"حين ميسرة"

[أشرف حسين]

ابراهيم ........معرفش اسمه الحققي ايه ...كنت حاسة انه بيحاول يقلد محمد سعد

فى طريقة نطقه الخاطيء للالفاظ زى اللمبي بالظبط .

في مقطع لـ (ابراهيم) ده اللي انا برضه معرفش اسمه

بيتهيألي ان دي الحسنه الوحيده فـ الفلم ..بيقول

الدبدبات نزلت الشارع و عملو حزء تجول..قلت انزل اتفرج على حزء التجول ده..

مشينا ف وسط الدبدبات لا حد قلنا انتو مين .. و لا حد حس بينا حتى

تخلل....هو احنا مش موجودين..و لا احنا مش بينين

الظاهر اننا دخلنا الدنيا دي و هنخرج منها و احنا مش بينين

و انا مش عارف ليه كانت طلبه معايا اني اخلف..عليه الطلاق انا حمار

اخلف عيال عشان يدخلو الدنيا دي و يخرجو منها و هما مش بينين.....كبر

[حلواني]

الحقيقه انا شوفت الفيلم دا علي dvd وكنت ساعتها بشارك في المنتندي في موضوع مش فاكر اسمه لكن كان بيناقش احوال مصر ولاقتني باكتب كلام فيه الكثير من المراره وكتبت ان دا بسبب مشاهدتي لهذا الفيلم الحقيقه هو فيلم معمول كويس والمخرج نجح فيه انه يبكينا علي حالنا مع اني لم اري ولم اتعايش مع اهل العشوائيات دي فيه حوالينا عشوائيات لكن مش دي

يمكن فيه مبالغه شويه في بعض المواقف او التصرفات لكن هو فيلم بيكشف اسلوب تعامل السلطه وطريقه حلها للمشاكل كمان اداء بعض ادوار الممثليين غايه في الاتقان اولهم هاله فاخر

طبعا شوفت الفيلم لوحدي بعد العيال مانامو وبعدين خفيته علشان الاولاد لسه صغيرين 10,8 سنوات

لغه الحوار بتاعه الفيلم لغه حقيره مع انها قريبه للواقع جدا للاسف

فيلم زي دا المفروض يتكتب عليه مش للكبار فقط لا للمصريين فقط

ما يعرضه ويفضحه ويناقشه لا يخص الا المصريين وفقط

للحديث بقيه علشان ماتش نهائي اوروبا

[badroora]

ابراهيم ........معرفش اسمه الحققي ايه ...كنت حاسة انه بيحاول يقلد محمد سعد

فى طريقة نطقه الخاطيء للالفاظ زى اللمبي بالظبط .

في مقطع لـ (ابراهيم) ده اللي انا برضه معرفش اسمه

بيتهيألي ان دي الحسنه الوحيده فـ الفلم ..بيقول

الدبدبات نزلت الشارع و عملو حزء تجول..قلت انزل اتفرج على حزء التجول ده..

مشينا ف وسط الدبدبات لا حد قلنا انتو مين .. و لا حد حس بينا حتى

تخلل....هو احنا مش موجودين..و لا احنا مش بينين

الظاهر اننا دخلنا الدنيا دي و هنخرج منها و احنا مش بينين

و انا مش عارف ليه كانت طلبه معايا اني اخلف..عليه الطلاق انا حمار

اخلف عيال عشان يدخلو الدنيا دي و يخرجو منها و هما مش بينين.....كبر :)

ماشاء الله ..حافظ النص كله انا مش باقر انا بس باستغرب

شوف كلامه قد ايه يوجع ناس حسه انها فى الدنيا ضيوف وهيخرجوا منها ضيوف ........منك لله يا مبارك :blink:

[abaomar]

السلام عليكم

الاخوه الكرام جزاكم الله خيرا

الاخت الكريمه د بدريه

للاسف اختى شاهدت اجزاء كبيره من الفيلم و اكثر من مره و قراءت عنه اكثر و اكثر سواء القصه او نقدها و اكثر ما تابعته هو الحوار الذى تم مع ممثلى العمل على القاهره اليوم مع عمرو اديب و طريقه كلام المخرج ( عليه من الله ما يستحق ).

ما اود قوله اخوتى انه بالتاكيد هناك نقاط سوداء داخل الصوره لتكتمل فليس من العدل ان اقرب عينى الى تلك النقاط بحيث لا ارى غيرها مما يكمل الصوره.

بالتاكيد ايضا ان هناك طرق اكثر احتراما و حضاريه عند مناقشه هكذا مواضيع للوصول الى حلول لا لمجرد التشهير فقط و اثبات الحضور حتى لو كان ذلك على حساب الاخلاق و القيم فى مجتمع يترنح تحت دعاوى الانفتاح و الفجور ذات الخلفيه العلمانيه .

تاكدى اختى ان المشاهد الذى يظل ساعتين يشاهد كل الموبقات فى الفيلم و طريقه العرض و الاخراج المغريه (المزريه ) خصوصا فيما يتعلق بسميه الخشاب الذى تفنن المخرج فى ابراز كل مؤهلاتها الجسديه و لكى ان تركزى فى مشهد رقصها و طريقه نظر غاده عبد الرازق لها فى شهوانيه حيوانيه مقيته.

