ما هو الاستثمار الامن فى مصر

[abuaya]

السلام عليكم و رحمة الله و بركاته ، الاخوة الاعزاء ، ما مزايا و عيوب الاستثمار فى كل من الذهب/ العقار / الزراعة ، و هل هناك فرص اخرى للاستثمار الامن فى مصر ؟

و جزاكم الله خيرا

[مصري أصيل]

السلام عليكم و رحمة الله و بركاته ، الاخوة الاعزاء ، ما مزايا و عيوب الاستثمار فى كل من الذهب/ العقار / الزراعة ، و هل هناك فرص اخرى للاستثمار الامن فى مصر ؟

و جزاكم الله خيرا

الأستثمار في العقار أفضلهم و أنا رأيي الشخصي أن لو معاك جنيه واحد زايد عليك وتقدر تشتري بيه عقار أشتري و لا أظن أن شراء العقارات به عيوب الا الهم عيب واحد وهو أنه عندما تنوي شراء عقار أو أرض وتتردد فيها ثم تسمع بعدها أن هذا العقار أرتفع سعره أضعاف مضاعفه حينها تحس بالندم . هذا هو العيب الوحيد.

أما الأستثمار في الذهب فهو ممتاز أيضاً و من الممكن ان يتراجع سعر الذهب في أيام ولكن يعود للصعود بصورة أكبر من السابق .

أما الأستثمار في الزراعه فلا أستطيع أن أجيبك عنها تقبل تحياتي.

[ahmedarab]

العزيز abuaya

بالرغم من اتفاقى على ان الذهب والعقار أستثمار غالبا ما يكون مربح وعدم المامى بالزراعة ..الا انى افضلها لانها النوع الوحيد الذى يثمر او يسفر عنةانتاج شىء

للاسف مع ما نراة الان فى مصر اعتقد بأنة لا يوجد استثمار وحيد امن تماماً 100% فكل شىء لة مخاطرة ..ولا يعلم الغيب الا الله

بس اعتقد ان اكثر استثمار امن من الـ 3 أنواع التى تفضلت حضرتك بذكرهم هـو الذهــب ...من حيث اتجاة السعر الدائم للصعود ولو حتى بوتيرة غير متسارعة ..ولكنة فى صعود دائم... العقارات ايضا مربحة ..لكن لها دورة واعتقد اننا الان فى ذروة تلك الدورة ..والاسعار فى اعلى ما يكون، بالاضافة الى انه اقل امن بكثير من الذهب.

اما عن الزراعة فكنت أتمنى انى افيد حضرتك .لكن للاسف ليس لدى اى خبرة فى هذا المجال

تقبل تحياتى

[muslim4ever]

من فلسفة المال فى الاسلام

خصوصية المال وعمومية المنفعة

وفى اعتقادى ان انسداد قنوات الاستثمار فى مصر وبطء التنمية والنمو هو استثمار كثير من الناس فى الطوب والاسمنت (العقار) او تكنيز الذهب وهاذان النوعان لا

يفيدان الا صاحبها بشكل مباشر ولا يعود على التنمية والنمو بشىء يذكر بعكس الاستثمار فى الصناعة او الزراعة فهما الاساس للنهضة والنمو .

ولكن العذر الوحيد انه لا ثقة فى الاستثمار فى مصر.

[مصري أصيل]

من فلسفة المال فى الاسلام

خصوصية المال وعمومية المنفعة

وفى اعتقادى ان انسداد قنوات الاستثمار فى مصر وبطء التنمية والنمو هو استثمار كثير من الناس فى الطوب والاسمنت (العقار) او تكنيز الذهب وهاذان النوعان لا

يفيدان الا صاحبها بشكل مباشر ولا يعود على التنمية والنمو بشىء يذكر بعكس الاستثمار فى الصناعة او الزراعة فهما الاساس للنهضة والنمو .

ولكن العذر الوحيد انه لا ثقة فى الاستثمار فى مصر.

طيب يبقي نخلينا في المضمون أحسن والا أيه.

