فعلا الله يكون فى عون المصريين المغتربين

[م.سامح المصرى]

السلام عليكم ورحمه الله وبركاته

يمكن ناس تظن انى اتغربت من اسم الموضوع (بس مش لما اخلص دراسة الاول wst:: )

بس انا جاتلى فرصة فى محافظة تانية غير الى انا كنت فيها

كنت فرحان بيها اولا علشان كنت عايز اروحها بس سياحة

فقلت جت لغاية عندك اول يوم اتخنقت وصلت الصبح كنت عايز ادور الدفة وارجع القاهرة تانى

ما تخيلتش انى مش هاشوف اخواتى زى كل يوم وبالزات ما تخيلتش انى ما اشوفش امى يومياً

ولا صحابى الى كنت بخلص شغل اروح اعد معاهم واروح متأخر

ولا الناس جيرنا الى كنت بشوفهم كل يوم الصبح

ولا .... ولا ... ولا .... عادات كنت بعملها فى مكانى ...

انا كنت بكرة المعهد الى انا فية جدا لانه طيرلى وظيفة فى ابو ظبى (مش بتاعت 1500 درهم :sad: )

لا دى واحدة تانية من قريب قابلت الراجل وطلعت شركة كبيرة فى الأمارات كان الراتب هيصل الى 6000 كبداية والنظام جميل

بعد ما العم قال كل الامتيازات الى هاتعامل بيها قلتله بس على فكرة انا طالب .... قلت اكيد هايخدنى قلم ويقول برا

كرهت المعهد جدا وكرهت التعليم ..... بس لما جيت هنا وحاولت اتعايش بجد مش قادر حبيت المعهد

اذا كان انا هنا فى مصر ومش قادر اتعيش مع التغيير من محافظة لمحافظة تانية ولو حتى كان اغلبها اجانب او مختلفى الجنسيات

بس الى صبرنى شوية هنا ان انا اعد مع شباب ربنا يكرمهم يا رب ناس زى العسل مصريين بجد بيحبو مصر جدا

والصلا فى وقتها وتخيلوا انى حسيت بجو ايمانى فى الغردقة مع الناس دى ما حسيتهوش فى القاهرة وبيشجعوا على الصلا

بس العائق الى بلاقية فى كل شغلانة اروحها انى اصغر واحد بينهم :sad:

بس الحمد لله بتعايش وفى ظل انى عايش مع المصريين الجمال دول وقلبنا على بعض فى كل حاجة

شغالين معانا اتنين اجنب من الجنس الناعم بيكنوا لبعض بعض العداوة ولينا احنا كمان

فتعجبت ..... لان انا ما سمعتش عن كدا خالص

كنت بسمع ان المصرى هوا الى ندل والاجانب هما الى بيحبوا المصريين ومحترمين

بس الى اتضحلى العكس (فى بعض الاجانب )

بس طبعا الى يهمنى المصريين الى بيشجعونى على الهداية والصلا

ناس هاتقول دا مدلع اوى دا فى مصر وفاكر نفسة مغترب ....

بس الموضوع اساسا على حال المغتربين انا فى مصر وفكرت فى الحاجات دى

فما بالكم بالمغتربين الى خارج مصر اكلهم ازاى عايشين ازاى انا هنا بعد الايام علشان انزل امتحان العملى

والايام بتمر ببطء شديد جدا جدا

امال هما مستحملين ازاى لو واحد منهم اتخنق ومش قادر....... يعتبر خلاص جاب اخرة وعايز يرجع البلد ومش قادر

بيعمل اية

بتبقى حالتة النفسية ازاى

الواحد تعب من كتر التفكير

لكن ارفع القبعة لكل مغترب

والسلام ختام

[nash]

ربنا يوفقك يا سامح....

حقيقي اثلجت صدري بوجود نماذج لشباب رجاله...ماشاء الله.....

إن شاء الله تمضي الفترة دي علي خير.....وترجع لكل حبايبك واهلك بكل النجاح....

وكفايه شهاده شاب مثلك لشباب مصر الحلوين....الرجاله الاصلا...مش اللي قاعدين علي القهاوي ونازلين سلخ في مصر...

المغترب ....أي إنسان بعيد عن اسرته سواء داخل الوطن أو خارجه...

