فعلا الله يكون فى عون المصريين المغتربين

[Alshiekh]

كالعادة

وبما ان المرور قد تحول الى اتجاه آخر ، فلى كلمة فى الاتجاه ، آسف أقصدالموضوع الجديد.

الموضوع ياجماعة ان ممكن الناس تعطى القاب للآخرين ، وهذا ليس فيه اى غضاضة ، ولكن ان يعطى الانسان لنفسه لقب علمى ، فهنا تكمن المشكلة.

بعض الناس ينادى الميكانيكى بالباشمهندس ، ولكن ليس معنى هذا ان يقدم الميكانيكى نفسه على انه مهندس ، والا وقع تحت طائلة القانون ، كذلك مع الممرض ، قد ينادى باسم دوك او دكتور من باب المجاملة او رفع القدر ، ولكن فى المقابل لايستطيع الممرض ان يقدم نفسه على انه دكتور ، وقد يكون خريج كلية تمريض ودارس للماجستير ولكن لايحق له ان يعطى لنفسه ماليس له.

كانت هذه واحدة،

أما الثانية للأسف هى عشقنا للالقاب وبعفوية نعطى لنفسنا درجات علمية نعتقد انها القاب ، لاتوجد مهنة تحط من قدر صاحبها ابدا ، ويجب ان يعتز كل شخص بما استطاع ان يحصله من علم ودرجة تعليمية.

وعلى من يريد ان تكون لديه درجة علمية أعلى فليعمل على الحصول عليها ، ووقتها فقط يمكنه ان يعطى لنفسه الدرجة التى يستحقها.

وعلى الرغم من تفهمى لمشاعر وتعبيرات الاخوة ايهاب سالم ، وشاوشنك ، الا اننى ارى انهم كانوا قساة الى حد ما على الاخ سامح المصرى.

وعلى فكرة ، فى امريكا الناس تنادى باسمائهم وليس بدرجاتهم العلمية ، الا اذا كانوا لايعرفون بعضهم البعض ، فيستعمل لقب مستر فى هذه الحالة. ولايذكر الشخص شهادته العلمية الا فى حالة تقديمه للـ سى فى او اذا سألت الشخص " ماذا تعمل ؟ " .

وعلى فكرة كلمة " باش " التى تسبق الالقاب العلمية اصلها تركى وتعنى " كبير " مثل باش مهندس ، باش حكيم ، باش تمرجى ، باش ريس ، باش شويش وهكذا واتذكر زمان مدير المستشفى الاميرى بالاسكندرية كان مكتوب على لافتة مكتبه " باش حكيم المستشفى الاميرى ".

تم تعديل 11 أبريل 2008 بواسطة Mohammad

[سهران]

أمتدادا للخروج عن الموضوع الرئيسي :

شوفوا مثلا في أغلب الدول العربية و الخليج تحديدا ........ الناس بتنادي بعضها خلال تعاملاتها الخاصة بــ .. . أبو فلان سواء كان مليونير ... صاحب أعمال ...... مهندس ..... مركذ أدبي كبير .... رئيس مجلس أدارة ... عندنا في مصر حاجات كتير كويسة لكن من ضمن المساويء عند البعض أدعاء الألقاب أو حتى التفاخر بها أن كانت حقيقة .... نتمنى لكل من يحلم بلقب أن يوفقه الله للحصول عليه بجده و بأجتهاده و عمله .

تم تعديل 11 أبريل 2008 بواسطة سهران

[shawshank]

طالما بقى الموضوع كده كده خرج عن الموضوع :rolleyes: وكمان المشرفين خرجوا معانا :wub: فأقول ...

أنا لم أقصد أبدًا ما فهمتوه يا جماعة . أنا كلامي كان رد على اهتمام الأخ الفاضل/ إيهاب سالم الشديد ، وتحفظه الكبير ، على موضوع استخدام الألقاب . فأنا ببساطة كنت بقول إنه - خصوصًا في مصر - اللقب مش بالضرورة يعكس إمكانيات صاحبه . والعكس برضه صحيح ، يعني غياب اللقب لا يقلل من إمكانيات صاحبه . فياما ناس متخرجين من كليات الهندسة وببساطة لا يصلحوا مهندسين (ارجعوا كده لموضوع الرجل غير المناسب في المكان غير المناسب - مع إنه بعيد شوية) . والعكس ، ياما ناس تفكيرها هندسي جدًا وعلموا نفسهم بنفسهم ، لكن ليس لديهم شهادة من إحدى كليات الهندسة . وده كان قصدي بقولي "المهم انت ايه" . يعني إمكانياتك ايه وتصلح لايه - بصرف النظر عن اللقب (تاني ، خصوصًا في مصر) . وهذا الكلام غير مستحيل الحدوث ، بدليل أنه فعلاً حدث (عباس العقاد وإديسون مثالان على حدوثه) .

