فعلا الله يكون فى عون المصريين المغتربين

[إيزيس]

أحيك على إجتهادك وتفوقك من بين كثير من شباب مصر الذين يفضلون

الجلوس على المقاهي على أن يتعلموا ويكونوا نافعين لأنفسهم ولبلدهم مصر الحبيبة

تحياتي وتقديري لك ودعائي لك بالتوفيق والنجاح وتصبح في مصاف أشهر المهندسين

المصممين في مصر ... ربنا يوفقك ... ولا تأخذ بعض الكلمات التي قيلت بحساسية

لأنك فعلا إنسان مجتهد وناضج ..... تقبل خالص تحياتي القلبية

الكلام ده من الأخ أبو أحمد ياريت يكون نهاية الموضوع بعد إذنكم

و احنا كلنا هنا إخوات

[الحازم حسن]

أنا شايف انك فقدت القدرة على الحوار .. انت بتضرخ مش بتتحاور

بدل طلب الاحاطة اللي انت مقدمه في المشاركة رقم 50 كان من الاولى انك ترد بموضوعية مش بس تفضل تتغنى بامكانياتك المهنية والمعملية الفذة وبعدين تقول اللهم اكفني شر الغرور والتكبر

بخصوص الشركة اياها كل اللي انت قلته ده موضوع تاني فحتى لو وصلت لمنصب رئيس مجلس ادارتها فده برده مش مبرر يديك الحق في انك تدى نفسك لقب مهندس

ومن الغباء معاملة الآخرين على انك اذكى منهم

الانسان اللي بيقول انه بيفهم في كل حاجة يبقى أبله ومبيفهمش في أي حاجة

ومن الغباء التحدث عن ناس تانية انت لا تعرف عنهم شيء .. مين قالك ان في عضو هنا بياخد مصروفه من أهله (وأنا مش غبي عشان أتكلم عن نفسي كأني داخل انتخابات مجلس الشورى وكفاية لحد كده)

لو كان دمك اتحرق فانا آسف

لكن في النهاية لا يصح إلا الصحيح وبرده انت مش مهندس

[~Heba~]

اطالب الادارة بالتصرف تجاه مشاركة الحازم حسن لانها شديدة اوى و ملهاش لزوم احنا جايين نهدى هنا مش نتخانق..ايهاب نفسه معملش اللى انت عملته يا حازم ياريت تبطل العصبية دى

[nash]

سامح...قبل لي جبين والدتك...فهي قد انجبت رجل....

وصدقني ...لك أن تفخر بكل ما انجزته حتي الان....وبما ستنجزة في المستقبل...اكاد اجزم ان هنا لم يصل احد إلي ماوصلت إيه في هذا العمر الصغير...

لا تلتفت خلفك طالما أنت في المقدمه ..وأمضي علي بركه الله.....في طريق ترعاك فيه رحمه رب العالمين...وعنايته...

[galaxy]

الاخ الفاضل سامح ............من حقك كل الحق انك تفخر بكل ما وصلت اليه لانه جاء علي جسر من التعب...........ربنا يوفق كل الشباب من امثالك :unsure:

[nash]

لا يجب أن تتدخل الإدارة فكل واحد قال رايه ...وكان أقواهم علي الاطلاق رد سامح..الذي اظهر كم التواضع واثار حسد الاخرين...

واظهر كم هو إنسان محترم وراقي..رغم حداثه عمرة إلا أنه تفوق ...واظهر معدن الرجل الحقيقي الذي لم يتعالي بما حباة الله

[النجم الثاقب]

تمنياتى لك مره اخرى يا باشمهندس سامح بالتوفيق فى غربتك و ربنا يهونها علينا جميعا

[سهران]

سامح...قبل لي جبين والدتك...فهي قد انجبت رجل....

وصدقني ...لك أن تفخر بكل ما انجزته حتي الان....وبما ستنجزة في المستقبل...اكاد اجزم ان هنا لم يصل احد إلي ماوصلت إيه في هذا العمر الصغير...

