الاتفاق او الاختلاف فى نقطة ليس معناه الاختلاف او الاتفاق على مجمل الموضوع

[vipwithyou]

بسم الله الرحمن الرحيم

الأخوة الافاضل

السلام عليكم ورحمة الله وبركاته

لاحظت فى الآونه الأخيرة حدة فى الحوار بين الاعضاء الكرام واتفاق واختلاف على نقاط متعددة

هل معنى اتفاقى فى نقطة ما فى موضوع معين اننى مؤيد تماما الموضوع باكملة

بالتأكيد لا

وهل ايضاً عندما اختلف مع شخص فى نقطة معينه اننى ارفض موضوعه ايضاً

ايضاً بالتأكيد لا

لذا دعونا نفصل بين البحر ونقطة الماء

أى لا ننظر الى كلمة معينه على انها اساس الموضوع

وننظر الى الموضوع وليكن بحسن نية اكثر حتى ان كانت هناك قضية معينه تستحق المعالجة فلنناقشها ولنحاول معالجتها

هل ما اتمناه صعب

المبدأ لا يتجزأ هذا شىء مفروغ منه

لكن هذا فى الأساسيات والقيم التى ليس من حق اى شخص ان يفرض عليك تغييرها

لكن ربما تقصد انت نقطة جيدة انا لا اعرفها فلما لا أتعلمها منك

والعكس

هل نواصل الحوار بتلك الصورة ام نختلف كل مع الآخر لمجرد نقطة فى بحر ؟

شكرا لكم

أخوكم

تامر السيد

[إيزيس]

أتفق مع هذه الفكرة و أضيف أنه أحيانا يسال الواحد منا سؤالا بغرض السؤال فعلا

و بهدف الاستزادة من معلومات الغير فيقابل بالاستهجان .. البعض يصفه بالجهل

و البعض الآخر يعتقد أنه يستهزيء و لا يسأل بجدية

أرجو أن نفسح صدورنا لتتسع لآلام و أحلام و استفسارات و مشاكل و أحيانا غضب الغير

[Einstein]

اخي تامر :rolleyes:

انا متفق معاك تماما في فكرتك

هو الانسان ايه غير شوية افكار فوق بعض

لا بجد الانسان ده معجزة

كل واحد يختلف تماما عن الاخر في تفاصيل افكاره و قناعاته

يعني ممكن نقول ان كل واحد له بصمة فكرية

وده معناه اننا عليانا ان نتحرم افكار الاخرين كما نطالبهم بان يتحرمو افكارنا

واخيرا مش معني ان الواحد اختلف مع شخص تاني في فكرة او اتنين او حتي خمستاشر انهم يبقوا اعداء

واكيد لو الواحد ده ادي لنفسه فرصة للتفكيرو النقاش هيلاقي حاجات اكتر يتفقوا فيها مع بعض

مع تحاتي

[vipwithyou]

اشكر مروركم الكريم أخت قرنفله والأخ اينشتاين

اتمنى ان يعى الجميع هذا الفرق

[م.سامح المصرى]

فعلا كلامك صح جدا

ممكن يكون فعلا الواحد بيستفتسر عن شئ والى قصادة ممكن يفتكرة بيسخر منه

ودى حصلت معايا بالفعل

بس زى ما انتا تمنيت انا بتمنى برضوا

وسلامى لك استاذى العزيز تامر

[vipwithyou]

الله يسلمك يا سموحة

اخبار شغلك ايه الأول

المهم فعلا يارت مستوى حوارنا يرتقى اكتر من كدة ونكون اكتر تعاون وتفاهم مع بعض لأن معظمنا ظروفنا واحدة

ويكفى اتفاقنا على ان المحاورات دة المكان الانسب لتجمعنا