يعني أنا أعرف شخص أشتري أرض أستصلاح و لأنه ليس عنده أي خبره في الزراعه بدلاً من أن يزرع فدان واحد ويري النتيجه وضع كل ما يملك في كامل الأرض ولكن للأسف لم ينجح الزرع وخسر كل ما يملك والأن يحاول أن يستعيد ما فقده ولكن ببطء شديد .

[هشام عباس]

اعتقد ان احسن واأمن استثمار حاليا في مصر هو الأستثمار في العقارات لأنه وبمنتهى البساطه مفيش اي عقار قيمته بتقل وكمان ممكن العقار ميكونش بمبلغ كبير جدا زي الي محتاجه مثلا الأستثمار في الصناعه او الزراعه فيه عقارات تمنها مش كبير ومع ذلك التجاره فيها لها عائد كبير جدا جدا لذا انا رأيي ان الأفضل الأستثمار في العقارات

والذهب كمان أمن الى حد كبير لكن العائد من تجارته اقل من التجاره في العقارات

[muslim4ever]

من فلسفة المال فى الاسلام

خصوصية المال وعمومية المنفعة

وفى اعتقادى ان انسداد قنوات الاستثمار فى مصر وبطء التنمية والنمو هو استثمار كثير من الناس فى الطوب والاسمنت (العقار) او تكنيز الذهب وهاذان النوعان لا

يفيدان الا صاحبها بشكل مباشر ولا يعود على التنمية والنمو بشىء يذكر بعكس الاستثمار فى الصناعة او الزراعة فهما الاساس للنهضة والنمو .

ولكن العذر الوحيد انه لا ثقة فى الاستثمار فى مصر.

طيب يبقي نخلينا في المضمون أحسن والا أيه.

يعني أنا أعرف شخص أشتري أرض أستصلاح و لأنه ليس عنده أي خبره في الزراعه بدلاً من أن يزرع فدان واحد ويري النتيجه وضع كل ما يملك في كامل الأرض ولكن للأسف لم ينجح الزرع وخسر كل ما يملك والأن يحاول أن يستعيد ما فقده ولكن ببطء شديد .

اذاً المشكلة ليست فى الزراعة ولكن فى الفكر

هو لم يستعين باهل الاختصاص برغم وجود شركات ومكاتب زراعية استشارية لهذا العمل ولكن لا يلجاء اليها احد

هذا الشخص الذى تعرفة استاذى العزيز مثلة الاف فعلوا نفس المشكلة وتخيلوا ان الاستثمار الزراعى مجرد شوية ميه على بذرة و انتظر الملايين

لكل علم اهلة واختصاصة ومشكلتنا فى الفهلوة وعدم دراسة المشاريع بشكل علمى منظم

الكل عايز يكسب لنفسة وميكسبش الاخرين

تحياتى

[ahmedarab]

اعتقد ان احسن واأمن استثمار حاليا في مصر هو الأستثمار في العقارات لأنه وبمنتهى البساطه مفيش اي عقار قيمته بتقل وكمان ممكن العقار ميكونش بمبلغ كبير جدا زي الي محتاجه مثلا الأستثمار في الصناعه او الزراعه فيه عقارات تمنها مش كبير ومع ذلك التجاره فيها لها عائد كبير جدا جدا لذا انا رأيي ان الأفضل الأستثمار في العقارات

والذهب كمان أمن الى حد كبير لكن العائد من تجارته اقل من التجاره في العقارات

عزيزى استاذ هشام

متفق مع حضرتك وعموما هناك مبداء اقتصادى بيقول انة كلما زادت المخاطرة ...زاد الربح او الخسارة والمقصود هنا بالمخاطرة عدة عوامل اهمتلك العوامل هو راس المال المستخدم فى الاستثمار.