لا تلتفت خلفك طالما أنت في المقدمه ..وأمضي علي بركه الله.....في طريق ترعاك فيه رحمه رب العالمين...وعنايته...

ــــــــــــــــــــــــــــــــــــــــــــــــــــــــــــــــ

فيه أيه يا جماعة .... هي مبارزة .....و ليه الأحتداد ده في النقاش .... نتمنى للأخ سامح بالتأكيد كل توفيق و كل ما قيل من ملاحظات كان لتننبيهه أنه أدعـــــــــــــــــــــــــــــــــــــــــــــــــــــى ما ليس له .... فقط ... و ده بالطبع مش شيْ جيد يستوجب الأشادة و لو أخويا الصغير أو أبني هاقوله نفس الكلام ... و لو أبن حضرتك يا أخت nash أكيد هاتقوليله نفس الكلام .... هو فيه أيه .... و بعدين أحنا ما أطلعناش على السير الذاتية للموجودين بالمنتدى لنجزم أن هناك أفضلية في سن معين لعضو على الآخر ...كلنا قرينا مشاركات الأخ / أبو خليل .... أصداء الماضي.... و شوفنا قد أيه كان كفاحه الحقيقي و كفاح أسرته .... مين قالك أن ما فيش زيه عشرات في المنتدى كافحوا و وصلوا و حاليا مديرين لشركات و في مناصب عليا و نحتوا في الصخر هم و أهاليهم في ظروف قاهرة تجعلنا جميعا نقبل أحزية أهايهم و أهالينا ؟؟؟!!!..... ظني أن أغلب الموجودين بمخزونهم الثقافي و أرائهم المستنيرة ... بقول ظني ... ان أغلبهم ناس مكافحة و مثقفة و شخصيات بالفعل تستحق الأحترام و وراء أغلبهم قصص كفاح و تفوق ......فبلاش صيغ المقارنة دي ... فقط حد من الموجودين لا يعترض على فكرة أدعاء ما ليس لك ..........لو كان حد يؤيدها يقول و له مطلق الحرية ....... دعواتنا لأخونا الصغير من قلوبنا و أنا عارف أن الكل يشاركني الأحساس بدوام التقدم و التفوق .

تم تعديل 11 أبريل 2008 بواسطة سهران

[nash]

اخي سهران...المسئله لم تكن مبارزة....

الموضوع خرج عن مسارة بطريقه غريبه..وبدلا من مناقشه فحوي الموضوع بدا التلاسن علي شهاده سامح...

ومحاوله التقليل منها...وهنا جميعنا نشهد له بحسن الخلق ولم يخطا علي احد ابدا...بل بالعكس يحترم الصغير قبل الكبير....

ثم انه لسبب ما ابتعد عن المحاورات..لياتي ويجد كل هذا الكلام في إنتظارة...فلماذا يعني؟؟؟ هو لا يزال في بدايه الطريق..وأكاد اجزم أنه سينهي الطريق مبكرا ليصح من ذوي الشان المحترم...

لا يا أخي ...المقارنه لم يكن هو بادءها...حتي نقول صيغ مقارنه..ولو ابني ساعلمه كيف يرد علي الأخرين دون أن يخطأ عليهم تماما كما فعل سامح..

وهو لم يدعي حق ليس له..هو في الطريق لتحقيق هدفه...

وبدون أن نطلع علي السير الذاتيه..فكم من حامل لشهادات عاليه....لا يفقه شيء في ادب المحاورة...وكم ممن يحمل المؤهل المتوسط...ويملك علما وادبا يفوق به الاخرين...

والان...حينما أراد ان يرد علي من اخطأوا عليه..أصبح هو المخطأ؟؟ بالرغم من أنني اري ان ردوده لم تتجاوز حدود الأدب...أخرين لو قيل لهم ربع ماقيل له..لاقاموا الدنيا ولم يقعدوها....