ربنا يوفقك ياااااااااارب

[أسد]

الغربة إحساس يصل للإنسان ليس فقط عندما يبعد عن وطنه ..

قد يصل إليه الإحساس عندما يبعد عن غرفته في بعض الأحيان ..

الغربة هي أن تبتعد عمن تحب ..

وعما تحب ..

أرى كثيرين .. من المغتربين طبعاً .. يشعرون بالغربة عندما يكونون في إجازاتهم السنوية في مصر ..

ويعدون الأيام والليالي للعودة إلى وطن الغربة .والذي أصبح الوطن الحقيقي

الجميل في الموضوع ..

أن تلك الحالة جعلتك ترى الآخرين بعين مختلفة .. وترى بنفسك .. وتتأكد من أن المصريين هم شعب جميل .. وناس هايلة .. ومحبين بحق ..

[احمد هادي]

عزيزي اسد

صحيح نشعر بالغربة في أجازاتنا في مصر ......مثلما يشعر بها كثيرون ممن لم يغادرها

لكن ....لا نشعر ان في الغربة وطن حقيقي

لأنه ببساطة لا يمكن ان تعتبر بلدا يعاملك كأجنبي ( واتكلم هنا عن الخليج تحديدا) ويعطيك راتبا أقل من مواطنيه .....وقد ينهي تعاقدك في لحظة وبدون إبداء الاسباب بل وقد يضطرك للمغادرة الي حيث جئت بقرار من أمير أو حاكم أو شيخ يصدر لخلاف سياسي أو مشكلة تسبب فيها أحد مواطنيك ( والتاريخ يشهد ) ...لا يكمن ان تعتبره وطنا لك

خاصة ان دول الخليج علي عكس غيرها لا تأمل في جنسيتها مهما طال عليك الزمن بها

قد تألف الحياة وتعتادها ....قد ترتاح من مشاكل تواجهها في بلادك ...تعيش حياة افضل ....دخل أعلي

لكنك في النهاية

غريب غريب غريب يا ولدي wst::

[إيزيس]

امال هما مستحملين ازاى لو واحد منهم اتخنق ومش قادر....... يعتبر خلاص جاب اخرة وعايز يرجع البلد ومش قادر

بيعمل اية

بتبقى حالتة النفسية ازاى

الواحد تعب من كتر التفكير

بنزق الأيام و نشتغل كده

و زهقانين كده

تم تعديل 7 أبريل 2008 بواسطة قرنفل

[م.سامح المصرى]

السلام عليكم ورحمة الله وبركاتة

استاذتى العزيزة ناش

بجد رد حضرتك ريحنى ... والله يكون فى عون حضرتك فى الغربة

وفعلا الشباب الى انا معاهم هنا جمال بمعنى الكلمة وافضل منى ونماذج جميلة فعلا

وشهادة حضرتك اعتز بيها جدا جدا جدا

وسلامى لكى

---------------------

الاستاذ العزيز / اسد

اولا اية اخبار صحة حضرتك ان شاء الله تكون بخير

هوا يمكن بس علشان الانسان اعد فى البلد التانية كتير فاندمج معاها

انما هوا لو رجع بلدة واعد فيها هيحس انه كان فى غربة

وانا بجد مش بنافق فى وصف الشباب الى معايا والله

او حد يقول دا علشان كان بيتكلم عن مصر والمصريين كويس تلاقية بيقول كدا وهوا ما لقاش حد كويس اساسا

بس بجد انا عايش مع ناس كويسة جدا جدا ومصريين ... وزى ما قلت لقيت ان الاجانب الى معايا واحدة منهم بتكن للتانية عداوة

وسلامى لك استاذى العزيز

------------------

استاذى الجميل / احمد هادي

رد حضرتك عجبنى جدا ورد مقنع وجميل

ربنا يوفقك يا رب ويكون فى عونك

---------------

استاذتى قرنفل

جميل التعبير بالصور

ساعات الصورة بتغنى عن 100 كلمة بس زى ما قلت الله يكون فى عونكم

وسلامى لكم جميعاً

[badroora]

جربت احساساك دا يسامح لاول مرة فى حياتى ابعد بعيد عن بيتنا بسبب الدراسة والاقامة فى المدينة الجامعية

كانت صعبة طبعا فى بدايتها وبعدين بالتعود كله بيهون .

