مشاكل في الخروج من مصر وياريت تشاركوني بأراكم

[kingsabry]

يا جماعه أنا عندي مشاكل كتير جدا في الفيزا اللي معايا دلوقتي ياريت تشاركوني زي ما عهدتكم من مواضيعكم الرائعه :

أولأ : أنا خريج كليه تجاره 2007 وجاتلي فيزا من قريبي وهي ( سمكري مركبات _ ده اللي عرفتوه الأخر ) المهم أول شئ حللت فيرس وأخدت الوصل من المعامل تفيد بأني سليم والحمد لله .. روحت جامكا وودوني على مستشفى في المهندسين وقاللي غير لأئق وجاتلي شهاده بكده ومكتوب في الخانه ( غير لائق ) .. المهم الفيزا جايه على مكتب المعالي وهو كويس الناس اللي شغاله فيه معرفه جامد بيه .. قالولي روح اسكندريه واعمل شهاده من هناك .. روحت برده ونفس الوضع بس عملولي ( لائق صحيا للوظيفه المحاذيه لأسمه ) بس كتبوا في خانة أشعة الصدر شوية كلام كده بالانجليزي بس . وريت الشهاده للمكتب قالولي كويس كده ان شاء الله هنطلعلك التأشيره .. الحمد لله ده أول شئ ولو اني مش مطمن لحد لما أستلم التأشيره بايدي .. يارب

ثانيا : الوكاله كانت مع قريبي وقاللي ان الوظيفه سمكري سيارات ( خدوا بالكم ) تاني حاجه في الأخر وأنا بقدم ورقي اتضحلي ان الوكاله مكتوب فيها سمكري مركبات .... عاوز أعرف رأيكم

المكتب قاللي ان شاء الله هتطلع التأشيره وبرده مستني على أعصابي لما ربنا يسهل ان شاء الله وتطلع ..

بس فيه حاجه...........

هل فيه صعوبه ان يكون تحليل الفيرس من مصر والشهاده من اسكندريه (الفيزا جايه على القاهره )

مع العلم ان لما جالي غير لائق أول مره ... غيرت الجواز وعملت تحليل فيرس جديد وسليم برده الحمد لله وعملت شهاده من المستشفى في اسكندريه ..

وادعولي ربنا يوفقني وأستلم التأشيره .. يارب

تم تعديل 6 أبريل 2008 بواسطة kingsabry

[badroora]

طيب واحدة واحدة مفهمتش حاجة

اولا مركبات يعنى سيارات يعنى عربيات مافيهاش مشكلة المسمي للوظيفة .

ثانيا حضرتك عملت التحاليل والحمدلله طلعت خالى من الفيروسات صح؟

ايه بقي مشكلة الشهادة الصحية ليه غير لائق هل حددو لك السبب ام لاء.

وبخصوص الشهادة طلعته من اسكندرية فبركة يعنى ولا كشفت تانى بليز وضح عشان نقدر نساعدك ونطمنك .

وان شاء الله ربنا يصلحلك الحال ومشاكلك تنحل وتسافر بالسلامة

انا دعيلتك اهو ودعوة المسافر مستجابة wst::

تم تعديل 6 أبريل 2008 بواسطة Badria Mekkawy

[waelbaha]

اولا مع احترامي لكي يا اختي بدريه

انا مش موافق اخونا صبري على موضوع السفر بالشكل ده

ازاي واحد محاسب يروح السعوديه او حتى الخليج عموما بفيزة سمكري؟؟؟؟؟؟؟؟؟؟؟؟؟؟؟؟؟

انت عاوز تسافر وخلاص؟؟؟؟

وماتعرفش انت ممكن تشوف ايه هناك

يابني اطلع من بلدك بكرامتك وحافظ انت عليها حتفضل مستريح ولكن لو انت نفسك فرطت في نفسك بالشكل ده يبقى تستحمل اللي يحصلك منهم واوعى تشتكي

انت ماتعرفش دول بيعملوا ايه - انا مش عاوز اغلط فيهم لان كل بلد فيها وفيها - لكن نصيحتي لك اوعى تفكر انك تطلع من مصر لمجرد الهروب من الحالة التعبانه اللي احنا فيها