وقولي إن الألقاب للعامة ، والعظماء يكفيهم الاسم ، قصدت به تدعيم ما قلته عاليه ، أن وجود اللقب أو غيابه لا علاقة له بما يصلح له صاحبه (تالت ، خصوصًا في مصر) . فرُبّ غير حامل لقب (يعني غير حاصل على شهادة علمية) وهو عظيم . حد فهم حاجة ؟

وعمومًا ، أنا أرسلت رسالة للأخ الحبيب/ م.سامح المصري أوضح فيها ما قلته أعلاه . وأرسلتها حتى قبل مشاركة الفاضل Mohammad . للأسف مش معايا نص الرسالة ، فأرجو من الفاضل/ م.سامح المصري يقتبسها هنا .

وأشكر للإدارة حسن تفهمها :wub: لخروجنا عن الموضوع .

تم تعديل 11 أبريل 2008 بواسطة shawshank

[ايهاب سالم]

موافق على كل ما قاله د / شوشانك :rolleyes: في المشاركه السابقه

وممكن يكون الاخ سامح بيشتغل و بيفهم احسن مني ومن 10 مهندسين زيي

انا كان تحفظي على انه سبق اسمه بما يدل على انه مهندس وقد خاطبه بعض المشاركين بلقب باشمهندس و لم يصحح ذلك

عموما انا الموضوع ميفرقش معايا قوي كده .. انا حتى بطلت اجدد اشتراكي في نقابة المهندسين من بعد ما وضعوها تحت الحراسه

واقدم اعتذاري للاخ سامح عن اي اذى نفسي قد اكون سببته له

[م.سامح المصرى]

الموضوع مش الناس بتقولك ايه

الناس بتقول للميكانيكي يا باشمهندس ... لكن هو عارف كويس انه مش باشمهندس و مش بيكتب ميم قبل اسمه

انت سابق اسمك بحرف ميم ودي معناها مهندس

يعني انت ادعيت انك مهندس و انت ما زلت تدرس في معهد او بتشتغل جرافيك ديزنر او whatever

ايهاب سالم

امال سعتك الاسطى بتتقال لمين (انا مش قصدى ان حضرتك اسطى ) لا انا قصدى ان الاسطى بتتقال للميكانيكى ولو مشينا على رأى حضرتك

يبقى نقول للمهندس المعمارى يا ميكانيكى ونقول لمهندس الكمبيوتر يا ميكانيكى

[deemuck]

الراجل كتر خيره حس انه غلطان وقدم اعتذاره

[إيزيس]

أيوة على يدي و كان بيهزر

شوف كام واحد تحت أهم جايين يهدوا النفوس

[~Heba~]

ممكن الحق اقول حاجة قبل الموضوع ما يتحذف

انا اخويا اللى اكبر منى و من اقرب الاقربين لي بينادينى يا باشمهندزة باللفظ ده كده على سبيل الدعابة و الهزار و المحبة و الود بينا كأخين

و انا كمان بناديه يا دوك او دكترة ( لانه طبيب بيطرى) و احيانا بناديه دكتور برضو على سبيل الود و الاحترام لانه اخويا الكبير

كذلك المثل لاخى التانى و هو اكبر من ايضا و بناديه غالبا يا بشمهندس مصطفى ( و مهندس كهرباء ) و نادرا ما اناديه باسمه لوحده

حتقولوا دلوقتى طب دولا اخواتك بتناديهم كده ليه

حقولكم احنا مش زيى الغرب ننادى بالالقاب فقط الناس اللى منعرفهمش

ايهاب عايز يعمم اسلوب كندا على كل حاجة فى حياتنا و نسينا اننا لينا اسلوب مختلف حتى فى الطريقة اللى بنادى بيها بعض

و للعلم

سامح يدرس فى معهد انا مش عارفة هو معهد ايه لكن بعض المعاهد العليا مثل المعهد العالى للطاقة بأسوان شهادتها بتعادل شهادة كلية هندسة و يحق للمتخرج منها الانضمام لعضوية نقابة المهندسين

تم تعديل 11 أبريل 2008 بواسطة ENG.Heba

[ايهاب سالم]

