الخلطة السرية لانجاب التوائم

[doha]

شوفي ياستي سبب انتشار التوأم حاليا له عدة اسباب علمية بخلاف كونه راجع للوراثة .. ممكن تلاقي عائلات محصلش فيها توأم نهائي ومع ذلك بتجيب ..

السبب الاول تعاطي المنشطات زي الكلوميد ودي بتحصل م ع الي عندها مشاكل في الانجاب اصلا .. الكلوميد مفيد في حالة الحمل بتوائم ولكن له عيوب من اهمها انك ممكن بدال ماتجيبي اثنين تجيبي ثلاثه او اكثر .. ممكن لاقدر الله مع استخدامه بدون متابعة طبية يتحدد فيها امتى طلعت البويضة وامتى نضجت تمهيدا لاخذ دواء ( يفجرها ) او يطلعها من المبيض في الحاله دي لو متاخذتش الحقن المناسبة ممكن تتكيس البويضه وتعمل مشاكل في المبيض تؤدي لعقم بعد كده لا قدر الله ..

من عيوبه كمان ان يقال والعهده على الراوي ان غالبا الحمل بعد الكلوميد مبيثبتش او بيجهض بنسبة كبيرة ..

يعني الي مضطرة تاخذ منشطات لظروفها فهو ممتاز لحالتها لان اصلا مقدمهاش غير كده وفوائده هنا اعلى من مضاره لكن الي بتخلف طبيعي حرام تاخذ منشطات ممكن تضرها زي ماممكن تفيدها ..

نيجي للسبب التاني في انتشار التوائم وهو حقيقة علمية غريبة جدا .. ان الست جسمها مبرمج للحمل لضمان استمرار النوع .. فسبحان الله تلاحظي مثلا وحده يكون زوجها مسافر ومش بيجي غير شهر في السنة وسبحان الله تلاقيها كل سنة حامل طيب ليه؟ لان جسمها فورا بمجرد وجود زوجها معاها بيخرج بويضة جاهزه لان دي فرصة مبتتكررش كتير .. البعض عندهم ( خصوبة زائده ) فجسمها بيفرز بويضتين مرة وحده نتيجه ان حدث مش بيتكرر كتير فبيحاول جسمها يضمن اعلى معدل لاحتمالات الحمل .. وهتلاقي النوع ده من الحالات اما يجيب توائم او يجيب ذكور كتير لان حدوث تلقيح للبويضة في نفس يوم خروجها بيؤدي غالبا للحمل في ولد .

السبب التالت وده انا مقتنعه بيه اكتر شيء هو التوازن البيئي الي الكرة الارضية كلها قائمة عليه .. هتلاحظي دلوقت كل الناس بتحدد النسل وبتتكفي بطفل او طفلين فنتيجه لان ربنا خلق الكون متوازن وان لو حاولنا نزود او نقلل نوع بيكون ده على حساب نوع تاني فسبحان الله الناس بتاخذ موانع من هنا فربنا يرزق ناس تانيه توائم من هنا عشان يفضل العدد متساوي في النهاية .. اعتقد ده سبب وارد برضه ..

بس على فكره التوأم مش حاجه حلوة اوي زي ماانتي متصورة .. عن نفسي مازلت بحلم بتوأم بس لو مجاش عادي مش هبقى زعلانه ابدا بالعكس .. التوأم معناته تعب مضاعف فوق عن ان كل واحد منهم هياخذ اهتمام ورعاية النصف .. لا هتقدري ترضعيه زي بقية الاطفال ولا تهتمي بيه زي لما يكون طفل واحد بس له كل حنانك ورعايتك ..

[شروق وغروب]

والله اختى الحكايه مش منشط ولا لها علاقه حتى بالاكل

ليها دعوة بفرج ربنا . هو صاحب النعمه والوحيد اللى يملك الخيار فى انه ينعم عليها لعبده او لا

وانا عن نفسى ليا 6 سنين متجوزه واخدت منشطات لدرجه انى شويه وهعملها عصير

وفى الاخر ربنا لسه مانعمش عليا بنعمته

يعنى اخدت كلوميد وابر تفجير ومنشطات عايزه اقولك اقوى من كلوميد بمراحل

ومع ذلك لا حيله فى الرزق ولا شفاعه فى الموت

اللى كاتبه ربنا هشوفه

وانا مش قدامى الا السعى فقط

ربنا ينعم علينا جميعا ان شا ءالله بالرزق