اذهب إلى المحتوى
محاورات المصريين

القابض على دينه في بلاد الغربة ..أيها المغتربين في الخليج اني أحسدكم

moody00x
 مشاركة

Recommended Posts

moody00x عضو جديد

moody00x

بتاريخ:
بتاريخ:

من واقع تجربتي في السفر لبلاد العم سام ...من الصعب جدا أن تعيش وأنت راضي تماما عن نفسك من كل النواحي دينيا وأخلاقيا

ببساطة شديدة كل من يبدء رحلة السفر إلى أمريكا أو أوروبا تواجهه أشياء صعب جدا يتعامل معها

١كل البدايات تقريبا وحدة مع الكل سواء جاي للدراسة أو للعمل هيبتدي في ديليفري البيتزا ودي عليها كلام كتير لأن كل المحلات بتضيف الخنزير للبيتزا ودخلنا في الحلال والحرام أو هيشتغل في محطة بنزين وهيبيع سجاير وسيجار ودة كمان فيه كلام

٢لزم طبعا هيكون معه كريدت كرد ولو مدفعش الفاتورة في معادها بالكامل هيجي عليه فايدة ودخلنا في الربا

٤هيفكر يشتري أكل واللحوم مش مدبوحه اسلاميا واللي مدبوحه إسلامية بتتبع غاليه

٥لو فكر يشتري بيت دخل في قرض ربوي من البنك ودخلنا في الحرام

٦لو فكر يفتح أي مشروع لزم هيستعمل الكردت كرد ودخلنا في الربا والحلال والحرام

٧يوم الجمعة يوم عمل شاق في أي مجال ويكاد يكون مستحيل أداء صلاة الجمعة دة طبعاً غير أداء الصلاة في المسجد لقلة وبعد المسجد

سألنا وقلنا إيه العمل العلماء الأفاضل انقسموا ناس قالت إن المهاجر أو المسافر ده جاي علي بلد غير إسلامي وليه قوانينه الإقتصادية والاجتماعية ولابد من احترامها لأن مهما كان لن يغيير الفرد أو القله كل المجتمع وقالوا إن الامام أبو حنيفة أجاز التعامل بالعقود الفاسدة في بلد غير المسلمين وعلماء تانين أفتوا إن الحرام حرام في أي مكان والمسلم لابد أن يتبع كل ما أمر به وما نهي عنه في أي مكان وليس معنى أنهم يتعاملون بالربا في بلدهم أن نتبعهم في معاملتهم

وعلماء اخرين نسفوا الموضوع كلو وقالوا إن أساسا حرام العيش في بلاد الكفر على أساس حديث للنبي عليه الصلاة والسلام في ما معناه اني بريء ممن يعيش بين ظهرانيهم

المشكلة كبيرة فعلاً مع الأوضاع الاقتصادية في العلم كله ...................

والحل من عند الله وحده .......

عوده للعنوان كنت اتمنى طبعاً طائرة الغربة أن تهبيط بي في دولة كدول الخليج على الأقل لم أكن أواجه كل هذا الألم المضاعف

" إملأ عيناك بوجه من تحب فسوف تفتقده كثيراً فى يومٍ ما"

رابط هذا التعليق
شارك
  • الردود 102
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

احمد هادي عضو جديد

احمد هادي

بتاريخ:
بتاريخ:

ايها المغترب في امريكا .....انني أغبطك

1- لأنك تحصل بعد فتره معينة علي الاقامة ثم علي الجنسية فتعامل أمام القانون كمواطن مثل غيرك من الامريكان أي ما كانت جنسيتهم

أما نحن في الخليج فلا نحصل علي الجنسية حتي لو أمضينا كل عمرنا ....اللهم إلا إذا كنا مطربين أو لاعبي كرة

2- لأنك لست معرضا للطرد من البلاد مع أي خلاف سياسي أو موقف شخصي من حاكم أو أمير

3- لأنك لا تعامل كاجنبي ...تحصل علي الخدمات كالماء والكهرباء بعدة أضعاف ما يدفعه المواطن الذي يحصل علي كل هذه الخدمات وغيرها بأقل القليل

4- لأنه لا يوجد لديك كفيل يستطيع إلغاء اقامتك في البلد بل ومنعك من العودة لها

5- لأنك تحصل علي نفس الراتب الذي يحصل عليه غيرك من الامريكيين نظير أداء نفس العمل أو ربما أقل قليلا .....أما هنا في الخليج فمديرك المواطن يحصل علي أضعاف مرتبك وربما كان تلميذك من 4 أو 5 سنوات

6- لأنك لا تجد من يكرهك أو يسئ اليك لمجرد كونك مصري ولا شيئ غير ذلك

7- لأنك انسان حر تعيش في مجتمع له قانون محترم لا تخاف من ان تتكلم في السياسة أو تنقد وضع أو تقول كلمة حق أما في العالم العربي فكما قال الشاعر

