البيبسي كولا والكوكاكولا مع النعناع....خلي بالك وأحترس

[مصري جدا]

بسم الله الرحمن الرحيم

من منا لا يتناول على الأقل يوميا أو أسبوعيا كوكاكولا

يقال أن توفى في الأسبوع الماضي صبى في البرازيل بعد تناوله النعناع المركز مع كوكاكولا

وفى العام الماضي توفى صبى برازيلي أيضا في نفس الحادثة ولكن مع بيبسي

فحذارى أن تشرب كوكاكولا أو بيبسي مع النعناع المركز

شاهد الصور والتجربة لتتأكد بنفسك ويمكنك تجربتها لتعرف كيف مات هذا الطفل

ده اللي وصلني من صديق ....ياتري أيه رأيكم

وو

خلوا بالكم علي أولادكم

[badroora]

انا شوفت الموضوع دا على قناة سي ان ان من سنتين تقريبا .

بس هو ايه الميكانيزم اللى بيحصل فى الجسم نتيجة اتحاد النعناع مع البيبسي .

هل هو مثلا بيتا بلوكرز بيوقف القلب مثلا ولاه ايه اللى بيحصل بالظبط ؟

يؤدى الى الوفاة

[mohmaher]

There is a coating of natural gum on the surface of mentos which will reduce surface tension of liquids. Reducing the surface tension will force the release of the gas bubbles from the liquid pronto. A tube of mentos into a 2 litre bottle will produce an instant fountain around 5 metres high.

[The Coder]

يا جماعه و الله أنا مستغرب الناس ليه لسه بتشرب المشروبات ديه مع العلم بالبلاوي اللي فيها.. غريبه بجد

طب عموماً للناس اللي متعرفش ..

عارفين إن نسبة الحموضه اللي فيها بتدوب العظم و الأسنان و خصوصاً لما يكون سن الواحد معدي التلاتين لأن بعد السن ده الجسم مابينيش بالعكس بتبدأ عملية الهدم بنسبة من 8-18 % حسب كمية الأحماض اللي بناكلها

و إحنا بدل ما نحافظ عليه ونساعده .. كمان بنشرب المشروبات ديه اللي بتدوبه و تفتته واحده واحده :lol:

وده سبب أساسي إن كل الناس الكبيره دلوقتي بتشتكي من ألام العظم و الخشونه و الهشاشه و غيره .. تخيلوا كل ده من إزازة الكولا ديه

لأ و إيه كمان العظم اللي داب ده بيترسب في العروق و خلايا الجلد و بعض الأعضاء الحيويه زي الكليه و بالتالي يكون سبب في تكون حصوات بالكلى :D

ده غير بقى الضرر الكبير اللي ممكن يحصل لمعدتك لما تكون مش واكل كده أو واكل نص نص يعني و تأربعلك واحده كده على الماشي

عارف ده ممكن يسببلك قرحه في المعده لأن الماده ديه هتبتدي تاكل في جدار المعده و تخليها تهضم نفسها :D

و كمان الكولا ديه ملهاش أي فايده بالعكس .. ديه أولاً بتزود نسية السكر في الدم و كمان مبتخليش الجسم يستفاد من الأكل اللي سيادتك بتاكله

فمعقول يا جماعه بعد ده كله نشربها

أنا طبعاً مش هتكلم عن موضوع دهن الخنزير اللي فيها و لا حتى فتوى الأزهر اللي حرمتها لكن طبعاً كتموا عليها و لا حتى أقول مقاطعه للمنتجات اليهوديه و الأمريكيه و لا غيره ...

لكن كفايه أوي إنكم عرفتم ضررها الصحي .. يمكن تستغنوا عنها في يوم من الأيام

أنا عن نفسي و الله بدأت بنفسي .. وبقالي يجي 3 سنين دلوقتي مقاطعها و مبشربهاش

و عموماً كل واحد عنده عقل يراجع نفسه كده و يشوف هيعمل إيه.

و ربنا يهديكم يا رب و يباركلكم في صحتكم

[جويرية]

طيب حاجة بالضرر الواضح ده

مش مفروض الدولة تقفل المصانع دي

و لا مفيش حد بيسأل في الناس خالص

يعني شباب يصابوا بأمراض الشيخوخة

و ناس تعيش بأمراض مصاحبة ليها لغاية ما تموت

حسبي الله ونعم الوكيل

[The Coder]

طيب حاجة بالضرر الواضح ده

مش مفروض الدولة تقفل المصانع دي

و لا مفيش حد بيسأل في الناس خالص

يعني شباب يصابوا بأمراض الشيخوخة

و ناس تعيش بأمراض مصاحبة ليها لغاية ما تموت

حسبي الله ونعم الوكيل

طب ماكان أولى تقفل مصانع الدخان :lol:

يا فندم الحكايه مصالح .. و مش مشكله الناس

ديه نبذه عن بداية إنتشارها في الدول العربيه

انتشار الكوكاكولا في الدول العربية

منذ خمسنيات القرن العشرين كان في بغداد معمل ينتج مشروب الكوكاكولا بأمتياز, وفي الستينيات أغلق المعمل وصودرت الشركة على اساس قانون المقاطعة. كان معمل كوكاكولا في بغداد يقع في بداية شارع شيخ عمر (المنسوب إلى عمر السهروردي) وكان يتميز بواجهته الزجاجية التي تكشف المعمل ومكائنه.

كما أنتجت الـ " كوكا كولا " لفترة طويلة في المنطقة الشرقية من المملكة العربية السعودية تحت اسم "كوكا كـ " وعندما تم إنهاء العمل بالمقاطعة من الدرجة الثانية توقف إنتاج " كوكا كـ " لتُطرح الـ " كوكا كولا " رسميا.

قاطعت كثير من الدول العربية شركة الكوكاكولا و منعتها من إقامة مصانع لها في بلادها لأن الشركة يهودية تابعة لإسرائيل. لفترة طويلة، كان المشروب متوفر فقط في مصر، حيث كانت الأخيرة قد خففت من قيود مقاطعة الشركات المتعاملة مع إسرائيل على اثر اتفاقيات السلام بينهما. سمح الأردن هو الآخر بإقامة مصانع للشركة على أراضيه على اثر اتفاق السلام مع إسرائيل عام 1994. وتونس لانها بلد سياحي بالإضافة إلى أغلب الدول العربية منها السعودية

طب إيه اللي إتغير إنهارده .. هل الشركه أسلمت .. ولا اليهود باعوها

ما الحال هو الحال بس للأسف .. ميقدرش حد يقول لأمريكا لأ

أه و على فكره خام الكوكا نفسه بيجي على هيئة ماده صلبه و محدش يعرف إيه هو سر مكوناتها

و مين عالم هتكون الماده ديه فيها إيه .. ربنا يسترها من عنده