فعلا الله يكون فى عون المصريين المغتربين

[midotheboss]

أبو أحمد الأسكندراني وبدردر تحياتي ليكم من أخ زي يكو أضطر وا التنسيق الزفت أنو يروح هندسة المنصورة أنا أسكندراني جدا جدا وبعشق أسكندريه وبشتقلها مع أني مببعدش عنها أكتر من 5 أيام بس مفيش أحلى من البيت والعيله والناس والصحاب أل بيحبوك بجد مش مصلحه :happy: وعلشان تعمل زي دول في الغربه هتعد فتره طويله i*: لحد ماتلاقي ال يستاهل :winner:

[ايهاب سالم]

استاذ ايهاب سالم

رأى حضرتك مع احترامى ليك انا حاولت استوعبة لاكن ما عرفتش

ازاى الواحد يبقي بعيد عن وطنة وما يبقاش متغرب

فلو تتفضل وتوضحلى اكتر اكون شاكر جدا لك

انا مش بعيد عن وطني

المشكله هي ما هو تعريف الوطن

انا شايف ان الوطن هو المكان اللي اعيش فيه بكرامتي انا واسرتي

مطمئن ... بالي مرتاح

لا اشقى للحصول على ابسط الحقوق التي يتمتع بها باقي البشر

زي رغيف العيش مثلا

اعيش في دولة مؤسسات يسودها القانون و الحريه و المساواه

انا باحب مصر لكن بموضوعيه

مش باحبها على نفسي عمال على بطال

[م.سامح المصرى]

وعليكم السلام ورحمة الله وبركاتة يا استاذ /midotheboss

اولا يا مراحب بيك يا boss

------------------------

انا مش بعيد عن وطني

المشكله هي ما هو تعريف الوطن

انا شايف ان الوطن هو المكان اللي اعيش فيه بكرامتي انا واسرتي

مطمئن ... بالي مرتاح

لا اشقى للحصول على ابسط الحقوق التي يتمتع بها باقي البشر

زي رغيف العيش مثلا

اعيش في دولة مؤسسات يسودها القانون و الحريه و المساواه

انا باحب مصر لكن بموضوعيه

مش باحبها على نفسي عمال على بطال

طب سؤال هل المكان الى حضرتك فية دلوقتى ولقيت فية عيشة بكرامة .... الى اخرة

كبرت واتربيت فية

هل هوا الى عمل ايهاب سالم

بالعكس دا ايهاب سالم اتعمل فى بلدة

والبلد التانية خدتة على الجاهز يبقى المفروض تعترف بجميل البلد دى حتى ولو فى حكم فاسد

وانا شايف من مداخلة حضرتك التانية

ان حضرتك بتستهزأ

ان حضرتك علقت على كلام الاخ النجم الثاقب

وعلمت على كلمة باشمهندس

وروحت معلش على كلامى عن الدراسة

وفى الاخر حضرتك قلت هوا انتا فى معهد اية يا باشمهندس

انا مش هاقول لحضرتك على حكاية باشمهندس دى

يكفى ان مدير تسويق شركة كبيرة جدا لما بيكلمنى بيقولى يا باشمنهدس وهوا عارف انى صغير على الكلمة دى

ويكفى ان صاحب الشركة الى انا شغال فيها بيقولى برضو كدة والناس الى معايا

حالى كحال اى واحد عادى يعنى

واحد اشتغل وربنا كرمة بمنصب كويس

انما الحمد لله حالى مش حال واحد ما كلفش نفسة ذرة تعب وفضل يقول البلد ما اديتنيش حقى دا انا هاروح بلد تانية ادور على حقى

فهل تتخيل حضرتك ان واحد ما كلفش نفسة العناء والتعب فى بلدة وفضل يسئ فيها انه لما يروح بلد تانية هايتعب ويبقى حالة افضل

لا طبعا

هاقولك على حاجة يا استاذ ايهاب

اعرف واحد نفس حالتى كدة ونفس سنى كمان

تخيل دا لما بيدور على شغل فى الوسيط ولا حاجة بيبعت السى فى بتاعة للشركات

ممكن يبعت لحوالى 3 او 4 شركات تخيل ان ممكن من اربع شركات 3 شركات يتصلو بيه ويكلموة

ويبقوا عارفين انه فى دراسة وتخيل بقي انه كذا مرة يبصوا للسى فى بتاعة عن ناس تانية كبيرة اكبر منه

والله مش بنافق فى الحكاية دى

ودا واحد من كذا واحد هما الى عملو نفسيهم .... مش مستنين لما بلدهم تعملهم ولما يفشلو انهم حتى يبقوا ناجحين فى شغلهم