في العالم العربي، تعيش،

كما قط ساكن تحت عربية

عينيه ما تشوف م الدنيا دي حاجة إلا الجِـزَم

في العالم العربي تعيش،

كما بهلوان السيرك

تحتك بهلوان دايس عليه

وفوق دماغك بهلوان دايس عليك

والكل واقف محترم

في العالم العربي تعيش،

مباراة بقالها ألف عام

لعّيبة تجري يمين شمال

والكورة طول الوقت

في إيدين الحكم

في العالم العربي تقول للبنت حبيتك

وتبقي البنت بتحبك وبتموت فيك

تناولك بالأَلَم

في العالم العربي تعيش،

تشتم في طعم المية و الطعمية

والقهوة ورُوَّادها وفي مراتك وأولادها

وحر وزحمة الأوتوبيس

وفي اللي بيعمله ابليس

وفي التفليس

ولو سألوك

تقول الحمد لله ربنا يديمها نعَم

في العالم العربي تعيش،

كما دمعة في عيون الكريم

المحنة تطردها يرجّعها الكَرَم

في العالم العربي تعيش،

تلميذ في حوش المدرسة

من غير فطار

عينه على الشارع

وبيحيي العَلَم

في العالم العربي تعيش،

بتبص في الساعة

وخايف نشرة الأخبار تفوت

علشان تشوف ع الشاشة ناس،

في العالم العربي،

تموت.

يا امتي لا تفزعي من سطوة السلطان .....اية سطوة ؟ ما شئت ولي واعزلي ...لا يوجد السلطان إلا في خيالك

رابط هذا التعليق
شارك
MZohairy عضو جديد

MZohairy

بتاريخ:
بتاريخ:

و أهم و أغرب حاجه انك محتاج موافقة الكفيل الخطيه لما تحب تأجر شقه تسكن فيها!!

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك
deemuck عضو جديد

deemuck

بتاريخ:
بتاريخ:

مرة رحت المرور ابيع سيارتي((( للتشليح))) قالي هات خطاب من العمل يفيد ان العمل ليس عنده مانع من بيع سيارتك.

قلبك عربية تاكسي ....................... ماشي فالحب عكسي

عمال يدهس حبايب ....................... ولا بيسمع كلاكسي

عواطف سيد التاكسجي

رابط هذا التعليق
شارك
moody00x عضو جديد

moody00x

بتاريخ:
  • كاتب الموضوع
بتاريخ:

أنا شايف إن الموضوع هيدخل في مقارنة بين الخليج وأمريكا وانا لم أقصد هذا كل الحكاية اني شايف العيشة في الغرب من منطلق ديني مش سياسي أو إجتماعي...كل السلبيات دي عندك يا أحمد مقدور عليها

]

1- 

لأنك تحصل بعد فتره معينة علي الاقامة ثم علي الجنسية فتعامل أمام القانون كمواطن مثل غيرك من الامريكان أي ما كانت جنسيتهم 
أما نحن في الخليج فلا نحصل علي الجنسية حتي لو أمضينا كل عمرنا ....اللهم إلا إذا كنا مطربين أو لاعبي كرة

موضوع الجنسية معملش فرق كبير معايا كل الحكاية لو إنت جاي زائر هتقف في المطار في صف ولو معك الجنسية هتقف في صف تاني ...

ثانيا في أي بلد عربي إنت مش محتاج تاخد جنسية البلد 

2- لأنك لست معرضا للطرد من البلاد مع أي خلاف سياسي أو موقف شخصي من حاكم أو أمير

الموضوع أسهل من كدة كل الناس سافرت مش علشان تاخد موقف سياسي لأ دة علشان لقمة العيش ...فالكل مشغول فقط بكدا ..

3- لأنك لا تعامل كاجنبي ...تحصل علي الخدمات كالماء والكهرباء بعدة أضعاف ما يدفعه المواطن الذي يحصل علي كل هذه الخدمات وغيرها بأقل القليل

في دي معك حق 

4- لأنه لا يوجد لديك كفيل يستطيع إلغاء اقامتك في البلد بل ومنعك من العودة لها

في دي معك حق كمان ولو إن دي مشكلة الخارجيه المصرية مش مشكلة الدولة الخليجية 

6- لأنك لا تجد من يكرهك أو يسئ اليك لمجرد كونك مصري ولا شيئ غير ذلك

دي باءة كنت من كم سنة هوفقك عليها لكن دلوقتي الموضوع إختلف مع الأمريكان جدا ...هما دلوقتي نوعين ..نوع جاهل ودة جميل قوي توقلو أنا من مصر يقولاك اه هندي يعني من جانب إيطاليا كدة ونوع تاني ودة بقى كتير بيسمع ويشوف الميديا إلي هي متحكم فيها ولاد عمك وفي دماغه دلوقتي مصري ومحمد يعني معناه اوعى وشك فيه متفجرات 

