عاوز أعمل جيلاتي في البيت ...من غير أيس ماكير....ممكن

[مصري جدا]

أنا طبعا غاوي مطبخ طحن...ونفسي أعمل أيس كريم علي مزاجي بالطعم والفاكهه اللي أنا عاوزها....بس هنا للأسف معنديش ICE MAKER ...جربت أعمل ببياض البيض مع الكريم شانتيه بس مطلعش حلو ...ولو حبيت اعمل عصير منجا مثلا مش بيبقي حلو ....ياتري ممكن حد يفيدني ...وشكرا مقدما

[vipwithyou]

عندى الحل يا ريس

تجيب 10 علب آيس كريم جاهز

ويتم سكبهم كلهم فى حله واحدة

وتيجى بمعلقة خشب كبيرة تقلب الخليط

وبعد كدة تعبيه تانى فى علب صغيرة

وتاكل بالهنا والشفا .. وأهو كدة متكونش محتاج ماكينه الآيس كريم

شكرا ياباشا على العزومة الجميلة دى

وهاستنى معاك الطريقة علشان نعرف ناكل آيس كريم لما نسافر بس يارب ميكونش مكلف

[إيزيس]

أفاجئك؟

حتى يالآيس ماكير بيطلع مش حلو

اسمع كلام تامر دي أحسن طريقة

[مصري جدا]

هو فيه أحسن من الحاجه البيتي

يلا شغلوا الجمجمة :unsure: وطلعوا حاجة حلوة ,الصيف داخل ....

نفسي في حته جيلاتي من عند مكرم ولا نظامي ..

مش عارف الشراقوه حيرعرفوهم ولا لأ

نصيحة لو رحتم أسكندريه ماتأخدوش جيلاتي الا منهم

[nash]

أفاجئك؟

حتى يالآيس ماكير بيطلع مش حلو

اسمع كلام تامر دي أحسن طريقة

لا لا لا

غلط جدا طريقتك يا تامر....

اولا لو الايس كريم ساح وأعيد تجميده..السلمونيلا ممكن تشتغل بسبب البيض الموجود فيه....

وطبعا بيكون نوع من أنواع التسمم...أكثر شيء خطأ الذوبان لاي شيء بعد التجميد ثم إعاده تجميده....

برايفت قرنفله.....نوع الماكينه ايه؟؟ بفكر أشتريها وسالت عليها بحوالي 560 ريال...ومستنيه حد يشكر فيها...

أخي الكريم مصري....أستني نجرب الماكينه الاول ولو ظبطت تجربها ...وإلي أن ياتي أخونا مصطفي ...أو حد يدلي بدلوة في الموضوع ...عليك وعلي الأيس كريم الجاهز

[vipwithyou]

شفت يا عم حتى حاولنا نعمل حاجة فى المطبخ اتسممنا

يابنى خلينا بعيد عن المطبخ احسن

وكمان 560 ريال علشان الماكينه طيب ما الواحد لو حسبها فى السنه تعمل كام ؟

ونقف بواحدة عند المملكة كدة ولا الفيصلية دا الواحد يشتغل ايه

والله فكرة ههههههه

[عواطف]

• • •

• السلام عليكم ورحمة الله وبركاته •

أنا ما أعرف الجيلاتي

أعرف الآيسكريم .. والجيلاتين .. :unsure:

• • •

بصراحة 500 ريال على ماكينة منزلية سعر مبالغ فيه ..

فيه ماركات أسعارها معقولة مثل GEEPAS

مرة ضربت قشطة خفق مع سكر وفانيلا ..

بعدين عبيته بالماكينة وطلع لي نفس طعم آيسكريم هرفي ..

واذا ماعندك ماكينة ..

يقولون دخل الخليط بالفريزر وبعد كل ربع ساعة طلعه واضربه بالمضرب ..

أنا ما جربت هذي الطريقة لان عندي آيسكريم ميكر

• • •

إذا تبغى نفس هذا الشكل

بعد ماتستخرج الآيسكريم من الآلة جمدة بالفريزر مرة ثانية ..