يقولو دا العيب فى البلد .... طب اشمعنى الشباب التانية الناجحة واديها شباب برضو

بس الفرق ان دا اشتغل بضمير ...... ودا مدلع حتى اتدلع فى تربيتة وفشل فى تحقيق نفسة فى شغلة

ولانه ناجح ما انكرش اى جميل حتى ولو كان من غير قصد زى ما قلت

ونهايتاً زى ما قال الجميع فى مواضيع سابقة الى ما لوش خير فى بلدة مالوش خير فى اى بلد

واتمنى ما اكونش ضايقت حد

[kokomen]

استاذ ايهاب سالم

رأى حضرتك مع احترامى ليك انا حاولت استوعبة لاكن ما عرفتش

ازاى الواحد يبقي بعيد عن وطنة وما يبقاش متغرب

فلو تتفضل وتوضحلى اكتر اكون شاكر جدا لك

انا مش بعيد عن وطني

المشكله هي ما هو تعريف الوطن

انا شايف ان الوطن هو المكان اللي اعيش فيه بكرامتي انا واسرتي

مطمئن ... بالي مرتاح

لا اشقى للحصول على ابسط الحقوق التي يتمتع بها باقي البشر

زي رغيف العيش مثلا

اعيش في دولة مؤسسات يسودها القانون و الحريه و المساواه

انا باحب مصر لكن بموضوعيه

مش باحبها على نفسي عمال على بطال

الأستاذ الفاضل : إيهاب

أحترم وجهة نظرك التي عببرت عنها بوضوح

لكن دعني أختلف معك في إن حب بلدك لايتجزأ

ولا يوصف حب البلد بموضوعية ...لأن حب بلدنا يسري في دمائنا منذ ولادتنا

حتى الممات ... ثم إن بلد المهجر ليس جنة الله كما يصورها البعض لنا حتى

ولو كنا نعاني في بلدنا فنحن مطالبون بالتصدي لكل مشاكلنا ونضغط لنرتفع بمصرنا

الي مصاف الأمم المتحضرة .. والهجرة ليست هي الحل الأمثل لإصلاح الأوضاع

في مصرنا ... فأنت لك الحرية في أن تهاجر ... ولكنك في النهاية لست مواطنا أصيلا

في بلد المهجر مهما توفر لك من مزايا مختلفة ...وسأكتفي بذكر حادثتين تثبتان ذلك في أوروبا

وأمريكا..رأيت العنصرية الشديدة ضد المهاجرين في فرنسا وفي ألمانيا وكيفية إظهار الكراهية

والحقد ضد المهاجرين .... الصورة الأخرى بعد أحداث 11 سبتمبر وما تعرض له العرب الأمريكان

من إضهاد وتفتيش ومضايقات من أبناء أمريكا الأصليين ...وأنا عندي أقرباء يحملون الجنسية الأمريكية

عادوا الي مصر لفترة من الزمن بسبب ما عانوه من مضايقات كثيرة .... ودائما ما يعود المهاجر لبلده الأم

لأن بها جذوره التي نشأ فيها ... وعندي قصص كثيرة تخصني شخصيا لا أريد أن أشغلك بها في هذا الخصوص

هذا لا يمنع من التمتع بمزايا الهجرة الكثيرة .... ولكن حب بلدي ووطني شئ آخر .... :lol:

[الحازم حسن]

مش دايماً

ممكن ناخد الامور من منظور مختلف

انا مثلا راجل بحب السفر كتير وباخد الامور على اني بشوف مكان جديد وبعرف ناس جديدة ودي ميزة في حد ذاتها لأن اللي سافر مش زي اللي مسافرش

أصعب غربة هيه غربة الوطن

فترة تجنيدي على سبيل المثال صادفت توقيت ضرب العراق مكناش عارفين ايه اللي بيحصل بره العراق بتنضرب ولا لأ ؟؟؟؟

كنا بننتظر اللي جاي من اجازة بفارغ الصبر عشان ينقل لنا الاخبار .. الدنيا كلها مشغولة بموضوع معين وانا مش عارف حاجة عنه دي كانت غربة صعبة جداً لانها في وطني أما في الغربة فانا على الاقل مهيأ نفسياً للابتعاد

بالنسبة لكلام الاخ ايهاب فأنا أرى انها وجهة نظر هوه حر فيها ولا غبار عليها

[vipwithyou]

المشكله هي ما هو تعريف الوطن

انا شايف ان الوطن هو المكان اللي اعيش فيه بكرامتي انا واسرتي

مطمئن ... بالي مرتاح

لا اشقى للحصول على ابسط الحقوق التي يتمتع بها باقي البشر

زي رغيف العيش مثلا

اعيش في دولة مؤسسات يسودها القانون و الحريه و المساواه

انا باحب مصر لكن بموضوعيه

مش باحبها على نفسي عمال على بطال

معلش هاقول تعليق بسيط بس ..