شوف كام واحد تحت أهم جايين يهدوا النفوس

معلش

مفيش زي زوهيري في تهدئة النفوس

فينك يا زوهيري

[م.سامح المصرى]

ااااااااااااة دا انا فاتنى من الاهانات كتير

استاذ shawshank

اهلاً بحضرتك طبعاً مرة تانية وتالتة ورابعة

عمر حضرتك سمعت حد قال : الأستاذ الدكتور / البرت أينشتين ؟

اولا اسمة البروفسير ألبرت أينشتاين

البرت انيشتاين ما كانش مدرس علشان يقولولة استاذ ولا كان دكتور علشان يقولو له يا دكتور

انشتاين كان عالم .... علشان كدة كان ليه لقب ألا وهوا بروفسير (بروف) البرت ولو حضرتك متعصب اوى من الالقاب

ممكن تتفضل مشكور تقول لبوذا (مؤسس الديانة البوذية ) المفروض ما كانوش يقولولك يا أمير سيد هارتا

او ممكن تعترض وتحتج على انهم بيقولو لـكونفوشيوس على كلمة فيلسوف الى كانت بتسبق اسمة

وممكن تعترض على يوهان جوتنبرج علشان كانو بيقولولة العالم جوتنبرج

وايضاً اعترض على لوى باستور علشان كانو بيقولو ابل اسمة عالم (كان عالم كيمياء فرنسى)

واعترض واعترض لو تحب حضرتك انا ممكن اجيب لحضرتك لستة ممكن تعترض عليهم بسبب الالقاب وتلف بلاد وحضرتك بتعترض

"المهم انت ايه" ؟

وأنا أتصور أن الفاضل م.سامح المصري اختار "م.سامح المصري" ليكون اسمه هنا . أما من هو ، أو "ما" هو ، فتلك قضية أخرى

انامتضايق جدا دلوقتى مش علشان حضراتكم اهنتونى بأختلاف اعماركم فى الكبير والصغير منكم

لا طبعا مش دا الى مخليني حزين بل بالعكس دا انا بحب جدا الى ينتقدنى ويطلع عيوبى بس العيوب الصحيحة الى شافها وحسها فيها فعلاً

مش الى مبنية على اتهامات سريعة ومالهاش اساس

بس انا حزين علشان اول مرة فى حياتى اذكر حاجة ربنا كرمنى بيها واحس انها تعالى انى بتعالى بيها ادام الناس

لاكن والحمد لله انا مش بتعالى على حد لان دا طبعى بس بس انا حبيت اوضح لحضرتك انا ابقى اية زى ما حضرتك كنت عايز

الحمد لله انا مش مغرور ولا متكبر واكيد ناس دلوقتى افتكرونى كدة ودا من اتبنى من اجابتى لسؤال حضرتك

فى ناس شغالة معايا انا بطلب منهم يقولولى يا سامح مش يا باش مهندس سامح

انا مش بقول ان انا حاجة كبيرة ولا بقول ان انا زى البروفسير البرت انيشتاين لا ابدا دا انا اقل القليل

فى ناس افضل من بكتيييييييييييييييييييييييييييير جدا جدا جدا جدا

انا زى ما حضرتك تفضلت وذكرت ان انا من العامة دا شئ كويس علشان ابعد عن الكبر والغرور

بس انا الحمد لله شاب حاول يجتهد وربنا كرمة على اد ما حاول

وانا زى ما قلت ابل كدة ابل ما ابقى Graphic Designer كنت عامل بوفية فى شركة

وابل ما ابقى عامل بوفية كنت عامل توصيل طلبات فى صيدلية ومن الشغلانات الى اشتغلتها كانت فى منها كهربائى سيارات

لو عايزنى ادرج لحضرتك الشغلانات الى اشتغلتها ممكن

مش علشان حالتنا الحمد لله حالتنا كويسة زى ما قلت ابل كدة

فى رد حضرتك الجاى ان شاء الله هالغى الكلام دا لما اعرف ان حضرتك قريت ردى

بس حبيت ارد على اهانة حضرتك فقط

الاهانة الى انا مش لاقيلها سبب ولا داعى

يمكن علشان الردود بتاعتى فى باب المغتربين اكيد برضو

علشان فى ناس زعلت منى كتير

واخيرا احب اقول لحضرتك شكراً جدا

وسلامى لك

---------------

لقب باش مهندس ده هوه أولا خطأ لغوياً المفروض انها مهندس بس معرفش بئه المصريين جابوا باش دي منين

