ملائكة المنتديات

[Nina Hussien]

اسجل تحفظي على الصوره انا الاخر

و باين الموضوع هيدخل على تصويت .....

الصوره ممكن توحي الي شخصيه تحرريه لا تروق لكثير من الناس

و ممكن ما يكونش ده ربط صحيح

الحكم على الناس بالشكل أعتقد انه يخالف كل قواعد المنطق

فما بالك بالحكم من خلال صورة !!!!

و بعدين فين التحررية في الصورة للعلم بالشي يعني :blush2:

[Nina Hussien]

الأخوة المتحفظين .. ياريت كل واحد يقول لنا بيتحفظ بصفته إيه بالضبط ؟

و يا ريت لو يضيفوا و على أيه بالمرة

[Nina Hussien]

الأخت نينا حسين

طالما الأمر وصل لكتب الأخ شهاب وسيدك محمد المنفزواى يبقى ماطرحتية فى موضوع الذئب البشرى

أمر عادى جداً !!!!

وبخصوص ماذكرتية فى ان الموضوع وافق علية رؤساء تحرير ثلاثة صحف فأرجو ذكر الصحف الثلاثة ورقم العدد

حتى يمكننى الإطلاع علي اصل الموضوع قبل تعديلة من قبلك ..

تحياتى

الموضوع مش محتاج

اذهب لباب المواضيع الخفيفة و ستجده مكتوب بالكامل smk:

لا اعقد انه من السهل ان تأتي بالاعداد الان

دي صحف مش مجالات

بس ممكن اعملهم سكان هنا لو مش مصدق :blush2:

[Nina Hussien]

الأخوة المتحفظين على الصورة الرمزية للأخت نينا

عفواً

اعتقد انة من الأفضل ان نتعرض للموضوع نفسة وفكر الكاتب . وليس لصورة صاحب الموضوع

تحياتى

اعتقد ان السؤال هنا هو الموضوع قصة و لا مناظر

لانهم سابوا الموضوع و دخلوا في منعطفات غريبة جدا !!!

[Nina Hussien]

الأخت نينا و ألأخوة الآعضاء

تابعت الموضعين أو نقول الموضوع الأول وأمتداده ....... اللي أحنا فيه ده ......وأنا مع الأخت الكاتبه في وجود ملائكة المنتديات .......بالنسبه للموضوع الأساسي أنا قرأته أول ما كُتب وبدايه الهجوم عليه وكنت ..{.مش حأقول فوجئت بالموضوع} لكن حسيت بغرابه في التعبيرات عن ما أعتدت قرأته ولكن لم أشعر بغرابه أذا ما قورن بما نسمعه في الفضائيات والأفلام والمسلسلات الجديده ..ولذلك فوجئت بحمله الهجوم ....ولظروف لم أستطع متابعة الموضوع لحوالي يومين وعندما عدت .لقيت الحكايه خلصت ....وبدأ موضوع ملائكة المنتديات ...وللحقيقه عندما قرأت اسم الموضوع أول مره توقعت ان الأخت نينا الكاتبه وأن الموضوع له علاقه بموضوع{ أحترسي....} وفعلا صدق توقعي ....لكن للأسف أبتعدت شويه تاني لآمتحانات الآولاد ورجعت لقيت الحوار اتخذ شكل ....حأقول لم يعجبني .....أسف للمقدمه وسادخل في الموضوع

لما يوصل الأمر للتدخل في الصوره الرمزيه لأي عضو يبقي دي حاجه متعجبش حد حتي ولو قيل ان ده رأي شخصي ...رأي شخصي يحتفظ به صاحبه لكن لما يكتبه يبقي خرج من الخصوصيه للعامه ...

النهارده أنا مش عجبني صورتك او عندي تحفظ علي صورتك...... بكره.... {زيزيتا.}. أسمك مضايقني .....وحنخرج من أي موضوع نناقشه لمواضيع فرعيه ومش حنوصل لحاجه.....ده أولا

ثانيا ...مش عاوز نحط رؤوسنا في الرمال وعاوز نشوف اللي بيحصل حوالينا بحلوه ومره ....اللي حكيت عليه الأخت نينا بيحصل وأحنا هنا بناقش للمصلحه مش بنعمل حلقات ومواضيع ساخنه علشان نشد الناس أو نزيد التوزيع .....يبقي المفروض المناقشه تكون بموضوعيه ....مش الحاجات دي مش بتحصل وأنت بتشوفيها فين

دي بناتنا أحسن بنات....والردود اللي تشبه الردود دي .....حأحكي

لكم علي موقف أتكرر معي أنا شخصيا

من حوالي 5 سنوات....شوف النهارده ايه اللي ممكن يحصل

كنت بسافر مرتين في الأسبوع من أسكندريه للقاهرة ...أخذ الفرنساوي بتاع 6.10 الصبح وأرجع في 3.15 الفرنساوي برضه .....طبعا القطار بيقف في المراكز الكبري والمحافظات ..دمنهور كفرالزيات طنطا ....بنها ...المهم كان بيركب معايا الطلبه بتوع الجامعات من أول دمنهور ..لغايه القاهرة.....لاحظت أن البنات بتطلع محجبه ومحترمه وبتنزل حاجه تانيه ....بعض البنات مش كلهم....بيتم تغيير كل شئ ,..رفع الحجاب ووضع مكياج حتي اللبس بيتغير ....وكنت بشوف العكس في رحلة العوده ....وطبعا بتوع الصبح ...مش هم بتوع رحلة العودة ...يعني مش حاله فرديه.....

يبقي الأخت نينا لما تحكي وتكتب اللي قالته مش حأستغرب ...و.اللي يحس أن الكلام غريب ومش عادي لأنه مشفش أو معرفش أو مش مصدق أن فيه في الدنيا حاجات كده دلوقتي.. مش مفروض يهاجم برضه...

مش عاوز أطول ..أتمني أن نتحاور بجديه وبوعي وموضوعيه بعيدا عن التدخل في الأشياء التي لاتخدم الموضوع المتُحاور فيه ...وكذلك الأشياء الشخصيه ...

لسنا كلنا ملائكه ولا شياطين بل نحاول أن نقترب للكمال ..ولن نصل للكمال أبدا...يكفينا المحاوله.....شكرا

لو قلت لك شكرا هايقولوا بتجاملني و اجاملك

و لو قلت صوت صريح تحدث هايقولوا جاء كلامه على هواكي

فأعتبرني ماقولتش حاجة علشان وجع الدماغ

أصلنا دلوقت مش بناقش الموضوع بناقش الصورة :blush2:

[Nina Hussien]

تااااااني؟الظاهر مفيش فايده !!!!