{لَقَدْ خَلَقْنَا الْإِنسَانَ فِي كَبَدٍ}

( وخلقت الدنيا على كدر اتريدها صفوا من الاكدار ) .. مقوله سمعتها من الشيخ عائض القرنى أعزه الله

يعنى المفروض ان الحياة متكونش ساهلة كدة لازم نتعب علشان نجنى

صح ولا غلط

[إيزيس]

على فكرة كلام الأخ الفاضل سامح بيأكد إن الإنتماء للبشر و للبلد لسه موجود و بخير

الله يوفقك و كل الشباب المشرف مثلك

[kokomen]

أبو أحمد الأسكندراني وبدردر تحياتي ليكم من أخ زي يكو أضطر وا التنسيق الزفت أنو يروح هندسة المنصورة أنا أسكندراني جدا جدا وبعشق أسكندريه :partytime: وبشتقلها مع أني مببعدش عنها أكتر من 5 أيام بس مفيش أحلى من البيت والعيله والناس والصحاب أل بيحبوك بجد مش مصلحه :lol: وعلشان تعمل زي دول في الغربه هتعد فتره طويله i*: لحد ماتلاقي ال يستاهل :winner:

الأخ الفاضل : midotheboss

أشكرك على التحية الرقيقة من إسكندراني أصيل

بيعشق أسكندرية ....وربنا يوفقك في هندسة المنصورة

وتنجح وتقدر تحول الي هندسة أسكندرية العتيقة وتتجمع مع أهلك وأحبائك وأصدقائك

تقبل خالص تحياتي القلبية

:lol:

[إيزيس]

نتمنى للأخ سامح سلامة العودة لأرض الوطن و نقدم له أسمى آيات التقدير

عدلت المشاركة لأني دخلت هزار و بعدين فوجئت إن المهندس سامح كاتب الموضوع في المواضيع الجادة

و الحقيقة أنا لسه واخدة حذف من يومين و ده كتير علي أوي يا جماعة (وش الخطيب في ماتش الاعتزال)

فقلت بيدي لا بيد أي حد

تم تعديل 10 أبريل 2008 بواسطة قرنفل

[ايهاب سالم]

طب سؤال هل المكان الى حضرتك فية دلوقتى ولقيت فية عيشة بكرامة .... الى اخرة

كبرت واتربيت فية

هل هوا الى عمل ايهاب سالم

بالعكس دا ايهاب سالم اتعمل فى بلدة

والبلد التانية خدتة على الجاهز يبقى المفروض تعترف بجميل البلد دى حتى ولو فى حكم فاسد

انا باحب مصر لكن بمقدار .. مش حب اغاني وشعارات

ولو جيت للحقيقه ... انا باحبها عشان فيها ناس باحبهم وبعض الذكريات الجميله

ولاني مصري ودي حاجه مقدرش انكرها ولا اتبرى منها

لكن تيجي تقولي مصر احسن بلد في الدنيا و احسن شعب واذكى ناس و ام الدنيا واجمل بلد في العالم و كلام الشعارات ده

اقولك معلش .... مقدرش اضحك على نفسي

و الاهم..... مقدرش اضحك على عيالي و اكلهم و اعلمهم شعارات

في مدرسة بنتي طلبوا من كل طفل كتابة موضوع تعبير عن بلده الاصلي

انا كنت باساعدها امبارح في كتابتة

وكتبنا كل الحاجات الجميله .... زي حضارة 7000 سنه و ثلث اثار العالم

واطول انهار العالم وتتوسط ثلاث قارات و جو معتدل جميل وووووو

مقدرش اقول غير كده مع الغريب

لكن مش هاضحك على نفسي مع مصريين زيي

انا كنت في مصر اجازه قصيره من 13 الى 20 مارس

لما رجعت واحد زميلي في الشغل كان بيسلم عليا و قال لي

How is Egypt

قلت له كويسه

قال لي

صحيح الناس بتقف طوابير ساعات عشان تجيب بس عيش

(طبعا ذاعوها هنا في نشرات الاخبار و نشروا الصور في الصحف زي اخبار المجاعات)