وهذا موقع متخصص بالآيسكريم ..

http://www.ice-cream-recipes.com

• • •

ولو تبغى طريقة بسكويت لسان القط أو لسان القطة Cat's Tongue Biscuits

جرب هذي الطريقة المنقولة

المقادير:

ربع كوب من السكر الناعم.

ربع كوب من الزبدة أو الزيت ( حوالي نصف اصبع).

حوالي ربع كوب من الدقيق.

رشة بكنج باودر.

بيضة واحدة.

فانيلا.

بضع نقاط من الخل ـ للقضاء على نكهة البيض نهائياً.

الطريقة:

تضرب جميع المكونات ـ ماعدا الدقيق والبكنج باودر ـ بالمضرب الكهربائي مدة 5 دقائق.

تجهز صينية الخبز و يسخن الفرن إلى 150 ْم.

يضاف الدقيق والبكنج باودر تدريجيا حتى يكون الخليط بقوام خليط الكيك.

يوضع الخليط بكيس له فتحة صغيرة.

تشكل خطوط رقيقة من الخليط ذات طول 8 سم وبعرض 1سم مع جعلها أكثر عرضا عند الطرفين.

تخبز الصينية في الفرن مدة لا تزيد على 8 دقائق حتى تصير الأطراف ذهبية.

يرفع بسكويت (لسان القط) ويترك حتى يبرد ثم يقدم مع الآيسكريم.

ملاحظة :

يمكن تقليل كمية السكر المستخدمة للخليط مع رش الوجه بالسكر البودرة بعد الخبز.

• مع التحية •

• • •

تم تعديل 10 أبريل 2008 بواسطة عواطف

[vipwithyou]

ايوة كدة خلونا نعرف ناكل آيس كريم

[vipwithyou]

يلا يا عم جبت لك الطريقة من موقع تانى اهه

منقول :

المقادير:

1 كوب واحد من السكر

2 كوب ونصف من الكوب من حليب كوست

3 زلال 4 بيضات

4 كوب ونصف الكوب من الكريمة المخفوقة

الطريقة:

- اخلطي الحليب و السكر على نار متوسطة حتى يذوب السكر ، ثم اغلي المزيج لـ 5 دقائق.

- اخلطي زلال البيض إلى أن يشكل رغوة جامدة .

- اسكبي زلال البيض المخفوق ببطء على الحليب و تابعي الخفق حتى يشتد المزيج و يبرد تماما .

- اخفقي الكريمة جيدا إلى أن تشتد و تتجمد، و اضيفيها إلى المزيج .

- اسكبي البوظة في قوالب بلاستيكة ثم غطيها و ضعيها في الثلاجة .

- اسكبي البوظة في كؤوس وضعت في الثلاجة لـمدة 20 دقيقة و زينيها باللوز و الصنوبر أو البسكويت، وقدميها فورا.

[vipwithyou]

خد يا عم طريقة تانية من موقع تانى

بس جرب انت وقولنا علشان انا مش هاعمل حاجة الا لما تبوظ انت الاول وبعدين اعمل انا بعد نصيحتك

ماشى يا ريس

منقول :

المقادير

1كوب من اللبن

1كوب من السكر

1كوب من فاكهة الموسم

2صفار بيض

2ملعقة من النشا

2عصير ليمونة

طريقة التحضير

يغلىءالفاكهة على النار مع نصف كمية السكر ويضاف عصير الليمون

تغلىءاللبن مع باقى كمية السكر ويضاف النشا بعد ان يذاب قليل من الماء ويضاف الفانيليا

وبعد ان يبرد الخليطان يضاف البيض يصفى ويترك بالثلاجة لليوم الثانى وبعد يوضع بالماكينة المخصصة للصناعة

الايس كريم حتى ينعم ويتماسك وبعد يحفظ بالفريزر داخل وعاء بلاستيك

اما فى عدم وجود ماكينة ايس كريم يوضع الخليط داخل الفريزر ويقلب كل ساعة حتى ينعم ويتماسك