( زندق ) إللي هي زنديق يعني ؟ طب مين قال كده؟

فاسق؟ جت منين دي؟ ومين قالها؟

إرهابي؟ برضه مين قالها؟

متعصب؟ مين جاب سيرة التعصب؟

رأيك طرحتيه و عارضناه مختلفناش في النقطه دي ... لكن محدش لسه جاب سيرة التهم المذكوره أعلاه ولا أعلى أعلاه غيرك

إلا إذا كنتي بتعتبري المعارضه في حد ذاتها تهمه تلاحقك وده يبقى سوء فهم منك مش أكتر

المشكله إنك بتغيبي تغيبي وتيجي تكتبي نفس الكلام بنفس المعنى ولا جديد تحت الشمس

( أنا مغيرتش رأيي و لم اتنازل عن حق الدفاع عن افكاري بس مستاءه من التهم المعلبه و الهجوم غير المبرر )

طب فين التهم المعلبه؟ ملهاش اثر !!! طب حتى علبه فاضيه :blush2: برضه مفيش smk:

لا عفواً... هو في بس من إنتاج وتعبئة وتغليف مصانع نينا حسين

مره أخرى و من باب التكرار أحياناً يفيد:

( إختلفنا معك في الرأي وهذا حق نصر عليه و أوضحنا النقاط التي إختلفنا معك فيها وكان تعليقنا كله على نص الموضوع ولم يمسك أحد بصفه شخصيه )

دي حقيقه لن تتغير لو فضلتي للصبح تقولي تهم معلبه هتفضل تعليقات الأعضاء موجوده تشهد ببساطه على عكس كلامك

وتؤكد أن الحقيقه هي أنك عجزتي عن الرد المقنع فإتجهتي للهجوم كسد خانه بدلاً من الدفاع عن الفكره

ملحوظه مهمه :

الكلام إلى الآن لم يتغير و لم يجد عليه جديد و أصبحنا ندور في دائره مفرغه

!!!!!!!!!!!!!!!!!!!!!!

أنا مش فاهمة انت عايزة ايه بالظبط !!!

قلت و عدت و كررت في المشاركة رقم 25 و ما يليها و ما يسبقها كل ما سألتي عنه

و قلت ان هذه التهامات جاء بعضها على الخاص و بعضها في منتدى آخر و بعضها ضمني هنا

انت لا تريد ان تقرأي أو تصدقي او تستوعبي

ده ذنبي أنا !!!

صراحة لا أرى من يعيد و يزيد و يدور في حلقة مفرغة غيرك

ثم أي حقيقة تتحدثين عنها !!!

أنت التي لم تأتي بحقائق سوى تحفظك على كلمة بوسة التي يجب ان استبدلها بقول ما يحدث بين الازواج و المعني هايتفهم !!!!

هل القبل هي ما تحدث بين الازواج !!!!!!!!!!! هي دي الدقة المطلوبة في التعبير !!!

ثم ما ذنبيان كل شخص يسألني نفس الاسئلة و يعلق نفس تعليق رغم اني اجبت 100 مرة على نفس الكلام

هل اتجاهله كأن لم يكن حتى لا اصيبك بالملل !!!!

[Nina Hussien]

سؤال على جنب للأخت نينا وقد سألت نفس السؤال من قبل ولم تجب

ما هي الصحف الثلاثة التي سمحت بالموضوع ؟

لا أعني بهذا السؤال كيف سمحت لأن عندنا صحف في مصر تسمح بكل شيء ولا يعني أنها سمحت أن الموضوع رائع مثلا لكن سؤالي

يعني هل من المنطق أن ينزل نفس الموضوع في 3 صحف

إلا إذا كان في بريد القراء مثلا لأن الصحف في مصر لا تقرأ بعضها

سأجيب عن هذه النقطة فقط لان باقي النقاط اجبت عليها كثيرا حتى جف حلقي فراجعي المشاركات

الصحف الثلاثة لست مجبرة ان اذكر اسمهم

لكن ممكن أن أؤكد لك اني لا اكتب في باب بريد القراءحتى لو كنت يوما ما مسؤلة عن هذا الباب

لكن سأقول لك ان واحدة منهم كانت جريدة ساخرة تتناول كل الاحداث في مصر بأسلوب ساخر

و الاخرى جريدة مستقلة لها توزيع عالي في مصر

و الثالثة جريدة مصرية عربية أمريكيا تصدر باللغة العربية و توزع في مصر و امريكا و بض الدول العربية

أي أسئلة تانية تخص الموضوع !!!

[Nina Hussien]

حضرتك بتجامل نينا على حساب الدين!!!!!!!!!!!

لا و هى ردت عليك بمجاملة بالمثل

اللى مش محجبة وعايزة تبين انها محترمة دى بتضحك على نفسها مش اكتر

لكن متجيش حضرتك وتجاملها و توافقها الراى

هل اللي مش محجبة و عايزة تبين انها محترمة و بتضحك على نفسها دي أنا و لا الصورة و لا أي واحدة ماشية في الشارع مش محجبة!!

و من هي المحجبة

هل هي التي تكشف شعرها

أن التي تكشف كل تفايل جسدها ابتداءا من البادي الكارينا الذي بالكاد يغطي البطن مرورا بالبنطلون الملتصق نهاية الجيبات القصيرة التي اعتبر الشراب جزء منها بس المهم لابسة ايشارب على شعرها.

و لا دول كمان ماحدش شافهم في الشارع غيري و يعتبروا فئة قليلة لا تذكر في المجتمع

و لن نعتبرهم مزدوجي المعايير طبعا

فلا يجود تعارض بين الملابس المثيرة جدا و محاولة اظهار تدين زائف من خلال ضع طرحة تماشيا مع موضة الازياء و ليس ابتغاء مرضاة الله.

انا نفسى اعرف شئ واحد

نينا لم تعترف اعتراف ضمنى ان الصورة صورتها وحتى لم تنكر

و بعدين دى صورة للعضو منشورة كده فى العلن عشان الناس تشوفها و نيجى فى الاخر نقول محدش له الحق فى ابداء تعليق عليها و محدش يحق له يعترض عليها

طب اذا قلنا انك يا نينا التزامك الدينى ده شانك الخاص و سواء كنتى محجبة اوغيره ده شئ لا يخصنا لانك انتى لوحدك محاسبة عليه

لكن كون انك تحطى صورة زى كده فى المنتدى معلش ده موضوع تانى

قد تصادفى واحد عنده مرض فى قلبه يراسلك على الخاص يطلب صداقة و كلام من ده و هو فى الاساس معجب بالصورة و بجد محدش يلوم عليه اذا افتكر انك من اياهم رغم انى شخصيا شايفة كتاباتك جميلة فيما عدا الموضوع الاخرانى اللى شايفاه جرئ زيادة عن اللزوم و للعلم انه بعد الموضوع ده بالذات لاول مرة باخد بالى من صورتك و كتير حاولت اقنع نفسى انها مش بتاعتك

جميل يا هبة انك شايفة اني لا قلت و لا انكرت انها صورتي

لأنه ببساطة ليس من شأن أحد أن يتدخل في هذا الامر

و لو كنت خايفة ممن في قلوبهم مرض ان يضايقوني فلا تخافي

أنا أعرف كويس جدا أعالج من في قلبه و عقله مرض

أشكرك بشدة على اعجابك بكتاباتي و صدقني

الجرأة لا تعني الانحلال و لكنها تعني الصراحة و تعرية الحقائق ...