ثانياً هو لقب اصبح مطاط جداً اليومين دول

ممكن تسال الناس الى بتقول للمهندسين يا باش مهندس وممكن تسال عمال البنا والناس الى بتتعامل

مع مهندس الالكترونيات

وممكن تعرف بئة المصريين بيقولو باش لية لما تقرا مداخلة استاذ محمد

حول كلمة باش

ابقى اعرف الحاجة يا الحازم قبل ما تكتبها وبلاش تبقى متسرع

ثانياً انا ان شاء الله كام امتحان برضو وابقى معايا bachelor's degree of computer science

والحمد لله ما نزلتش ولا سنة فى حياتى الدراسية مع العلم انى بشتغل زى كل الشباب العادية

بس الحمد لله مش زى شباب بيستنوا ياخدوا المصروف من بابا وماما بعيد عنك

على فكرة يا الحازم

واحد على ما اعتقد نفس الشهادة الى انتا هاتاخدها دى وواحد تانى بكالوريوس تجارة جم وعملتلهم تست فى الشركة الى كنت فيها

اللهم لا تجعلنى من المتكبرين

ورغم ان أكبر شركة في العالم حتعترف بي كمهندس

احب اوضحلك حاجة يا الحازم

اكبر شركة هاتعترف بيك كانك مهندس على الورق

طبعا زى ألاف مألفة بيتخرجو عادى جدا وبياخدوا شهادتك

انما تعترف بيك مهندس حقيقى لما يطلبوك زى ما حصل مع واحد عندنا فهمت

----------------------

انتو بجد فكرتونى بمثل مصرى

بس بلاش اقولة مش علشان حاجة بس حفاظاً على شعوركم بس هوا فعلا بيجسد ما فعلتموه

لكل واحد مسك فى حتت (باشمهندس )

والغريبة فى الموضوع ان بمجرد واحد خرج عن الموضوع والتانى خرج برضو

تلاقى واحد تالت يقول معلش يا عمو انا كمان هاخرج عن الموضوع ربنا يخليك هاخرج عن الموضوع يا عمو

كأننا فى ملاهى

مش اعتراض منى على تغيير مجرى الموضوع لا ابدا طالما بننقاش نقطة عادى جدا

فى ظلم الناس وقذفهم ما نتوصاش .... يا سلام دى سهلة اوى اوى اوى بالنسبة لناس

انما نتأكد من الحكاية الى هانقذف بيها الناس لا ابداً .... احنا مستعجلين نقذفهم الاول وبعدين نبقى نتكلم فى الموضوع

طب لو هانتكلم على الصح زى ما حضراتكم متعصبين اوى كدة

انتا اتكلمتوا على كلمة مهندس ما حدش لاحظ ان اسمى م.سامح المصرى مفيش مسافة بي الدوت وسامح

لا ازاى تلاحظو الغلطة دى ان تقزفوا بس انما تلاحظو الغلط الى ممكن اساسا ما يبقاش الى قصدكم علية

وانا مش هاتكلم تانى على حكاية م.سامح المصرى

لو الاستاذ الفاضل الـ Advisor

تفضل مشكوراً وذكر حكاية الاسم يبقي لية الف شكر انما انا

مش هاذكرها حفاظاً على وجهتكم امام الاعضاء لانى لو ذكرتها للأسف فعلا هايبقى وجهتكم مش كويسة نسبياً

دا علشنكم انتم مش اكتر

-----------------------

اشكرك يا هبة جدا

بس ما كنتيش تتعبى نفسك وتردى وتقتبسى على حد

امشى بمقولة

كل إناء بما فية ينضح

وريحى دماغك

-----------

الاخت الفاضلة قرنفل

شكراً ليكي بس برضو ما كنتيش تتعبى نفسك

انا واخد على كدة من ناس اعرفها وناس ما اعرفهاش ..... ومن ناس جاميتها ووجبت معاها فدى عادى نكران ذات الشخص الى قدامنا

دلوقتى بقى عادى

---------

استاذى محمد اشكر جدا مداخلة حضرتك

وتوضيح بعض الامور للعامة امثالى وللعظماء امثال ناس تانية

وهما مش قساه ولا حاجة دى عادى انا متوقع منهم كدة انما واحد منهم الى ما كنتش

اتوقع كدة منه علشان سنة الكبير بس الحمد لله كل حاجة بتبان اكتر

بمرور الوقت

تم تعديل 13 أبريل 2008 بواسطة مهيب

[م.سامح المصرى]