قليل من الإنصاف يا ساده....

[امانى]

اظن ما يهمنا كاخوة فى المحاورات هو شخصية الاخ المحاور او الاخت المحاورة ولا يعنينا ما يحمله من شهادات فكلنا فى الاخر

اخوة لا تقف الشهادات بيننا فى التعامل واظن بعد ما وجه للاخ العزيز سامح من انتقادات بطريقة استفزازيه وبعد ما جاء به من

ردود مهذبة على الجميع دون تطاول وبعد كلمات الاخ شوشنك نفسه والاخ ابو احمد الاسكندرانى وكثيرا من الاخوة والاخوات

الكرام لا يسعن الا ان اقول اظن كفاية كدة اوى احنا لما اتعاملنا مع سامح لم نتعامل مع المهندس ولا الدكتور احنا اتعاملنا

مع انسان محترم يعتمد على نفسه يشق طريقه فى الحياه الى جانب دراسته وهذه الميزة قليلا ما تجدها فى شاب مثله

الى جانب تمتعه باخلاق حميدة واسلوب محترم فى التعامل لا يقلل من شأنه اذا اذا كان مهندس اولا او حتى لا يحمل شهادة

وليس مطالب بتفسير كلمة (م) قبل اسمه فهو حر فى اختيار اسمه احنا كل ما يهمنا شخصه لا اسمه او لقبه وان كنت ارى

الخبرة ساعات بتكون احسن من الشهادات نفسها وياريت كل شاب يكون فى شجاعته وتحمله مسؤلية نفسه فى العمل

مع الدراسة من اجل الوصول الى ما يسعى وفقه الله الى مايريد وياريت تكون مداخلتى دى اخر مداخلة فى الموضوع لانه

خرج كتير عن الموضوع نفسه ولك يا سامح كل تقدير وتحية

امانى

[deemuck]

الناس اللي اخطأوا في حقه كما يقول بدأوا في تقديم الاعتذار ويشكروا على مبادرتهم. ورغم ان هناك مداخلات كانت في صفه وموجهة لاشخاص اخرى فهمها بسبب لاخر انها موجه له لتسيئوه.

لا اعرف ما الداعي من الاخ سامح ان يأخذ الكلام بهذا الشكل على كل مداخلة معتبرا ان كل مداخلة في ضده

قليلا من التروي

[الحازم حسن]

واظهر كم هو إنسان محترم وراقي..رغم حداثه عمرة إلا أنه تفوق

بالرغم من أنني اري ان ردوده لم تتجاوز حدود الأدب...

فعلاً كلامك في محله :unsure:

ااااااااااااة دا انا فاتنى من الاهانات كتير

استاذ shawshank

اهلاً بحضرتك طبعاً مرة تانية وتالتة ورابعة

عمر حضرتك سمعت حد قال : الأستاذ الدكتور / البرت أينشتين ؟

اولا اسمة البروفسير ألبرت أينشتاين

البرت انيشتاين ما كانش مدرس علشان يقولولة استاذ ولا كان دكتور علشان يقولو له يا دكتور

انشتاين كان عالم .... علشان كدة كان ليه لقب ألا وهوا بروفسير (بروف) البرت ولو حضرتك متعصب اوى من الالقاب

ممكن تتفضل مشكور تقول لبوذا (مؤسس الديانة البوذية ) المفروض ما كانوش يقولولك يا أمير سيد هارتا

او ممكن تعترض وتحتج على انهم بيقولو لـكونفوشيوس على كلمة فيلسوف الى كانت بتسبق اسمة

وممكن تعترض على يوهان جوتنبرج علشان كانو بيقولولة العالم جوتنبرج

وايضاً اعترض على لوى باستور علشان كانو بيقولو ابل اسمة عالم (كان عالم كيمياء فرنسى)

واعترض واعترض لو تحب حضرتك انا ممكن اجيب لحضرتك لستة ممكن تعترض عليهم بسبب الالقاب وتلف بلاد وحضرتك بتعترض