قلت له .... صحيح

قال لي ..... ازاي ... ده Basic food

حاولت اجمل الوضع وقلت له دي حاله طارئه لان الحكومه كانت مش عامله حسابها في مخزون القمح

قال لي ..... وطبعا الحكومه سقطت بسبب ازمه زي دي

قلت له .... تسقط ازاي يعني

قالي لي .... اما ان تستقيل و اما ان يسحب البرلمان منها الثقه فتسقط

قلت له .... لا سيادتك الحاجتين دول مش بيحصلوا عندنا في مصر

بخصوص كلامك ان مصر هي اللي عملتني

اه مصر هي اللي شكلتني لغه و دين و ثقافه عامه .... يعني عادات و تقاليد الخ

اما لو بتقصد ان مصر هي اللي عملتني

يعني ماكل و ملبس و تعليم و علاج ومعرفه و كتب ومكتبات و ترفيه

احب اقولك ان للاسف اهلي هما اللي صرفوا عليا بفلوسهم عشان احصل على كل الحاجات دي

واحب اقولك ان كل الحاجات دي هنا بتوفرها الدوله وليست عبئا على رب الاسره

حتى لا يحرم منها اطفال بسبب فقر اسرهم و حتى يحصل الجميع على فرص متساويه قدر الامكان للنجاح

لوكانوا اهلي معندهمش مقدره ماديه على تعليمي كان ممكن اتسرب من التعليم و اشتغل اي حاجه او اكون من اطفال الشوارع باشد كله

يبقى مش مصر هي اللي ليها فضل علي في تكويني و الا كان لازم فضلها ده يتوزع على كل الناس بالعدل و الناس كلها تلاقي تعليم و رعايه صحيه على قدر المساواه و يكون الفرق بينهم بعد كده بالمجهود الشخصي

مفيش هنا اطفال شوارع او اطفال بيشتغلوا ويسيبوا التعليم لمساعدة اهاليهم او اطفال بتعاني من سؤ التغذيه لفقرهم

هو ده المعنى الحقيقي للوطن

وانا شايف من مداخلة حضرتك التانية

ان حضرتك بتستهزأ

ان حضرتك علقت على كلام الاخ النجم الثاقب

وعلمت على كلمة باشمهندس

وروحت معلش على كلامى عن الدراسة

وفى الاخر حضرتك قلت هوا انتا فى معهد اية يا باشمهندس

انا مش هاقول لحضرتك على حكاية باشمهندس دى

يكفى ان مدير تسويق شركة كبيرة جدا لما بيكلمنى بيقولى يا باشمنهدس وهوا عارف انى صغير على الكلمة دى

ويكفى ان صاحب الشركة الى انا شغال فيها بيقولى برضو كدة والناس الى معايا

الموضوع مش الناس بتقولك ايه

الناس بتقول للميكانيكي يا باشمهندس ... لكن هو عارف كويس انه مش باشمهندس و مش بيكتب ميم قبل اسمه

انت سابق اسمك بحرف ميم ودي معناها مهندس

يعني انت ادعيت انك مهندس و انت ما زلت تدرس في معهد او بتشتغل جرافيك ديزنر او whatever

انت حر ....

بس طبعا دي حاجه تثير حفيظة من تعب خمسة سنوات ليحصل على مثل هذه الميم حتى وان لم يضعها قبل اسمه

تم تعديل 10 أبريل 2008 بواسطة ايهاب سالم

[shawshank]

الموضوع مش الناس بتقولك ايه

الناس بتقول للميكانيكي يا باشمهندس ... لكن هو عارف كويس انه مش باشمهندس و مش بيكتب ميم قبل اسمه

انت سابق اسمك بحرف ميم ودي معناها مهندس

تعرف لما حضرتك قلت : "الموضوع مش الناس بتقولك ايه" ، أنا ظننت أن الرد سيكون : "المهم انت ايه" ؟

عمر حضرتك سمعت حد قال : الأستاذ الدكتور / البرت أينشتين ؟ :partytime:

الألقاب للعامة ، أما العظماء بحق فيكفيهم الاسم .

وأنا أتصور أن الفاضل م.سامح المصري اختار "م.سامح المصري" ليكون اسمه هنا . أما من هو ، أو "ما" هو ، فتلك قضية أخرى .

أعتذر للجميع للخروج عن الموضوع .

تم تعديل 10 أبريل 2008 بواسطة shawshank

[ايهاب سالم]

الألقاب للعامة ، أما العظماء بحق فيكفيهم الاسم .