- لأنك انسان حر تعيش في مجتمع له قانون محترم لا تخاف من ان تتكلم في السياسة أو تنقد وضع أو تقول كلمة حق

معك حق بس دي موروثات ثقافية من قديم الزمن

" إملأ عيناك بوجه من تحب فسوف تفتقده كثيراً فى يومٍ ما"

رابط هذا التعليق
شارك
shawshank عضو جديد

shawshank

بتاريخ:
بتاريخ:
أو هيشتغل في محطة بنزين وهيبيع سجاير وسيجار ودة كمان فيه كلام ٢

حضرتك تقصد كحوليات ، لأن معظم ربح محطات البنزين من بيع الكحوليات .

كل لحظة إبطاء في نيل المعتدين جزاءهم ... خطوة نحو كفر المجتمع بالعدالة، ودرجة على سلم إيمانه بشريعة الغاب

رابط هذا التعليق
شارك
deemuck عضو جديد

deemuck

بتاريخ:
بتاريخ:
أنا شايف إن الموضوع هيدخل في مقارنة بين الخليج وأمريكا وانا لم أقصد هذا كل الحكاية اني شايف العيشة في الغرب من منطلق ديني مش سياسي أو إجتماعي...كل السلبيات دي عندك يا أحمد مقدور عليها

ممكن اقول حاجة

ما هو برضه المقارنة في نفس الثوب الديني

اصل الخليج هو الجزيرة العربية الاسلامية.............اما امريكا دولة صليبية

وشوف بءة الدول الاسلامية بتعمل فينا ايه :wub:

قلبك عربية تاكسي ....................... ماشي فالحب عكسي

عمال يدهس حبايب ....................... ولا بيسمع كلاكسي

عواطف سيد التاكسجي

رابط هذا التعليق
شارك
Alshiekh عضو جديد

Alshiekh

بتاريخ:
بتاريخ: (معدل)
من واقع تجربتي في السفر لبلاد العم سام ...من الصعب جدا أن تعيش وأنت راضي تماما عن نفسك من كل النواحي دينيا وأخلاقيا

ببساطة شديدة كل من يبدء رحلة السفر إلى أمريكا أو أوروبا تواجهه أشياء صعب جدا يتعامل معها

١كل البدايات تقريبا وحدة مع الكل سواء جاي للدراسة أو للعمل هيبتدي في ديليفري البيتزا ودي عليها كلام كتير لأن كل المحلات بتضيف الخنزير للبيتزا ودخلنا في الحلال والحرام أو هيشتغل في محطة بنزين وهيبيع سجاير وسيجار ودة كمان فيه كلام

٢لزم طبعا هيكون معه كريدت كرد ولو مدفعش الفاتورة في معادها بالكامل هيجي عليه فايدة ودخلنا في الربا

٤هيفكر يشتري أكل واللحوم مش مدبوحه اسلاميا واللي مدبوحه إسلامية بتتبع غاليه

٥لو فكر يشتري بيت دخل في قرض ربوي من البنك ودخلنا في الحرام

٦لو فكر يفتح أي مشروع لزم هيستعمل الكردت كرد ودخلنا في الربا والحلال والحرام

٧يوم الجمعة يوم عمل شاق في أي مجال ويكاد يكون مستحيل أداء صلاة الجمعة دة طبعاً غير أداء الصلاة في المسجد لقلة وبعد المسجد

سألنا وقلنا إيه العمل العلماء الأفاضل انقسموا ناس قالت إن المهاجر أو المسافر ده جاي علي بلد غير إسلامي وليه قوانينه الإقتصادية والاجتماعية ولابد من احترامها لأن مهما كان لن يغيير الفرد أو القله كل المجتمع وقالوا إن الامام أبو حنيفة أجاز التعامل بالعقود الفاسدة في بلد غير المسلمين وعلماء تانين أفتوا إن الحرام حرام في أي مكان والمسلم لابد أن يتبع كل ما أمر به وما نهي عنه في أي مكان وليس معنى أنهم يتعاملون بالربا في بلدهم أن نتبعهم في معاملتهم

وعلماء اخرين نسفوا الموضوع كلو وقالوا إن أساسا حرام العيش في بلاد الكفر على أساس حديث للنبي عليه الصلاة والسلام في ما معناه اني بريء ممن يعيش بين ظهرانيهم

المشكلة كبيرة فعلاً مع الأوضاع الاقتصادية في العلم كله ...................

والحل من عند الله وحده .......