المشاهد(خصوصا الشباب ) بعد الفيلم صدقينى لن ينظر تلك النظره الفلسفيه للواقع و وو و انما لن يتذكر سوى مشاهد الدعاره و الاغتصاب و السحاق و تلك التى سوف تظل فى الذاكره و لنا فى افلام عادل امام العبره حيث كان يظل طوال الفبلم يرتكب المحرمات من سرقه و زنا وو ثم يتم القبض عليه فى اخر 5 دقائق و بشكل مختزل و ما يعلق فى الذهن من مناظر او حتى افيهات خلال فتره الانفلات فى الفيلم . تحياتى

تم تعديل 30 يونيو 2008 بواسطة abaomar

[badroora]

السلام عليكم ورحمة الله وبركاتة ......

الاخ العزيز .....ابا عمر .........جزانا الله وجزاكم كل الخير ان شاء الله ... :D

انا انضحك على ودخلت الفيلم مشفر :rolleyes: انا مشوفتش الشذوذ اللى كان فى الفيلم ولا حتى

لقطة اغتصاب هالة فاخر .. انا طبعا للاسف معرفش قنوات التليفزيون فين بس لما لاقيت

حضرتك كتبت تعليقك اليوم عملت بحث على يوتيوب وشوفت برنامج عمرو اديب ولقائه مع

المخرج خالد يوسف وابطال الفيلم .

واخدت بالى لما ذكر مشهد سومية الخشاب وغادة عبدالرازق واعتراضة على عدم التنبيه بأن

الفيلم للكبار فقط وكان مستاء منها جدا .

الفيلم اللى شوفته كان محذوف منه مشاهد كتيرة وكمان كان مكتوب للكبار فقط . بس مش دى

المشكلة يعنى اللى تستاهل عشان عمرو اديب يكبرها ويعملها حجته .

يعنى هو كل همه الاطفال وابنه اللى هتشوف الفيلم طيب معترضتش ليه على الاطفال اللى فى

الفيلم وسنهم ااقل من 19 سنه ؟ تناقض غريب .!!

انا بردوا من خلال رؤيتى للفيلم انه فيلم ممتاز والمشاهد الخارجة او الشاذة اللى مشوفتهاش

حتى لو شوفتها مكنتش هتعنيني كثير لانه واقع ومينفعش نغمض عنينا عنه ونقول المفروض

تلميح مش تصريح .

يا أبا عمر .....تنتظر ايه من ناس تحت خط الفقر عايشين فى اوضة واحدة اب وام بتمارس

حياتها الطبيعية امام اطفالها ونقول المفروض يكونوا مثاليين .

كون الفيلم لم يذكر ايجايبات او ان الفيلم كله سلبي مش معناه ان كل العشوائيات كدا وان مافيش

حد كويس يبقي كدا الفيلم مبالغ فيه او انه مجرد فرقعه اعلاميه .

هاديك مثال ......احنا فى مهنتنا مثلا لما نحب نحذر الناس من اضرار التدخين بنبدأ باسوائها

عشان الناس تدرك ان الامر خطير ..علب السجاير مكتوب عليها ان التدخين ضار جدا

بالصحة وانه سبب مباشر للوفاة .

هل ينفع لما اجى ادى محاضرة تثقيف صحى للناس لمساعدتهم لللاقلاع عن التدخين اقولهم

والله الى الان لم نجد دراسة او بحث شافي كافى بينص على ان التدخين سبب مباشر للوفاة

وانه فقط عامل مساعد . وابدأ اسرد امثله على ناس بتدخن بقالها 30 سنه ومجرلهاش حاجة .!!!

اذن الهدف من الفيلم هو القاء الضوء على المساويء حتى يتم الالتفات اليها ولكن لو جبت

نماذج كويسة يبقي الطبيعي طيب ماهوم دول ناس ودول ناس ايش معنى دول حالهم اتقلب

ودول ناس ناجحين .!!!

انا بدون مبالغة بكيت من بداية الفيلم لاخرة وكل المشاهد اللى لم تقص محستش انها خارجة او

خادشة للحياء لانى مش بانظر لكل مشهد على حدا. يعنى مثلا اللى ركز على مشهد سومية

الخشاب مع عمرو وترك باقي المشهد .ام نايمة على الكنبه وكام عيل نايمين ع الارض

ومافيش غطى وكلهم عريانين . بالذمة انهى الاقوى عشان الواحد يركز فيه .

بالعكس المشهد دا انا حزنت جدا من نومة العيال خلف خلاف ع الارض وكلهم فى اوضه واحدة .

الشذوذ موجود فى حياتنا ومينفعش نغمض عنينا عنه المفروض نبرزة عشان نعرف نعالجة ودا

دورنا فى الحياة البحث عن المساويء والقاء الضوء عليها مش ننكرها وندفن رؤسنا فى الرمل .

تم تعديل 30 يونيو 2008 بواسطة Badria Mekkawy