كما حدث في فيلم حين ميسرة و سهر الليالي و بحب السيما

كلنا صدمتنا لكثير من الجرأة في الفيلم لكنا عرت الواقع ببساطة

ثم لا داعي لتقنعي نفسك بشيء

سواء هي صورتي أم صورة اعجبتني فالامر سيان

و جميل انك اعترفت انك لم تلاحظيها الا حين علق عليها احدهم ، لو كانت بهذا السوء لصدمتك عينك من أول نظرة.

يسمى هذا بالسلوك لجماعي

لا يسيئك شيء حتى يعلق عليه أحد فتشعري فجأة ان التدين يحتم عليك ان تستائي منها أيضا

أعود و أقول سواء صورتي فما المقصود تحديدا بكلمة صورة زي كده ؟!!!

علشان البنت بشعر مش بطرحها ؟

هي دي كل المشكلة؟

يا نينا فعل السوء حاجة و المجاهره بيه حاجة تانية

و اذا بليتم فاستتروا

هو فيه بلاء للمرأة زى بلاء ترك الحجاب

مازلت لا أعمل ما هو الجهر بالسوء و من هي من تفعل السوء و تجهر به ؟ أنا ؟

و سواء كنت محجبة أم لم أكن "حيث اعتبر هذا تدخل سافر في اموري الشخصية" يبقى السؤال

و من حكم بأن كل امرأة ليست محجبة هي مبتلية ... يعني قبل ما حضرتك ينعم الله عليك بالحجاب كنت مبتلية و ذات سوء تداريه ؟

امال تاركة الصلاة تبقى ايه ؟

و من لا يذكي يبقى ايه ؟

و من يكذب و يغش و يغلظ الايمان بباطل و ينم و يرشي يبقى ايه ؟

يا فرحتي بمحجابات هذه الايام التي تجلس كل واحدة فيهم تدخن الشيشة على الملأ أو على أحسن تقدير تنم مع جارتها أو صديقتها في سيرة نص كوكب الأرض

أو

من يتهمن الناس بالباطل و يسيئن الظن و لا يعملن بقوله تعالى " ان بعض الظن اثم " متخيلين ان هذه هي الغيرة على الدين و هذا هو التدين و تأخذهم الحماسة للمبالغة فيما لم ينص الله عليه بذلك يبقى ايه :blush2:

و مازلت أسأل

أأنا المقصودة بالكلام ده ؟؟

ملحوظة يا هبة:-

عندي فوبيا من الصراصير و صورصار التوقيع عندك بيتعب أعصابي بشدة و أسجل اعتراضي عليه لأنه معروض على العلن لكل من عندهم فوبيا مثلي smk:

تم تعديل 15 أبريل 2008 بواسطة Nina Hussien

[ابو جيداء]

الأخوة المتحفظين على الصورة الرمزية للأخت نينا

عفواً

اعتقد انة من الأفضل ان نتعرض للموضوع نفسة وفكر الكاتب . وليس لصورة صاحب الموضوع

تحياتى

اعتقد ان السؤال هنا هو الموضوع قصة و لا مناظر

لانهم سابوا الموضوع و دخلوا في منعطفات غريبة جدا !!!

بس بجد الصورة دى لممثلة ؟ :blush2:

على العموم مالقوش فى الورد عيب قالولة يا احمر الخدين

smk:

[Nina Hussien]

أول مرة اشوف حد يحذف كلام من حديث الرسول صلي الله عليه و سلم !!

ده نص الحديث

عن ابن عباس قال‏:‏ ‏(‏لما أتى ماعز بن مالك النبي صلى اللّه عليه وآله وسلم قال له‏:‏ لعلك قبلت أو غمزت أو نظرت قال‏:‏ لا يا رسول اللّه قال‏:‏ xxxxxxxxxxxxxx قال‏:‏ نعم فعند ذلك أمر برجمه‏)‏‏.‏

رواه أحمد والبخاري وأبو داود‏.‏

ماجيبتش أنا حاجة من عندي !!!!!! انا لم أقم بتعديل الحديث أنا وضعت نقط لمن يريد اكمال النقط ... ثم لا مقارنة أصلا بين ما تم استخدامه في كثير من الاحاديث و كتب السلف بما قمت باستخدامه من مرادفات.

ثم ان تسميت الأمور بمسمياتها لا علاقة له بالخجل أو الحياء كما تفضلت و ذكرت

فرغم حياء النبي صلاة الله عليه و سلم الا انه كان يسمي المور بمسمياتها منعا للبس

ألف ليلة و الأغاني دي كتب مش كويسة و ليه نستشهد بيها

و لا تحفة العروس دي

منخدش الأحاديث الضعيفة عن الرسول صلي الله عليه و سلم

أسلم حاجة صحيح البخاري و مسلم

أما الأدباء العظماء يوسف ادريس و احسان عبد القدوس و نجيب محفوظ

دول خدوا لقب عظماء عشان كتبهم بتدعو للرزيلة و الأباحية

انا لم اذكر تحفة العروس و الف ليلة فقط فلماذا اغلفت باقي من ذكرت و من الممكن ان ااتيك بغيرهم الكثير

ومن كتب الكتب التي استشهد بها هم شيوخ اسلاميين و لم يمتد مقص الرقابة لمهاجمتهم.

ثم لو أكبر روائي و كتاب مصر يدعون للايباحية و الرزيلو اذن الجملة القادمة ستكون " يا أخي لا تجادل و لا تناقش " :blush2:

[زهرة الجبل]

...

تم تعديل 16 أبريل 2008 بواسطة زهرة الجبل

[جويرية]

ماجيبتش أنا حاجة من عندي !!!!!! انا لم أقم بتعديل الحديث أنا وضعت نقط لمن يريد اكمال النقط ... ثم لا مقارنة أصلا بين ما تم استخدامه في كثير من الاحاديث و كتب السلف بما قمت باستخدامه من مرادفات.

ثم ان تسميت الأمور بمسمياتها لا علاقة له بالخجل أو الحياء كما تفضلت و ذكرت

فرغم حياء النبي صلاة الله عليه و سلم الا انه كان يسمي المور بمسمياتها منعا للبس

يا اختي

تاني حديث الرسول عليه و الصلاة و السلام مينفعش نحط نقط مكانه

ومعلش حعيد كلامي تاني

اختي ده واحد رايح يتنفذ فيه عقوبة الأعدام ( الرجم حتي الموت )مش حينفع ساعتها نستخدم أي كلام او تلميح

لازم يبقي الكلمة تبقي بنفس اللي بتدل عليه

و بعدين نشوف رحمة الرسول صلي الله عليه و سلم لما بيقولوه ( لعلك قبلت أو غمزت أو نظرت )