والاغرب بقي لما سافرت برا مصر حسيت بطعم غربة تانى بس بردوا بيهون بالوقت

فهون على نفسك يا سامح

وخلى عضمك ينشف الغربة للرجالة اصلاحا وتهذيب

تم تعديل 7 أبريل 2008 بواسطة Badria Mekkawy

[إيزيس]

يمكن ناس تظن انى اتغربت من اسم الموضوع (بس مش لما اخلص دراسة الاول )

بس انا جاتلى فرصة فى محافظة تانية غير الى انا كنت فيها

كنت فرحان بيها اولا علشان كنت عايز اروحها بس سياحة

فقلت جت لغاية عندك اول يوم اتخنقت وصلت الصبح كنت عايز ادور الدفة وارجع القاهرة تانى

ما تخيلتش انى مش هاشوف اخواتى زى كل يوم وبالزات ما تخيلتش انى ما اشوفش امى يومياً

ولا صحابى الى كنت بخلص شغل اروح اعد معاهم واروح متأخر

ولا الناس جيرنا الى كنت بشوفهم كل يوم الصبح

نسيت أقوللك

ربنا يخليلك كل أحبابك

[م.سامح المصرى]

ربنا معاكى يا بدردر

وفعلا الغربة اصلاح وتهذيب

ودرس جديد بينضم لخبرات الانسان ...... والناس الى معايا هما الى منعنشينى شوية

بيخرجونى وبنتعايش اهوة ...

---------------------------

ربنا يخليكي يا استاذة قرنفل

مهوا حضرتك برضو من اخواتى

ويخليلي اعضاء محاورات المصريين

تم تعديل 8 أبريل 2008 بواسطة م.سامح المصرى

[النجم الثاقب]

الله يقويك و يوفقك يا باشمهندس سامح ويعينك و يعين المغتريبن على غربتهم

[vipwithyou]

سموحة اهلا بيك يا ريس فى نادى المغتربين

انا ما دخلتش نت من امبارح الصبح

لكن بجد كويس انك نقلت مشاعرك كما حدثت معك بالظبط

لأن دة اللى بيحصل مع كل اللى بيتغرب

والناس بتبقى فاكرة المتغرب دا بيتفسح ويغرف فلوس ويرجع

وأهى قالت لك الشرقاوية قرنفل وضعنا عامل ايه فى الغربة

ناهيك عن الغسيل ويومه اللى مش بيعدى

والأكل اللى بتاكله فى المطاعم

وصحيان الصبح اللى بيطلع عينك وتصحى غصب عنك ومش مامتك اللى تحيك ولا زوجتك اذا متجوز

لا دا منبه معفن يرن فى صرصور ودنك ولأول مرة لازم تقفلوا وتنزل الشغل مش تقفلة وتكمل نوم وتلاقى حد يقولك حبيبى قوم علشان الكليه وتروح المحاضرة الاولى مش مشكلة يروح اليوم كله برضوا هيتعوض

لكن يا جميل لو اتأخرت فى النوم نصب صاعة لاقدر الله تلاقى الجوالات اشتغلت

وينك فى .. وش بتسوى .. قوم يا زول يلا الشغل

بس فعلا حضرتك زى ما قالت ام ياسر مثال جيد لشباب مصر اللى بيحبوا مصر واللى يستاهلوا يتقال عليهم رجاله مصر مش اللى قاعدين على القهاوى وبيشتموا فى مصر

[أبو محمد]

ربنا يوفقك يا سامح .. ويسعدك بهذا التوازن الرائع ..

الوطن يعيش فى داخل الإنسان السوى إلى الأبد أينما ذهب .. فالإحساس بالوطن شئ داخلى يستثيره الابتعاد عن الوطن ..