تعرف لما حضرتك قلت : "الموضوع مش الناس بتقولك ايه" ، أنا ظننت أن الرد سيكون : "المهم انت ايه" ؟

وأنا أتصور أن الفاضل م.سامح المصري اختار "م.سامح المصري" ليكون اسمه هنا . أما من هو ، أو "ما" هو ، فتلك قضية أخرى

طب ولية الهجوم الى من غير سبب دا يا استاذ shawshank

بس هاقول لحضرتك انا اية

وهاوضح ان م.سامح المصرى مش هنا بس

الحمد لله سامح دا اصغر Graphic Designer فى شركة كانت بتختار العميل الى تشتغل معاه ودا مش كدب

اى عميل من شركات كببيرة كان بيستغرب ازاى دا فى السن الى هوا فية دا واعد مع مهندسين وبيشتغل مصمم جرافيك وماسك شغل لوحدة

كنت بعمل تست للناس الى بتيجي تعمل interview فى الشركة دا وكانوا بيستغربو ازاى شركة بالحجم دا وواحد فى السن دا بيعملنا interview

بس الحمد لله انا كنت بتعامل مع الوضع والحمد لله سيبت الشركة دى 3 مرات وصاحبها رجعنى ( ما حصلتش مع ناس تانية اكبر منى سنناً ) وما زال

عايزنى ارجع للشركة تانى

جاتلى فرصتين لابو ظبى فى سنى دا

واحدة منهم تعتبر مفيهاش مزايا ولا مرتب بس انا بصيت للمحتوى الامر دا ان واحد كان عارض انه عايز مصممين جرافيك فى موقع اجنبى

وحاولت ومن وسط الى اتقدموله الحمد لله اتوفقت بس ما كملتش علشان الاسباب الى انا قلتها فى الاول وغير كدة انا لسة طالب

ومرة تانية فى ابو ظبى برضو من اسبوعين قابلت الراجل وعجبة شغلى وكان عايزنى فى خلال 10 ايام واكون معاه بس الباسبور مكتوب فية طال

والحمد لله

الحمد لله انا لما برسل الـ C.V بتاعى لحوالى 4 او 5 شركات وماعه شغلى 3 شركات على الاقل بتكلمنى وعيزانى انزل معاها الحمد لله

اخر شركة اشتغتل فيها لما وريتة شغلى وعجبة قالى ممكن تنزل معانا من بكرة

ولما سيبتة ابنة اتصل بيا وبيقولى يا سامح ضيعت مننا شغل بألوفات والله على ما اقولة شهيد

أسال حضرتك على شركات الدعايى الى فى الغردقة

هاتلاقيهم بيتعدوا على صوابع اليد صاحب الشركة عمل اعلان وانا اتقدمت زى ما ناس كتيرة اتقدمت والحمد لله روحت وهوا عارف انى طالب

الحمد لله باخد مرتب ما كنتش ان انا اخدة لو اعدت فى البيت واستنيت لغاية ما اخلص معهد او كلية اخدة بعد 3 او 4 سنين

جاتلى زى منحة فى كندا من اكاديمية جرافيك تصنيفها من افضل 5 اكاديميات تعليم للجرافيك فى العالم وكنت ممكن اقدم كل الى

قالولى علية واسافر فى غضون شهرين او اقل

بس استخرت ربنا زى ما قلت وربنا وفقنى للأفضل طبعاً

انا الحمد لله فى مكانة دلوقتى كويسة جدا والحمد لله

اتمنى اكون وضحت لحضرتك الى حضرتك سألت علية

"المهم انت ايه" ؟

وأنا أتصور أن الفاضل م.سامح المصري اختار "م.سامح المصري" ليكون اسمه هنا . أما من هو ، أو "ما" هو ، فتلك قضية أخرى

انامتضايق جدا دلوقتى مش علشان حضراتكم اهنتونى بأختلاف اعماركم فى الكبير والصغير منكم