ده معناه أنه عايز يشوفلوه مخرج من العقوبة

ده غير أختلاف اللهجات

يعني ممكن يقولوه ( زنيت ) و الراجل ده مش عارف بالظبط يعني ايه الزنا بالتحديد

لو قاضي في المحكمة ممكن يحكم علي برئ بالأعدام عشان اللفظ مش و اضح

فما بالك بأرحم البشر صلي الله عليه و سلم

و بعدين كلمة النكاح دي جاية في القرأن الكريم

المشكلة أن الناس استخدمت الكلمة دي كلفظ دارج

منعا للبس في حالة واحد محكوم عليه بالأعدام

لكل مقام مقال

و أكبر دليل علي الكلام ده أنك عدلتي الموضوع بالكامل ده معناه أنك متأكدة أن الطريقة دي خطأ

ثم لو أكبر روائي و كتاب مصر يدعون للايباحية و الرزيلو اذن الجملة القادمة ستكون " يا أخي لا تجادل و لا تناقش "

أيوة لا تجادل و لا تناقش يا أخ علي

دي الحقيقة أن أكبر الكتاب دول كتباتهم فيها حاجات غلط كتير

أنا قريت كتير ليهم طبعا

هما عظماء فعلا في اسلوبهم

يعني تقري القصة تحسي أنك سيبتي بيتك و عايشة مع أبطال القصة

بس فيما بعد لما قريت شوية في ديني

أكتشف

أن المشاهد اللي بتتعرض في السنيما بيوصفوها بقلمهم و ده طبعا ميصحش

[زهرة الجبل]

زهرة يا عزيزتي

نعم

أعتقد ان ريقي جف و انا أقول انا لم أهرب من الحوار و لكن تم اغلاق الموضوع بدون رضائي

يعني مطلوب أعمل ايه ؟ أفجر مقر الادارة

ده إنتي غاويه متفجرات بقى !!! :lol: لا طبعاً متفجريش مقر الإداره و مش مقصود انك هربتي بعد اغلاق الموضوع المقصود إنك هربتي قبل إغلاقه و لو مكنتيش هربتي ( إللي هو بمعنى ان حضرتك غيرتي نص الموضوع وقلتي اريحكم و اوفر عليكم النقاش والكلام ده سيادتك واللي هو سبب اغلاق الموضوع اصلاً ) مكنش الموضوع اتقفل

وبالمناسبه ... كونك تنفي انك لم تدافعي عن الفكره لن ينفي إن ده الواقع حتى ولو قلتي الإداره قفلته ... لأن إنتي بتكلمي ناس صاحيه .... مش هيختلط علينا الأمر ... يعني الصح إن الإداره قفلته علشان انتي عجزتي عن التحاور ( إللي هو غيرتي نص الموضوع ) مش ان إنتي عجزتي عن التحاور لإن الإداره قفلته

عزيزتي لم أقصد بازدواجية المعايير موضوع الذئب فقط و ان كانت ازدواجية المعيير في المجتماعات الشرقية ظاهرة نص عليها كل علماء علم النفس

تذكري أي قصة خيانة زوجية ... ستجدي الجميع يلتف حول الزوجة ان اكتشفت خيانة زوجها و يصرون ان تسامحه على اعتبارها نزوة

و ان حدث العكس فستجدي الجميع يتسابق لرجمها

معظم الاباء يستمعون بلا مباللاة لمغمارات ابناءهم العاطفية لكن لو البنت جربت ان تقول نظرت لفلان فيكسر لها ضلعين

هل الله و الدين فرق بينهما في أحكامه ام سوى بينهما؟

و هل التفرقةالتي تحدث في المجتمع ليست ازدواجية معايير

في موضوع الذئب لم يلم أحد الشاب على اعتبار ان الفتاة شجعته و مش مشكله انه مش متربي

و أأسف لو كنت وجدتها تجاوز للياقة الحديث فلم أجد كلمة أليق منها للتعبير عن تلك الازدواجية

يا أخت نينا ركزي معايا شويه الله يسترك

صحيح إنتي أستاذه كبيره في تعميم الكلام و تشتيت المواضيع و تغيير المقصود و تحويل مسار الحديث .. بس مش عليا بقى

مش إنتي اللي قلتي _للأخ تامر (والذي هو معلوم الهويه كعضو محدد في المحاورات المصريه ) كتعليق على الآراء اللي وصلتك داخل موضوع الذئب من أعضاء برضه محدديد الهويه كأعضاء معلومين في رابطة الأعضاء هنا بالمحاورات _ قلتيله الكلمتين دول :

مش مصدقة نفسي ان في حد أخيرا قال ان الاتنين مخطئين

فالسادة الأفاضل اما استنكروا بشدة ان هذا ممكن حدوثه او اتهموا الفتاة انها رقاصة و منحرفة و بتاعة 3 دولار و لم يتذكر شخص واحد اني اتحدث عن شخصين و ليس شخص واحد !!!

ام هي ازدواجية المعاير التي دائما تدين الفتاة و الفتاة فقط

فعلا اشكرك

أهو أنا بقى ده اللي أقصده لما قلتلك أخطأتي وتجاوزتي الحدود و وصفتي الناس بصفه شخصيه لمجرد إنهم خالفوكي الرأي وده مش من آداب الحوار أبداً و إن كنتي إنتي مش عاوزه تعترفي بالخطأ ده فعاوزه بس أقول لك كلمه حكمه علمتهالي والدتي من زمان أوي (( الأعتراف بالحق فضيله )) مش عيب يعني ..

إنما هتقوليلي ( ازدواجية المعيير في المجتماعات الشرقية ظاهرة نص عليها كل علماء علم النفس) لا أنا مليش صالح بالمجتمعات الشرقيه حالياً لأن انا بناقش تهمه إنتي حدفتيها على أحد كاتبي الردود بموضوع في المحاورات المصريه مش على كائن بشري غير محدد الهويه في المجتمعات الشاسعه الشرقيه

ركزي الله يسترك وبلاش التعويم والتعميم ده ماشي؟ ... أيواااااااه

عزيزتي

اكرر

انا لا اناقش فقط موضوع الذئب

و كما ذكرت الكثير من تلك التعليقات جاء على الخاص و بعضها على مواضيع اخرى في منتدايات أخرى كموضوع السنة و الشيعة و موضوع ختان الاناث

عزيزتي

أكرر

أنا بقى أناقش فقط موضوع الذئب لأنه إذا كنتي أنتي تكلمتي عنه وعن مواضيع أخرى لم أراها ولم أقرءها ولا كانوا هنا أصلاً فلا أستطيع أن أحكم على ما لم أره لأني بكده هظلمك وهظلم الناس اللي تحاوروا معاكي لأن ببساطه جايز يكونوا غلطانيين وجايز أوي برضه تكوني إنتي الغلطانه

و إن كانت رغبتك هي مناقشة الإزدواجيه عموماً و في نيتك الإعتذار عن إلصاق تهمة إزدواجية المعايير عن من خالفوكِ الرأي بموضوع الذئب فلتنفذي تلك النيه اولاً و أنا أول من يناقش معك الإزدواجيه في مواضيع أخرى وبكل سعة صدر لكن لما تحددي

لكن ما أراه هنا غير ذلك

وبالنسبه للخاص فإتركي الرد على رسائل الخاص بالرد عليها عن طريق رسائل الخاص مش بفتح موضوع