صحيح إنك فى داخل مصر .. ولكن مصر هى الطبقة الكبرى من طبقات الوطن الذى يبدأ من داخلك ، إلى أسرتك ، إلى أصدقائك ، إلى المدرسة ، إلى الحى إلى القرية إلى المدينة إلى بلدك وكل ما انطبع فى وجدانك وتراكم فيه يوما بعد يوم

أكمل تعليمك .. واعمل ، داخل مصر أو خارجها ، بجنسيتك المصرية أو بغيرها .. فوطنك سيكون معك أينما ذهبت

[ايهاب سالم]

اذا كانت العيشه خارج مصر غربه

وهو مالا اتفق معه

و اعتقد في عكسه

ولكن اذا كان ذلك كذلك

فاللهم ادم علينا نعمة الغربه

واحفظها من الزوال

تم تعديل 7 أبريل 2008 بواسطة ايهاب سالم

[ايهاب سالم]

الله يقويك و يوفقك يا باشمهندس سامح ويعينك و يعين المغتريبن على غربتهم

يمكن ناس تظن انى اتغربت من اسم الموضوع (بس مش لما اخلص دراسة الاول )

انا كنت بكرة المعهد الى انا فية جدا لانه طيرلى وظيفة فى ابو ظبى (مش بتاعت 1500 درهم )

كرهت المعهد جدا وكرهت التعليم ..... بس لما جيت هنا وحاولت اتعايش بجد مش قادر حبيت المعهد

هو حضرتك في معهد ايه يا باشمهندس

[kokomen]

الأخ العزيز : سامح

كلماتك مؤثرة وإحساس رائع يدل على وعي الشباب المصري الواعد

ربنا يوفقك في العمل وكذلك في الدراسة ويصلح حالك وأحوال المغتربين

المصريين في الداخل وفي الخارج .... فالغربة كربه كما يقول المثل

أنا لست مع الرأي القائل أن الغربة في الوطن أشد وطأة على الإنسان

لأن الغربة خارج مصر أشد وطأة حيث لا يستطيع الإنسان أن يشعر بالأمان

ففي كل لحظة أنت مهدد بفقد عملك حتى ولو لأتفه الأسباب وفي الغالب لا تستطيع

أن تحصل على أبسط حقوقك ممن تعمل لديه خارج مصر .. ولن أسترسل في ذلك

لأنه أصبح بالضرورة معروف للجميع ... وقد تستثنى من ذلك الدول الغربية طبعا

بحكم خبرتي المتواضعة بعد عمل متواصل لمدة 28 سنة تقريبا أستطيع أن أنظر

للأمور بمنظور آخر ..... عن نفسي تغربت في الدراسة عن موطني الإسكندرية

لمدة عام في جامعة طنطا ... ثم رجعت للأسكندرية كأني كنت في غربة خارج الوطن

ثم تخرجت من الجامعة فتم توظيفي في أسوان ... يعني على بعد 1000 كم عن الإسكندرية

لمدة عام ثم عملت بالجيش في مدينة الأقصر في الصعيد .... شوف الغربة قد أيه .. ثم عودت للإسكندرية

لأعمل بها ... حتى سافرت الي السعودية لغربة طويلة جدا .... ووجدت بالتجربة أن الغربة خارج مصر

أشد وطأة على النفس ومعاناة شديدة رغم العائد المادي إلا أن ضغوط الغربة المستمرة لا تقارن بما في الوطن

حتى في أحلك الظروف .... هذا رأيي المتواضع بعد سنين الغربة الطويلة وعندي مواقف كثيرة لا أريد أن أوجع

دماغك أو أشغلك بها .... تقبل خالص تحياتي .... من مغترب شديد الإغتراب عن مصر الحبيبة التي تسري في دمي

مهما كانت مشاكلها ..... اللهم أحفظ مصر الكنانة وأحفظ شبابها وفتياتها وشعبها من كل سوء ... آمين .. آمين

[التونسى]

فكرتنى ياول مره اتغرب عن بلدى الاصليه .. وكانت برده غربه داخليه .. اول مره غربه كانت فى مدينة طابا .. وافتكر انى كنت بعد كل يوم عمل اول ما اروح كنت ابكى بكاء شديد .. طبعا من الحنين ...واستمر الوضع خمس ايام لحد ما ابتديت اتعود ... وسبحان الله لما سبت عملى فى طاابا اخر يوم حزنت جدا جدا جدا لانى حبيت البلد دى اوى ومازلت بحبها وعشقت فيها بحرها وجبالها والطبيعه الرائعه هناك .. الى جانب الصحبه الطيبه اللى عشت معاها هناك والغريب انى معظم العاملين معايا حوالى سبعين فى الميه كانوا من اقباط الصعيد وكان شئ جديد عليا برده انى اتعامل بقرب اوى كده ولدرجة العشره الكامله مع حد من ديانه غير ديانتى لكنهم بصراحه وقفوا جنبى واحتونى فى اول ايام معاناتى مع الغربه وكانوا على قدر كبير من الاخلاق والادب والاحترام ... يعنى بجد بجد هونوها عليا