يعني مثلا لو مؤهل عالي وشغلته تطوير برامج هيبقى ايه "صنايعي" .وظيفة لا تحتاج لدراسة مثل حاملي الثانوي .. ويمكن تحصل حامل شهادة متوسطة افضل منه

شكراً يا زووووووق بس ركز شوية هاتعرف ان فى فرق بين تصميم الجرافيك وتطوير الببرامج

وهل الى بيشتغل فى تطوير البرامج بيبقي صنايعي

شكراً لردك ومرورك الكريم

لاكن زى ما قلت كل إناء

-------------------

استاذ سهران انا زى ما قلت انا مش مغرور

لو تفضل الادفيزور هايوضح اية حكاية الاسم دى انما انا مش هاقولها

وشكرا لمرورك ورد حضرتك

اتمنى ما اكونش ضايقتك بردى

----------------

[ايهاب سالم]

حقولكم احنا مش زيى الغرب ننادى بالالقاب فقط الناس اللى منعرفهمش

ايهاب عايز يعمم اسلوب كندا على كل حاجة فى حياتنا

للعلم .... الناس هنا ابسط من البساطه او بتعبيرهم very easy going

اول م جيت كنت بنادي كل واحد اعرفه جديد باسمه الاخير مسبوقا ب مستر

يستغرب و يقولي ناديني فلان .... اللي هو اسمه الاول

وبعدين مش انا اللي مهتم بالالقاب لان ببساطه مش انا اللي سابق اسمه ب ميم او Eng

فضوها سيره

[kokomen]

الأخ العزيز الباشمهندس : سامح

أحيك على إجتهادك وتفوقك من بين كثير من شباب مصر الذين يفضلون

الجلوس على المقاهي على أن يتعلموا ويكونوا نافعين لأنفسهم ولبلدهم مصر الحبيبة

تحياتي وتقديري لك ودعائي لك بالتوفيق والنجاح وتصبح في مصاف أشهر المهندسين

المصممين في مصر ... ربنا يوفقك ... ولا تأخذ بعض الكلمات التي قيلت بحساسية

لأنك فعلا إنسان مجتهد وناضج ..... تقبل خالص تحياتي القلبية

:lol: wst::

[م.سامح المصرى]

وعمومًا ، أنا أرسلت رسالة للأخ الحبيب :lol:

الله يكرمك

وعمومًا ، أنا أرسلت رسالة للأخ الحبيب/ م.سامح المصري أوضح فيها ما قلته أعلاه . وأرسلتها حتى قبل مشاركة الفاضل Mohammad . للأسف مش معايا نص الرسالة ، فأرجو من الفاضل/ م.سامح المصري يقتبسها هنا .

لاكن انا كان عندى استفسار

هوا لية بعد الفاضل ما خطيتش الاخ الحبيب

ودا الى حضرتك كنت قصدك علية

تعرف لما حضرتك قلت : "الموضوع مش الناس بتقولك ايه" ، أنا ظننت أن الرد سيكون : "المهم انت ايه" ؟

عمر حضرتك سمعت حد قال : الأستاذ الدكتور / البرت أينشتين ؟

الألقاب للعامة ، أما العظماء بحق فيكفيهم الاسم .

وأنا أتصور أن الفاضل م.سامح المصري اختار "م.سامح المصري" ليكون اسمه هنا . أما من هو ، أو "ما" هو ، فتلك قضية أخرى .

أعتذر للجميع للخروج عن الموضوع .

-----------------------------------

الراجل كتر خيره حس انه غلطان وقدم اعتذاره

لا دا ما اعتذرش

دا بيحاول يستفزنى :ninja:

بص

واقدم اعتذاري للاخ سامح عن اي اذى نفسي wst:: قد اكون سببته له

مش حضرتك الى ممكن تسببلى الاذا دا

ابدا

لان الى يسببلى الاذى دا واحد عزيز عليا

ولاش تال لية لان فى اسباب ان تبدا لك تسوءك ودى مش هاتبقي اساءة

عرفت بقي يا استاذ deemuck هوا قصدة اية

وعلى فكرة يا ايهاب مفيش اى واحد من الى انتقدونى واهانونى يوصلنى للحالة دى

[deemuck]

شكراً يا زووووووق بس ركز شوية هاتعرف ان فى فرق بين تصميم الجرافيك وتطوير الببرامج