ملحوظة هامة

فى حالة الحصول على ايس كريم فانيليا يحذف عصير الفاكهة وعصير الليمون ويتم عمل باقى الخليط وفى حالة الرغبة

فى الحصول على ايس كريم شيكولاته يمكن اضافة نصف كوب كاكاو للبن اثناء الغليان

[جويرية]

ليه سؤال بخصوص الأيس كريم

هل اكله مش صحي عشان كدة الواحد بيقي بياكل تلج

و هل بيأثر علي اللوز عشان اطفال كتير و هما صغيرين بيشيلوها

هيا مش اللوز دي حاجة أساسية في الجسم طب ليه بقت عادي أن الناس بتشيلها

طبعا مع احترامي الشديد للأيس كريم اللي سيادتك ناوي تعمله :rolleyes:

انا الأيس كريم بدوبه بالمعلقة خالص لغاية ما يروح التلج منه عشان الأحبال الصوتية عندي يادوب مسلكة

[galaxy]

ليه سؤال بخصوص الأيس كريم

هل اكله مش صحي عشان كدة الواحد بيقي بياكل تلج

و هل بيأثر علي اللوز عشان اطفال كتير و هما صغيرين بيشيلوها

هيا مش اللوز دي حاجة أساسية في الجسم طب ليه بقت عادي أن الناس بتشيلها

طبعا مع احترامي الشديد للأيس كريم اللي سيادتك ناوي تعمله :partytime:

انا الأيس كريم بدوبه بالمعلقة خالص لغاية ما يروح التلج منه عشان الأحبال الصوتية عندي يادوب مسلكة :lol:

عزيزتي جويريه..........اللوز من العقد اليمفاويه التي تقوم كخط دفاعي عن الجسم مع الغدد الاخري لكن في بعض الاحيان بتلتهب بصورة كبيرة او مزمنه ومن الممكن هذا الالتهاب يولد صديدا يؤثر علي القلب(الحمي الروماتيزميه) وبالتالي بيكون ضرها اكبر من نفعها وبيكون من الافضل ازالتها حفاظا علي الصحه والقلب خصوصا.........علشان مضار التهابها .............مع الوقايه من النزلات او اخذ علاج طويل المدي اذا لزم الامر.......

......اما اكل الايس كريم دا فهو مزاج.... ولما بيكون معمول حلو مش بيبقي تلج ولا حاجه بالعكس بيكون طعم الحليب والفاكهه واضح فيه بس الفكرة في كونه لا يؤكل الا مثلج ومن هنا بتنشأ عدم صحيته ........بس كلي وان شاء الله بالهنا والشفا.والف سلامه ليكي..............وياريت بجد حد يجرب ويقول علشان نتوكل علي الله ونبدأ التصنيع المنزلي.

[مصري جدا]

الأخت عواطف

شكرا علي الأهتمام وعلي الوصفات والموقع......... وجاري التجهيزلإجراء بعض المحاولات

:partytime:

[مصري جدا]

:lol: :lol:

الأخت ناش

أنا معاك في أنتظار شيف المصريين الأستاذ مصطفي بس ياريت ميتأخرش

الأخ العزيز تامر

شكرا ياسيدي علي تعبك وبحثك عن الوصفات وان شاء الله جاري تجميع الوصفات وأختيار الآسهل للتنفيذ ,مش حنساك مع كل أيس كريم أعمله وأكله... :winner: ......ومش حأقولك أتفضل... wst:: .. علشان متبقاش عزومة مراكبيه. :sad: .... ....خليها لما ربنا يأذن ونتقابل وساعتها حأقول لك....وأعمل لك مخصوص

الأخت قرنفل

طبعا أنا عارف أن الأسهل الجاهز ...بس هنا مفيش زي الجاهز يتاع مكرم ولا نظامي ولا حتي عزة{دول أحسن محلات في أسكندريه} أيس كريم طبيعي بجد وتلاقيه بيشد كده { زي جبنة الموتساريلا في البيتسا} ويدوب في الفم

اللي متوفر هنا كله الوان وطعم صناعي ...وما أدراكِ ما الصناعي شكله حلو ..بس لما تتذوقه فظيع تبقي عاوز ترميه في وش اللي عمله......شفتِ أد أيه أنا بتعذب.. i*: ... :partytime: ..