عوده للعنوان كنت اتمنى طبعاً طائرة الغربة أن تهبيط بي في دولة كدول الخليج على الأقل لم أكن أواجه كل هذا الألم المضاعف

الاخ moody00x

الموضوع ليس بهذا السوء الذى ذكرته وكما رد عليك الاخ احمد الهادى ، يكفى انك تعامل كأنسان لايعامل بقانون يفرق بين المواطن والمغترب.

أما بالنسبة للأمور التى ذكرتها حضرتك ، فمبدئيا ليس على المضطر جناح ، ولكن لايوجد مايضطرك لفعل شيئ يحرمه عليك دينك.

وسارد على نقظة نقظة مما اثرته حتى لاتعقد الامور وتسد الابواب فى وجه من يفكر فى السفر لبلاد العم سام

أولا مش لازم تشتغل فى البيتزا دليفرى ، ولو اضطررت للعمل بها فالمطلوب منك الا تأكل لحم الخنزير ، فليس بينك وبين الخنزير نفسه اى عداء.

ثانيا لاتعمل بمحطة بنزين لايملكها مسلم وهم كثيرون ، ويمكنك ان تجد عمل فى اماكن اخرى افضل الف مرة من العمل فى محطة بنزين ، كالعمل فى مطابخ المطاعم ( مطاعم وليس بارات )

ثالثا ، لست مجبرا على استخدام كريدت كارد ، ولو رغبت فى الحصول على كريدت كارد كى تبنى لنفسك كريديت ، فأول شيئ يجب ان تفكر فيه ان تلتزم بالدفع قبل الميعاد ، ولو شككت للحظة فى انك يمكنك ان تتأخر فى الدفع ، فمن الافضل الا تحصل على كريدت كارد من الاصل ( لانه فى الحقيقة عنوان سمعة الشخص )

رابعا بالنسبة للحوم ، معروف انهم لايضعون اللحوم البقرية مع لحم الخنزير فى نفس الرف او الثلاجة ، ثانيا يا أخى الفاضل احل لنا ديننا طعام أهل الكتاب ، فلم تحرمون ما أحل الله؟ هذه واحدة ، اما الثانية فاللحوم التى تباع فى المحلات العربية هى نفسها التى تباع فى المحلات الامريكانى ، والفروق فى الاسعار بالنسبة لمن يذبحون فى محلاتهم لاتفرق كثيرا ، فمن يصرف على غذائه 1000 دولار ، لن تفرق معه ان يدفع 1020 .

خامسا: بالنسبة لشراء البيوت ، ففيها نظر ، فالفائدة عندما تشترى بيتا لاتزيد عن 7% وقد تقل الى 4% هذه الايام، وهم يحددون قيمة الفائدة لانهم ناس عمليين لايتلاعبون بالكلمات ، كما يقول فقهاؤنا فى تحليلهم لرفع السعر عند البيع بالتقسيط ، بان البائع ممكن يقول لك انا ابيعك هذا المنزل بمائة الف كاش او بمائة وخمسون على اقساط ، مش بيقولوا كده برضه؟

سادسا مرة اخرى ، المريدت كارد ده اختيارك انت واسلوبك انت فى التعامل ، لدى عدة كيدت كارد منهم ماهو للبسينس ومنهم ماهو شخصى ، ولا استخدم الا واحد او اثنين ، ولا اتأخر ابدا فى الدفع.

سابعا ، موضوع صلاة الجمعة ، لو موجود مسجد بالمدينة التى تعيش فيها ، فبكل بساطة يمكنك ان تتفق مع من تعمل معهم ان يكون وقت طعام الغذاء هو نفسه موعد صلاة الجمعة ، وهذا ما يحدث فى المدينة التى اعيش بها ويحضر للصلاة كل جمعة اكثر من ستمائة مصلى ، عرب ، امريكان ، باكستان ، وقبل افتتاح المسجد الثانى كانت صلاة الحمعة تتم مرتين ، فاعتقد انه أمر ممكن ، الا اذا كنت فى مدينة صغيرة ، ليس بها مسلمين ، فصلاة الظهر تكفى عن صلاة الجمعة. والاعمال بالنيات.

تم تعديل بواسطة Mohammad

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
badroora عضو جديد

badroora

بتاريخ:
بتاريخ:

ثم من قال ان الخليج ولا حتى مصر البنوك مش بتتعامل بالربي ....؟؟؟؟؟؟

حتى البنوك الاسلامية بيلفوا ويدوروا لحد ما يوصلوا لربا مقنع , بالظبط كما ذكر الاخ محمد .مثلا هتاخد قرد سيارة السيارة تمنها مثلا 5000 هما يبعوهالك ب 7000 ونص بالتقسيط على مدار المدة اللى انت وهما بتحددوها ويقولك كدا حلال مش حرام لان التجارة والمكسب غير مخالف لقوانين الشرع .دا بخصوص البنوك الاسلامية العربية .