والله انت مفهمتش اللي بين السطور وكمان انا احب الاخ ايهاب سالم ويشكر على مجهوده في باب المغتربين المصريين والراجل ما بيقصر

ركز شوية بسيطة وهتفهم الاصل ان شاء الله. وبعدين انا ذكرت تطوير برامج ها مازال انت المعني بها

شغلة تطوير برامج يعني صعب مثلا يقوم بها شهادة اقل من جامعة (طالب مثلا) مفيش احتمال يكون افضل من حاملي "م"

تم تعديل 11 أبريل 2008 بواسطة deemuck

[ايهاب سالم]

يا سيد / سامح ..... تروى قليلا

شاوشانك مداخلته كانت في صفك

وبعدين يا سيدي ربنا يوفقك و تصبح احسن واحد في الدنيا

دي حاجه تسعدنا

[م.سامح المصرى]

ربنا يكرمك يا استاذى kokomen

اشكرك جدا جدا جدا

اسيب حضرتك بقى علشان اروح اجيب الرسالة بتاعت استاذ shawshank واحطها هنا علشان الناس تشوفها

[م.سامح المصرى]

يا سيد / سامح ..... تروى قليلا

شاوشانك مداخلته كانت في صفك

وبعدين يا سيدي ربنا يوفقك و تصبح احسن واحد في الدنيا

دي حاجه تسعدنا

يا سلام على تهدأ النفوس يا سلام

طب كان الابدى ترد على تعليقاتى عليك بدل ما تهدى النفوس بيني وبين استاذ shawshank

[م.سامح المصرى]

أخي الحبيب الفاضل / سامح

السلام عليكم

أنا أعتذر بشدة إن كنت حضرتك أسأت فهمي في موضوع "فعلا الله يكون في عون المصريين المغتربين" .

اللي كان قصدي من مشاركتي هو :

الموضوع مش بالألقاب خالص ، ياما ناس متخرجين من كليات هندسة ولا يصلحوا مهندسين ، وياما ناس مهندسين بجدارة لكن بدون شهادات . فالموضوع "انت ايه" مش شهادتك ايه .

لم أقصد الإساءة إلى حضرتك أبدًا . وقولي أن الألقاب للعامة والعظماء يكفيهم الاسم قصدت به أن أوضح للأخ إيهاب سالم أن اهتمامه الكبير باللقب في غير محله . وأن الأهم - كما قلت - هو انت ايه بالظبط . سواء بقه كنت كاتب ميم واللا مش ميم ، كل ده مش مهم . فاهم حاجة ؟

المهم أتمنى إني ماكونش ضايقتك وتأكد إني أكن لحضرتك كل الإحترام ، بمنتهى الأمانة .

لو تحب أكتب التوضيح السابق في الموضوع ليراه الجميع ، أنا مستعد لذلك .

شكرًا يا هندسة

أحمد

دى من استاذ shawshank

دى انا قريتها بعد ما كتبت الردود

لاكن للأسف يا استاذ shawshank

رسالة استاذ محمد كانت الساعة 6 الصبح

رسالة حضرتك كانت الساعة 12

كانت بعدها بس اكيد حضرتك ما اخدتش بالك من النقطة دى

واتمنى ما اكونش ضايقتش حد

تم تعديل 11 أبريل 2008 بواسطة م.سامح المصرى

[ايهاب سالم]

يا سيد / سامح ..... تروى قليلا

شاوشانك مداخلته كانت في صفك

وبعدين يا سيدي ربنا يوفقك و تصبح احسن واحد في الدنيا

دي حاجه تسعدنا

يا سلام على تهدأ النفوس يا سلام

طب كان الابدى ترد على تعليقاتى عليك بدل ما تهدى النفوس بيني وبين استاذ shawshank

والله انا باتكلم بجد وانا مش هاحلف كدب ولا مضطر لكده

كمان مره

انا اعتذر عن الاسلوب الذي اراه كان مستفز بعض الشئ للسيد/ سامح

ولكني لست اعتذر عن مغزى كلامي

وانا صادق في تمنياتي لك بالتوفيق في حياتك العمليه و ان تصبح افضل من 100 مهندس او ان تصبح مهندس فعلا

كل هذا لا يضيرني في شئ مطلقا و لن ينقص من رزقي شئ

حلو كده

الان

هل نسمع منك يا سيد / سامح .... بالمقابل ...

تفسيرا للميم التي تسبق اسمك

انا اعتذرت عن اسلوبي

فهل تعتذر عن ادعائك لما هو ليس لك