يمكن تجربة الاغتراب دى ادتنى خبره بعد كده لما اتغربت او هاجرت بره مصر وخلتنى اعدى مرحلة الحنين او home sick بسرعه سواء داخل مصر او خارجها .. ومن خلالها اكتسبت خبرات كثيره فى التعامل مع الشخصيات و الجنسيات المحتلفه

شكرا اخى العزيز سامح على تنشيط ذاكرتى بمثل تلك الذكريات الجميله

تم تعديل 7 أبريل 2008 بواسطة التونسى

[shawshank]

أنا عشت هنا فترة طويلة في مكان ما . رجعت مصر عشت فترة ، ثم عدت ثانية هنا لكن في مكان آخر .

شعرت بغربة مركبة ، لأني في مكان جديد تمامًا . وعندما زرت "وطني" الذي عشت به من قبل هنا ، كان احساس عجيب . يعني لو مصر وطني 10 من 10 يبقى هذا المكان وطني 5 من 10 .

فكرت فيمن يسافرون في سفن الفضاء في رحلات خارج كل كوكب الأرض قد تستمر شهورًا ، كيف يشعرون ؟ اهي دي بقى الغربة الكبيرة .

ايه شعورهم لما يسمعوا حاجة ، أي حاجة ، من أي راديو في العالم في كوكب الأرض ؟ ايه شعورهم لما يشاهدوا أي برنامج تليفزيوني من أي دولة على كوكب الأرض ؟

وايه شعورهم أول لما المكوك ينزل على كوكب الأرض ؟ على أي حتة فيه ، مش مهم . المهم انهم على الأرض .

[galaxy]

ازيك يا باشمهندس سامح......

بالرغم من وجودي هنا مع اهلي ..................الا اني لا اطيق هذه الغربه علي الاطلاق.........واذكر والله اني في اول مرة سافرت فيها و كنت متخرجه حديثا يعني من اربع سنوات تقريبا الا اني لما رجعت مصر....بعد سته اشهر فقط.....كنت في منتهي الشوق لبلدي وكذلك كنت عازمه اني مش هكررها تاني ......بس اتكررت للاسف لاني من وقت لاخر اسافر في اجازات للاهل..........الا اني مؤخرا اقتنعت ان الغربه بالفعل خيار مهمه فعلا في ظل ظروف بلدنا الحبيبه(ربنا يعديها علي خير)بس بجد عشان تعيش صح و تعلم اولادك صح وتاكل وانت مطمن لابد من تحمل ضريبه الغربه للاسف لان هذا المستوي لن تستطيع الحصول عليه في بلدك......الا انها مرحله ندعو الله ان تكون مؤقته بأذن الله ...............وبالتالي اقتنعت ان الغربه مش سيئه للدرجه دي ولها مزايا حسنه ولكن الضريبه كبيرة.........وخصوصا هنا في الامارات ........الشوارع مكتظه بالناس من السادسه صباحا.......واعرف ناس بيصلوا في جامع بجانب العمل لضمان الوصول في موعدهم..........ويظل الحال كما هو عليه لحد يوم الاجازة اللي للاسف بتضيع في شراء احتياجات البيت......دائرة لا تنتهي..............................اسفه للاطاله.........ربنا يوفقك باذن الله و يزود من الشباب الناجح من امثالك

[م.سامح المصرى]

شكراً يا النجم الثاقب على شعورك الجميل

ودا يبين انك انسان جميل ومعرفة خير ان شاء الله

---------------

شفت يا تمور

بقيت فى نادى المغتربين اهوة :sad: بس محلى

كويس انك دخلت اهوة انا فى ايام مش بعرف اخش فيها خالص من الشغل وكدة

وعلى فكرة الى انا حكيتة دا عن الناس الى معايا صحيح فعلا

وفى ناس بجد بتحسب انا انا فى نزهة .... هوا فعلاً فيها بعض من النزهة :)