ثم اخى اعتقد ان الدين يسر وليس عسر صدقنى لو الامور هتقاس زى مانت وصفها كدا يبقي الناس هتتعقد .

انا مثلا فى شغلى لنا 20دقيقة لكل صلاة احيانا نبقي مشغولين طول اليوم ومعاك مرضي بيحتضروا فبطضر تبقي معاهم ومتقدرش تسبهم . ولما يكون فى وقت فاضي باجمع كل الصلوات اللى فاتتنى ودى بتحصل كتير .واعتقد ان ربنا هيعزرنى .

لو سهلت الامور هتتسهل وشوف حضرتك فى امريكا ونفسك فى الخليج احنا هنا نفسنا نهاجر للانت فيه يعنى محدش عجبه حاله

اتمنى من الله ان تتسهل امورك وتلاقي حلول وبدائل تساعدك على البقاء هناك سعيد مرتاح

A liberal is a man or a woman or a child who looks forward to a better day, a more tranquil night,and a bright, infinite future

.

رابط هذا التعليق
شارك
badroora عضو جديد

badroora

بتاريخ:
بتاريخ:
مرة رحت المرور ابيع سيارتي((( للتشليح))) قالي هات خطاب من العمل يفيد ان العمل ليس عنده مانع من بيع سيارتك.

ديم مق يعنى ايه تشليح

ثم فعلا بجد لو عربيتك ملك لك انت ايه علاقة العمل بملكيتك للسيارة ؟ بجد حاجة غريبة اوى

A liberal is a man or a woman or a child who looks forward to a better day, a more tranquil night,and a bright, infinite future

.

رابط هذا التعليق
شارك
moody00x عضو جديد

moody00x

بتاريخ:
  • كاتب الموضوع
بتاريخ:
الموضوع ليس بهذا السوء الذى ذكرته وكما رد عليك الاخ احمد الهادى ، يكفى انك تعامل كأنسان لايعامل بقانون يفرق بين المواطن والمغترب.

أما بالنسبة للأمور التى ذكرتها حضرتك ، فمبدئيا ليس على المضطر جناح ، ولكن لايوجد مايضطرك لفعل شيئ يحرمه عليك دينك.

وسارد على نقظة نقظة مما اثرته حتى لاتعقد الامور وتسد الابواب فى وجه من يفكر فى السفر لبلاد العم سام

أولا مش لازم تشتغل فى البيتزا دليفرى ، ولو اضطررت للعمل بها فالمطلوب منك الا تأكل لحم الخنزير ، فليس بينك وبين الخنزير نفسه اى عداء.

ثانيا لاتعمل بمحطة بنزين لايملكها مسلم وهم كثيرون ، ويمكنك ان تجد عمل فى اماكن اخرى افضل الف مرة من العمل فى محطة بنزين ، كالعمل فى مطابخ المطاعم ( مطاعم وليس بارات )

ثالثا ، لست مجبرا على استخدام كريدت كارد ، ولو رغبت فى الحصول على كريدت كارد كى تبنى لنفسك كريديت ، فأول شيئ يجب ان تفكر فيه ان تلتزم بالدفع قبل الميعاد ، ولو شككت للحظة فى انك يمكنك ان تتأخر فى الدفع ، فمن الافضل الا تحصل على كريدت كارد من الاصل ( لانه فى الحقيقة عنوان سمعة الشخص )

رابعا بالنسبة للحوم ، معروف انهم لايضعون اللحوم البقرية مع لحم الخنزير فى نفس الرف او الثلاجة ، ثانيا يا أخى الفاضل احل لنا ديننا طعام أهل الكتاب ، فلم تحرمون ما أحل الله؟ هذه واحدة ، اما الثانية فاللحوم التى تباع فى المحلات العربية هى نفسها التى تباع فى المحلات الامريكانى ، والفروق فى الاسعار بالنسبة لمن يذبحون فى محلاتهم لاتفرق كثيرا ، فمن يصرف على غذائه 1000 دولار ، لن تفرق معه ان يدفع 1020 .

خامسا: بالنسبة لشراء البيوت ، ففيها نظر ، فالفائدة عندما تشترى بيتا لاتزيد عن 7% وقد تقل الى 4% هذه الايام، وهم يحددون قيمة الفائدة لانهم ناس عمليين لايتلاعبون بالكلمات ، كما يقول فقهاؤنا فى تحليلهم لرفع السعر عند البيع بالتقسيط ، بان البائع ممكن يقول لك انا ابيعك هذا المنزل بمائة الف كاش او بمائة وخمسون على اقساط ، مش بيقولوا كده برضه؟

سادسا مرة اخرى ، المريدت كارد ده اختيارك انت واسلوبك انت فى التعامل ، لدى عدة كيدت كارد منهم ماهو للبسينس ومنهم ماهو شخصى ، ولا استخدم الا واحد او اثنين ، ولا اتأخر ابدا فى الدفع.