وكان ممكن لو حضرتك شايفه إن الموضوع في الرسائل فيه سب و شئ مهين ببساطه جداً بلغي الإداره وكان الموضوع خلص

مرة تانية أقول لم أكن اتحدث عن موضوع الذئب فقط

أنا اناقش موضوع مختلف و اتهامات جاهزة تصب على أي شخص يتكلم في موضوع لا يروق لبعض الناس خاصة لو كانت فتاة فلا داعي للتحدي لاني لن اعرض عليم ما يأتيني على الخاص

و كلمة اسلوبك تختلف تماما عن كلمة اسلوب النصيحة لو كنت تحتاجين رأي :lol:

لا والله شكراً مش محتاجه .... و برضه أرجع و أقول لك إن لو لكي رغبه ملحه أوي كده في نقاش اللي حصل معاكي في موضوع السنه والشيعه ناقشيه في نفس الموضوع هناك... مش هنا

لإن ميصحش خالص تحاسبينا احنا بردود لم تصدر عنا و بموضوع لم نقرأه أصلاً

موضوعنا كان الذئب البشري و لم أرى هناك ذكر لكلمه واحده من التهم التي ذكرتيها على إن إحنا تهمناكي بيها

[زهرة الجبل]

لم يفقدني غضبي التوازن و الا لما فتحت هذا الموضوع

كويس أوي ... يعني الموضوع ده إمتداد للذئب البشري و فيه إصبع إتهام يشير بمحتوى الحديث لسابقه ... و أنا لم أخرج عن حيز الإتهام الذي غلفتي به سابقه ( موضوع الذئب يعني )

لم يناقشني أحد في الفكرة بقدر مناقشة الالفاظ و استنكار حدوثها في مصر

ناقشنا الألفاظ آه لأن كان ممكن تكون أقل جرأه شويه خصوصاً إن كتير من كلماتك لم تكن ذات أهميه قصوى لذكرها وكان ممكن الإستعاضه عنها بغيرها أكثر أدباً و أقل فجاجه لكن فكرة حدوثها في مصر أنا قلت بيحصل في كل مكان مش في مصر بس لكن أسلوب عرضه و محاولة تقويمه تختلف تماماً عن ما قمتي به من عرض لموضوعك ... وده هو التعليق الذي لم تتقبليه أنتي على ما اعتقد

و لم يلتفت أحد أني لا ادافع عن الفتاة و لا الوم الفتى

طيب لا تدافعي عن الفتاه و فهمناها .. لكن ولا تلومي الفتي؟ أمال كنتي عاوزه إيه بالظبط من الموضوع؟

أنا أترجم مواقف تحدث و بعض الفتايات لا يفهمون ما قد ترمي اليه

و أنا أقول إنه مفروض بدل ما ننقاشها حتى تفهم الفتاه ما ترمي إليه كان مفروض نقول لها لا تضعي نفسك بمواقف تعرضك لهذا الرخص مش أقول بقى يا عيني عليكي ودمعتك على خدك و الحب وسنينه وحاجات كده ... هو ده تماماً إللي قصدته بالأسلوب الذي هو بحاجه للتقويم مقصدتش أي حاجه وحشه

اما هي كلمته ليه و فين و ايه مدى علاقتهم فلم يكن موضوع النقاش أصلا

لا معلش الموضوع لو الغرض منه النصح و التقويم هيبقى ده هو صميم الموضوع

مهو لما اقول كلمته ليه يبقى علشان ميوصلش معاها لمرحلة كلمته في إيه

و لما أقول كلمته في إيه يبقى علشان ماقولش كلمها في كده ليه وترد عليه إزاي

ولما أقول إيه علاقتهم يبقى علشان أعلمها إزاي تحمي نفسها من علاقات قد تؤدي بيها لهذا الإذلال

يعني مختصر مفيد ..هو ده صلب الموضوع لو ناقشناه بطريقه سليمه مش بطريقة معلش حقك عليا ويقطع الحب وسنينه

ماهو يا عزيزتي انت ما شفتيش اللي جاني على الخاص و مش عايزة اذكر أسامي

تاني هتقول لي الخاص .. يا نينا والله بتكلم بجد .. الخاص كان أدعى إنك تفكري الشخص ده ليه بيقول لك كده؟ علشان تعرفي تردي عليه .. أو تختصري الموضوع و لو شايفه إن رسالته ( إللي طبعاً أنا بتكلم عنها بشكل عام لأني لا قرأتها ولا أعرف مرسلها ) لو شايفه إنها رساله تحمل إهانه أو سب أو ما إلى ذلك كان ببساطه بلغتي الإشراف و خلصت الحدوته ولا تحتاجي تقولي مش عاوزه أذكر أسامي ولا حاجه خالص

وبعدين يعني لما طلبنا أسماء الثلاث جرائد المحترمه التي قامت بنشر مقالك قلتي أنا لست مجبره ... دلوقتي أسماء أصحاب الرسائل هي اللي وقفت في زور الكيبورد ؟ مش مستاهله يعني يا نينا !!

س لما حد يقول النماذج اللي انت بتتكلمي نها و بتتعاملي معاها لا توجد هنا أو لا توجد في الأوساط المحترمة يبقى أفهم أنا ايه بقى !!!

ج جواب : عادي جداً ... تفهمي إن النماذج اللي انت بتتكلمي عنها و بتتعاملي معاها لا توجد هنا أو لا توجد في الأوساط المحترمة .. واضحه يعني ومش عايزه شرح ومش غامضه ولا تحتمل أكثر من معناها ... إيه المشكله و إيه اللي مزعلك ؟ بالعكس الراجل عاوز يقول لك أبشري أنتي في مكان محترم وبتحاوري ناس محترمين أهوه

بإختصار شديد ورغم إن الكلام مكرر لكن أحياناً يكون التكرار مفيد ... على سبيل التذكره حتى

نحن لم نختلف معك في وجود نمازج كالتي ذكرتيها في موضوع الذئب البشري

نمازج من الطرفين الشباب والبنات

إختلفنا فقط في كونك تخاطبين الفتاه كأنها بريئه في مثل تلك المواقف والفتى فقط هو الذئب

ونحن نرى أنها هنا -و بالتحديد في الأمثله التي ذكرتيها انتي بموضوعك -صيد ثمين ينادي الصياد بطريقه أو بأخرى وليست ضحيه مسكينه وقعت تحت شباكه يعني مسؤوله تماماً عن ما يحدث مثله بل و أكثر منه في كثير جداً من الأحيان

كان ردك :

أنا قلت لو حصل الكلام ده ماتعيطيش و تقولي اللي جرى ماكان لان المقدمات تؤدي لنتائج

أحلفلك بإيه ؟ وما لكي عليا يمين ..انتي ماقلتي الكلمتين الموزونين دول قبل كده

(( المقدمات تؤدي إلى نتائج )) الله على الجمال .. بجد والله .. لأن هو ده عين العقل في جمله بسيطه مركزه مختصره ومفيده