صدقني ما خفي كان اعظم وخصوصا لو احنا اللي بدأنا وفرطنا في كرامتنا - يبقى عندهم حق لو عملوا فينا اكتر من كده

تم تعديل 7 أبريل 2008 بواسطة waelbaha

[النجم الثاقب]

السلام عليكم

انا بأييد كلام الأستاذ وائل . راجع نفسك و دور على فيزا بمهنتك عشان متندمش بعد كده . أبسط شىء مش هتعرف تعمل إستقدام لزوجتك فى المستقبل إن شاء الله إلا بطرق غير شرعيه و دى قريت فى المحاورات ان عليها مشاكل دلوقتى

متستعجلش.

[kingsabry]

أنا بأشكركم كلكم على المساهمه . بس حبيت أوضح حاجه ::

واحد قريبي هو اللي جايب الفيزا تعتبر حره نوعا ما ( وأنا عارف ان مافيش حاجه اسمها حره ) لان أنا مش هشتغل عند الكفيل ده .. يعني أنا هشوف شغل في مكان تاني وهنقل الفيزا على الشركه أو المكان التاني ده .

ثم ان قريبي ده قاللي انت هتختم شهادة الكليه من الخارجيه (ده لو أنا ما نقلتش كفاله ) علشان أعرف أستقدم بعد كده . وده اللي أنا عملته .

........ أما بخصوص الشهاده :

اليومين دول بيطلبوا شهاده فيرس و شهاده صحيه .. شهادة الفيرس خلصنا منها والحمدلله أما الشهاده الصحيه المفروض انها بتطلع بسهوله بس اتعقدت معايا مش عرف ليه .. وزي ما قولتيلكم هو لو الشهاده مكتوب فيها لائق بس فيه أي بند جواها مثلاالصدر أو القلب أو أي شئ مكتوب فيه غير لائق . هل تعتبر دي مشكله مع العلم ان الشهاده في مجملها مكتوب فيها ( لائق للوظيفه المحاذيه لاسمه ) .

يعني أنا حبيت أستفسر عن حاجتين ::

1- هل مش بتفرق لو أنا جبت الشهاده الصحيه من اسكندريه مع العلم بان الفيزا جايه على مكتب في القاهره .

2- المهنه لو اختلفت بمسماها ( عن المهنه في الفيزا ) فيها مشكله.. يعني انا مشيت في الورق كله وأنا كاتب سمكري سيارات ... واتضح في الأخر وأنا بأجيب عقد الوكاله انها سمكري مركبات ..!

وأن بشكر كل اللي بيساهم معايا في الموضوع ده .

[muslim4ever]

شوف ياصبرى ياملك (ولو ان ملك بالوضع ده مش بلعها)

مش حاعيد الكلام المكرر 8 مليار مرة ... انت اكيد اعلم بظروفك واحوالك ومن الواضح انك واخذ القرار

ومن الواضح من كلامك انك وثق فى قريبك بشكل كبير .. فتوكل على الله

بس متجيش بعد كام شهر ونلاقى استغاثة من الاعماق ... وعايز انزل ... والكفيل ابن ستين .. والسعوديين الظلمة ... انت اللى اخترت واذا حضرت على هذة المهنة

فلن تجد مايسرك كثيراً ... وموضوع تغير المهنة لن افتيك فية واقول لك انه حينفع او لا ولكن لو بتتكلم قانونى .... مينفعش ...... حركات .... وطنطيط .... وشغل تلات

ورقات ..... ينفع ..... وحتدفع فلوس .... وممكن يتنصب عليك .

اتمنى لك التوفيق ...

واتمنى لك من القلب وضع افضل من ذلك .

[kingsabry]

يا جماعه واضح ان حضراتكم كلكم متفقين على شئ واحد وهو ان أنا ما أسافرش بالفيزا دي وأنا معاكم في كل كلمه بتقولوها بسبب المهنه وما شابه بس أنا استخرت ربنا ومشيت في الموضوع وربنا يسهل في الموضوع .. خلاص أنا قدمت ورقي للمكتب لاستخراج التأشيره وربنا يسهل .. يارب ...