سابعا ، موضوع صلاة الجمعة ، لو موجود مسجد بالمدينة التى تعيش فيها ، فبكل بساطة يمكنك ان تتفق مع من تعمل معهم ان يكون وقت طعام الغذاء هو نفسه موعد صلاة الجمعة ، وهذا ما يحدث فى المدينة التى اعيش بها ويحضر للصلاة كل جمعة اكثر من ستمائة مصلى ، عرب ، امريكان ، باكستان ، وقبل افتتاح المسجد الثانى كانت صلاة الحمعة تتم مرتين ، فاعتقد انه أمر ممكن ، الا اذا كنت فى مدينة صغيرة ، ليس بها مسلمين ، فصلاة الظهر تكفى عن صلاة الجمعة. والاعمال بالنيات.

الفاضل محمد موضوع ليس على المضطر جناح دي مسألة كبيرة وفيها إختلاف كبير بين العلماء وكمان بين الناس العادية بمعنى إن إلي حضرتك شايفه مضطر ممكن جدا غيرك يقولك إن حضرتك قدامك اختيارات وبالتالي إنت غير مضطر يعني تاخد بيت بقرض ربوي ولا تستئجر بيت فين الاختيار وفين الاضطرار هنا ؟

أنا قلت من واقع تجربة شخصية إن معظم من يستهل حياته هنا بيكون أمامه مهن كالدلفري أو محطات البنزين ...

موضوع الخنزير دة مفيش عداء ولا حاجة لكن معظم من أفتوا فيه حرموا أكله ونقله وموضوع محطات البنزين فكثير جدا للاسف الشديد من أصحاب المحطات مسلمين وعندهم لوتو مشين ودة قمار ومنهم عندهم ليكرز

والعمل في مطبخ أي محل أمريكي يعني فيها بورك وفيها وين

أنا قصدت إن مفيش اختيارات كتير قدام اللي لسة جي البلد

طبعا ديننا أحل لنا طعام أهل الكتاب ولكن من هم أهل الكتب الآن ؟

بلد فيها البوذي والسيخي والمسيحي والملحد و .......من ضمن لك أن من اشتريت منه هو من أهل الكتاب فعلا ...؟

موضوع شراء البيت أنا قتلته بحثا وسؤالا ولم أصل فيه لرأي من العلماء يبيحونه ولكن في النهاية استفتي قلبك ولو أفتوك

موضوع الكرديت كرد لو حضرتك عندك بزنس وحصلك مشكلة في الكاش هتكون مضطر تتعامل بالكريدت مظنش إن فيه حل تاني

موضوع صلاة الجمعة مش سهل تلاقي من يسمح لك باداء الصلاه وقت اللنش إلا في مجالات معينة ،،،،

أنا لم أقصد تعقيد الامور أو سد الأبواب في وجه من يفكر في أمريكا

تبعا فيه اجابيات كتير لكن أنا قصدت إن العمل في بلد إسلامي هيكون أسهل كتير على من يريد أن يعيش وهو مرتاح نفسيا من الناحية الدينية ويبتعد عن حتى الأمور المشتبهة

" إملأ عيناك بوجه من تحب فسوف تفتقده كثيراً فى يومٍ ما"

رابط هذا التعليق
شارك
moody00x عضو جديد

moody00x

بتاريخ:
  • كاتب الموضوع
بتاريخ:
ثم من قال ان الخليج ولا حتى مصر البنوك مش بتتعامل بالربي ....؟؟؟؟؟؟

حتى البنوك الاسلامية بيلفوا ويدوروا لحد ما يوصلوا لربا مقنع , بالظبط كما ذكر الاخ محمد .مثلا هتاخد قرد سيارة السيارة تمنها مثلا 5000 هما يبعوهالك ب 7000 ونص بالتقسيط على مدار المدة اللى انت وهما بتحددوها ويقولك كدا حلال مش حرام لان التجارة والمكسب غير مخالف لقوانين الشرع .دا بخصوص البنوك الاسلامية العربية .

ثم اخى اعتقد ان الدين يسر وليس عسر صدقنى لو الامور هتقاس زى مانت وصفها كدا يبقي الناس هتتعقد .

انا مثلا فى شغلى لنا 20دقيقة لكل صلاة احيانا نبقي مشغولين طول اليوم ومعاك مرضي بيحتضروا فبطضر تبقي معاهم ومتقدرش تسبهم . ولما يكون فى وقت فاضي باجمع كل الصلوات اللى فاتتنى ودى بتحصل كتير .واعتقد ان ربنا هيعزرنى .