لا طبعا مش دا الى مخليني حزين بل بالعكس دا انا بحب جدا الى ينتقدنى ويطلع عيوبى بس العيوب الصحيحة الى شافها وحسها فيها فعلاً

مش الى مبنية على اتهامات سريعة ومالهاش اساس

بس انا حزين علشان اول مرة فى حياتى اذكر حاجة ربنا كرمنى بيها واحس انها تعالى انى بتعالى بيها ادام الناس

لاكن والحمد لله انا مش بتعالى على حد لان دا طبعى بس بس انا حبيت اوضح لحضرتك انا ابقى اية زى ما حضرتك كنت عايز

الحمد لله انا مش مغرور ولا متكبر واكيد ناس دلوقتى افتكرونى كدة ودا من اتبنى من اجابتى لسؤال حضرتك

فى ناس شغالة معايا انا بطلب منهم يقولولى يا سامح مش يا باش مهندس سامح

انا مش بقول ان انا حاجة كبيرة ولا بقول ان انا زى البروفسير البرت انيشتاين لا ابدا دا انا اقل القليل

فى ناس افضل من بكتيييييييييييييييييييييييييييير جدا جدا جدا جدا

انا زى ما حضرتك تفضلت وذكرت ان انا من العامة دا شئ كويس علشان ابعد عن الكبر والغرور

بس انا الحمد لله شاب حاول يجتهد وربنا كرمة على اد ما حاول

وانا زى ما قلت ابل كدة ابل ما ابقى Graphic Designer كنت عامل بوفية فى شركة

وابل ما ابقى عامل بوفية كنت عامل توصيل طلبات فى صيدلية ومن الشغلانات الى اشتغلتها كانت فى منها كهربائى سيارات

لو عايزنى ادرج لحضرتك الشغلانات الى اشتغلتها ممكن

مش علشان حالتنا الحمد لله حالتنا كويسة زى ما قلت ابل كدة

فى رد حضرتك الجاى ان شاء الله هالغى الكلام دا لما اعرف ان حضرتك قريت ردى

بس حبيت ارد على اهانة حضرتك فقط

الاهانة الى انا مش لاقيلها سبب ولا داعى

يمكن علشان الردود بتاعتى فى باب المغتربين اكيد برضو

علشان فى ناس زعلت منى كتير

واخيرا احب اقول لحضرتك شكراً جدا

وسلامى لك

---------------

لقب باش مهندس ده هوه أولا خطأ لغوياً المفروض انها مهندس بس معرفش بئه المصريين جابوا باش دي منين

ثانياً هو لقب اصبح مطاط جداً اليومين دول

ممكن تسال الناس الى بتقول للمهندسين يا باش مهندس وممكن تسال عمال البنا والناس الى بتتعامل

مع مهندس الالكترونيات

وممكن تعرف بئة المصريين بيقولو باش لية لما تقرا مداخلة استاذ محمد

حول كلمة باش

ابقى اعرف الحاجة يا الحازم قبل ما تكتبها وبلاش تبقى متسرع

ثانياً انا ان شاء الله كام امتحان برضو وابقى معايا bachelor's degree of computer science

والحمد لله ما نزلتش ولا سنة فى حياتى الدراسية مع العلم انى بشتغل زى كل الشباب العادية

بس الحمد لله مش زى شباب بيستنوا ياخدوا المصروف من بابا وماما بعيد عنك

على فكرة يا الحازم

واحد على ما اعتقد نفس الشهادة الى انتا هاتاخدها دى وواحد تانى بكالوريوس تجارة جم وعملتلهم تست فى الشركة الى كنت فيها