الاستثمار العقارى ليس امن للدرجة اللى حضرتك متخيلة ...ودة يرجع لعدم وجود الثقة والضمير وجوا عدم الشفافية العام السائدة فى السوق المصرى حاليا

ضيف على ذلك الارتفاع الرهيب فى اسعار العقارات فى كل مصر وخصوصا القاهرة وضواحيها ..... انا اتخيل ان سعر الشقق فى بعض احياء القاهرة قد يصل لمبلغ يمكنك من فتح وتشغيل وادارة مصنع صغير او ورشة كبيرة فى اى مجال صناعى.

الذهب مكسبة اقل لكن مخاطرة اقل بكثير جدا من الاستثمار فى المجال العقارى .بالاضاة لانى اعتقد ..ودة فى راي المتواضع ان سرعة الزيادة الحالية فى اسعار العقارات لن تستمر ..وسوف نشهد فترة مقبلة سوف يتم تثبيت أسعار العقارات فيها او سوف تكون الزيادة بنسب بسيطة مفارنة بما يحدث الان

تحياتى للجميع :blink:

[aimen]

كلام جميل جدا بس ممكن اسأل سؤال غبى ( معلش )

ازاى استثمر فى الذهب ؟ هل اشترى جنيهات ذهب واتركها للمستقبل أم اشترى مصوغات ؟؟؟ مش فاهم

فى رأيى الأفضل هو مشروع تجارى أو صناعى بس المشكلة ماهو ؟ وماهو رأس المال ؟ وكمان من سيشغل هذا المشروع ؟؟ مثلا انا بالخارج ونفسى اعمل مشروع فى مصر يشغل ولو عامل واحد بس المشكلة اضمن ازاى جدية من يعمل هناك؟؟؟

زمان كنت بأفكر اعمل محطة تحلية للمياة ؟ عندنا فى طنطا يجى 22 شركة وكلها تعمل والموضوع مش مكلف قوى ممكن 50 -60 الف يضبطوا الموضوع لكن مين يمسك ومين يدير ومين يتابع

وللحديث بقية

[ahmedarab]

عزيزى ايمن

سؤال حضرتك مش غبى ولا اى حاجة

الفكرة كله قائمة على أن سعر الذهب عموما فى ارتفاع مستمر ..سواء كان جنيهات ذهبية او مشغولات باى عيار (18،21 او 24)

على سبيل المثال لو فرض ان جرام الدهب الان بسعر 150 جنية ضيف علية فى حدود 15 جنية مصنعية ودمغة وضرايب والحركات دى. يبقى سعر الجرام اجمالى 165 جنية

فى الحال دى اى سعر لجرام الدهب اكتر من 165 جنية هيعتبر مكسب ..وطبعا السعر دة مش بعيد وممكن فى خلال عدة اشهر يوصل لة ويفوقه ايضاً

فممكن فى خلال عدة سنوات حضرتك مثلا تلاقى الجرام اصبح 250 او 300 جنية وهكذا ..والفكرة ايضا فى انك لو مش كسبت مش هتخسر لان سعر الجرام مش بيقل بالعكس دة فى صعود مستمر.

ارجو انى اكون عرفت اشرح الفكرة

تحياتى

[الحاج فوزى]

ملحوظة بخصوص الإستثمار فى الذهب ..

طبعاً عند الشراء يضاف قيمة المصنعية .. وهى تعتبر خسارة فورية للمستثمر

لذا هناك بعض المحلات التى تبيع الذهب الكسر .. أى الذهب المباع بدون مصنعية تذكر ..

أو طبعاً سبائك الذهب نفسها ..

الإستثمار فى العقار طبعاً أحسن .- حالياً -

بالأخص لأنه سيوفر دخل شهرى بجانب إستثمار المدى البعيد . . فى حالة الإستثمار فى الشقق مثلاً .

يعنى عند شراء شقة مثلاً بـ 200 ألف .. ثم تأجيرها إيجار جديد شهرياً ستوفر عائد ، وعند البيع سيضاف الربح ما يزيد عن الـ 200 ألف .. وهكذا .

كذلك الإستثماء فى المحلات التجارية .. مثل الشقق السكنية .. تؤجر المحل بعائد شهرى جيد ، بالإضافة إلى إنماء مالك المخزن فى العقار ..