لو سهلت الامور هتتسهل وشوف حضرتك فى امريكا ونفسك فى الخليج احنا هنا نفسنا نهاجر للانت فيه يعنى محدش عجبه حاله

اتمنى من الله ان تتسهل امورك وتلاقي حلول وبدائل تساعدك على البقاء هناك سعيد مرتاح

الفاضله بدريه

ما ذكرتيه بهذا الشكل من المعاملة البنكيه يسمي المرابحة وهو في نظر كثير من العلماء معاملة إسلامية حلال ...البنك يشتري السيارة أو المنزل لحضرتك ب-٥ ويبيعلك ب-٧ فدي معاملة حلال والله أعلم

ثانيا الدين يسر طبعا وموضوع الصلاه لحضرتك إن شاء الله ربنا يتقبل منك ومنا ...أنا مش بحاول أعقد الأمور والله أنا بس قلبي وجعني من كذا حاجة وبحاول دايما اتحرى الحلال ...ربنا يغنينا بالحلال ويبعد عنا الحرام

" إملأ عيناك بوجه من تحب فسوف تفتقده كثيراً فى يومٍ ما"

رابط هذا التعليق
شارك
مصري أصيل عضو جديد

مصري أصيل

بتاريخ:
بتاريخ:
انا معاك يا استاذ احمد

وده مش بس لو عاوز تبيع عربيتك لازم خطاب موافقة .. ده لو ربنا رزقك بمولود لازم موافقة . اه ه ه ه ه ه ه

عفوا الكلام ده فين في الخليج ؟ ما أحنا في الخليج برضه

dddkl.gif

من أقوال الشيخ الشعراوي رحمه الله

الثائر الحق من يثور ليهدم الفساد ثم يهدأ ليبني الأمجاد

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
انا معاك يا استاذ احمد

وده مش بس لو عاوز تبيع عربيتك لازم خطاب موافقة .. ده لو ربنا رزقك بمولود لازم موافقة . اه ه ه ه ه ه ه

عفوا الكلام ده فين في الخليج ؟ ما أحنا في الخليج برضه

إنت بتقول فيها

والله العظيم لازم موافقة

تقدر تروح السجل المدني تخرج للبيبي شهادة ميلاد من غير موافقة الكفيل على منحك جواز سفرك اللي محتفظ به في الخزنة ؟

------------------

قال رسول الله صليى الله عليه وسلم " السفر قطعة من العذاب "

وسواء بقى كنت في أمريكا او في افريكا .. فلازم تجد بعض المنغصات .. إحنا عايشين في شقاء إلى يوم الدين ...

كنت سهران مع احد أصدقائي الإسبوع الماضي بقى لي 10 سنوات ما شوفتوش وفجأة لمحته في المسجد بيصلي الجمعة معايا ... وعرفت إنه جاي زيارة لمدة إسبوعين وراجع ابو ظبي تاني حيث مقر عمله ... عرفت منه إنه سافر أمريكا لمدة 3 سنوات وأشتغل في شركة إتصالات وأخد أولاده الاصغار هناك ( أكبرهم عنده 12 سنة ) .. لكنه قرر إنه مش هايعتبها تاني إلا عشان البيزنس بتاعه هناك ولوحده من غير عياله بعد اللي شافه في المدارس وحتى في التليفزيونات الأرضية وبرامج الأطفال اللي بتتعرض الساعة 7 و كان بيتفرج مع عياله وشاف وسمع فيها أهوال أخلاقية غريبة ومرفوضه مننا كمسلمين ... ويشاء السميع العليم إنه يتعرف على أصحاب شركة كويتية للإتصالات برضوا هناك وعرضوا عليه إنه يشتغل معاهم في الخليج بس في فرع أبو ظبي ..

اللي عايز اقوله إن كل مكنا فيه مساؤه ومميزاته وبالتالي لازم نعمل وزن للموضوع ولو لقينا العيوب بتضغى على المميزات مما يؤثر على عيشة الإنسان .. يبقى تغير المكان لو في إمكانية .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
مصري أصيل عضو جديد

مصري أصيل

بتاريخ:
بتاريخ:
انا معاك يا استاذ احمد

وده مش بس لو عاوز تبيع عربيتك لازم خطاب موافقة .. ده لو ربنا رزقك بمولود لازم موافقة . اه ه ه ه ه ه ه

عفوا الكلام ده فين في الخليج ؟ ما أحنا في الخليج برضه

إنت بتقول فيها

والله العظيم لازم موافقة

تقدر تروح السجل المدني تخرج للبيبي شهادة ميلاد من غير موافقة الكفيل على منحك جواز سفرك اللي محتفظ به في الخزنة ؟

------------------

قال رسول الله صليى الله عليه وسلم " السفر قطعة من العذاب "

وسواء بقى كنت في أمريكا او في افريكا .. فلازم تجد بعض المنغصات .. إحنا عايشين في شقاء إلى يوم الدين ...