يمكن عشان كده لا يسبق اسمي ( الحقيقي) اي القاب :partytime:

احييك على اختيارك اسمك .... شاوشانك فيلم رائع

اعتذر انا ايضا للخروج عن الموضوع

تم تعديل 10 أبريل 2008 بواسطة ايهاب سالم

[الحازم حسن]

معلش ناوي أخرج عن الموضوع أنا كمان :baby:

لقب باش مهندس ده هوه أولا خطأ لغوياً المفروض انها مهندس بس معرفش بئه المصريين جابوا باش دي منين

ثانياً هو لقب اصبح مطاط جداً اليومين دول

العبد لله مثلا كلها كام امتحان وأكون MCSE - Microsoft Certified system Engineer يعني مهندس معتمد من مايكروسوفت

ورغم ان أكبر شركة في العالم حتعترف بي كمهندس لكن انا عمري في حياتي ولو لثانية واحدة فكرت اني أعرف نفسي كمهندس (حتى لو كنت اكثر كفاءة وخبرة عملية من خريجي كلية الهندسة) لأني عارف كويس ان الموضوع ده بيضايقهم (وليهم كل الحق)

على الأقل في مصر

لكن قالها شاوشنك صريحة "الموضوع مش الناس بتقولك ايه" ، أنا ظننت أن الرد سيكون : "المهم انت ايه" ؟

تفتكر يا باش مهندس ايهاب لو روحت كندا من حقي أقول اني مهندس ؟؟

[~Heba~]

الألقاب للعامة ، أما العظماء بحق فيكفيهم الاسم .

يمكن عشان كده لا يسبق اسمي ( الحقيقي) اي القاب :baby:

احييك على اختيارك اسمك .... شاوشانك فيلم رائع

اعتذر انا ايضا للخروج عن الموضوع

حاجة من اتنين

اما ان حضرتك بتهزر

او انك فى قمة التكبر لتوحى بانك واحد من العظماء

[إيزيس]

أنا مش شايفة فيها أي مشكلة معظم الناس اللي بتشتغل في الكمبيوتر بنقولهم مهندس

أمر لا يضيرنا في أي شيء و نحن لم نحترم الأخ سامح لأنه مهندس أو لأ لكن لأنه إنسان يستحق الاحترام

مش يمكن دي أمنيته و إن شاء الله يحققها

إحنا ليه مابقاش عندنا...............

مراعاة لشعور الآخرين

[vipwithyou]

ايه يا جماعة اللى حصل ..

انتوا كدة هتخلونى اغير اسمى لـ م . vipwithyou علشان محدش يزعل

[ايهاب سالم]

حاجة من اتنين

اما ان حضرتك بتهزر

او انك فى قمة التكبر لتوحى بانك واحد من العظماء

رغم اننا بنخرج بره الموضوع كمان وكمان

لكن الوجه المبتسم في مشاركتي يوضح اني باهزر

وعموما انا لا استخدم ميم او ENG قبل اسمي

وشاوشانك هو من قال ان

الألقاب للعامة ، أما العظماء بحق فيكفيهم الاسم

[deemuck]

لكن قالها شاوشنك صريحة "الموضوع مش الناس بتقولك ايه" ، أنا ظننت أن الرد سيكون : "المهم انت ايه" ؟

الميكانيكي بيقولوه يا باشمهندس ... والمهندس الزراعي بيقلولوه "مزارع" والصيدلي "بقال" ..... وهكذا

لكن في الاخر ""المهم انت ايه"

يعني مثلا لو مؤهل عالي وشغلته تطوير برامج هيبقى ايه "صنايعي" .وظيفة لا تحتاج لدراسة مثل حاملي الثانوي .. ويمكن تحصل حامل شهادة متوسطة افضل منه

تم تعديل 11 أبريل 2008 بواسطة deemuck

[deemuck]

معلش يا عم حازم ان اقتبست الجملة السابقة من مداخلتك والمقصود هو "الجملة"

تفتكر يا باش مهندس ايهاب لو روحت كندا من حقي أقول اني مهندس ؟؟

"فعلا الله يكون في عون المغتربين المصريين"

بص يا عم دكتوراه بيشتغلوا سائقين بيقلولوا عليهم "سواقين" ،،، ومهندسين وماجيسترات بيشتغلوا "كاشيرز" ....الا القليل

يعني انت وتوفيقك وحسب رزقك..إلا اذا الله قدرك وعدلت شهادتك أو درست من جديد اللي انت عايزه

[ايهاب سالم]

تفتكر يا باش مهندس ايهاب لو روحت كندا من حقي أقول اني مهندس ؟؟

من حقك تقول إنك Microsoft Certified system Engineer