طب ممكن بعد إذنك أشرح كلمتك الرائعه دي ؟

يعني الفتاه لو كانت مقدماتها محترمه الشاب هيحترمها و النتيجه مفيش مشاكل

والفتاه لو كانت مقدماتها (بلاش نقول غير محترمه ) نقول لو فيها شبهه فالشاب هيتجرأ _لو كان مش محترم طبعاً _ و هتكون النتيجه مشاكل و تجاوزات مخله بالأدب والدين و الأعراف و العادات والتقاليد

بزمتك إنتي قلتي كده قبل كده إمتى؟

لو كنتي قلتي كده و رجعتي تقولي لا ده كل بنت بتتعرض للسوء ده من الشباب ومش معنى انه قال لها كده تبقى هي غلطانه وممكن تكون مش هترد عليه .... أمال راحت فين المقدمات ؟ وليه النتائج جات كده ؟ و ليه غيرتي رأيك ؟

ممكن سؤال جانبي؟ ما معنى إزدواجية المعايير دلوقتي بقى ؟ ممكن تردي ؟ هه؟ إيه ؟ هه؟

مهو رسينا على بر يا بنت الحلال علشان نعرف نتفاهم/

تم تعديل 16 أبريل 2008 بواسطة زهرة الجبل

[زهرة الجبل]

ثم من امثلة الفتايات الاتي حكين تلك المواقف اؤكد انهم لا كانوا بيغروا حد و لا دايرين في الشوارع مع حد

دي واحدة مع خاطيبها

وقتها نلوم أهلها ونقول لها أتركيه غير آسفة عليه و وقتها برضه هي محتاجه اللي يقول لها ولا يهمك و بكره ربنا يعوضك بإبن الحلال اللي يصونك ويخاف ربنا فيكي مش نقول لها يا عيني عليكي و يقطع الحب وسنينه ... حب إيه ؟ و إمسحي الدموع اللولي ؟ على إيه ؟ ده وقتها نقول لها مثل بيقول راح *** يجي سبع و معلش يا نينا أنا عارفه إن النقط دي (**** )بتعصبك بس للضروره أحكام بقى

و واحد كانت بتكلم زميلها في الشغل في مواضيع تتعلق بالعمل و هو تمادى

المثل ده في حلقه مفقوده و أنا متأكده من كلامي ميه في الميه تعرفي ليه؟لأن لو بتكلمه في مواضيع خاصه بالعمل عمره ما هيوصل فجأه كده وبدون مقدمات للحوار اللي كتبتيه انتي قبل كده ولا يبقى وصفه مش إنه راجل عديم الإحترام ..لا ...ده يبقى عبيط بقى

أو يبقى الموظفه اللي بتحكي الكلام متعرفش المثل اللي بيقول << إن كان المتكلم أهبل فأكيد المستمع هيطلع عاقل >>

و واحدة كانت بتكلم زميلها في الكلية لانها بتحبه و متصورة انه بيحبها

يا سلااااام .. بتحبه و متصوره خير اللهم إجعله خير إنه بيحبها ... أهاليهم باعتينهم الجامعه علشان يروحوا يحبوا هناك ..

حبه؟ بمناسبة إيه ؟ يعني من وجهة نظرك الشخصيه لما تحبه و يتهيألها خير اللهم إجعله خير إنه بيحبها تقوم تدي لنفسها الحق انها تقعد تتكلم معاه لكن تلوم عليه هو لو تمادى في الكلام معاها؟

لا دي ملهاش في رأيي غير لو كانت مش عارفه ان ده عيب نعرفها

و لو مش فاهمه انه حرام نفهمها و نأدبها ونعلمها الإحترام و نربيها

و بعد ده كله بقى لو فضل الحال كما هو عليه يبقى نقطم رقبتها

تعالي قوليلي بقى ليه هو الحب العيب ؟ وهو مفيش حب محترم وكان ممكن يلتزم بإحترامه لها و يحترم مشاعرها

هقول لك لا مش هيحترم مشاعرها .. تعرفي ليه ؟ لأنه شايف بعين الذئب الثاقبه إنها لم تحترم أهلها و ثقتهم فيها ولم تصن أمانة نفسها لأهلها و لا لربها فبالتالي هيقابل إستهتارها بإستهتار و تجاوزها بتجاوز

ولو كان محترم و شايفها محترمه كان دخل البيت من بابه و كنا قلنا واحده بتكلم خطيبها و كنت رديت عليكي الرد بتاع الحاله الأولى

إنما ماداموا زمايل في الجامعه فقط و بينهم علاقة حب يبقى لا محترم ولا محترمه و دي وجهة نظري التي قد يعتبرها البعض تشدد بس أنا شايفاها أبسط قواعد الأدب و الإحترام .. ولا إنتي لكِ رأي تاني؟ أنا بتكلم بهدوء أهوه .. لو لكي رأي تاني قوليه

و سواء كان تصرفهم صح ام خطء فلم يكن هذا محور موضوعي

يا سلااااااااام؟ تصرفهم صح أو غلط مش محور كلامك .. حلو أوي .. أمال إيه بقى بصراحه كده يعني هدفك من الموضوع ؟

مهو رسينا على بر يا بنت الحلال علشان نعرف نتفاهم بس

[إيزيس]

الصحف الثلاثة لست مجبرة ان اذكر اسمهم

لكن ممكن أن أؤكد لك اني لا اكتب في باب بريد القراءحتى لو كنت يوما ما مسؤلة عن هذا الباب

لكن سأقول لك ان واحدة منهم كانت جريدة ساخرة تتناول كل الاحداث في مصر بأسلوب ساخر

و الاخرى جريدة مستقلة لها توزيع عالي في مصر

و الثالثة جريدة مصرية عربية أمريكيا تصدر باللغة العربية و توزع في مصر و امريكا و بض الدول العربية

على أساس دي إجابة يعني

أيوة ...صحف سرية

أرجو من العزيزة نينا ألا تحرمنا لذة الفشخرة بأن إحدى زميلاتنا في المحاورات كاتبة لامعة

يتلقف إبداعاتها الصحف و ليست صحيفة و لا اثنتين...بل ثلاثة ( طبعا بعد ما يصلحوا الغلطات الإملائية )

تم تعديل 17 أبريل 2008 بواسطة Scorpion

[مصري أصيل]

ونحن بإنتظار الحلقه القادمه

لو كنت أستخدم اسلوب جرئ لا يتناسب مع المحافظين و صغار السن فماذا نسمي هذه الأساليب في بعض الأحاديث الشريفة و أمهات كتب التراث التي كتبها علماء دين

عن ابن عباس - رضي الله عنهما - أن رسول الله - صلى الله عليه وسلم - قال لماعز حين أتاه فأقر عنده بالزنى . قال: لعلك قبلت ، أو لمست ؟ قال : لا، قال الرسول (( أ ***** )). قال: نعم قال : فأمر به فرجم

البخاري 8/135 رقم 6824 . و فى أحد روايتين لأحمد 1/238، 270 .أبو داود 4 /580 رقم 4427 البيهقي 8/226

لم يذكر لفظة يـُفهم منها أو تـُحى مثل : "وأطئتها، أو أقضيت وطرا، أو حدث بينكم مثل ما يحدث بين زوجين،، بل ذكرت بصريح اللفظة العربية المستخدمة فى لغة الشارع اليوم!