اللهم لا تجعلنى من المتكبرين

ورغم ان أكبر شركة في العالم حتعترف بي كمهندس

احب اوضحلك حاجة يا الحازم

اكبر شركة هاتعترف بيك كانك مهندس على الورق

طبعا زى ألاف مألفة بيتخرجو عادى جدا وبياخدوا شهادتك

انما تعترف بيك مهندس حقيقى لما يطلبوك زى ما حصل مع واحد عندنا فهمت

----------------------

انتو بجد فكرتونى بمثل مصرى

بس بلاش اقولة مش علشان حاجة بس حفاظاً على شعوركم بس هوا فعلا بيجسد ما فعلتموه

لكل واحد مسك فى حتت (باشمهندس )

والغريبة فى الموضوع ان بمجرد واحد خرج عن الموضوع والتانى خرج برضو

تلاقى واحد تالت يقول معلش يا عمو انا كمان هاخرج عن الموضوع ربنا يخليك هاخرج عن الموضوع يا عمو

كأننا فى ملاهى

مش اعتراض منى على تغيير مجرى الموضوع لا ابدا طالما بننقاش نقطة عادى جدا

فى ظلم الناس وقذفهم ما نتوصاش .... يا سلام دى سهلة اوى اوى اوى بالنسبة لناس

انما نتأكد من الحكاية الى هانقذف بيها الناس لا ابداً .... احنا مستعجلين نقذفهم الاول وبعدين نبقى نتكلم فى الموضوع

طب لو هانتكلم على الصح زى ما حضراتكم متعصبين اوى كدة

انتا اتكلمتوا على كلمة مهندس ما حدش لاحظ ان اسمى م.سامح المصرى مفيش مسافة بي الدوت وسامح

لا ازاى تلاحظو الغلطة دى ان تقزفوا بس انما تلاحظو الغلط الى ممكن اساسا ما يبقاش الى قصدكم علية

وانا مش هاتكلم تانى على حكاية م.سامح المصرى

لو الاستاذ الفاضل الـ Advisor

تفضل مشكوراً وذكر حكاية الاسم يبقي لية الف شكر انما انا

مش هاذكرها حفاظاً على وجهتكم امام الاعضاء لانى لو ذكرتها للأسف فعلا هايبقى وجهتكم مش كويسة نسبياً

دا علشنكم انتم مش اكتر

-----------------------

اشكرك يا هبة جدا

بس ما كنتيش تتعبى نفسك وتردى وتقتبسى على حد

امشى بمقولة

كل إناء بما فية ينضح

وريحى دماغك

-----------

الاخت الفاضلة قرنفل

شكراً ليكي بس برضو ما كنتيش تتعبى نفسك

انا واخد على كدة من ناس اعرفها وناس ما اعرفهاش ..... ومن ناس جاميتها ووجبت معاها فدى عادى نكران ذات الشخص الى قدامنا

دلوقتى بقى عادى

---------

استاذى محمد اشكر جدا مداخلة حضرتك

وتوضيح بعض الامور للعامة امثالى وللعظماء امثال ناس تانية

وهما مش قساه ولا حاجة دى عادى انا متوقع منهم كدة انما واحد منهم الى ما كنتش

اتوقع كدة منه علشان سنة الكبير بس الحمد لله كل حاجة بتبان اكتر

بمرور الوقت

Too impressive

هوه حضرتك بتشتغلي محامية ؟؟

[الحازم حسن]

الناس اللي اخطأوا في حقه كما يقول بدأوا في تقديم الاعتذار ويشكروا على مبادرتهم. ورغم ان هناك مداخلات كانت في صفه وموجهة لاشخاص اخرى فهمها بسبب لاخر انها موجه له لتسيئوه.

لا اعرف ما الداعي من الاخ سامح ان يأخذ الكلام بهذا الشكل على كل مداخلة معتبرا ان كل مداخلة في ضده

قليلا من التروي

نفس السؤال !!!!

أقسم بالله العظيم أنا مكنش قصدي أهينه بكلمة واحدة من كلامي لاهو ولا أي عضو محترم في المحاورات

لكنه للأسف فسر الكلام بطريقته الخاصة

[سهران]

سامح...قبل لي جبين والدتك...فهي قد انجبت رجل....