فى حالة الإستثمار فى الآراضى .. الموضوع يحتاج لخبرة بعض الشىء .

الإستثمار فى الزراعة .. يفيدنا فيها زميل عزيز غائب .. كوكو واوا أتمنى من من يعرف له طريق أن يبلغه التحية والإشتياق لمناكفته :blink:

[محمد عبدالعزيز]

بالنسبة للاستثمار فى العقارات يجب الأخذ فى الاعتبار الضريبة العقارية المنتظرة والتى إن صدر القانون الخاص بها وتم تفعيلها فسوف تغير -من وجهة نظرى الشخصية- كثيراً فى حسابات المكسب والخسارة بالنسبة للعقارات.

بالنسبة للاستثمار فى الذهب, يجب أيضاً الأخذ فى الاعتبار أنك ستخرج زكاة هذا الذهب إذا بلغ النصاب وحال عليه الحول, ﻷنه فى هذا الحالة بغرض الاستثمار وليس بغرض الزينة.

بالطبع الاستثمار فى الذهب والعقارات آمن, ولكن كما قال الأخ muslim4ever, مصلحته تعود على صاحب المال فقط, ونحن كما قال الجميع نعانى من عدم الثقة فى الاستثمار فى بلادنا ونعانى كذلك من انخفاض معدلات التنمية وارتفاع معدلات البطالة, فيا حبذا لو ساهم أصحاب الأموال فى تغيير هذا الواقع للأفضل وسن سنة حسنة يكون لهم أجرها وأجر من عمل بها وذلك عن طريق مشاريع صناعية وزراعية تحتاجها بلادنا وشعوبنا, مع الأخذ بكل أسباب النجاح من دراسة جدوى للمشاريع ودراسة السوق والاعتماد على الكفاءات والمتخصصين والإخلاص وإتقان العمل والتوكل على الله بعد ذلك وإن شاء الله يكون النجاح والمكسب حليفهم لأن الله تعالى يقول: "إن الله لا يضيع أجر من أحسن عملاً".

[ابو ماجد]

بعد السلام والتحية

عندنا في المملكة مثل يقول (العقار ولد بار) والعقار معروف من قدم انه ما ياكل ولا يشرب ولا يفسد بمرور الزمن ولا تروح موضته

بس لي نقطه اني اشتريت ارض في طريق الاسماعيلية زي ما الناس في مصر اشترت وبنيت عليها استراحة ونويت ان شاء الله افرش في الصيف

ولما دخلت على موضوع (أراضي طريق مصر الاسماعيلية الصحرواي) ما نمت بعدها

ممكن تدخلوا الموضوع وتشوفون هل الاستثمار في العقار امن او اي كلام

وسامحوني

[قديم]

الذهب ( الطريقه المثلي للاحتفاظ بالذهب هو عن طريق شراء كميات من الذهب الخام الغير مصنــع ( او شراء اوقيــه ذهب او انوصــه وتباع قطعـه واحده زي النقود المعدنيــه وسعرها ثابت )

العقار بانواعــه شقق اراضي مزارع ...الخ ..المصانــع ... او الاستيراد والتصديــر ..او بيــع الخرده وغيرها من اوجـه الاستثمار

ما ينطبق علي فلان لا ينطق علي الاخــر . ولكل نشاط خبراءه وطريقت التعامل بـه

ولو نظرنا الي الاستثمار في العقاربابسط صورها وهو شراء قطعـه ارض والانتظار عليها فتــره وبيعها بعد مده بمكسب ...

من واقع تجربــه ولا انني اقول انها فكره غلط او استثمار غير مربح بل هي حسب ضروف كل انسان

فالارض عيوبها انك تضع فيها ملبغ وقدره.. وتنتظر سنوات لتحقيق المكسب . واحيانا تحتاج الي ملبغ من المال لاي ضرف من ضروف الحياه . ولاتستطيع تدبيره . فتحتاج الي القرض . او ان تبيع الارض بخساره .. .. فتجد نفسك فقيرا ومحتاجا وانت تملك عقار بمـلغ ....الخ

العقار الاستثماري _ شقق او محلات .. البعض يقول ان عائدها لا يوزاري قيمتــها فدخل الشقه او العماره لا يساوي 6% من ثمنها . ويرى انه دخل قليل يعني الوديــعه افضل ..