[مصري جدا]

:partytime: الأخت جويريه :lol:

مش عاوزك تخافي من الأيس كريم ......هو بيعمل مشاكل لما الأطفال ياكلوه غلط ومش بالطريقه الموجوده في الكتالوج اللي مع كل أيس كريم . ...حتلاقي .مكتوب

ممنوع زلط الأيس كريم مره واحده ويجب أبقاؤه بالفم لفتره حتي يذوب وتحس بطعمه اللذيذ وبعدها أبلع شويه شويه...ساعته مش حيبقي بارد ويأذي الزور :lol:

فيه طريقه تانيه أنا بحبها وبأعملها احياناً...أيس كريم بالصودا

تجيبي شوب كبير وتحطي حتة أيس كريم وتصبي عليها ماء الصودا{ولو مفيش يبقي سفن أب}وتقلبيه وترتشفيه بالشفاطه شويه ....شويه ....وأنت قاعده عالبحر وبتسمعي فيروز ..شايف البحر شو كبير ...أو شط أسكندريه.....أييوه ياجدعان هو فيه أحلي من كده......

خلي بالك ..الحياه بدون أيس كريم ملهاش طعم { خصوصا البسكوتة مش أبو ملعقة}....راجعي نفسك والحقي عوضي اللي فاتك.....

نحن الأن في أنتظار وصول الشيف الكبير بتاعنا......

[جويرية]

:rolleyes: الأخت جويريه

مش عاوزك تخافي من الأيس كريم ......هو بيعمل مشاكل لما الأطفال ياكلوه غلط ومش بالطريقه الموجوده في الكتالوج اللي مع كل أيس كريم . :wub: wst:: ...حتلاقي .مكتوب

ممنوع زلط الأيس كريم مره واحده ويجب أبقاؤه بالفم لفتره حتي يذوب وتحس بطعمه اللذيذ وبعدها أبلع شويه شويه...ساعته مش حيبقي بارد ويأذي الزور :wub:

فيه طريقه تانيه أنا بحبها وبأعملها احياناً...أيس كريم بالصودا

تجيبي شوب كبير وتحطي حتة أيس كريم وتصبي عليها ماء الصودا{ولو مفيش يبقي سفن أب}وتقلبيه وترتشفيه بالشفاطه شويه ....شويه ....وأنت قاعده عالبحر وبتسمعي فيروز ..شايف البحر شو كبير ...أو شط أسكندريه.....أييوه ياجدعان هو فيه أحلي من كده......

خلي بالك ..الحياه بدون أيس كريم ملهاش طعم { خصوصا البسكوتة مش أبو ملعقة}....راجعي نفسك والحقي عوضي اللي فاتك.....

نحن الأن في أنتظار وصول الشيف الكبير بتاعنا......

الظاهر ان المشكلة فعلا ان الواحد مش عارف كتالوج اكل الأيس كريم :lol:

لكن مش كون الأيس كريم لازم يتحفظ في الفريزر ده بيثبت أنه تلج برده :lol:

خلاص حعمل بنصيحتك و مضيعش عمري علي الفاضي من غير ما كل أيس كريم و ربنا يستر علي الأحبال ( الصوتية :lol: )

[إيزيس]

خلي بالك ..الحياه بدون أيس كريم ملهاش طعم { خصوصا البسكوتة مش أبو ملعقة}....