كنت سهران مع احد أصدقائي الإسبوع الماضي بقى لي 10 سنوات ما شوفتوش وفجأة لمحته في المسجد بيصلي الجمعة معايا ... وعرفت إنه جاي زيارة لمدة إسبوعين وراجع ابو ظبي تاني حيث مقر عمله ... عرفت منه إنه سافر أمريكا لمدة 3 سنوات وأشتغل في شركة إتصالات وأخد أولاده الاصغار هناك ( أكبرهم عنده 12 سنة ) .. لكنه قرر إنه مش هايعتبها تاني إلا عشان البيزنس بتاعه هناك ولوحده من غير عياله بعد اللي شافه في المدارس وحتى في التليفزيونات الأرضية وبرامج الأطفال اللي بتتعرض الساعة 7 و كان بيتفرج مع عياله وشاف وسمع فيها أهوال أخلاقية غريبة ومرفوضه مننا كمسلمين ... ويشاء السميع العليم إنه يتعرف على أصحاب شركة كويتية للإتصالات برضوا هناك وعرضوا عليه إنه يشتغل معاهم في الخليج بس في فرع أبو ظبي ..

اللي عايز اقوله إن كل مكنا فيه مساؤه ومميزاته وبالتالي لازم نعمل وزن للموضوع ولو لقينا العيوب بتضغى على المميزات مما يؤثر على عيشة الإنسان .. يبقى تغير المكان لو في إمكانية .

أنا من خلال متابعتي للمواضيع عرفت أن أكثر دولة تشدداً في موضوع تحكم الكفيل في المقيم هي السعودية لأن في الكويت لو حبيت أبيع سيارة أو أشتري ماله الكفيل ومال الموضوع مش فاهم . أو لو حبيت أطلع شهادة ميلاد لأبني أو أطلع زياره عائليه أو ألتحاق بعائل أو حتي أسافر ( ده لو معايا جوازي طبعاً ) أو كل الأمور الشخصية لا يشترط موافقة الكفيل من عدمه. أما بخصوص الجواز فيوجد شركات تصر علي الأحتفاظ بجواز السفر وشركات لا تصر علي ذلك .

أما بخصوص المقارنة بين السفر لدولة أجنبية أو عربيه فكل منها لها مميزاتها وعيوبها كما تفضلت ولا أنكر أن موضوع الهجرة بدأ يلعب في دماغي من كتر ما قرأت في المنتدي عن الهجرة لكندا و غيرها بس كل ما أفكر أن ممكن أولادي يعيشوا في الجو اللي حضرتك ذكرته و التدهور الأخلاقي اللي حضرتك أتكلمت عنه أرجع في تفكيري تاني و أقول اللي نعرفه أحسن من اللي ما نعرفوش.

dddkl.gif

من أقوال الشيخ الشعراوي رحمه الله

الثائر الحق من يثور ليهدم الفساد ثم يهدأ ليبني الأمجاد

رابط هذا التعليق
شارك
deemuck عضو جديد

deemuck

بتاريخ:
بتاريخ:
ديم مق يعنى ايه تشليح

التشليح مكان رمي وبيع سيارات الحوادث او السيارات الي اصحابها لا يرغبوا بها. وكلمة "تشليح" عشان بتفكك وتتباع حتة حتة

قلبك عربية تاكسي ....................... ماشي فالحب عكسي

عمال يدهس حبايب ....................... ولا بيسمع كلاكسي

عواطف سيد التاكسجي

رابط هذا التعليق
شارك
capitshino عضو جديد

capitshino

بتاريخ:
بتاريخ:
انا معاك يا استاذ احمد

وده مش بس لو عاوز تبيع عربيتك لازم خطاب موافقة .. ده لو ربنا رزقك بمولود لازم موافقة . اه ه ه ه ه ه ه

عفوا الكلام ده فين في الخليج ؟ ما أحنا في الخليج برضه

الكلام ده فى السعودية .. لازم ورقة من الكفيل .. خطاب تعريف

ولو لسه حضرتك جديد ممكن تسئل حد قديم عن الموضوع ده

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
انا معاك يا استاذ احمد

وده مش بس لو عاوز تبيع عربيتك لازم خطاب موافقة .. ده لو ربنا رزقك بمولود لازم موافقة . اه ه ه ه ه ه ه

عفوا الكلام ده فين في الخليج ؟ ما أحنا في الخليج برضه

الكلام ده فى السعودية .. لازم ورقة من الكفيل .. خطاب تعريف

ولو لسه حضرتك جديد ممكن تسئل حد قديم عن الموضوع ده

لأ طبعاً لا يلزم خطاب تعريف .. لكن كما وضحت أنا بالنسبة لجواز السفر .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
زائر
هذا الموضوع مغلق.
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...