انا هنا لا اقلل من اهميــه العقار ولكنني اقول ان اي نشاط له اسراره وما يناسب فلان لا يناسب علان

عموما الاستثمار في العقار لمن لديـه مبلغ فايض عن حاجتـه يعتبر ممتاز

وشكرا علي الطرح

[ziad]

بسم الله الرحمن الرحیم

أخوكم مغترب,له رأى فى موضوع الأستثمار ده

كام نقطه كده لازم نركز فيهم قبل ما نتكلم

ـ ليه هتستثمر ؟

ـ إيه خططك المستقبليه على مدى خمس وعشر سنين ؟

ـ هل أستثمر فى مصر ولا عندى فى الغربه ؟

يا ريت كل واحد يسأل نفسه كل سؤال من دول,بالنسبه للعقارات فده أستثمار آمن ومريح ولا بتأكله ولا تشربه ولا بتعبره أساسا أللهم إلا وش بلاستيك كل خمس سنين وتمن تصليح السلم والاسانسير عشان تخلى زبونه فيه ,بس بعد كلام ريسنا عن ضريبة تسقيع الأرض فأنا أرجو التروى لحد ميصدر حاجه رسمى,طيب الدهب,هقول الدهب الدهب ونصيحتى أشترى أى حاجه تقع تحت إيد مراتك,مراتى لما كنا فى مصر جاتلها واحده تعرفها عايز تبيع دهبها عشان ضائقه ماليه,مرتى عرضت عليا,الحاجه أتمنت عند صايغ وطبعا عشان مستعمل مفيش مصنعيه,والحمدلله الدهب على فوق العشرين جندى فى الجرام.

فى ميزه مش طبيعيه الناس ناسيها,نفترض أن حسنين أشترى عقار بنفس سعر الدهب إلى أشتراه محمدين,بعد خمس سنين الجوز أحتاجو الفلوس,حسنين هينزل إعلان فى الجرايد ويستقبل ناس يتفرجو ويعاينو ويحاولو يخسفو فى السعر على قد أستطاعتهم ولو متباعتش هيسلم رقبته والمفتاح لسمسار غالبا مش أمين وكمان هياخد نسبه,وطبعا بيع عقار يعنى صبر و وقت,لكن محمدين هياخد المدام وياخد معاه الكام جنيه دهب والسبكتين وشوية الدهب الى عنده ويركب عربيته وينزل عند الصاغه فى أى مدينه مصريه ويجيب أربع خمس أسعار ويبيع وهو واقف فى مشوار لايتعدى الساعه,فلوسه فى جيبه ,وخلصت الدنيا,فلو فرضنا أن قيمة دهب محمدين زادت بنفس قيمة عقار حسنين وده فرض جدلى لأن الدهب بتزيد قيمته أكتر يبقى أفضل أستثمار الدهب وسهولة الحصول على السيوله فى أى وقت

فى أستثمار ثالث وهو المفضل شخصيا عندى بس للأسف نازل سجن بوغريب قصدى الشغل

[aimen]

كلام جميل جدا بس مازلنا ندور فى فلك الحاجات الثابتة عقار - ذهب - ارض مش عارف المفروض يكون للى فى الخارج دور فى فتح مجال رزق للى بالداخل يعنى أنا افضل--

المشروعات ولو كانت صغيرة ومتعددة مثلا امس واحد زميلى عرض على الدخول فى محل موبايلات ( فقط ادفع 5000 ) أو الدخول فى شراء سيارة نصف نقل ( مبلغ 30000) أو الدخول فى مشتريات اجهزة كمبيوتر بنفس المبلغ أو الدخول فى تجارة الغلال أو الحبوب اثناء فترة الجمع بتاعتها خصوصا اننا فى الأرياف