أحلى كلام

و يا سلام لو المعلقة و البسكوتة سوا

هارموني مالوش حل

بسكوتة كبيرة داخل طبق الآيس كريم على شكل وردة مفتوحة على مصراعيها

ومليانة آيس كريم وصوص الشيكولاتة مدلدق عليه و المكسرات وفوق ده كله قطع كيك

عذاااااااااااااااااااااب

أمال أنا زبونة عند دكاترة الأسنان ليه

[مصطفى عبد الوهاب]

Ice Cream

المكونات :

1 فنجان لبن

كوب الا ربع فنجان سكر

ذرة ملح

2 ورقة جيلاتين منقوعة في ربع فنجان ماء بارد

عدد 2 أصفر بيض مخفوق جيدا "جامد"

ملعقة شاي فانليا

2 كوب الا ربع كريمة لباني مخفوقة

مكسرات محمصة مفرومة للتجميل "حسب الرغبة"

الخطوات :

1- يذاب السكر في اللبن الساخن و يصب الخليط ببطء على صفار البيض المخفوق مع التقليب جيدا

2- يرفع الخليط على نار هادئة مع التقليب بملعقة خشب حتى يغلظ الخليط نوعا ما و يصبح ناعما "مراعة عدم الوصول لدرجة الغليان"

3- يذاب الجيلاتين في ماء النقع على نار هادئة و يضاف ساخنا للخليط السابق و تضاف الفانليا ثم يترك الخليط حتى يبرد تماما دون أن يتجمد الجيلاتين

4- تقلب الكريمة المخفوقة بخفة مع الخليط السابق

5- يوضع الأيس كريم في قوالب تثليج مبللة ثم يوضع في الفريزر حتى يتجمد

6- يمكن خفق الخليط بالمضرب قبل التقديم و يعاد للفريزر مرة أخرى

ملحوظة :

يمكن الاستغناء عن الجيلاتين و زيادة أصفر البيض الى 6 أصفر بيض[/size]

اللي يجرب يقولي

ان شاء الله قريب أكتب لكم طريقة عمل الأيس كريم المقلي

و البارفية و ازاي نخليه شيكولاته أو فاكهة

بالهنا و الشفا

[مصري جدا]

الشيف مصطفي

اولأ حمد لله علي السلامة بعد طول غياب وشكرا للوصفه وجاري التنفيذ وأبلاغكم بالنتائج

وفي إنتظار جيلاتي الفواكه المانجو الليمون الفراوله

وبالمره بسكويت الجيلاتي

ألف شكر

[مصطفى عبد الوهاب]

الله يسلم حضرتك و آسف على التأخير

لعمل آيس كريم بالشيكولاته :

مثل مكونات و خطوات عمل الأيس كريم بالفانليا مع اضافة 4 ملعقة شيكولاته لللبن أو 5 ملعقة كاكاو

أما بالنسبة لبعض الفواكه مثل الليمون و المشمش و البرتقال فالأحسن ان حضرتك تعمل جرانيتا مش أيس كريم و قريب أكتب طريقتها لحضرتك و على فكره هي بتحتاج ماكينة تثليج كهربائية أو يدوية

آيس كريم بالفراولة :

المكونات :

2 كوب عصير فراولة "أو مانجو"

1 فنجان كريمة مخفوقة

2 أبيض بيض مخفوق جيدا "جامد"

1 و نصف كوب سكر

عصير ليمونة

لون أحمر لو أردت تحسين اللون

الخطوات :

1- يضاف السكر لعصير الفراوله و يقلب على نار هادئة حتى يذوب و يصل لدرجة الغليان ثم يرفع من على النار و يترك ليبرد

2- يضاف عصير الليمون ثم نخفق الكريمة حتى تغلظ و تقلب مع خليط الفراولة

3- يخفق أبيض البيض جامدا و يقلب مع الخليط السابق

4- يصب في صواني الثلج المبلله أو قوالب و تجمد في الفريزر عدة ساعات

5- يغرف الأيس كريم في كاسات أو يقلب القالب و يجمل بالفراولة الصحيحة أو حسب الرغبة.

أما بالنسبة للبسكويت الخاص بالآيس كريم فكل اللي متذكرة منه انه بيحتاج لغلبة و الحكاية مش مستاهله ممكن نشتريه جاهز من أي محل

بالهنا و الشفا