كتاب "الروض العاطر فى نزهة الخاطر"

.. التحميل للإمام الهمام سيدى محمد النفزاوى

http://fosta.net/malafaljens/alrawda...lrawdindex.htm

**********

كتاب "نزهة الألباب فيما لا يوجد فى كتاب"

شهاب الدين أحمد التيفاشى

(لم اعثر على ربط له)

و كتاب "تحفة العروس و نزهة النفوس"

لأحمد التيجانى

http://www.algazalischool.com/vb/attachmen...mp;d=1160864862

و

http://www.jesus-for-all.com/islamic_books...t_al_3aroos.pdf

كما يمكن للجميع ان يراجعوا كتاب الأغاني و نثر الدار

و كتاب ألف ليلة و ليلة النسخة الأصلية

و الكثير من روايات عظماء الكتاب مثل يوسف ادريس و احسان عبد القدوس و نجيب محفوظ

في كل تلك الامثلة لم يستخدموا لا تورية و لا تلميح و لم أسمع أحد اتهمهم حتى الآن بالجرأة و التحرر و العلمانية الخ الخ

و أعتقد تلك الامثلة تكفي و لا حاجة للمزيد

إسمحيلي أرد على أسئلتك للأخت جويرية و أمثلتك لزهره ...حول الكتب التي وضعتيها في مداخلتك والكتب الذي ذكرتيها ككتاب ألف ليلة وليلة وكتاب الأغاني وأيضاً كتب الأدباء التي ذكرتيهم هذا كله

هذه الكتب باختصار حتى لو تحتوي مثل هذه العبارات فهي أولاً و أخيراً كتب أدبية ويستطيع كل من يبحث عن مثل هذه الكتب لغرض ما وبما تحتويه من إسفاف الحصول عليها وهو مخير في ذلك ولا يتم أجبار أحد علي قراءتها

ومن يريد كتب كتلك سواء باحث عن الأسلوب الأدبي لكاتب مثل إحسان عبد القدوس أو باحث عن غرض آخر بكتاب لا علاقه له بالأدب مث كاتب كالنفزاني سيبحث عنها ويجدها

ولكن كل ما يتم كتابته في المنتدى يقرئه الجميع وهناك بالتأكيد فرق كبير بين أن تبحث عن الأسفاف أو يأتيك حتي بيتك

كما أن الكتب التي سوف أتحدث عنها والتي وصفتيها بأمهات الكتب بالـتأكيد هي تخجل من أن تذكر حتى أسماء هذه الكتب التي قمتي بوضعها وبالتأكيد كل من دخل الموضوع وعرف فحوي الكتب يخجل هو أيضاً من نقاشها

ولكني لن أخجل مثلهم من مناقشتها فأن كنتي أنت لم تخجلي من وضعك أسماء تلك الكتب فلما أخجل من مناقشتها معك ؟

فهذه الكتب وأنت بالتأكيد أعلم بها مني كتب جنسية محضة وليست حتى جنسيه من باب العلم بل جنسيه من باب الرذيله و إثارة حمم الشهوات فقط لا غير

وليس معنى أن الكاتب كتبها باللغة العربية الفصحى البليغة و لأنه أيضاً لا يخجل في الزج بعبارات مثل ( الحمد لله الذي ..... ) ( سبحانه ....) ( الله الموفق) في هذا المستنقع من الرزيلة الذي يسميه كتاب لكي يقنع كل من يقرأها أنه بالفعل شيخ وعلامة و همام .

هذه المعلومات إستقيتها و عرفتها بمجرد البحث عن إسم كاتب كالنفزاني على جوجل

مجرد كتابة إسمه على جوجل كفيله بكم هائل من المعلومات عنه لا يقل أحدها عن وصفه بأن قلمه لا يمت للأدب بصله و بأن الدين وليس الدين الإسلامي فقط بل أي دين سماوي هو برئ من نسب كتاباته إليه كتابع لهذا الدين أو معبر عنه بهذا الشكل الفذ الفج الوقح

وتقومي حضرتك وغيرك بنسبها للإسلام ؟

فماذا قام هذا العلامة بتأليفه غير هذه الكتب ؟ هل ألف كتب في الفقه أو التفسير أو السنة أو العبادات أو تفسير القرآن والحديث أو حتى في تعليم الأطفال الصلاة ؟ حتي ندعوه بالشيخ العلامة؟ .

لا... أنا سأجيبك ماذا ألف الكاتب النفتلاني ... قصدي النفذاني من واقع بحثي عنه اليوم على الشبكه العنكبوتيه

ألف كتاب يسمي رجوع الشيخ إلي صباه وهذا الكتاب ما هو الا مجموعة من القصص الجنسية البذيئة التي لا تخجل أن تصف أي شيء وكل شيء

فهل هذا الكتاب أيضاً من أمهات أو أبهات الكتب كما تقولين؟؟؟؟

ويكفي أن تري غلافه لكي تعرفي ما بداخله فغلافه عبارة عن مجموعه من الجواري ترقص وهن بثياب تكشف أكثر مما تستر . وتقوليلي شيخ وعلامه وهمام؟

ألم تصادفي المأخذ الذي يتخذه الكثير من أعضاء المنتديات التي تهاجم الإسلام والمسلمين وهم كثير وهم أول من أدعي بأن هذا المدعو النفزاني هو شيخ وعلامة وهمام بعد أن وضعوا جملة التعريف به قبل أسمه ( للإمام الهمام سيدى محمد النفزاوى ) و بعد أن يضع كل واحد منهم رابط الكتاب فيقول هذا هو الإسلام وهذه هي الكتب الإسلامية وها هم علماء الإسلام و أن الإسلام كله علي شاكلة هذا الكاتب .

يعني بتستشهدي بإيه؟

بالمناسبه لن أقول مثلك أنا لست مجبر ... بل أستطيع وضع الروابط( العشرات منها ) التي تستشهد بهذا الكاتب ضد الدين وضد الإسلام

و ممكن بنفسك تحصلي عليها بمجرد كتابة إسمه على جوجل

و أنتِ بدورك( إن إستطعتي ) هاتيلي رابط واحد يتكلم عنه في إطار ديني محترم أو إسم كتاب واحد محترم أو حتى غير مخجل و لا يخدش الحياااااااء

ذادت ريبتي عندما وضعتي حديث ماعز و هو من الأحاديث التي تتشدق وتدندن بها هذه المواقع الخربة للنيل من الإسلام مثله مثل أشياء كثيرة يتشدقون بها للنيل من الإسلام ومنهم علي سبيل المثال لا الحصر زواج النبي صلي الله عليه وسلم بأكثر من أربعة زوجات و زواجه من السيده عائشة رضي الله عنها في سن مبكرة وزواجه من السيده زينب بنت جحش رضي الله عنها و حديث الذبابة و أرضاع الكبير والكثير ممن يقنع من يدخل هذه المنتديات بأن الأسلام دين همجي و أن نبي الإسلام يتلفظ بمثل هذه الألفاظ التي جاءت في الحديث ولا يقومون بالتأكيد من ظروف الحديث كما تفضلت الأخت جورية وشرحت و لن أعيد الكلام