الظروف في مصر وحشه جدا ...... أكيد كلكم عارفين كده

أي شغل في مصر بمرتب مايزيدش عن ال 500 جنيه وده أقصى راتب وكمان مش في بلدك .. وشيل منه المواصلات الواحد يطلع مديون ..

ويا جماعه أنا أعرف جماعه اصحابي كتير فضلوا يقولوا لا للفيزا دي ولا لدي .. وفي الا خر هما لسه موجودين في مصر محلك سر .. (يارب افرجها على الجميع )

بس أنا أعتقد مع خبرتي القليله ان السفر حتى لو فيه بهدله أحسن ميت مره من القاعده في مصر ......

تم تعديل 7 أبريل 2008 بواسطة kingsabry

[vipwithyou]

اولا انا معجبنيش اسم البلد اللى حضرتك كاتبه كلنا عايزين بس عايزين نسافر علشان نشتغل ونرجعلها تانى

المهم مش دا موضوعنا لأن دى حرية شخصية

موضوع الشهادتين الصحيتين دا موضوع من زمان جدا ً

المفروض حضرتك سلمت الورق للكتب خلاص ولا لسة

المكتب قالك هيطلعلك التأشيرة ؟

وهو على علم تانى بمهنتك ومهنه التأشيرة وكمان على علم تانى بالشهادة الصحية اللى معمولة من اسكندرية

يبقى مش فى ايدك حاجة خالص دلوقتى غير الانتظار

وانت بتقول المكتب ثقه يبقى خلاص

اما انك تسافر بمهنه مش مهنة محاسب فواضح ان حد جايبهالك يعنى مش هتكلفك كتير ابدا ً زى المهنه محاسب

ومش عيب ابدا ً انك تسافر بتكلفة بسيطة بمهنه غير مهنتك لأنك هتعوض دة هناك حتى لو دفعت فرق للاستقدام

دا رأيي الشخصى

شكرا

[kingsabry]

اولا انا معجبنيش اسم البلد اللى حضرتك كاتبه كلنا عايزين بس عايزين نسافر علشان نشتغل ونرجعلها تانى

المهم مش دا موضوعنا لأن دى حرية شخصية

موضوع الشهادتين الصحيتين دا موضوع من زمان جدا ً

المفروض حضرتك سلمت الورق للكتب خلاص ولا لسة

المكتب قالك هيطلعلك التأشيرة ؟

وهو على علم تانى بمهنتك ومهنه التأشيرة وكمان على علم تانى بالشهادة الصحية اللى معمولة من اسكندرية

يبقى مش فى ايدك حاجة خالص دلوقتى غير الانتظار

وانت بتقول المكتب ثقه يبقى خلاص

اما انك تسافر بمهنه مش مهنة محاسب فواضح ان حد جايبهالك يعنى مش هتكلفك كتير ابدا ً زى المهنه محاسب

ومش عيب ابدا ً انك تسافر بتكلفة بسيطة بمهنه غير مهنتك لأنك هتعوض دة هناك حتى لو دفعت فرق للاستقدام

دا رأيي الشخصى

شكرا

شكرا يا vip على الملاحظه

وتم تعديلها

[مصري أصيل]

الأخ صبري المحترم

أنا مش عارف الأخوان اللي ردوا أستنتجوا أزاي أنك رايح السعودية بالرغم عدم ذكرك ذلك أو ربما قمت بتغير المداخلة بعد ذلك الله أعلم.

المهم أن كنت مسافر السعودية فعلاً فأنا لا أعلم بقوانينها ولكن توجد بلاد أخري كالكويت مثلاً تقوم بالكشف الطبي مرة أخري قبل أن تقوم بدق الأقامة ولو لم يجدوا هذا الشخص لائق طبياً يتم تسفيره في الحال ولكن المشكلة بعد أن يكون دفع تكاليف الفيزا وتكاليف السفر وخلافه . هذا هو الوضع في الكويت ربما الوضع مختلف في السعودية ولا تقوم السعودية بإجراء الكشف الطبي مره أخري

[vipwithyou]

يا ريس استنتجنا من شهادة الفيروس والوكاله وكمان الشهادة الصحية بتاعة اسكندرية

انما الكويت بيعملوا حجر صحى

وهما دول تقريبا ً الدولتين اللى بيعملوا شهادات صحية غير ان الاردن دخلت معاهم دلوقتى

تمام يا ريس

[magedghonim]

يا جماعه واضح ان حضراتكم كلكم متفقين على شئ واحد وهو ان أنا ما أسافرش بالفيزا دي وأنا معاكم في كل كلمه بتقولوها بسبب المهنه وما شابه بس أنا استخرت ربنا ومشيت في الموضوع وربنا يسهل في الموضوع .. خلاص أنا قدمت ورقي للمكتب لاستخراج التأشيره وربنا يسهل .. يارب ...

