على الأقل على دعم 150 عضو مجلس محلي على مستوى جمهورية مصر العالمية ...

لذا لابد ان يكون لنا دور إيجابي وكل من له حق إنتخابي يُشارك حتى لو حصل تزوير .. على الأقل نكون أرضينا ضميرنا ولم نُقصر

[إيزيس]

إيه اللي حصل في الإضراب .......عايزين نعرف

[ابتسامة رضا]

السلام علينا وعلي عباد الله الصالحين

الحقيقة أنا كنت ناوية أنفض وأكبر ومروحش أدلي بصوتي في انتخابات المحليات

والسبب اني مش شايفة أي منافسة للحزب الوطني حتي اللي بيقولو علي نفسهم مستقلين

بيكذبوا علينا ويتضح انهم حزن وطني ..... أروح أنتخب مييييييييييييين

[se_ Elsyed]

شر البلية ما يضحك والله

هل تصدقوا إن إنتخابات المحليات ستُجرى اليوم في مصر ؟

اتحدى إن كان 70 % من الشعب يعرف كده اللهم إلا اللي واخدين أجازات النهاردة عشان في مدارسهم لجان إنتخابية مثلاً .

خدوا دي : هل تصدقوا إن الدولة شطبت مئات المئات من مرشحي الإخوان المسلمين واللي هاقول عليهم مصريين عاديين لا غبار عليهم ... بدون اي سبب ...

وخدوا دي كمان

وإن لحد أول إمبارح كان هناك 500 مرشح للإخوان متوافق عليهم بعد عناء وجهد وتعذيب وكانوا هاينزلوا الإنتخابات النهاردة .... إيه اللي حصل بقى ؟

طلعت الكشوف إمبارح والحزب الوطني ممثلاً في حكومة الحزب وحزب الحكومة فلتر اللي جابوهم إلى 20 مُرشح فقط ... تخيلوا ؟

طب خدوا التقيلة بقى واللي قضت على كل مظاهر الغنتخابات والإفتكاسات : هل تصدقوا إن عشان المنع والسحل ده ..إن الحزب الوطني فاز بـ 70 % من مقاعد المحليات بالتزكية ... لإن الحكومة كانت بتنفخ أي حد نازل قدامهم ؟

هل هذا نظام يستحق أن يعيش ولو ليوم واحد في السُلطة ؟

بغض النظر عن إخوان ولا بتنجان .... هل مش من حق أي إنسان مصري إن شالله لو شيوعي إنه يمارس حقوقه السياسية بشكل طبيعي ؟

[رمضان]

لذا لابد ان يكون لنا دور إيجابي وكل من له حق إنتخابي يُشارك حتى لو حصل تزوير .. على الأقل نكون أرضينا ضميرنا ولم نُقصر

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بذلك سوف نعطي هذه الانتخابات شرعية سيسجلها التاريخ علينا

انا اكتر واحد نفسي اغير لاني اكتر واحد اتأذيت من المحليات وفسادها تخيل لما يعرضوا عليه اني اديهم رشوة علشان يسيبوني ابني ارضي او يطلقوا عليه بلطجيتهم ويأخدوها مني ( بس العبد لله جاب بلطجية اكتر منهم وبنيت عافية ) هذه هي المحليات التي جعلتنا نتفاوض مع بلطجية

ماذا تريد اكثر من ذلك

[se_ Elsyed]

طبعاً العملية إنطبخت إمبارح في منتهى السلاسة .. وتم إعطاء التمام للسيد الرئيس القائد بإن إنتخابات الرئاسة القادمة في 2011 ستكون شورطها متفصلة تمام التمام على مقاس جمال بك ...

حيث إن الوطني إكتسح إمبارح الإنتخابات

وصلت نسبة التزكية إلى 90 % .. عشان وزارة الداخلية سحلت كل اللي تجرأ ونزل قدام الوطني ... وكنت فاكر إنهم سحلوا الإخوان بس .. طلعوا بيسحلوا أي حد الشيطان يوزه وينزل أمامهم .. ومنهم على سبيل المثال شيء لا نسمع عنه إسمه الحزب العربي الإشتراكي الناصري مش عارف مين .. كانوا منزلين 410 مُرشح ... الداخلية شطبت حوالي 400 إسم ( بدون أس أسباب كما فلعوا مع الإخوان ) وإتبقى 12 وأقطع دراعي لو واحد فيهم فاز ...

إذا بهذا الشكل مرشح الرئاسة - الغير وطني ... داسوس يعني - في 2011 لو كان لنا عُمر مش هايلاقي على الأقل 150 عضو مجلس محلي عشان يؤيدوا ترشيحه ....

تخيلوا بقى إكتشفت إن عندنا كام عضو مجلس محلي على مستوى الجمهورية المفروض إنهم من السلطة التنفيذية اللي هدفها خدمة الناس لإنهم أقرب لهم من اعضاء مجلسي الشعب والشورى ؟

53 ألف عضو مجلس محلي .......!!!!!!!!!!!!!!!!!!

يا نهار مش فايت

بالله عليكم .. عمر حد سمع عن شخص واحد فيهم ؟

او سمع عن دور لهم غير تلقي رشاوي إستخراج تراخيص المباني أو وضع يده على أراضي الدولة ؟

بس على مين ... برضوا .. يمكرون ويمكر الله ، والله خير الماكرين ..

كان السادات نفع نفسه لما قيف الدستور على مقاسه وفي نفس السنة أُغتيل ...

لكن إن الله لا يُغير ما بقوم ... حتى يغيروا ما بأنفسهم ..

ونريدها ثورات وأحتجاجات سعبية على الفساد كل يوم

هناك دعوى تنتشر الأن على النت بإضراب أخر يوم عيد ميلاد الريس 4/5/2008

أينعم مجهولة الهوية وما نعرفش مين وراهم ..

لكنها بوادر تحرك شعبي ووعي .