المنتدى مشاركاته بطيئة جدا

[فيصل رافت]

السلام والرحمه على اعضاء المنتدى وزواره

لوحظ فى الاونه الاخيره بطئ المشاركات بشكل ملحوظ جدا بمعنى كان الاول مجرد ما فى واحد يكتب سؤال او عاوز استفسار نلاقى الردود نزلت العشرات واخد وعطى كده والامور ماشيه انما فى الوقت الراهن نلاقى السؤال يتسال ونلاقى رد كمان شهر ولا اتنين وياريته من واحد متخصص كمان الصراحه المنتدى الاول كان اظرف وملم اكتر من كده

[~Heba~]

السلام والرحمه على اعضاء المنتدى وزواره

لوحظ فى الاونه الاخيره بطئ المشاركات بشكل ملحوظ جدا بمعنى كان الاول مجرد ما فى واحد يكتب سؤال او عاوز استفسار نلاقى الردود نزلت العشرات واخد وعطى كده والامور ماشيه انما فى الوقت الراهن نلاقى السؤال يتسال ونلاقى رد كمان شهر ولا اتنين وياريته من واحد متخصص كمان الصراحه المنتدى الاول كان اظرف وملم اكتر من كده

و الله يا استاذ فيصل المحاورين و المحاورات ما قصروا

لكن اللى بيحصل انه بتيجى ناس بتسأل سؤال اتسأل ستين مرة قبل كده و هم مش بيكلفوا نفسهم حتى عناء البحث

و المحاورات ما شاء زاخرة بكنوز المواضيع اللى فيها كل المعلومات

انما لوغير كده فيمكن الناس مش عارفين لكن يكتموا حاجة عارفينها فالمحاورين المصريين ميعملوش كدا ابداااااااا

ولو اخدت بالك الراس الكبيرة فى المحاورات استاذنا الكبير سى السيد مش سايب حد و بتلقف الاعضاء الجدد بالاحضان وبيخدم على قدر ما يقدر

وكمان الجماعه بتوع كندا

و لو حد عايز يهاجر اسوان انا برضو مش حتأخر wst::

[se_ Elsyed]

لا راس كبيرة ولا ودان طويلة يا باشمهندسة

ما يتحدث عنه الأستاذ فيصل ( بالمناسبة هو حاطط موضوعه في باب الإقتصاد مش عارف ليه !! ) هو الإستغلال بعينه

فكثيراً ما نجد أشخاص أنضموا للمنتدى وهم في إعتقادهم إنه داخلين مكان بفلوسهم لا مؤخذه وعايز خدمة 5 نجوم !!!!!!!!!!!!! .. وبالتالي لما يسأل سؤال لازم قبل ما يدوس إنتر ويبعت السؤال يلاقي 100 رد ومن متخصصين كمان (أنف وأذن ونسا وولاده وعلماء ذرة ) يعني مش أي كلام آه ... أنا مش بأدفع فلوس ؟ يبقى من حقي تجاوبوا عليه ولما تجاوبوا أمشي وماوريكمش وشي وأبقى خدت اللي أنا عايزه ...

أسف يا جماعة والله ..

منتدى محاورات المصريين مش كده

كمان الصراحه المنتدى الاول كان اظرف وملم اكتر من كده

أظرف من ناحية إيه يا أستاذ رأفت ؟

كان في نُكت وكده ولا إزاي ؟

وبعدين إذا كنت حضرتك برضوا عايز تعرف حال المنتدى .. يبقى أنظر لحالك

لو إنت بتشارك وبتخدم زملائك بالمنتدى ... يبقى المعاملة بالمثل

ولو إنت داخل عشان تسأل وتطقس وتلاقي متخصصين يجاوبوك ... يعني بتستقبل بس ما بترسلش ... يبقى العنوان غلط حضرتك .

[nash]

لا يمكن والله يا استاذ فيصل حد فينا يشوف سؤال أو طلب ويستطيع تقديم إجابه شافيه ووافيه له ويتأخر أبدا...

ببساطه لو أي حد مايعرفش الإجابه بينتظر الأخرين...لكن أحيانا بتكون فيه طلبات لا يستطيع أي واحد أن يجاوب عليها...

ولو حضرتك أخدت لفه بحث وشوفت كم الإستفسارات هنا ستجد بضعه تعد علي اصابع اليد الواحده هي التي لم يجاوب عليها

[badroora]

حضرتك مشترك فى نوفمبر 2007

عندك 50 مشاركة

منهم حوالى

10 مواضيع لحضرتك بخصوص البناء واللاسمنت والحديد

وباقي الردود تنحصر داخل مواضيع حضرتك على كام مشاركة معدودة كدا فى المواضيع التى تشبة المواضيع اللى حضرتك طرحتها .

سالت سؤال عن اسعار الاسمنت ولن يجيبك احد ؟

والسؤال دا كان فى فبراير يعنى عدى عالموضوع شهرين فقط بل اقل .

وحضرتك نشاطتك محدود داخل اطورحاتك فقط .

ومع ذلك هناك اناس افاضل جادوا باللى يعرفواه وردوا على حضرتك من خلال تجاربهم الشخصية .

ودا كمان لن يرضي حضرتك ... معلش بقي هل حضرتك سجلت فى المقالون العرب عثمان احمد عثمان وشركاه وفجائه لاقيت نفسك هنا

طبعا انا باهزر اوعى تزعل من كلامى انا بس حبيت افنطك واقولك انك اول المقصرين ان جاذا لنا اطلاق لفظ تقصير على من لن يرد على تساؤولاتنا .

وعموما نوعد حضرتك بعد مرور ازمة الاضراب على خير نسوف نلتف الى مطالب الشعب حتى لا نخسر زبائئنا الكرام

نجفة الضب

مشخصة اجتماعية

بمحاورات المصريين

وخد الدفاع الاول عن حقوق الاعضاء

عضو مؤسس جميعة الاعضاء الاحرار :happy:

[عادل أبوزيد]

تم حذف عدد من المشاركات خارج الموضوع

من قواعد محاورات المصريين :

6- يمنع تغيير مجرى الحوار في المواضيع أو محاولة تشتيت الأفكار التي يناقشها كاتب الموضوع أو تحويل المواضيع الى مهاترات شخصية وسيتم تحرير او حذف مثل هذه التعقيبات.

7- إدارة منتدى حوارات المصريين تشجع على الحوار الحر والهادف وتشجع على التفاعل بين روادها وتسعى بأن تجعل التعقيبات مفيدة ، ومشاركات الأعضاء المتكررة التي لا بقصد الإثراء بها والإفادة و الإستفادة و إنما لزيادة عدد مشاركاته سيكون مصيرها الحذف ، وبالذات إذا كانت ضمن مواضيع جادة وهادفة لما تشكله من إعاقة في سير الحوار الموضوعي.

[vipwithyou]

أنا اخترت التصويت طبعا ً بلا

لأنى فعلا شايف ان لا الأعضاء ولا الشرفين مقصرين فى حاجة

وفى تفاعل تام ومساعدة غير منتظر منها للمقابل

وفعلا عندما يم طرح اى موضوع او سؤال الجميع كل من لديه معلومة او خبرة ولو بسيطة يضعها على الفور دون تأخر

دا رأيي الشخصى وانا اخترت توصيتى والله على ما اقول شهيد

شكرا

تامر السيد