يكفي فقط قولها لكِ أنه من الحكمه أن تفرقي بين موقف فيه حكم بالإعدام و إنهاء حياة رجل وبين نص كتابي موضوع في باب للموضوعات الخفيفه التي يفترض بها الدعابه و الترفيه وليس من الحكمه أبداً أن تخلطي الأمور

ولن أدافع عن الإسلام والنبي صلي الله عليه وسلم لأنه بالتأكيد لا يحتاج من يدافع عنه خصوصاً في هذا المنتدى الذي أغلبه من المسلمون والحمد لله ولم يتعدى منهم على أي من الأديان السماويه . و بقية الأعضاء من غير المسلمين هم أشخاص محترمه لم تتعدى على الإسلام و لم تمسه بسوء

والآن و بعد هذا كله أصبح عندي قناعه و استنتجت سببين لن يخرج وضعك لأسماء هذه الكتب عنهما

أولهم إحساسك بأنه قد تم حصارك من قبل الأعضاء و العضوات ولا سبيل إلي الخروج ألا بقولك أن ما كتبتيه من إسفاف لن يخرجك منه إلا محاولة أقناعك لهم بأن الذي كتبتيه لن يكون ألا نقطه في بحر مما يتم كتابته في الكتب الإسلامية وسيتم إغلاق كل فاه تتحدث بعد ذلك .

و الثاني وهو الذي ذهب فيه تفكيري إلي أبعد من ذلك بأن يكون الموضوع من أساسه ما هو ألا جر رجل لكي يتم وضع مثل أسماء هذه الكتب وهذا الحديث النبوي ويكون هدفك لا يبعد كثيراً عن أهداف المنتديات التي تحدثت عنها سابقاً.

وأرجوا ألا تتهميني بإزدواجية المعايير وذلك لدفاعي عنك في مداخلتي الأولي ولكن هذا قبل أن أفهم هدفك الصحيح من هذا الموضوع .

[nash]

الأخت نينا...

تقولين أنك لست خبيرة منتديات...لذلك كان عليك أولا واجب معرفه المنتدي الذي تكتبين فيه والتعرف علي أعضاءة عن كثب...

فلكل مقام مقال.....هنا أغلبنا إما حديث عهد بالزواج..أو آباء لاطفال وأولاد وبنات...حتي الآنسات والشباب هنا علي درجه عاليه من الأدب والتهذيب والتدين...

لذلك أنتي أسأتي وضع مقالك في مكانه الصحيح...

أفهم أن تضعي مقالك هذا في منتديات للمراهقين...وسأقول أنك تحذريهم ..أما أن تضعيه هنا...فهذا تصرف غير سليم...من وجهه نظري البحته ولا أجبرك علي الإقتناع بها..

هنا أغلبنا مغتربين.إما في دول عربيه خليجيه إسلاميه لا تتفشي فيها هذه المظاهر والسلوكيات التي ذكرتيها....

أو دول أوروبيه تستطيع فيها الأنثي أخذ حقها من الذكر إذا تجاوز حدوده...

صدقيني بعد هذا المقال ...حمدت الله كثيرا أنه لم يرزقني البنت...وإلا كنت قطعت رقبتها والقيتها للكلاب في الشارع إذا كانت علي الشاكله التي ذكرتيها...

ثم أتسائل بجديه....هل كلمه رقاصه وبوسه وغيرها من الكلمات التي لا زلت أستهجنها ( حسب ما تربيت ) أصبحت عاديه بهذا الشكل في المجتمع حتي باتت أمرا عاديا؟؟

ثم كيف نعالج أمرا قبيحا في المجتمع ونحاول إصلاحه ونحن نستخدم نفس مفرداته في العلاج؟؟

المفروض ان نكون أكثر رقيا عند عرض العلاج فلا ننزلق إلي نفس المستنقع الذي نحاول تهذيبه...

أقول لك عزيزتي...

أنك اخطأتي في عرض الموضوع..وفي أختيار المنتدي الملائم....وحتي في أختيار الألفاظ...

وإن كان الموضوع فقط للجدل ...فلن يفيد هذا أحد.....

وعلي فكرة....أخطأت بعدم ذكرك للجرائد التي قلتي عنها...لإنها المفروض جرائد تباع في كل مكان وليست سريه حتي لا تذكريها..

دمتي في رعايه الله وحفظه

[سهران]

كنت ممن قاموا بالرد على الموضوع الاصلي و يمكن ردي برضه زعل حضرتك شوية ..... ببساطة حضرتك أعلامية كما ذكرتي في مشاركاتك و بالتالي ( حسب ما أعلم ) الرسالة الأعلامية يجب أن تكون موجهه لشريحة معينة بتوصيف معين تتلائم مع طبيعته و ظروفه .... و حتى في الأعلان ... الرسالة الأعلانية موجهه للشريحة المستهدفة بعينها .... و من هنا كان أعتراضنا لأن واضح الرسالة كانت للشريحة الخطأ و أحنا قولنا هو ده بيحصل فين؟؟؟؟ .... مش بننكره لأننا عارفين أن أكتر من كدة بيحصل ... لكن مكان حدوثة و مواصفات شريحته الموبوءة مش هنا و بالتالي كان ممكن تنكتب نفس الرسالة بس توجه مثلا لشريحة المتزوجات عرفيا حديثا ... علشان يخلوا بالهم الجوازة الجاية .... مثلا ..... أعتقد أن أي أم و هي بتربي بنتها مش هاتقولها خلي بالك يا بنت لو صاحبك أو خطيبك قالك نفسي أشوفك بالبكيني يبقى شخص مش كويس لأن لو قالها كدة أصلا يبقى عليه العوض في تربيتها من الأساس ... هاكرر المثال اللي قلته في الموضوع الأصلي ... كانت زميلاتنا في الكلية ما بنسلمش عليهم بالايد .... تفتكري ممكن نسألهم السؤال الخاص بأعملك مساج لو تعبانة !!!!! ..... أذا كان ما بنسلمش عليهم أصلا ... أو سؤال البكيني ؟؟؟؟؟ .... زي ما حضرتك قلتي المقدمات تؤدي ألى نتائج .... ... و زي العزيزة ناش ما قالت لكل مقام مقال ....

تحياتي

تم تعديل 16 أبريل 2008 بواسطة سهران

[رمضان]

زي العادة لم أقرأ الـ 6 صفحات لضيق الوقت ولضيق الخلق

ولكن كونت فكرة عامة عما ذكرتيه وقيل

بصي بقى لابد ان تعرفي العرب ففكر العرب في الاساس ينبع من القلب قبل العقل في كثير من الاحيان وبالاخص في مثل هذه المواضيع

عندك العبد لله مثلا املك مجموعة من الكتب اعلم قيمتها جيدا ولكبار المفكرين العرب ولكن لم ولن أجرأ يوما ما ان اضعها في اي منتدى والا .... اصبحت متهما بأشياء كثيرة