طبعا كل واحد بيفكر على قدر السيولة المتوفرة معه وعلى قدر امكانياته

مش عارف يمكن انا تفكيرى غريب شوية بس انا اعتقد العقار يهم صاحبة فى المقام الأول ولن يساعد احدا سواه بمعنى انى افضل ان اعمل فى تجارة ولو مردودها معقول عن الدخول فى العقار ( يمكن تفكيرى يتغير بعد فترة --)

مشكلة اقتراحى وجود من يعتمد عليهم ومن لا ينظروا الى العمل بمبدأ - يا عم دا فى الخليج مش فارقه معاه وكمان الفكرة وكمان مدى تقبل السوق نفسه والبلد نفسها ( اخاف الواحد يعمل ابو العريف ونلاقى بتوع الجباية متشطرين علينا زى العادة )

شاكر لكم مشاركاتكم القيمة

ودا موقع عليه دراسات جدوى لمشاريع وافكار حلوة

http://www.kenanaonline.com/

[أسد]

موضوع التنمية الإقتصادية في مصر

قد يكون من وحي تلك الأفكار ..

قراءته قد تفيد

http://www.egyptiantalks.org/invb/index.php?showtopic=55238

[ziad]

الأستثمار الثالث وبالمناسبه أنا بتكلم عن أستثمارات يقدر يقوم بيها المغتربين فى حالة عدم وجود أقارب أو أصحاب نثق فيهم,الأستثمار ده هو البورصه المصريه,عارف أن كلمة بورصه بتجيب هرش وإحمرار وساعات أنتفاخ,كل مقول بورصه الناس تفتكر فترات الخساره بس محدش يفتكر فترات الربح الطويله,أفضل أستثمار فى البورصه المصريه هو صناديق الأستثمار,يعنى إيه؟؟؟

صناديق الأستثمار هو في قيام عدد كبير من المستثمرين بتجميع مواردهم وإدارتها بمعرفة مؤسسات مالية لتحقيق المزايا التي لا يمكن لهم تحقيقيها منفردين، فضلاً عن أن المخاطر التي يتعرض لها المستثمر في الصندوق تعتبر اقل من تلك التي قد تواجه من يستثمر أمواله في السوق مباشرة حيث أن ضخامة عدد الأسهم والسندات التي تحتفظ بها الصناديق تخفف من الآثار التي قد يخلفها تراجع أي من الأدوات على الأداء الكلي للمحفظة الاستثماريه

بالعربى يعنى أنا وأنت وغيرنا مش جامدين فى الأسهم نروح نتجمع مع بعض ونجيب واحد جامد ونديلو فلوسنا ونديله نسبه من المكسب,عن تجربه شخصيه بتكلم فى 15% عائد فى أقل من شهرين

[أسد]

بالعربى يعنى أنا وأنت وغيرنا مش جامدين فى الأسهم نروح نتجمع مع بعض ونجيب واحد جامد ونديلو فلوسنا ونديله نسبه من المكسب,عن تجربه شخصيه بتكلم فى 15% عائد فى أقل من شهرين

جامد ازاي يعني ؟؟؟

[kazabaza]

استفسار بخصوص الذهب في السعودية

هل طريقة البيع تختلف عنها في مصر يعني في مصر الي اعرفه انه يتم خصم المصنعيه و الدمغه و يتم البيع حسب سعر الجرام يوم البيع

طيب هنا في السعودية إيه إلي بيحصل لان مفيش لا مصنعيه و لا دمغه

و ماهو الأفضل الشراء من السعودية و البيع في مصر و لا البيع في السعودية؟

و هل السفر بمصوغات ذهبيه له تعامل معين في المطار واخص جدة و القاهرة

طبعا مش بنتكلم على كميات كبيرة لا بنتكلم عن كميات بسيطة

و هل في اماكن يفضل الشراء منها في جدة؟

مع الشكر