لان بعد ما بنخلص شغل بنتمشى على طريق اسمة الممشى السياحى

واهوة بنقضيها وخلاص .... تعرف يا تمور يا صديقي انا الى باخدة هنا 3 اضعاف الى كنت باخدة فى القاهرة (دا الشهر التست الى انا جاى اقضيه)

دا غير انى هنا بنام كتيييييييييييير .. فى القاهرة كنت بنام 3 ساعات ومع ذلك كانت عايز ارجع لنظامى القديم :happy:

اما بقى بالنسبة للغسيل ما تفكرنيش ... لحسن دا فى هدوم واطباق وكلام فاضى من دا عايزلة كلينينج

-------------

استاذى الجميل / ابو محمد

ربنا يخليك على التشجيع دا لوحدة كفاية

وزى ما حضرتك قلت الوطن بيعيش جوا كل واحد ما اعتقدش ان ممكن حد ينكر وطنة

wst:: wst::

-----------------

استاذ ايهاب سالم

رأى حضرتك مع احترامى ليك انا حاولت استوعبة لاكن ما عرفتش

ازاى الواحد يبقي بعيد عن وطنة وما يبقاش متغرب

فلو تتفضل وتوضحلى اكتر اكون شاكر جدا لك

وفى حاجة كنت عايز اقولها لحضرتك

انا ابل ما اكون جرافيك ديزاينر تخيل كنت بشتغل اية ...... كنت شغال عمال بوفية فى شركة

تخيل بقي حضرتك وانا الى اصريت انى اشتغل عامل بوفية .... مش علشان حالتنا ولا الكلام دا

الحمد لله حالتنا المادية كويسة جدا ... بس علشان احاول اعتمد شوية على نفسى وما استناش حد يعملنى انا اعملى نفسى لوحدى

وغير كدا شغل مش حرام ولا عيب والحمد لله هيا الى خلتنى جرافيك ديزاينر

حاجتين عمرى ابداً ما استنصل منهم

اصلى (مهما كان وحش او حلو )

وحد صاحب جميل عليا - حتى لو ما كانش قصدة - بس ساعدنى

وحاجة تانية كنت عايز برضو اقولها لحضرتك

انا كان قدامى فرصة ولازالت انى اروح البلد الى حضرتك فيها فى غضون شهرين او اقل

بس الحمد استخرت ربنا وهوا وفقنى للأفضل

سلامى لك

------------------

استاذة العزيز جدا / kokomen

اولا اية اخبار صحة حضرتك ان شاء الله تكون بخير

ثانيا فعلا الى خارج مصر اشد وطأة

لانه زى ما حضرتك قلت بعيد عن بلدة ومش ضامن انه يستمر فيها ممكن يفقد عمله وممكن ... وممكن الى اخرة

اللهم ادم علينا نعمة الوطن wst::

وجميلة اوى قصة تغربك يا استاذى قريتها 3 مرات :happy:

[م.سامح المصرى]

استاذى التونسى العزيز

تصدق ان حضرتك الى فكرتنى بالمادرس وكدة وايام ما كنت بصيع شوية بعد المدرسة وارجع البيت يزعقولى wst::

زكريات جميلة والله ما بتحصلش غير مرة واحدة مثلا لما تعدى حكاية المكان الى انا فية دا

هافتكر طبعا الناس الى كانت معايا والمواقف

بس بجد على اد مهوا محزن بعض الشى لكن لية زكرى جميلة

بس انا ما عيطتش خاللص فى الكام يوم دول

بس جاتلى حالة نفسية تخنق

wst:: wst::

----------------------

استاذ shawshank

ربنا يكون معاك ان شاء الله فى البلد الى حضرتك فيها

-------------

ازيك انتى يا galaxy

ان شاء الله تكونى بخير

شكلك عندك انتماء جامد يا galaxy

ربنا يديمها عليكي

واهوة يا ستى الناس بدأت تحتج اهوة وان شاء الله البلد هاينعدل حالها وتبقى كويسة ان شاء الله

وممكن بأمر الله فى غضون سنوات ممكنو الله اعلم يتوافد الجنسيات اليها وتكون فى ازدهار

مين عالم :)

-----------------------

اشكر الجميع

وان شاء الله ربنا يقدرنى وابنى امبراطورية مصر :sad:

تم تعديل 8 أبريل 2008 بواسطة م.سامح المصرى