الظروف في مصر وحشه جدا ...... أكيد كلكم عارفين كده

أي شغل في مصر بمرتب مايزيدش عن ال 500 جنيه وده أقصى راتب وكمان مش في بلدك .. وشيل منه المواصلات الواحد يطلع مديون ..

ويا جماعه أنا أعرف جماعه اصحابي كتير فضلوا يقولوا لا للفيزا دي ولا لدي .. وفي الا خر هما لسه موجودين في مصر محلك سر .. (يارب افرجها على الجميع )

بس أنا أعتقد مع خبرتي القليله ان السفر حتى لو فيه بهدله أحسن ميت مره من القاعده في مصر ......

--------------------------------------------------------------

طبعا يا صبري باشا ياملك

واضح انك متعرفش لسة: يعني ايه بهدلة الي هي احسن مية مرة من القعدة في مصر

بس انت لسة صغير وخريج جديد

اتبهدل شوية مش مشكلة واهو كل بثوابه

وبعدين ربنا ما بينساش حد

خلي املك فيه كبير

وانت دلوقتي ما عليك الا الانتظار

وبالتوفيق ياااااارب

ومش هوصيك صلي استخارة ياصديقي

[magedghonim]

.

تم تعديل 10 أبريل 2008 بواسطة magedghonim

[osmel33]

ممكن أعرف بس للعلم بالشىء أيه اللي يخليك تسيب بلدك وتطلع بالوظيفة دى فنى ولا سمكرى مش عارف ايه يا ابنى انت واللى زيك هما اللى رخصوا كل اللى بيسافر بره وعلشان تدور على شغل فى السعودية أنا ما عرفش ايه الظروف اللى هناك أنا عايش فى قطر وشايف ان الدول اللى زى قطر والإمارات هى اللى ممكن تحصل فيه شغل كويس لكن السعودية الله أعلم أرجوا منك التفكير بصورة عقلانية كلنا عارفين اللى بيحصل فى مصر وعلى فكرة يمكن اللى بره بيحسوها كما لو انهم فيها لأنهم بيكونوا جربوا العيشة اللى ممكن نقول عليها مرتاحة وبيخافوا يرجعوا مصر لأى سبب فلازم طالما نويت تطلع منها فلابد تطلع على حاجة محترمة وربنا يوفقك

[vipwithyou]

ايه يا استاذ اسامه بتسأله السؤال دة ليه

مش تسأل نفسك السؤال دة الأول

انت سبت بلدك وسافرت قطر ريه

بغض النظر الوظيفة ايه

لكن اسأل نفسك الأول ونفس ردك هيكون رد الراجل

شكرا

[osmel33]

ايه يا استاذ اسامه بتسأله السؤال دة ليه

مش تسأل نفسك السؤال دة الأول

انت سبت بلدك وسافرت قطر ريه

بغض النظر الوظيفة ايه

لكن اسأل نفسك الأول ونفس ردك هيكون رد الراجل

شكرا

انا لما سبت بلدى ياسيد يامحترم سبتها على حاجة محترمة فالمطلوب أن لما واحد يفكر فى السفر لازم يكون فيه بدل للغربة مش نطلع ونهج من البلد واحنا مش عارفين هانعمل ايه لأن ده اللى بيرخص ثمنا بره واللى دايما يقولوه أهل الخليج امشى واحنا نجيب عشرة بدالك بملاليم ده هو اللى احنا وصلناله نتيجة السفر بدون أدنى تفكير احنا مسافرين نعمل ايه وبدون حتى ما نكون مؤهلين للسفر أصلاً