وصدقني ...لك أن تفخر بكل ما انجزته حتي الان....وبما ستنجزة في المستقبل...اكاد اجزم ان هنا لم يصل احد إلي ماوصلت إيه في هذا العمر الصغير...

لا تلتفت خلفك طالما أنت في المقدمه ..وأمضي علي بركه الله.....في طريق ترعاك فيه رحمه رب العالمين...وعنايته...

ــــــــــــــــــــــــــــــــــــــــــــــــــــــــــــــــ

فيه أيه يا جماعة .... هي مبارزة .....و ليه الأحتداد ده في النقاش .... نتمنى للأخ سامح بالتأكيد كل توفيق و كل ما قيل من ملاحظات كان لتننبيهه أنه أدعـــــــــــــــــــــــــــــــــــــــــــــــــــــى ما ليس له .... فقط ... و ده بالطبع مش شيْ جيد يستوجب الأشادة و لو أخويا الصغير أو أبني هاقوله نفس الكلام ... و لو أبن حضرتك يا أخت nash أكيد هاتقوليله نفس الكلام .... هو فيه أيه .... و بعدين أحنا ما أطلعناش على السير الذاتية للموجودين بالمنتدى لنجزم أن هناك أفضلية في سن معين لعضو على الآخر ...كلنا قرينا مشاركات الأخ / أبو خليل .... أصداء الماضي.... و شوفنا قد أيه كان كفاحه الحقيقي و كفاح أسرته .... مين قالك أن ما فيش زيه عشرات في المنتدى كافحوا و وصلوا و حاليا مديرين لشركات و في مناصب عليا و نحتوا في الصخر هم و أهاليهم في ظروف قاهرة تجعلنا جميعا نقبل أحزية أهايهم و أهالينا ؟؟؟!!!..... ظني أن أغلب الموجودين بمخزونهم الثقافي و أرائهم المستنيرة ... بقول ظني ... ان أغلبهم ناس مكافحة و مثقفة و شخصيات بالفعل تستحق الأحترام و وراء أغلبهم قصص كفاح و تفوق ......فبلاش صيغ المقارنة دي ... فقط حد من الموجودين لا يعترض على فكرة أدعاء ما ليس لك ..........لو كان حد يؤيدها يقول و له مطلق الحرية ....... دعواتنا لأخونا الصغير من قلوبنا و أنا عارف أن الكل يشاركني الأحساس بدوام التقدم و التفوق .

المقارنة أقصد بيها اللي حضرتك قولتيه ...........( اكاد اجزم ان هنا لم يصل احد إلي ماوصلت إيه في هذا العمر الصغير...)

و ....أظن الأخ حازم أشار لبعض ردود الأخ / سامح .... رغم أن الموضوع كله كان ممكن يترد عليه بطريقة أهدأ من كدة ........

( بالرغم من أنني اري ان ردوده لم تتجاوز حدود الأدب...أخرين لو قيل لهم ربع ماقيل له..لاقاموا الدنيا ولم يقعدوها....قليل من الإنصاف يا ساده....)

عموما أعتقد الموضوع اخد أكتر من حقه .... الروح الجميلة السائدة في المحاورات هي أهم ما يميزها و يثريها الجميع بمشاعر الود المتبادلة بين الأعضاء حتى لو أحتد النقاش قليلا .... أكرر تمنياتي و دعواتي الصادقة للأخ سامح بدوام التقدم و التفوق و تحقيق أحلامه أن شاء الله تعالى و طبعا كلنا في المنتدى الراقي ده أخوة و أعتقد لم تكن هناك نية أساءة من أحد تجاه الآخر ....

تم تعديل 12 أبريل 2008 بواسطة سهران

[مهيب]

بما أن الموضوع قد خرج تماما عن اطاره و هناك أكثر من 3 صفحات من الخمسة تم تسويدهم فى مسألة الهندسة .. فأعتقد أن اغلاق الموضوع حل لائق.

مهيب